Kuen 26
26
Kuën ji̱ I-thɛ-rɛl in rɛwdɛ
1Kä kɛ kɔr jua̱th cu Kuoth Nhial ruac kɛ Muthɛ kɛnɛ Ɛl-a-dhar gat bo̱o̱th palä ni Ä-ron i̱, 2“Kuɛ̈nɛ duɔl ji̱ I-thɛ-rɛl kɛɛliw, a känɛ kä nɛy ti tekɛ run ti jiɛɛn da̱ŋ rɛw a wä nhial, kɛ thuk duëli gua̱ni, kɛn tin lua̱ŋkɛ ko̱r kä I-thɛ-rɛl kɛɛliw.” 3Kä cu Muthɛ kɛnɛ bo̱o̱th palä ni Ɛl-a-dhar ruac kɛ kɛ dɛɛkä Mo-ab kui̱ yiëër Jɔr-dɛn kä Jɛ-ri-ko i̱, 4“Kuënɛ naath, a känɛ nikä nɛy tin tekɛ run ti jiɛɛn da̱ŋ rɛw a wä nhial.” Ce̱tnikɛ min ci Kuoth Nhial ɛ la̱r Muthɛ kä cu ji̱ I-thɛ-rɛl tëë bä raar kä I-jëp a.
5Rɛ-u-ben kɛ̈ɛ̈ Je-kɔb. Cu gaat Rɛ-u-ben a, Ä-nok ji̱ thuɔk duëël Ä-nok. Kɛ Palu ji̱ thuɔk duëël Palu. 6Kɛ Ɣɛdh-ron ji̱ thuɔk duëël Ɣɛdh-ron. Kɛ Kar-mi ji̱ thuɔk duëël Kar-mi. 7Kä cu tɔ̱tɔ̱ a thuk duëli Rɛ-u-ben. Kä cu pekdiɛn a bathdɔɔri ti jiɛɛn ŋuaan wi̱cdɛ diɔ̱k, wi̱cdɛ kur bärɔw wi̱cdɛ jiɛɛn diɔ̱k. 8Kä cu gaat Palu a, Ɛli-ab. 9Kä cu gaat Ɛli-ab a, Nɛ-mu-el, Da-tan, kɛ Ä-bi-ram, tëë ca kuany rɛy dolä, tëë gua̱c kɛ Muthɛ kɛnɛ Ä-ron kä buɔ̱n Da-tan, mëë cikɛ gua̱c kɛ Kuoth Nhial. 10Kä cu piny rɔ lɛp cuɛ kɛ kuɔ̱m thi̱n kɛɛl kɛ Kora, mëë ci ji̱ kɔarɛ li̱w, mëë ci mac nɛy ti kur rɛw wi̱cdɛ jiɛɛn dhieec näk. Kä cukɛ a nyuuth kä naath. 11Kä /ken kar Kora li̱w.
12Kä cu ti̱ti̱ a gaat Cim-on ce̱tkɛ thuk duëlikiɛn, Nɛ-mu-el kä ji̱ Nɛ-mu-el, Ya-min kɛ Ya-kin kä ji̱ Ya-kin. 13Dhɛra kä ji̱ Dhɛra, kɛ Thɔɔl kä ji̱ Thɔɔl. 14Cu tɔ̱tɔ̱ a thuk duëli Cim-on. Kä cu pekdiɛn a nɛy ti bathdɔɔri ti jiɛɛn da̱ŋ rɛw wi̱cdɛ rɛw, wi̱cdɛ kur rɛw.
15Gaat Gad ce̱tkɛ thuk duëlikiɛn, Dhɛ-pon kä ji̱ Dhɛ-pon. Agi kä ji̱ Agi, kɛ Cuni kä ji̱ Cuni. 16Kɛ Ɔdh-ni kä ji̱ Ɔdh-ni, kɛ Eri kä ji̱ Eri. 17Kɛ Ä-rod kä ji̱ Ä-rod, kɛ A-re-li kä ji̱ A-re-li. 18Cu tɔ̱tɔ̱ a thuk duëli gan Gad. Kä cu pekdiɛn a nɛy ti bathdɔɔri ti jiɛɛn ŋuaan wi̱cdɛ kur dhieec.
19Gaat Juda cua Ër kɛnɛ O-nan. Duundɛ ɣöö cikɛ li̱w kä Kɛ-naan. 20Kä cu ti̱ti̱ a kuay Juda ce̱tkɛ thuk duëlikiɛn. Cela kä ji̱ Cela, kɛ Pɛ-rɛdh kä ji̱ Pɛ-rɛdh, kɛ Dhɛra kä ji̱ Dhɛra. 21Kä cu gaat Pɛ-rɛdh a, Ɣɛdh-ron kä ji̱ Ɣɛdh-ron. Kɛ A-mul kä ji̱ A-mul. 22Kä cu tɔ̱tɔ̱ a thuk duëli Juda. Kä cu pekdiɛn a nɛy ti bathdɔɔri ti jiɛɛn bärɔw wi̱cdɛ bäkɛl, wi̱cdɛ kur dhieec.
