Лука 11
11
11 къаьм
Иса асгьабла̄л доьъа бовал малъзи бо̄с
1Гьоᵸс пуланаб мицаъ Иса тӀаъатлиъ гаьгьийаъ, Гьолцос гьари-доьъа болъолъ, сидцойсола асгьабли Гьолцохъа нисолца:
– Йа̄ БетӀерчӀахъаяв! Ягья гьинила асгьабла̄л малъзи бо̄ваъцой, Ми илолна доьъа-гьари бовал малъзи бова.
2Гьогцо гьоллохъа нисос:
– Доьъа богьцалаъ вагьда̄ ниса:
«Йа̄ Або, Дибо ца̄ᵸ аьдамла̄ илагьияб бикӀзи йовала,
Дибо Парчагьлъи йоᵸкъала;
3Шибаб водиъ баццас баьба илол нилӀа;
4Илла мунагьла̄кьас кьодос тилӀки, судлӀо нисода илена къацӀцӀола илол кешлъи йо̄вакьас кьодос тилӀбакца.
Ми илос гьаьл бикъелална уьᵸхолъа̄къа».
5Бетана Иса гьоллохъа нисос:
– Мизола сидцойсолас ахъас гьоᵸс гьалмагъ. ЙалӀохъовадда̄ гьогцодой билӀогъа эᵸкьена ми нисас: «Йа̄ гьалмагъ, боцӀол лъана баьба нилӀа ми дил, 6судлӀо нисода сапарлиъис гьоᵸс гьалмагъ оᵸкъона гей дидой, гьолцодой аьᵸйда̄ гулал кен гаьъа дие». 7НилӀалди дул гьогцо билӀоъ эᵸдолакьа̄ вагьаддийо жаваб: «Дие раьгьат бугъола̄къа: аᵸцна гъешена гей, къована буьчабахена гей дидой мокӀолаъ, до аьгъиъна ахъаъас дул баьба нилӀал». 8Мизохъа до нисос: нагагь гьули аьгъиъна гьалмагълис къимат богьна баьба нилӀаъда, кьодос олъечӀе гьарзи йо̄вахъа, аьгъиъна гьокцо дул оьлло баьба нилӀца.
9Вагьалълъобза До мизохъа нисоцас гей: Гьарзи йова миже – мизол нилӀас, йиᵸза миже – йиᵸхъас, аᵸц къоьпӀлӀола – мизол йеᵸгьас. 10СудлӀо нисода шибабли гьарзи йо̄вал ницца, йиᵸзийал йиᵸхъос, аᵸц къоьпӀлӀолла̄л йеᵸгьеш. 11Мизоъ эᵸдо гейд гьоᵸсдана або оьжди биса бокӀлъо, гьолълъола мицаъ гьолцохъа бекела ниццас? 12Йаги цӀемуцӀ гьарзи бо̄лъ, эггу гьолцол аькъараб нилӀалди? 13Пал гьаьсил, лъакъейа̄ гаьлъдана, къовал кӀетӀо шинаб жо мизол нилӀал йаццалаъ, гьарзи йо̄вал ла телид нилӀал гьаᵸсаъла Або Илагьияб Ругьлис йоᵸкъойо кӀетӀо шинаб жо!
Исад йаги зинналла̄с ханди?
