Лука 12
12
12 къаьм
Иса асгьабла̄л аᵸкълова нийацца
1Вагьалълъо мехлаъ гьаза-гьазайла̄д аьдамла къацӀобакна йукъо къолӀолаба̄лъи зукъойо. Сидил гьоᵸсо бовацилло гьаьллъилакьа зукъойо гьоллос иш. Иса гьакъкъа Гьинила асгьабла̄хъа икълашал уьᵸхолъийо:
– Вере миже цӀуми ба̄хъ фарисейла̄ла хашилакьас, гьай гьоллола къонда̄ моькьоколъи йо̄вакьас. 2Гьоᵸсна йуᵸцойо жо йикъечӀе гьихлъаъас, вагьла̄зу гьоᵸсна балъгояб жона загьир йахъечӀе гьихлъаъас. 3Вагьалълъобза нише колӀлӀаъ нисойо жо, качелълъол тухъцаслъи йикъе; эᵸдда̄ла билӀоъкьа̄ лъо̄лади аьᵸгъалагъа нисойо йаьже, кьама̄кьалкьа̄ нисона лъо̄нназу тухъцаслъи йикъе. 4Мизохъа, Диела гьалмагъла̄хъа, нисос: магъо бикьецала̄хъа гьийабацӀа̄къа#12:4 Мизол хел мокъолцала̄хъа гьийабацӀа̄къалӀо нисойо маъна гей., тӀокӀаб гьоллохъа мизол гьоьшшона йогьна йахъаъас. 5Амма нисал мизохъа, лъо̄хъа гьийабацӀал нуцӀоцасна. Миже гьийабачӀе, бийакьена муьгъатта̄ журжагьлиъ тӀуватӀиллина ба̄хъийахъа. Гьула мизохъа нисос – гьоллохъа гьийабачӀе. 6Къон ассарийаъ#12:6 Ассарий – Рим шагьарбаъ бадо̄лъо гьаьлтӀизи йогьцас нуьшшо окко. гаьъад бохал михъос лъина мигьна. Амма гьолло мигьна̄сна тӀалаб-агъаз бо̄с, Аллагьлил гьоᵸсна мигьнана шоъанна шоъаъаш. 7Мизола къаьмкьа гаьгьийо гьули кеᵸйана хъогьна гей. Пал гьаьсил, миже гьийабацӀа̄къа: телила мигьна̄гъа хириябла гей миже. 8Гьуна мизохъа нисос: Аьдамла̄дой аьᵸйда̄ дие рахъ бохийо сукӀос, Аллагьлила малаикла̄дой аьᵸйда̄ Аьдамлила Оьждина рахъ бохца. 9Аьдамла̄дой аьᵸйда̄кьа Дӣкьас инкар бо̄йо сукӀокьас, Аллагьлила малаикла̄дой аьᵸйда̄ гьолцокьас Дона инкар бо̄с.
10Аьдамлила Оьждихъа данде йаьже нисойо сукӀокьас Аллагь кьодос тилӀкис, амма Илагьияб Ругьликьа калӀ йиᵸхъо̄йо жо йекӀийакьас кьодос тилӀкаъас.
11Синагоглиъна бейажена, халла̄дойна гьаькимла̄дойна аьᵸйда̄ баьгъбаъинна беченна муьгъатта̄, миже гьоллокьас цӀуми ба̄хъалъгъа сийоди нисалласна, йаги нӣйо жаваб нилӀалласна ургъел боха̄къа. 12СудлӀо нисода Илагьияб Ругьли малъзи йовас вагьаклӀо саъатбаъ мизол нисал нуцӀоцас жо.
Аьнтаб бечедаб сукӀокьас хабар
13Сидцойсола халкъилаъ алӀолакьа̄ нисойо Гьолцохъа:
– Йа̄ Муалим! Ниса диела истӀихъа ирслис дил мехецас бутӀа нилӀалӀо нисона!
14Иса гьолцохъа нисойо:
– Йе аьдам, мизос даьъба-диван болъолална ирс битӀанна голло сукӀод гей До?
15Бета Гьолцо къацӀцӀолахъа нисойо:
– Вере миже хъантӀлъилакьас цӀуми ба̄хъ, судлӀо нисода дуниялликьа тели бахъийа боцӀи-ризкъилакьа бараб гаьъа аьдамлис оьмро.
