Kwɑrr 19

Cigg kipe Kwër geki Gøggi Dyër

1Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 2#Kwɑrr 11.44-45; 1 Pït 1.16 “Köbbí tyëng Isrɑil bënn kinni, bëëd wun wu bɑ ɑkwër, mɑ́ yɑ bɑ Kwërø, yɑ Jwøøg wun, Jwøng-ɑ Ácwɑ̈ɑ̈j. 3#Kedhø 20.8, 12; Jølø 5.12, 16 Wør ngɑn meye geki wïye, kɑ Sɑbɑth ɑ bɑ cyɑ̈ɑ̈ng ywömø mïdhi wun ni kɑ ɑ́cegɑ wun. Bene yɑn Jwøøg wun, Jwøng-ɑ Ácwɑ̈ɑ̈j.

4 # Kwɑrr 26.1; Kedhø 20.23; 34.17; Jølø 27.15 “Yɑ ko wiyu piny, kɑ wu ko kedhi be mɑlli jwögg-ɑ pɑth ki dyër, ri wun ko thɑ̈dhhi wun ki jwögg ki ngyënyø gɑ møg mɑlli yi wun. Bene yɑn Jwøøg wun, Jwøng-ɑ Ácwɑ̈ɑ̈j.

5“Keny-ɑ óngɑ̈ɑ̈d ki gënhi mër, mïdhí cigg-ɑ ɑ́köbbɑ yïn, o gënhí óyïëy yi yɑn. 6Cɑɑm rïngø kì cyɑ̈ng-ɑ ngɑɑl jwödhø kí dhuki. O keløg e dɑ men döng kɑ pïïd yi dɑ̈ɑ̈g cyɑ̈ng, rɑ̈b ki mɑc. 7Mɑ́ e ywëdhø, de keløg e dɑ ngɑn cyɑ̈mø kì dɑ̈ɑ̈g cyɑ̈ng, rïngɑni bɑ gïn kwɑ̈gø, pɑth ki ɑyïëy. 8O ngɑn cyɑ̈mø ki en ɑ́røngi, mɑ́ e bwöl-ɑ gïn-ɑ ɑ́thyey ɑ́ mi Jwøng-ɑ Ácwɑ̈ɑ̈j, o ngɑn ni menɑni ceg kɑ ngøl wɑ̈g kì kelli jie.

9 # Kwɑrr 23.22; Jølø 24.19-22 “Keny-ɑ ócɑ̈gi wun ki kɑj ki jɑmm-ɑ ókɑj yi wun kì piny wun, møg-ɑ leggi pwödhø ko nyi kɑj, wɑlɑ̀ møg-ɑ bodh kì bɑng kɑj ko nyi gwen. 10Wu ko nyi døøg be lori bɑ̈ggi wun kenyi rum gen ki pønø, wɑlɑ̀ nywøli yenh møg-ɑ dëëmø ko nyi gwen wun, wïyu gen tyëng-ɑ nyingi gen cɑn geki tyëngpɑth møg-ɑ bëëdø kì kelli wun. Bene yɑn Jwøøg wun, Jwøng-ɑ Ácwɑ̈ɑ̈j.

11“Wu ko kwɑ̈ɑ̈d, wɑlɑ̀ wu ko wëëny, kɑ wɑddi wun ko nyi göggi wun ki ɑmolpiny. 12#Kedhø 20.7; Jølø 5.11; Mt 5.33 wu ko nyi köngi ki nyingɑ kinni gïn-ɑni ógwøg yi yïn keløg pëthi wun pɑ dwɑddi gwøgii kidyër, menɑni bɑ bwöli nyingɑ. Bene yɑn Jwøgí, Jwøng-ɑ Ácwɑ̈ɑ̈j.