14Гьакъкъас сид сукӀола магъоъос Иса боцӀийо аьдам йаьжегаччо огьцас гьоᵸс зиннал. Зиннал болъона муьгъатта̄ гьули сукӀо икълашал уьᵸхолъийо, гьолълъокьа халкъна гьайран бахъийо. 15Амма халкъилаъ эᵸдо гаьгьийа̄ садло нисос зукъойо, Гьолцо инсаллиъис зинналла йоваццалӀо зинналла̄с хан Беэлзебуллила комаклид. 16Иса икъелал атӀна, бадло аьдамла̄ гьолцохъас тӀалаб йо̄с зукъойо гьаᵸсаъас аьламат бегалалӀо нисона. 17Гьоллола йакӀиъ гаьгьийо жона йикъена, Иса нисойо гьоллохъа:
– Улкалиъ сидхъа-гьоᵸсо аьдамла бейагъда, гьули йоьчӀолъча; хъизан къонда̄ битӀда, гьолона бугъос. 18Нагагь илбисла̄с Парчагьлъи къонда̄ йитӀда, нигъад гьоллос ханлъи гьихлъал? Мижейаъ нисос До зинналла аьдамла̄ъаш Беэлзебуллила комаклид йоваццалӀо. 19Нагагь До гьолло̄л Беэлзебуллила комаклид йовацца зовагъда, мизола къова лъо̄ла комаклидди йовацца? Вагьалълъобза мизол гьолло̄л къадилъилаъ ба̄хъца. 20Амма До зинналла Аллагьлила гьаьлкӀолъилад йуьвагьонна йовацӀлъо, гьай-гьай Аллагьлис Парчагьлъи мизокьана йоᵸкъойо. 21Ко̄ъ ярагъна жуна сид залимабли сукӀо гьинис билӀо цӀуми йо̄с зогъда, гьолцола боцӀи-ризкъилал гьинкъи гаьъа. 22Гьолцогъа къуватаб сукӀо кьодо огицӀда, гьули уьволаш, гьолълъокьа йакӀо йоᵸкъойо йарагъна гьолцохъас йагъос, бета боцӀи-ризкъина битӀца. 23Дӣгъой къацӀо гаьччо сукӀо Дил данде эчейо ахъца. Дӣгъой къацӀцӀо боцӀи бокӀолаъцала бокӀоллона цацакӀзи бо̄с.
Зиннал гьинила билӀоъ мекьеш
24Инсаллиъис гисакна муьгъатта̄, гьинил раьгьат-гьаьлки мизна чикейо зиннал лъи гаьччо авлахъла̄ъ кӀаьйлӀош. Гьолона михъечӀе гьолълъо нисос: «Жу гисакийа билӀоъ кьа̄ь мекьеда, ахо гейлӀо». 25Кьа̄ь мокъолъ, гьолълъол билӀо лъаьлӀена, ахо къачӀази йогьна, йиᵸхъос. 26Бета гьолълъо зинналли гьингъана лъакъейа̄ алӀна зиннал бакъоллис. Гьолло̄л гьулиъ эᵸдо йечеш. Аьᵸйда̄ зукъоваълагъана лъакъейа азаблиъ ахъца гьули сукӀо гьолълъогъа муьгъатта̄.
27Иса вагьла̄ нисослаъ, ийодда̄ла аьдамли халкъилаъ эᵸдолакьа̄, лъо̄нназу тухъинна, нисос:
– Гьардараб гей Ми о̄йо,
Дул нене нилӀийо, Дибо Ийо!
28Амма Гьолцо жаваб нилӀийо:
– Гьардарабла гей Аллагьлис калам тухъийа̄на, гьолълъокьа муьхомахейа̄на!
Юнус авараглис аьламат
29Тели халкъ къацӀобаклъо, Иса нисойо:
– ЙилӀа пасадаб гей же замаллис уммат! Гьолло аьламат мизца. Юнус авараглис аьламатта̄ъ, тӀокӀаб бадо аьламат гьолло̄л бега̄ъас.
30Ниневиялила#11:30 Ниневия – Юнус аварагли ваъза-насигьат бо̄лъ, тавба бо̄йо мунагьла̄с боцӀна зукъойо шагьар. халкъилал Аллагьли аьламатлилаъ э̄ᵸйо Юнус аварагцой, вагьалӀо умматлил аьламатлъилал Аьдамлис Оьжо ахъца. 31Къиямасаб водиъ вагьалӀо умматлигъой гьисаб-суаллил йаьгъиъца къилмалилъда̄ гаьгьийо йукъо пача#11:31 Сабаъ улкалис Билкъис пача.. ГьоглӀо гьоддо̄л ритӀухъабла боваъас, судлӀо нисода дунияллила раъалликьас гӣйо гього Сулайман авараглила йаьжла̄хъа энекзи йахъал. Гьуна гьолӀоъ гей Сулайман авараглигъана кьодда̄с! 32Ниневиялис халкъна баьгъбаъча къиямасаб водиъ гьисаб-суаллил вагьалӀо же замаллила умматлигъой. Гьоглона гьоддо̄л ритӀухъабла боваъас, судлӀо нисода Юнус авараглила ваъзалахъа жуво̄л энекзи бахъна муьгъатта̄, гьидена тавба бо̄лъ. Гьуна гьолӀоъ гей Юнусгъана кьодда̄с!