16Вагьла̄на нисона, Гьолцо ме̄йо гьоᵸс хабар.
– Гьоᵸс бечедабли сукӀола мицалъ йахъна гей йокӀонна гьаьл мокъойхъеэш тели муькъо. 17Гьинис гьинил пикро богьна гей: «Сийод до йовал, муькъо гулал оьлло маьче гаьъа̄ъ?» 18НисойолӀо: «Гьуна до вагьда̄ йовал: келла̄ баькьлана кейашена гьоллогъа йукъа̄на ицӀцӀа̄на баькьла йовагьал, бета бахъийо хъибона гаьгьийо бечелъина эᵸдо йуьᵸхолал. 19Бета до диела ругьлихъа нисал: „Йа̄ дие ругь! Гьуна дул лади лӀӣйаъ оьлло кен-оᵸхна бечелъина гей. Раьгьат бокча: беш, хулӀа, кеп бокча гьаᵸже ми“». 20Вагьлиъис Аллагьли нисона гей гьолцохъа: «Йа̄ аьнтаб инсан! Жейса нише дибо ругь багъас. Лъо̄лди гьихлъос ми йокӀолло бечелъи?» 21Вагьаллийо бахъца дуниялликьа бечелъи йокӀолло сукӀос къисмат. Аллагьлидой аьᵸйда̄ гьули бечедаб гаьъа.
Иса асгьабла̄хъа ургъел боха̄къалӀо нисос
22Бета Иса Гьинила асгьабла̄хъа нисойо:
– Вагьалълъобза мизохъа нисос: сийоле йакӀил йуьᵸхъал йатӀалла̄лӀона оᵸхасна, сийоле магъокьа лъицӀал йатӀалла̄лӀона лъицӀосна ургъел боха̄къа. 23СудлӀо нисода кенлигъа аьᵸйда̄ш гей ругь, лъицӀогъа аьᵸйда̄ш гей магъо.
24Гъаьдла̄хъа гуцӀобахъ миже: гьолло йа муькъо йиᵸзаъас, йа йуьᵸваъаш, йа гьоллос амбар-баькьна гаьъа, амма Аллагьли гьолло̄л йегъабакӀца. Амма мигьна̄гъа ласо хирияблад зогъал миже! 25Лади миже бикье-баькьедана лъо̄хъана бахъалди мизос оьмро гьоᵸс водо бихалокӀна? 26ИтӀино жо йогьна йахъаъцаса миже, йукъо йовал суд бикье-баькьеш?
27Мицалъ гаьгьийа цӀикла-диъила̄хъа гуцӀобахъ: гьолло йа йоьхош йоваъас, йа гъечӀе йоваъас. Амма гьуна мизохъа До нисос: гьинила машгьурлъилаъ гьакъкъана Сулайман аварагли лъичӀеэш вагьалло диъила̄ лъичӀейа лъицӀогъа кьухъийо лъицӀо. 28Йа̄ миже, йакӀиъ даьгьаб божи гаьгьийо уммат! Жейса мицалъ гаьгьийа, хиса цӀоъ гулцала диъи-бохална Аллагьли вагьаллийо кьухъийо лъицӀо лъичӀеллъо, ла кӀетӀо лъицӀод мизол лъичӀелал.
29Вагьалълъобза мижена, сийоле йуьᵸхъаллӀона келлисна, сийоле хулӀаллӀона хулӀоцала жойласна, ургъел бова̄къа. 30Дуниялликьа гаьгьийа аьламли вагьли жо йиᵸзца. Амма мизола Абол йикъеш мизол вагьли йаццаслъи. 31Миже аьмал бова Аллагьлила Парчагьлиъ кези бахъал, бади гьихлъо̄ шинаб Гьолцо мизол кьодона ницца.
32Миже гьийабацӀа̄къа, итӀино рехъен! СудлӀо нисода илла Абос мизол Парчагьлъи нилӀал хийал гей. 33Мизосзу боцӀи-ризкъина мисона садакъа̄ йовагьа. Йа̄ьхаъчаш-йоьᵸшойбацӀаъцас боьъована йовагьа, гьаᵸсаъ гаьгьийо бугъаъцас, къокъаъцас хазинана бокӀола. Гьоло хазина гьаᵸсаъ йа гигьлагийа муцаъас, йа сидала муьхъаъаш. 34Мизос хазина гаьлълъа̄чо мизос йакӀона йахъца.
