Kwɑrr 18

Bëëdø Men-ɑ Bɑ Akerø

1Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 2“Köbbí tyëng Isrɑil kinni, bene yɑn, yɑ Jwøøg wun, Jwøng-ɑ Ácwɑ̈ɑ̈j, 3wu ko göög ki gïg-ɑ ɑ́gøggi yi tyëng Rïp kun-ɑ ɑ́bëëd wun. Kɑ wu ko göög ki gïg-ɑ gøggi kì piny Kɑnɑɑn kun-ɑ kïdhɑ wun. Kwööng gen ko ngøy wun. 4Mïdhu ciggɑ, kɑ møg-ɑ kwøb yi yɑn nyi gwøg wun. 5#Nëm 9.29; Idhki 18.9; 20.11-13; Lk 10.28; Röm 10.5; Gɑl 3.12 Mïdhu ciggɑ geki kwöngɑ. Ngɑn-ɑ ómïdhi gen óyïddi ki nënnì kì bɑng gen. Bene yɑn Jwøng-ɑ Ácwɑ̈ɑ̈j.

6“Ko di ngɑn niin wɑɑd gen. Bene yɑn Jwøng-ɑ Ácwɑ̈ɑ̈j. 7Wïyí ko yɑ̈ɑ̈r, kì bɑng kɑ niin meyí. Men-ɑ́ meyí ko yɑ̈r yi yïn. 8#Kwɑrr 20.11; Jølø 22.30; 27.20 Mɑ̈nni wïyí ko niin yi yïn. Wør gen ki wør-ɑ wøør wïyí. 9#Kwɑrr 20.17; Jølø 27.22 Nyimyëw ko niin yi yïn, ko niin yi yïn kinni tek, cɑgg e ópidh ɑ pɑ̈l. 10Kwɑrí, nyɑɑr wɑ̈dí, wɑlɑ̀ nyɑɑr nyɑrí ko niin yi yïn, menɑni óbëëd ɑ́ ɑyɑ̈r kì kömí. 11Nyiwöw ko niin yi yïn, bɑ nyimyëw thyew. 12-13#Kwɑrr 20.19-20 Wɑɑj wun, nyimï wïyí ko niin yi yïn, bɑ wɑd me cyɑ̈gi kidøøj ki wïyí. Mɑɑy wun, nyimï meyí ko niin yi yïn, mɑ́ e bɑ wɑd me cyɑ̈gi cɑrø ki meyí. 14#Kwɑrr 20.19-20 Cï ómï wïyí ko niin yi yïn, bɑ meyí thyew. 15#Kwɑrr 20.12 Kwɑrí, cï wɑ̈dí ko niin yi yïn. 16#Kwɑrr 20.21 Cï ómyëw ko niin yi yïn. 17#Kwɑrr 20.14; Jølø 27.23 Nyɑndhɑjø men-ɑ meye óniin yi yïn, ko niin yi yïn, wɑlɑ̀ kwɑɑr ngɑnɑni. Møgɑni bɑ wɑdde mø cyɑ̈gi cɑrø, o menɑni óbëëd ɑ́ ɑyɑ̈r kì kömí. 18Nyɑndhɑjø ko nywøøm kömi nyimen, e nyimen men-ɑ köme nyömmi onëënø.

19 # Kwɑrr 20.18 “Ngɑndhɑjø ko niin yi yïn kì bøli kej kwëre, mɑ́ e ywëdhø. 20#Kwɑrr 20.10 Cï jɑlø megø, ko niin yi yïn, yï ceg-ɑ ywëdhø. 21#Kwɑrr 20.1-5 Nyigí ko rɑ̈bbí Mölek ki mɑc gɑ gëdhhì, kipe nyingi Jwøgí óbwöl yi yïn. Bene yɑn Jwøng-ɑ Ácwɑ̈ɑ̈j. 22#Kwɑrr 20.13 Ko di ngɑn niin jɑlø ni en, menɑni mɑɑn yi Jwøk. 23#Kedhø 22.19; Kwɑrr 20.15-16; Jølø 27.21 Lɑ̈y ko niin yi yïn, o yï ywëdh yi en. Wɑlɑ̀ ngɑndhɑjø ree ko wëgge niin yi lɑ̈y, menɑni bɑ tøønyi orøg. Gïn ni menɑni ko wöl ki gwøgø.

24“Rií ko ywëëdh ki gïg ni møgɑni, mɑ́ jurr-ɑ cyeddi yi yɑn kì bølí ɑnɑn ɑ́ceg-ɑ ri gen ki ywëdhø. 25Kɑ piny oywëdhø yi gïg-ɑ ɑ́gøggi yi gen, ɑ bɑnge cɑyɑ piny, kɑ piny jie ngøøge wɑ̈g. 26De wun, mïdhu ciggɑ, kɑ wu ko göög ki gïgrijjø ni møgɑni, wu bënn kì pönhï, kí tyëngpɑth møg-ɑ bëëdø kì kelli wun. 27Mɑ́ gïgrijjø møgɑni ɑ́gøgg-ɑ yi tyëng-ɑ ɑ́kwöngi ki bëëdø kì pönhɑni wu nuti kedhi yije, kɑ piny oywëdhø. 28Keløg pinyɑni óywëdh yi wun, wu pɑ lony yi en ki ngøgø ni kɑ ɑ́ngøge jurr-ɑ ɑ́kwöngi ki ying yije? 29Ngee, ngɑn-ɑ ógöögø ki gïgrijjø ni møgɑni, pɑ cigi kwɑɑn kelli jii Jwøk.”

30Akööb Jwøng-ɑ Ácwɑ̈ɑ̈j kinni, “Mïdhu ciggɑ kɑ wu ko göög ki gïgrijjø møg-ɑ ɑ́gøggi yi tyëng-ɑ ɑ́ying piny menɑni, kɑ ri wun ko ywëdh wun ki gwøgi gïgɑni. Bene yɑn, Jwøøg wun, Jwøng-ɑ Ácwɑ̈ɑ̈j.”

Currently Selected:

Kwɑrr 18: shkDCB

Highlight

Copy

Compare