Гухъилла сантелийакьас хабар
33БилӀоъ гухъилло сантели лъона йега̄ъцала мицаъ гулассаъ, йаги гьули кьодо хаьтӀа-шаг гунна кьаьхъашшаъ; эᵸдо гугьцала̄л канлъи йахъалъгъа, канаргъолкьа кьодо гулца гьули сантели. 34Инсаллила магъос чирахъ йахъца гьаьй. Дибо гьаьй йаᵸцо̄ зогъда, канлъи йоᵸкъос дибола къацӀцӀо магъоъ. Дибо гьаьй дугълӀо̄ зогъда, дибо магъона колӀлӀо бахъийо. 35Пал гьаьсил, гоцӀохъ, дибо гаьгьийо канлъи дахход гей? 36Дибо къацӀцӀо магъо канлъилас боцӀна зогъда, гьоᵸсна боцдийо лагана зогъаъда, бета ми ахъца бабала лампала дул канлъи йикьеллийаълъийо.
Фарисейлана диниябла аьлимлана какзи бовагьца
37Исас ваъза болъолъ, сид фарисейли Гьули эсал окӀийо. БилӀоъ оᵸкъолъ, Иса супралдой гьица къе̄ эчейо. 38Фарисей гьайран ахъна гьихлъойо, Иса ко̄да низабайчӀе эсал къе̄ эчелъ. 39Кьодда̄ла Иса гьолцохъа нисойо:
– Же миже, фарисейла̄, жигар багъос цӀараъ кьодтуцӀо низа̄л, амма миже эᵸдос чикейа̄ гей; миже эᵸдо хъантӀлъиласна симасна бовацӀна. 40Аᵸкъло гаьчча̄ миже! Лъод гиса гаьгьийо жо йахъинна, Гьолцозу гаьъад эᵸдо гаьгьийона йахъинна? 41Мизоъ эᵸдо гаьгьийо жо миже нилӀцакъода̄ садакъацой, мизос къацӀцӀо жо йаᵸцас га̄ь. 42Балагь-азаб мизол, фарисейла, судлӀо нисода миже закаъатлил нилӀца самлисна, садаблисна#11:42 Садаб (рута) – бохас ца̄ᵸ., баддо̄нна кенлиъ тувакӀцала боха̄сна ацӀонас бутӀа, амма ритӀухълъиласна Аллагьлиъ рокьиласна миже тӀалаб боваъас; гьулина йовал нуцӀос, вагьдисона йойчӀе йечаннейал йахъаъас. 43Балагь-азаб мизол, фарисейла, судлӀо нисода мизол йацца мизола синагогла̄ъ бадлогъа аьᵸйда̄ ба̄хъал, гьула̄зу аьдамла къацӀобакӀийа мицаъ мизол рец-салам бовал. 44Балагь-азаб мизол, судлӀо нисода миже гей йегаба̄ъцас шуна̄лъийа; кьодолакьа̄ мекье-гугьцала аьдамла̄л гьогго̄л йегаба̄ъас.
45Вагьалълъо мехлаъ гьоᵸс диниябли аьлимли нисос Гьолцохъа:
– Йа̄ Муалим! Вагьаллийо йаьжбона нийасона, Ми илена нуькучӀчӀа̄ъ бовагьца.