Нитоназу гьаьдурса бецал нуцӀоцалас насигьат
35Нитоназу тицӀийа оᵸхакьа йеᵸйахенна къачӀази бахъна бече, гувахъинна кана йечабаннейа. 36Бейтелликьа эᵸкьейо билӀос бетӀергьан оᵸкъаллахъа гувабацӀона бечейа̄ нукарлалъийа ба̄хъ мижена – Гьогцо оᵸкъона, къоьпӀлӀоллоназу аᵸц йеᵸгьалъгъа. 37Гьардарабла гей бетӀергьан оᵸкъоцал буьчаба̄хечӀе мийахъова̄ лагъла. Гьаькъкъаб жо нисос мизохъа: гьолцо бетӀергьалли вагьаллийа нукарла̄л оьло лагъла̄с лъицӀона лъичӀеш, истӀолийагъа къе̄на беченна гьолло̄л хъуллухъна бо̄с. 38Гьардарабла гей нито оᵸкъодана: йалӀохъовадда̄, йаги хиссакьа вагьалла̄ оᵸкъаллахъа гувабацӀона бечейа̄ лагъла. 39Амма мизол йикъеш: билӀола бетӀергьаллил гигьлаги оᵸкъоцас мех бикъешкъода̄, гьолцо гигьлагийад йоᵸсо йоьᵸтӀоллаъаш га̄ь. 40Мижена гьаьдурлъилаъ бече нитоназу, судлӀо нисода Аьдамлис Оьжо мизол икъаъцала мехлаъ оᵸкъас.
Божи бовал бахъцасна хиянатабна
41Вагьалълъо мехлаъ Петери Исахъа нисойо:
– Йа̄ БетӀерчӀахъаяв! Илолди Ми вагьло мисал бакъос, йаги къацӀцӀо халкъилалнади?
42Кьодда̄ла Иса жаваб нилӀийо:
– Гьоᵸс пуланабли сукӀол, къацӀцӀа̄ лагъла̄с тӀалабна бовалӀо гьоллол боглаъ кен-оᵸхна нилӀалӀо нисона эчаннейо лагъ, бетӀергьан оᵸкъоцал ахо уьᵸхо-аьᵸхена огьдацас иᵸхъода, гьули аᵸкълояб лагъ ахъца. 43БетӀергьалли гьини нисогъа йогьна иᵸхъойо лагъ гьардараб гей. 44Гьаькъкъаб жоцой нисос мизохъа: бетӀергьалли гьолцохъа нилӀас къацӀцӀо гьинила билӀо-аᵸхас ханлъи. 45Амма нагагь вагьла̄ эчаннейа лагъли, гьинис бетӀергьан гьех-мех оᵸкъаъаслӀо нисона лагълана гъарабашлана ба̄ькьелал уьᵸхолъда, гьула̄зу эс-хулӀовакьа водбона йеᵸйагьда, цихназуна ахъда, 46гьолцол бетӀергьан оᵸкъаллӀо йакӀкьа гаьчӀеэшла водиъ, гьолцол бикъаъцала мехлаъ оᵸкъас; бета гьули алӀлӀода̄ аьхелас, капурабла̄л бо̄йо тамбигь бовас. 47Гьинкьа тӀаддаб иш бовал нуцӀоцаслъи йикъедана, бетӀергьалли нисогъана йоваъалъ, ахона уьᵸхо-аьᵸхаъалъ, лагълил тели чурукь йеᵸхас. 48Гьинил йикъечӀе йахъийа такъсирлъилал йоькькьа чурукь йеᵸхас. Лъо̄хъасназу, тели нилӀийахъас дӣс тӀалаб йовас, букъо божи бо̄вахъас дӣс нисолас.