13 # Jølø 24.14-15 “Ko di ngɑn wɑnge guud yi yïn, wɑlɑ̀ gëe ko kɑɑb. Muuj köggi ngɑn-ɑ kïr yi yïn kì cyɑ̈ngɑni ceth, kɑ ko wëggí wɑ̈dhi dhuki. 14#Jølø 27.18 Ming ko yɑɑny wɑlɑ̀ bøli cwør ko cïbí ki gïjø me cwɑny tyele. Lïngu møgɑ, Bene yɑn Jwøgí, Jwøng-ɑ Ácwɑ̈ɑ̈j.

15 # Kedhø 23.6-8; Jølø 16.19 “Nyi cïbu kwøb kɑ̈jji gen kì burø, wu ko nyi wɑ̈dhi ngɑn wɑnge cɑn ki cwɑgø yøw, wɑlɑ̀ wu ko nyi böggi yi ngetikɑ̈r, de nyi lidhu gøøny wɑddi wun kidøøj. 16Wu ko nyi tuum ki gïg-ɑ pɑth ki dyër kì ri wɑddi wun. Kɑ wu ko nyi göög ki gïn bɑnge cuggi wɑɑd wun ki thøø. Bene yɑn Jwøng-ɑ Ácwɑ̈ɑ̈j.

17 # Mt 18.15 “Wɑddi wun ko nyi mɑɑn wun ki pëthi wun. Keløg wɑɑd wun óbɑ̈jjø, köbbí bɑ̈jje, ke pɑ köbbií, yï ócɑy. 18#Mt 5.43; 19.19; 22.39; Mk 12.31; Lk 10.27; Röm 13.9; Gɑl 5.14; Yɑg 2.8 Nyi wïl wɑ̈thi wun ki gïgrijjø møg-ɑ nyi göggi wun yi ji møøgø, wɑlɑ̀ ngɑn göggi yïn ki gïnrɑj ko mɑɑn. De mɑɑr ngɑn-ɑ butí ni kɑ̀ mɑɑr rií. Bene yɑn Jwøng-ɑ Ácwɑ̈ɑ̈j.

19 # Jølø 22.9-11 “Lɑ̈yy-ɑ mïdhi yi wun kì pɑc ko wëggu tïg ki møg bɑ̈ɑ̈n. Wu ko nyi kɑ̈ɑ̈g ki wɑ̈thi köödh ɑ́ryew kì yij pwödhø ɑ́kyel. Wu ko nyi rug ki ógudh mø bɑ ɑcwɑ̈j ki wɑ̈thi jɑmmì ɑ́ryew mø bɑ̈ɑ̈n.

20“Keløg jɑlø óbuddø ki bɑ̈ng-ɑ dhɑjø men-ɑ ólöggi jɑlø megø, cɑgg jɑl-ɑ ɑ́löggii nuti muujø ki jɑmmì, bɑ̈ngɑni kí jɑl-ɑ ɑ́buddi gen ceg kɑ cɑyø. De ge pɑ nɑ̈g, mɑ́ nyɑnɑni nuti pɑ̈dø, nudd ɑ́ bɑ̈ng. 21Kɑ̈ne dhø Kemi Kwër ki órömø me gøøm bøli orøge. 22Órömɑni ógwøg yi ókwërø ɑ́ gënhi orøg, o Jwøk lɑɑwe dwööge piny kipe orøge.

23“Keny-ɑ ókedhu piny Kɑnɑɑn kɑ wu opïdhø ki yenh-ɑ nywøli gen nyi cɑm, møg-ɑ ónywøl yi yenhɑni kì tyeli mɑl bɑ ɑkerø cɑmø yi wun ki runn ɑ́dɑ̈g. Wu ko cyɑ̈ɑ̈m ki nywøli yenhɑni ki runn ɑ́dɑ̈gɑni. 24Kì ngween runn, thyey wun nywøli yenhɑni bënn, kɑ ge muuj wun gɑ møg pwøj wun yɑn, yɑ Jwøng-ɑ Ácwɑ̈ɑ̈j. 25De cɑmu gen kì bïïj runn. Keløg møgɑni ógwøg yi wun bënn, yenhi wun ceg-ɑ kɑ̈nø ki nywøl mø gïïr. Bene yɑn Jwøøg wun, Jwøng-ɑ Ácwɑ̈ɑ̈j.