46Амма Гьолцо нисос:
– Мизокьана – диниябла аьлимла̄кьана – мокъос балагь-азаб, судлӀо нисода миже аьдамла̄ла михъа̄кьа гулца йежена йахъаъцас йаькъ, мизоллӀо нисода гьолълъол зокьона мехелал батӀаъас. 47Балагь-азаб мизол, судлӀо нисода мизола умумаллила абола̄ бийакьейа аварагла̄ла шуна̄кьа кьодо мазарла#11:47 Мазар – ахо къачӀази йо̄йо шуна, мавзолей. йовагьлъо. 48Вагьалълъос миже нуьъла гей. Миже йегалца мизола умумалли йо̄йо жо битӀараб гаьгьийолъи. Гьогло аварагла бийакьейо, мижелӀо нисода умумалли бийакьейа̄ аварагла̄ла шуна̄кьа мазарла йовагьца. 49Вагьалълъобза Аллагьлила Аᵸкълола нисона гей: «До гьоглодой авараглана чапарлана мейагьал, амма гьоллоллӀо нисода гьоᵸсо бийакьас, гьоᵸсо бовацӀас». 50-51Дуниял бижжи бахънас Гьабиллиъкьа̄ муьхолъна Аллагьлила билӀоъ къурбан мухоцала мицаъ алӀо икьейо Закария аварагликьа мокъоцал къе̄ ме̄йо гьеᵸйас гьаькъ боцӀоллис гьодло умматлид. Гьуна До нисос мизохъа: вагьадло умматлихъас тӀалаб бовас бийакьейа̄с къе̄ мекьейо гьеᵸйас гьаькъ. 52Балагь-азаб мизол, диниябла аьлимла̄л, судлӀо нисода миже йоькчина гей лъайлис йига, амма мижена эᵸдобакеэш, эᵸдобакал батӀийа̄на мейэш.
53-54Вагьла̄ ваъзана богьна гисакна кьа̄ь эᵸкьецалаъ, диниябла аьлимла̄на, фарисейла̄на, Гьолцокьа симабахъона кьодо гӯваъцой Гьули къорлиъ охалъгъа, бетана лади жойлас нисолца зукъойо. Гьоллол йатӀна зукъойо Иса нигъади нисова йаьжла̄кьа охна аьйиб мокъолал.
Currently Selected:
Лука 11: KapPROLUK
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)
Лука 11
11
11 къаьм
Иса асгьабла̄л доьъа бовал малъзи бо̄с
1Гьоᵸс пуланаб мицаъ Иса тӀаъатлиъ гаьгьийаъ, Гьолцос гьари-доьъа болъолъ, сидцойсола асгьабли Гьолцохъа нисолца:
– Йа̄ БетӀерчӀахъаяв! Ягья гьинила асгьабла̄л малъзи бо̄ваъцой, Ми илолна доьъа-гьари бовал малъзи бова.
2Гьогцо гьоллохъа нисос:
– Доьъа богьцалаъ вагьда̄ ниса:
«Йа̄ Або, Дибо ца̄ᵸ аьдамла̄ илагьияб бикӀзи йовала,
Дибо Парчагьлъи йоᵸкъала;
3Шибаб водиъ баццас баьба илол нилӀа;
4Илла мунагьла̄кьас кьодос тилӀки, судлӀо нисода илена къацӀцӀола илол кешлъи йо̄вакьас кьодос тилӀбакца.
Ми илос гьаьл бикъелална уьᵸхолъа̄къа».
5Бетана Иса гьоллохъа нисос:
– Мизола сидцойсолас ахъас гьоᵸс гьалмагъ. ЙалӀохъовадда̄ гьогцодой билӀогъа эᵸкьена ми нисас: «Йа̄ гьалмагъ, боцӀол лъана баьба нилӀа ми дил, 6судлӀо нисода сапарлиъис гьоᵸс гьалмагъ оᵸкъона гей дидой, гьолцодой аьᵸйда̄ гулал кен гаьъа дие». 7НилӀалди дул гьогцо билӀоъ эᵸдолакьа̄ вагьаддийо жаваб: «Дие раьгьат бугъола̄къа: аᵸцна гъешена гей, къована буьчабахена гей дидой мокӀолаъ, до аьгъиъна ахъаъас дул баьба нилӀал». 8Мизохъа до нисос: нагагь гьули аьгъиъна гьалмагълис къимат богьна баьба нилӀаъда, кьодос олъечӀе гьарзи йо̄вахъа, аьгъиъна гьокцо дул оьлло баьба нилӀца.