ЦӀона къонда̄ бийатӀийолъина
49ЦӀона йоᵸкъолал гогьна гей До дуниялликьа. Дил вагьга̄ йилӀа йатӀна гей же цӀойс бибидаро бахъал! 50До йукъо эᵸхе йагъал нуцӀос. Букъа ургъелликьа гей До нитоле вагьли йахъалла̄лӀона. 51Мизол гицца зогъас До дуниялликьа рекъел бовал гогьналӀона? ГаьъалӀо нисос мизохъа, къонда̄ бийатӀал гогьна. 52Вагьалълъобза желагъа муьгъатта̄ гьоᵸс хъизаллиъ лъин сукӀос къонда̄ бийатӀийолъи йахъца: лъана къонил данде эцас, къона лъанил данде эцас. 53Къонда̄ бийатӀна або оьждил данде, оьжо абол данде, ийо киббал данде, кид ийол данде, йукъо ийо гьинила оьждила ахъхъал данде, ахъо йукъа ийол данде бейацас.
«Же заман нӣйо гаьгьийона суд мизол бикъаъас?»
54Иса халкъилал хитӀаб богьна нисойо:
– Бохъ тӀика̄цода̄кьа гьаᵸс цӀодололъда, вагьаллиъисзу миже нисос водис гьаᵸс гейлӀо нисона. Вагьла̄ нисогъана йахъца. 55Къилмалиъда̄кьа залӀо йикьеда, боьгьи бахъцалӀо нисос. Вагьла̄ боьгьина бахъца. 56Къонда̄ моькьова̄ш миже! Гьаᵸса-мицас гьаьл батӀа йовал бикъеш мизол, суд вагьдо заман нӣйо гаьгьийона бикъаъас? 57Суд миже мизос мизокьа пикро богьна нисаъас – сийо битӀараб гаьгьийона? 58Масала, дӯлъ даьъба богьцас сукӀона мина къадидой диваллил мекьес зогъда, гьокцодой мекьешлаъ миже ба̄хъал йаьгь багъа. Бетана гьокцо сукӀо ми къадидой хъахъалӀолца; къади ми нилӀас эᵸдо гувалцала сукӀохъа, гьогцо ми тӀусагъийаъ тӀотӀас. 59Нисос дӯхъа, гисакаъас ми тӀусагъийаъас, мӯь-муьгъатта̄ гьихлъойо окко нилӀеэш.
Currently Selected:
Лука 12: KapPROLUK
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)
Лука 12
12
12 къаьм
Иса асгьабла̄л аᵸкълова нийацца
1Вагьалълъо мехлаъ гьаза-гьазайла̄д аьдамла къацӀобакна йукъо къолӀолаба̄лъи зукъойо. Сидил гьоᵸсо бовацилло гьаьллъилакьа зукъойо гьоллос иш. Иса гьакъкъа Гьинила асгьабла̄хъа икълашал уьᵸхолъийо:
– Вере миже цӀуми ба̄хъ фарисейла̄ла хашилакьас, гьай гьоллола къонда̄ моькьоколъи йо̄вакьас. 2Гьоᵸсна йуᵸцойо жо йикъечӀе гьихлъаъас, вагьла̄зу гьоᵸсна балъгояб жона загьир йахъечӀе гьихлъаъас. 3Вагьалълъобза нише колӀлӀаъ нисойо жо, качелълъол тухъцаслъи йикъе; эᵸдда̄ла билӀоъкьа̄ лъо̄лади аьᵸгъалагъа нисойо йаьже, кьама̄кьалкьа̄ нисона лъо̄нназу тухъцаслъи йикъе. 4Мизохъа, Диела гьалмагъла̄хъа, нисос: магъо бикьецала̄хъа гьийабацӀа̄къа#12:4 Мизол хел мокъолцала̄хъа гьийабацӀа̄къалӀо нисойо маъна гей., тӀокӀаб гьоллохъа мизол гьоьшшона йогьна йахъаъас. 5Амма нисал мизохъа, лъо̄хъа гьийабацӀал нуцӀоцасна. Миже гьийабачӀе, бийакьена муьгъатта̄ журжагьлиъ тӀуватӀиллина ба̄хъийахъа. Гьула мизохъа нисос – гьоллохъа гьийабачӀе. 6Къон ассарийаъ#12:6 Ассарий – Рим шагьарбаъ бадо̄лъо гьаьлтӀизи йогьцас нуьшшо окко. гаьъад бохал михъос лъина мигьна. Амма гьолло мигьна̄сна тӀалаб-агъаз бо̄с, Аллагьлил гьоᵸсна мигьнана шоъанна шоъаъаш. 7Мизола къаьмкьа гаьгьийо гьули кеᵸйана хъогьна гей. Пал гьаьсил, миже гьийабацӀа̄къа: телила мигьна̄гъа хириябла гей миже. 8Гьуна мизохъа нисос: Аьдамла̄дой аьᵸйда̄ дие рахъ бохийо сукӀос, Аллагьлила малаикла̄дой аьᵸйда̄ Аьдамлила Оьждина рахъ бохца. 9Аьдамла̄дой аьᵸйда̄кьа Дӣкьас инкар бо̄йо сукӀокьас, Аллагьлила малаикла̄дой аьᵸйда̄ гьолцокьас Дона инкар бо̄с.