26 # Cɑ̈gø 9.4; Kwɑrr 7.26-27; 17.10-14; Jølø 12.16, 23; 15.23; 18.10 “Wu ko cyɑ̈ɑ̈m ki gïïpiny e ree dɑ remø. Wu ko nyi rɑ̈ɑ̈ng ki ɑ́jwöggì, wɑlɑ̀ wu ko nyi kedhi be pëjjø ki yɑdh. 27#Kwɑrr 2.5; Jølø 14.1 Thɑ̈nggi wun ko nyi lyel wun, wɑlɑ̀ yëyyi tïggi wun ko nyi teb wun. 28Dëlli wun ko nyi kɑggi wun kɑ̀ ywøgu ngɑnthøø, wɑlɑ̀ ri wun ko gör wun ki gwedd. Bene yɑn Jwøng-ɑ Ácwɑ̈ɑ̈j.

29 # Jølø 23.17 “Ayɑ̈r ko kɑ̈ɑ̈l kömí; nyɑrí ko göjjí gwøg ki ɑ́mɑ̈ɑ̈j kengø,#19.29 ɑ́mɑ̈ɑ̈j kengø: Bɑ ɑ́kyel kì kelli cwøw kí mɑ̈nn møg yï gen nyi kedhi be niin yi tyëng-ɑ nyi kedhi be kwɑjji nyöödø kì yï jwöggi nyöödø. kipe piny órënyi yi orøg. 30#Kwɑrr 26.2 Koru cyɑ̈ɑ̈ng Sɑbɑth, kɑ keny-ɑ yije nyi mɑlli yɑn wør wun. Bene yɑn Jwøng-ɑ Ácwɑ̈ɑ̈j.

31 # Jølø 18.11; 1 Sɑm 28.3; 2 Rɑ̈nhì 23.4; Icɑ 8.19 “Wu ko nyi kedhi yï ɑ́jwöggì be pëjjø ki yɑdh, keløg wu kedh-ɑ yï gen, wu ceg-ɑ ywëdhø. Bene yɑn Jwøøg wun, Jwøng-ɑ Ácwɑ̈ɑ̈j.

32“Lïngu kwøbbi tyëngdøngø, kɑ ge wør wun. Kɑ Jwøøg wun böggi wun. Bene yɑn Jwøng-ɑ Ácwɑ̈ɑ̈j.

33 # Kedhø 22.21; Jølø 24.17-18; 27.19 “Tyëngpɑth møg-ɑ bëëdø kì piny wun nyingi gen ko guud wun. 34Mïdhu gen ge pɑ̈r ki wɑddi wun ceth, kɑ ge mɑɑr wun ni kɑ̀ mɑɑr wun ri wun. Wɑ̈thi wun ko wïl kinni, wu ɑ́bëëd wu bɑ tyëngpɑth kì piny Rïp. Bene yɑn Jwøøg wun, Jwøng-ɑ Ácwɑ̈ɑ̈j.

35 # Jølø 25.13-16; Gɑ́j 20.10; Idhki 45.10 “Wu ko nyi wëëny kɑ̀ rum wun ki jɑmmì, ying gɑ møg røm bɑ̈r, wɑlɑ̀ pegø, wɑlɑ̀ møg-ɑ yethi gen nyi rum. 36Rømu jɑmmì ki rum-ɑ dyër. Bene yɑn Jwøøg wun, Jwøng-ɑ Ácwɑ̈ɑ̈j, ɑ ɑ́kɑ̈ɑ̈l wun wɑ̈g kì piny Rïp. 37Mïdhu kwöngɑ geki ciggɑ. Bene yɑn Jwøng-ɑ Ácwɑ̈ɑ̈j.”

Currently Selected:

Kwɑrr 19: shkDCB

Highlight

Copy

Compare