9Вагьалълъобза До мизохъа нисоцас гей: Гьарзи йова миже – мизол нилӀас, йиᵸза миже – йиᵸхъас, аᵸц къоьпӀлӀола – мизол йеᵸгьас. 10СудлӀо нисода шибабли гьарзи йо̄вал ницца, йиᵸзийал йиᵸхъос, аᵸц къоьпӀлӀолла̄л йеᵸгьеш. 11Мизоъ эᵸдо гейд гьоᵸсдана або оьжди биса бокӀлъо, гьолълъола мицаъ гьолцохъа бекела ниццас? 12Йаги цӀемуцӀ гьарзи бо̄лъ, эггу гьолцол аькъараб нилӀалди? 13Пал гьаьсил, лъакъейа̄ гаьлъдана, къовал кӀетӀо шинаб жо мизол нилӀал йаццалаъ, гьарзи йо̄вал ла телид нилӀал гьаᵸсаъла Або Илагьияб Ругьлис йоᵸкъойо кӀетӀо шинаб жо!
Исад йаги зинналла̄с ханди?
14Гьакъкъас сид сукӀола магъоъос Иса боцӀийо аьдам йаьжегаччо огьцас гьоᵸс зиннал. Зиннал болъона муьгъатта̄ гьули сукӀо икълашал уьᵸхолъийо, гьолълъокьа халкъна гьайран бахъийо. 15Амма халкъилаъ эᵸдо гаьгьийа̄ садло нисос зукъойо, Гьолцо инсаллиъис зинналла йоваццалӀо зинналла̄с хан Беэлзебуллила комаклид. 16Иса икъелал атӀна, бадло аьдамла̄ гьолцохъас тӀалаб йо̄с зукъойо гьаᵸсаъас аьламат бегалалӀо нисона. 17Гьоллола йакӀиъ гаьгьийо жона йикъена, Иса нисойо гьоллохъа:
– Улкалиъ сидхъа-гьоᵸсо аьдамла бейагъда, гьули йоьчӀолъча; хъизан къонда̄ битӀда, гьолона бугъос. 18Нагагь илбисла̄с Парчагьлъи къонда̄ йитӀда, нигъад гьоллос ханлъи гьихлъал? Мижейаъ нисос До зинналла аьдамла̄ъаш Беэлзебуллила комаклид йоваццалӀо. 19Нагагь До гьолло̄л Беэлзебуллила комаклид йовацца зовагъда, мизола къова лъо̄ла комаклидди йовацца? Вагьалълъобза мизол гьолло̄л къадилъилаъ ба̄хъца. 20Амма До зинналла Аллагьлила гьаьлкӀолъилад йуьвагьонна йовацӀлъо, гьай-гьай Аллагьлис Парчагьлъи мизокьана йоᵸкъойо. 21Ко̄ъ ярагъна жуна сид залимабли сукӀо гьинис билӀо цӀуми йо̄с зогъда, гьолцола боцӀи-ризкъилал гьинкъи гаьъа. 22Гьолцогъа къуватаб сукӀо кьодо огицӀда, гьули уьволаш, гьолълъокьа йакӀо йоᵸкъойо йарагъна гьолцохъас йагъос, бета боцӀи-ризкъина битӀца. 23Дӣгъой къацӀо гаьччо сукӀо Дил данде эчейо ахъца. Дӣгъой къацӀцӀо боцӀи бокӀолаъцала бокӀоллона цацакӀзи бо̄с.