10Аьдамлила Оьждихъа данде йаьже нисойо сукӀокьас Аллагь кьодос тилӀкис, амма Илагьияб Ругьликьа калӀ йиᵸхъо̄йо жо йекӀийакьас кьодос тилӀкаъас.
11Синагоглиъна бейажена, халла̄дойна гьаькимла̄дойна аьᵸйда̄ баьгъбаъинна беченна муьгъатта̄, миже гьоллокьас цӀуми ба̄хъалъгъа сийоди нисалласна, йаги нӣйо жаваб нилӀалласна ургъел боха̄къа. 12СудлӀо нисода Илагьияб Ругьли малъзи йовас вагьаклӀо саъатбаъ мизол нисал нуцӀоцас жо.
Аьнтаб бечедаб сукӀокьас хабар
13Сидцойсола халкъилаъ алӀолакьа̄ нисойо Гьолцохъа:
– Йа̄ Муалим! Ниса диела истӀихъа ирслис дил мехецас бутӀа нилӀалӀо нисона!
14Иса гьолцохъа нисойо:
– Йе аьдам, мизос даьъба-диван болъолална ирс битӀанна голло сукӀод гей До?
15Бета Гьолцо къацӀцӀолахъа нисойо:
– Вере миже хъантӀлъилакьас цӀуми ба̄хъ, судлӀо нисода дуниялликьа тели бахъийа боцӀи-ризкъилакьа бараб гаьъа аьдамлис оьмро.
16Вагьла̄на нисона, Гьолцо ме̄йо гьоᵸс хабар.
– Гьоᵸс бечедабли сукӀола мицалъ йахъна гей йокӀонна гьаьл мокъойхъеэш тели муькъо. 17Гьинис гьинил пикро богьна гей: «Сийод до йовал, муькъо гулал оьлло маьче гаьъа̄ъ?» 18НисойолӀо: «Гьуна до вагьда̄ йовал: келла̄ баькьлана кейашена гьоллогъа йукъа̄на ицӀцӀа̄на баькьла йовагьал, бета бахъийо хъибона гаьгьийо бечелъина эᵸдо йуьᵸхолал. 19Бета до диела ругьлихъа нисал: „Йа̄ дие ругь! Гьуна дул лади лӀӣйаъ оьлло кен-оᵸхна бечелъина гей. Раьгьат бокча: беш, хулӀа, кеп бокча гьаᵸже ми“». 20Вагьлиъис Аллагьли нисона гей гьолцохъа: «Йа̄ аьнтаб инсан! Жейса нише дибо ругь багъас. Лъо̄лди гьихлъос ми йокӀолло бечелъи?» 21Вагьаллийо бахъца дуниялликьа бечелъи йокӀолло сукӀос къисмат. Аллагьлидой аьᵸйда̄ гьули бечедаб гаьъа.
Иса асгьабла̄хъа ургъел боха̄къалӀо нисос
22Бета Иса Гьинила асгьабла̄хъа нисойо:
– Вагьалълъобза мизохъа нисос: сийоле йакӀил йуьᵸхъал йатӀалла̄лӀона оᵸхасна, сийоле магъокьа лъицӀал йатӀалла̄лӀона лъицӀосна ургъел боха̄къа. 23СудлӀо нисода кенлигъа аьᵸйда̄ш гей ругь, лъицӀогъа аьᵸйда̄ш гей магъо.
24Гъаьдла̄хъа гуцӀобахъ миже: гьолло йа муькъо йиᵸзаъас, йа йуьᵸваъаш, йа гьоллос амбар-баькьна гаьъа, амма Аллагьли гьолло̄л йегъабакӀца. Амма мигьна̄гъа ласо хирияблад зогъал миже! 25Лади миже бикье-баькьедана лъо̄хъана бахъалди мизос оьмро гьоᵸс водо бихалокӀна? 26ИтӀино жо йогьна йахъаъцаса миже, йукъо йовал суд бикье-баькьеш?
27Мицалъ гаьгьийа цӀикла-диъила̄хъа гуцӀобахъ: гьолло йа йоьхош йоваъас, йа гъечӀе йоваъас. Амма гьуна мизохъа До нисос: гьинила машгьурлъилаъ гьакъкъана Сулайман аварагли лъичӀеэш вагьалло диъила̄ лъичӀейа лъицӀогъа кьухъийо лъицӀо. 28Йа̄ миже, йакӀиъ даьгьаб божи гаьгьийо уммат! Жейса мицалъ гаьгьийа, хиса цӀоъ гулцала диъи-бохална Аллагьли вагьаллийо кьухъийо лъицӀо лъичӀеллъо, ла кӀетӀо лъицӀод мизол лъичӀелал.
29Вагьалълъобза мижена, сийоле йуьᵸхъаллӀона келлисна, сийоле хулӀаллӀона хулӀоцала жойласна, ургъел бова̄къа. 30Дуниялликьа гаьгьийа аьламли вагьли жо йиᵸзца. Амма мизола Абол йикъеш мизол вагьли йаццаслъи. 31Миже аьмал бова Аллагьлила Парчагьлиъ кези бахъал, бади гьихлъо̄ шинаб Гьолцо мизол кьодона ницца.
32Миже гьийабацӀа̄къа, итӀино рехъен! СудлӀо нисода илла Абос мизол Парчагьлъи нилӀал хийал гей. 33Мизосзу боцӀи-ризкъина мисона садакъа̄ йовагьа. Йа̄ьхаъчаш-йоьᵸшойбацӀаъцас боьъована йовагьа, гьаᵸсаъ гаьгьийо бугъаъцас, къокъаъцас хазинана бокӀола. Гьоло хазина гьаᵸсаъ йа гигьлагийа муцаъас, йа сидала муьхъаъаш. 34Мизос хазина гаьлълъа̄чо мизос йакӀона йахъца.
Нитоназу гьаьдурса бецал нуцӀоцалас насигьат
35Нитоназу тицӀийа оᵸхакьа йеᵸйахенна къачӀази бахъна бече, гувахъинна кана йечабаннейа. 36Бейтелликьа эᵸкьейо билӀос бетӀергьан оᵸкъаллахъа гувабацӀона бечейа̄ нукарлалъийа ба̄хъ мижена – Гьогцо оᵸкъона, къоьпӀлӀоллоназу аᵸц йеᵸгьалъгъа. 37Гьардарабла гей бетӀергьан оᵸкъоцал буьчаба̄хечӀе мийахъова̄ лагъла. Гьаькъкъаб жо нисос мизохъа: гьолцо бетӀергьалли вагьаллийа нукарла̄л оьло лагъла̄с лъицӀона лъичӀеш, истӀолийагъа къе̄на беченна гьолло̄л хъуллухъна бо̄с. 38Гьардарабла гей нито оᵸкъодана: йалӀохъовадда̄, йаги хиссакьа вагьалла̄ оᵸкъаллахъа гувабацӀона бечейа̄ лагъла. 39Амма мизол йикъеш: билӀола бетӀергьаллил гигьлаги оᵸкъоцас мех бикъешкъода̄, гьолцо гигьлагийад йоᵸсо йоьᵸтӀоллаъаш га̄ь. 40Мижена гьаьдурлъилаъ бече нитоназу, судлӀо нисода Аьдамлис Оьжо мизол икъаъцала мехлаъ оᵸкъас.
Божи бовал бахъцасна хиянатабна
41Вагьалълъо мехлаъ Петери Исахъа нисойо:
– Йа̄ БетӀерчӀахъаяв! Илолди Ми вагьло мисал бакъос, йаги къацӀцӀо халкъилалнади?