Зиннал гьинила билӀоъ мекьеш
24Инсаллиъис гисакна муьгъатта̄, гьинил раьгьат-гьаьлки мизна чикейо зиннал лъи гаьччо авлахъла̄ъ кӀаьйлӀош. Гьолона михъечӀе гьолълъо нисос: «Жу гисакийа билӀоъ кьа̄ь мекьеда, ахо гейлӀо». 25Кьа̄ь мокъолъ, гьолълъол билӀо лъаьлӀена, ахо къачӀази йогьна, йиᵸхъос. 26Бета гьолълъо зинналли гьингъана лъакъейа̄ алӀна зиннал бакъоллис. Гьолло̄л гьулиъ эᵸдо йечеш. Аьᵸйда̄ зукъоваълагъана лъакъейа азаблиъ ахъца гьули сукӀо гьолълъогъа муьгъатта̄.
27Иса вагьла̄ нисослаъ, ийодда̄ла аьдамли халкъилаъ эᵸдолакьа̄, лъо̄нназу тухъинна, нисос:
– Гьардараб гей Ми о̄йо,
Дул нене нилӀийо, Дибо Ийо!
28Амма Гьолцо жаваб нилӀийо:
– Гьардарабла гей Аллагьлис калам тухъийа̄на, гьолълъокьа муьхомахейа̄на!
Юнус авараглис аьламат
29Тели халкъ къацӀобаклъо, Иса нисойо:
– ЙилӀа пасадаб гей же замаллис уммат! Гьолло аьламат мизца. Юнус авараглис аьламатта̄ъ, тӀокӀаб бадо аьламат гьолло̄л бега̄ъас.
30Ниневиялила#11:30 Ниневия – Юнус аварагли ваъза-насигьат бо̄лъ, тавба бо̄йо мунагьла̄с боцӀна зукъойо шагьар. халкъилал Аллагьли аьламатлилаъ э̄ᵸйо Юнус аварагцой, вагьалӀо умматлил аьламатлъилал Аьдамлис Оьжо ахъца. 31Къиямасаб водиъ вагьалӀо умматлигъой гьисаб-суаллил йаьгъиъца къилмалилъда̄ гаьгьийо йукъо пача#11:31 Сабаъ улкалис Билкъис пача.. ГьоглӀо гьоддо̄л ритӀухъабла боваъас, судлӀо нисода дунияллила раъалликьас гӣйо гього Сулайман авараглила йаьжла̄хъа энекзи йахъал. Гьуна гьолӀоъ гей Сулайман авараглигъана кьодда̄с! 32Ниневиялис халкъна баьгъбаъча къиямасаб водиъ гьисаб-суаллил вагьалӀо же замаллила умматлигъой. Гьоглона гьоддо̄л ритӀухъабла боваъас, судлӀо нисода Юнус авараглила ваъзалахъа жуво̄л энекзи бахъна муьгъатта̄, гьидена тавба бо̄лъ. Гьуна гьолӀоъ гей Юнусгъана кьодда̄с!
Гухъилла сантелийакьас хабар
33БилӀоъ гухъилло сантели лъона йега̄ъцала мицаъ гулассаъ, йаги гьули кьодо хаьтӀа-шаг гунна кьаьхъашшаъ; эᵸдо гугьцала̄л канлъи йахъалъгъа, канаргъолкьа кьодо гулца гьули сантели. 34Инсаллила магъос чирахъ йахъца гьаьй. Дибо гьаьй йаᵸцо̄ зогъда, канлъи йоᵸкъос дибола къацӀцӀо магъоъ. Дибо гьаьй дугълӀо̄ зогъда, дибо магъона колӀлӀо бахъийо. 35Пал гьаьсил, гоцӀохъ, дибо гаьгьийо канлъи дахход гей? 36Дибо къацӀцӀо магъо канлъилас боцӀна зогъда, гьоᵸсна боцдийо лагана зогъаъда, бета ми ахъца бабала лампала дул канлъи йикьеллийаълъийо.
Фарисейлана диниябла аьлимлана какзи бовагьца
37Исас ваъза болъолъ, сид фарисейли Гьули эсал окӀийо. БилӀоъ оᵸкъолъ, Иса супралдой гьица къе̄ эчейо. 38Фарисей гьайран ахъна гьихлъойо, Иса ко̄да низабайчӀе эсал къе̄ эчелъ. 39Кьодда̄ла Иса гьолцохъа нисойо:
– Же миже, фарисейла̄, жигар багъос цӀараъ кьодтуцӀо низа̄л, амма миже эᵸдос чикейа̄ гей; миже эᵸдо хъантӀлъиласна симасна бовацӀна. 40Аᵸкъло гаьчча̄ миже! Лъод гиса гаьгьийо жо йахъинна, Гьолцозу гаьъад эᵸдо гаьгьийона йахъинна? 41Мизоъ эᵸдо гаьгьийо жо миже нилӀцакъода̄ садакъацой, мизос къацӀцӀо жо йаᵸцас га̄ь. 42Балагь-азаб мизол, фарисейла, судлӀо нисода миже закаъатлил нилӀца самлисна, садаблисна#11:42 Садаб (рута) – бохас ца̄ᵸ., баддо̄нна кенлиъ тувакӀцала боха̄сна ацӀонас бутӀа, амма ритӀухълъиласна Аллагьлиъ рокьиласна миже тӀалаб боваъас; гьулина йовал нуцӀос, вагьдисона йойчӀе йечаннейал йахъаъас. 43Балагь-азаб мизол, фарисейла, судлӀо нисода мизол йацца мизола синагогла̄ъ бадлогъа аьᵸйда̄ ба̄хъал, гьула̄зу аьдамла къацӀобакӀийа мицаъ мизол рец-салам бовал. 44Балагь-азаб мизол, судлӀо нисода миже гей йегаба̄ъцас шуна̄лъийа; кьодолакьа̄ мекье-гугьцала аьдамла̄л гьогго̄л йегаба̄ъас.
45Вагьалълъо мехлаъ гьоᵸс диниябли аьлимли нисос Гьолцохъа:
– Йа̄ Муалим! Вагьаллийо йаьжбона нийасона, Ми илена нуькучӀчӀа̄ъ бовагьца.
46Амма Гьолцо нисос:
– Мизокьана – диниябла аьлимла̄кьана – мокъос балагь-азаб, судлӀо нисода миже аьдамла̄ла михъа̄кьа гулца йежена йахъаъцас йаькъ, мизоллӀо нисода гьолълъол зокьона мехелал батӀаъас. 47Балагь-азаб мизол, судлӀо нисода мизола умумаллила абола̄ бийакьейа аварагла̄ла шуна̄кьа кьодо мазарла#11:47 Мазар – ахо къачӀази йо̄йо шуна, мавзолей. йовагьлъо. 48Вагьалълъос миже нуьъла гей. Миже йегалца мизола умумалли йо̄йо жо битӀараб гаьгьийолъи. Гьогло аварагла бийакьейо, мижелӀо нисода умумалли бийакьейа̄ аварагла̄ла шуна̄кьа мазарла йовагьца. 49Вагьалълъобза Аллагьлила Аᵸкълола нисона гей: «До гьоглодой авараглана чапарлана мейагьал, амма гьоллоллӀо нисода гьоᵸсо бийакьас, гьоᵸсо бовацӀас». 50-51Дуниял бижжи бахънас Гьабиллиъкьа̄ муьхолъна Аллагьлила билӀоъ къурбан мухоцала мицаъ алӀо икьейо Закария аварагликьа мокъоцал къе̄ ме̄йо гьеᵸйас гьаькъ боцӀоллис гьодло умматлид. Гьуна До нисос мизохъа: вагьадло умматлихъас тӀалаб бовас бийакьейа̄с къе̄ мекьейо гьеᵸйас гьаькъ. 52Балагь-азаб мизол, диниябла аьлимла̄л, судлӀо нисода миже йоькчина гей лъайлис йига, амма мижена эᵸдобакеэш, эᵸдобакал батӀийа̄на мейэш.
53-54Вагьла̄ ваъзана богьна гисакна кьа̄ь эᵸкьецалаъ, диниябла аьлимла̄на, фарисейла̄на, Гьолцокьа симабахъона кьодо гӯваъцой Гьули къорлиъ охалъгъа, бетана лади жойлас нисолца зукъойо. Гьоллол йатӀна зукъойо Иса нигъади нисова йаьжла̄кьа охна аьйиб мокъолал.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)