42Кьодда̄ла Иса жаваб нилӀийо:
– Гьоᵸс пуланабли сукӀол, къацӀцӀа̄ лагъла̄с тӀалабна бовалӀо гьоллол боглаъ кен-оᵸхна нилӀалӀо нисона эчаннейо лагъ, бетӀергьан оᵸкъоцал ахо уьᵸхо-аьᵸхена огьдацас иᵸхъода, гьули аᵸкълояб лагъ ахъца. 43БетӀергьалли гьини нисогъа йогьна иᵸхъойо лагъ гьардараб гей. 44Гьаькъкъаб жоцой нисос мизохъа: бетӀергьалли гьолцохъа нилӀас къацӀцӀо гьинила билӀо-аᵸхас ханлъи. 45Амма нагагь вагьла̄ эчаннейа лагъли, гьинис бетӀергьан гьех-мех оᵸкъаъаслӀо нисона лагълана гъарабашлана ба̄ькьелал уьᵸхолъда, гьула̄зу эс-хулӀовакьа водбона йеᵸйагьда, цихназуна ахъда, 46гьолцол бетӀергьан оᵸкъаллӀо йакӀкьа гаьчӀеэшла водиъ, гьолцол бикъаъцала мехлаъ оᵸкъас; бета гьули алӀлӀода̄ аьхелас, капурабла̄л бо̄йо тамбигь бовас. 47Гьинкьа тӀаддаб иш бовал нуцӀоцаслъи йикъедана, бетӀергьалли нисогъана йоваъалъ, ахона уьᵸхо-аьᵸхаъалъ, лагълил тели чурукь йеᵸхас. 48Гьинил йикъечӀе йахъийа такъсирлъилал йоькькьа чурукь йеᵸхас. Лъо̄хъасназу, тели нилӀийахъас дӣс тӀалаб йовас, букъо божи бо̄вахъас дӣс нисолас.
ЦӀона къонда̄ бийатӀийолъина
49ЦӀона йоᵸкъолал гогьна гей До дуниялликьа. Дил вагьга̄ йилӀа йатӀна гей же цӀойс бибидаро бахъал! 50До йукъо эᵸхе йагъал нуцӀос. Букъа ургъелликьа гей До нитоле вагьли йахъалла̄лӀона. 51Мизол гицца зогъас До дуниялликьа рекъел бовал гогьналӀона? ГаьъалӀо нисос мизохъа, къонда̄ бийатӀал гогьна. 52Вагьалълъобза желагъа муьгъатта̄ гьоᵸс хъизаллиъ лъин сукӀос къонда̄ бийатӀийолъи йахъца: лъана къонил данде эцас, къона лъанил данде эцас. 53Къонда̄ бийатӀна або оьждил данде, оьжо абол данде, ийо киббал данде, кид ийол данде, йукъо ийо гьинила оьждила ахъхъал данде, ахъо йукъа ийол данде бейацас.
«Же заман нӣйо гаьгьийона суд мизол бикъаъас?»
54Иса халкъилал хитӀаб богьна нисойо:
– Бохъ тӀика̄цода̄кьа гьаᵸс цӀодололъда, вагьаллиъисзу миже нисос водис гьаᵸс гейлӀо нисона. Вагьла̄ нисогъана йахъца. 55Къилмалиъда̄кьа залӀо йикьеда, боьгьи бахъцалӀо нисос. Вагьла̄ боьгьина бахъца. 56Къонда̄ моькьова̄ш миже! Гьаᵸса-мицас гьаьл батӀа йовал бикъеш мизол, суд вагьдо заман нӣйо гаьгьийона бикъаъас? 57Суд миже мизос мизокьа пикро богьна нисаъас – сийо битӀараб гаьгьийона? 58Масала, дӯлъ даьъба богьцас сукӀона мина къадидой диваллил мекьес зогъда, гьокцодой мекьешлаъ миже ба̄хъал йаьгь багъа. Бетана гьокцо сукӀо ми къадидой хъахъалӀолца; къади ми нилӀас эᵸдо гувалцала сукӀохъа, гьогцо ми тӀусагъийаъ тӀотӀас. 59Нисос дӯхъа, гисакаъас ми тӀусагъийаъас, мӯь-муьгъатта̄ гьихлъойо окко нилӀеэш.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)