23Gaat Yi-tha-kar kɛ thuk duëlikiɛn. Tolä kä ji̱ Tolä, kɛ Pö-wa kä ji̱ Pö-wa. 24Kɛ Ya-cub kä ji̱ Ya-cub, kɛ Cim-rɔn kä ji̱ Cim-rɔn. 25Cu tɔ̱tɔ̱ a thuk duëli Yi-tha-kar. Kä cu pekdiɛn a nɛy ti bathdɔɔri ti jiɛɛn bäkɛl wi̱cdɛ ŋuaan, wi̱cdɛ kur diɔ̱k.
26Gaat Dhɛ-bu-lun kɛ thuk duëlikiɛn, Thɛ-rɛdh kä ji̱ Thɛ-rɛdh, kɛ Ee-lon kä ji̱ Ee-lon, kɛ Ya-leel kä ji̱ Ya-leel. 27Cu tɔ̱tɔ̱ a thuk duëli Dhɛ-bu-lun. Kä cu pekdiɛn a nɛy ti bathdɔɔri ti jiɛɛn bäkɛl wi̱cdɛ kur dhieec.
28Gaat Jo-thɛp kɛ thuk duëlikiɛn, Ma-na-thɛ kɛ Ɛ-pa-rim. 29Gaat Ma-na-thɛ cua Ma-kir kä ji̱ Ma-kir, kä cu Ma-kir a gua̱n Gil-yad kä Gil-yad kä ji̱ Gil-yad. 30Kä cu ti̱ti̱ a gaat Gil-yad, I-yɛ-dhɛr kä ji̱ I-yɛ-dhɛr, kɛ Ɣe-lɛk kä ji̱ Ɣe-lɛk. 31Kɛ A-thi-rel kä ji̱ A-thi-rel, kɛnɛ Cɛ-kɛm kä ji̱ Cɛ-kɛm. 32Kɛ Cɛ-mi-dhä kä ji̱ Cɛ-mi-dhä, kɛ Ɣe-pɛr kä ji̱ Ɣe-pɛr. 33Kä cu gat Ɣe-pɛr ni Dhɛ-lɔ-pɛ-ɣadh thil dhɔɔl, cu te ni jɛn kɛ nyier. Kä cu ciööt nyieet Dhɛ-lɔ-pɛ-ɣadh a, Maɣ-la, kɛnɛ Nowa, kɛ Ɔg-la, kɛnɛ Mil-ka, kɛ Ti̱r-dha. 34Cu tɔ̱tɔ̱ a thuk duëli Ma-na-thɛ. Kä cu pekdiɛn a nɛy ti bathdɔɔri ti jiɛɛn dhieec wi̱cdɛ rɛw, wi̱cdɛ kur bärɔw.
35Kä cu ti̱ti̱ a gaat Ɛ-pa-rim kɛ thuk duëlikiɛn, Cu-tha-lɛ̈k kä ji̱ Cu-tha-lɛ̈k, kɛ Bɛ-kɛr kä ji̱ Bɛ-kɛr, kɛnɛ Tɛ̈-ɣɛ̈n kä ji̱ Tɛ̈-ɣɛ̈n. 36Kä cu ti̱ti̱ a gaat Cu-tha-lɛ̈k, E-ran kä ji̱ E-ran. 37Kä cu tɔ̱tɔ̱ a thuk duëli Ɛ-pa-rim. Kä cu pekdiɛn a nɛy ti bathdɔɔri ti jiɛɛn diɔ̱k wi̱cdɛ rɛw, wi̱cdɛ kur bärɔw. Cukɛ a kɛn gaat Jo-thɛp kɛ thuk duëlikiɛn.
38Gaat Ben-ya-min kɛ thuk duëlikiɛn. Bɛlä kä ji̱ Bɛlä, kɛ Ac-bel kä ji̱ Ac-bel, kɛnɛ Ä-ɣi-ram kä ji̱ Ä-ɣi-ram. 39Kɛ Cɛ-pam kä ji̱ Cɛ-pu-pam, kɛ Ɣu-pam kä ji̱ Ɣu-pam. 40Kä cu gaat Bɛlä a, A-rɛd kä ji̱ A-rɛd, kɛnɛ Naa-man kä ji̱ Naa-man. 41Cu tɔ̱tɔ̱ a thuk duëli Ben-ya-min. Kä cu pekdiɛn a nɛy ti bathdɔɔri ti jiɛɛn ŋuaan wi̱cdɛ dhieec, wi̱cdɛ kur bäkɛl.
42Gaat Daan kɛ thuk duëlikiɛn. Cu-ɣam kä ji̱ Cu-ɣam, kä cukɛ a kɛn thuk duëli Daan kɛ pekdiɛn. 43Kä cu pek thuk duëli Cu-ɣam a nɛy ti bathdɔɔri ti jiɛɛn bäkɛl wi̱cdɛ ŋuaan, wi̱cdɛ kur ŋuaan.
44Gaat A-cɛr kɛ thuk duëlikiɛn, Yim-naa kä ji̱ Yim-naa, kɛ Ic-wi kä ji̱ Ic-wi, kɛnɛ Bɛ-ri-ya kä ji̱ Bɛ-ri-ya. 45Kä cu gaat Bɛ-ri-ya a, Ɣɛ-bɛr kä ji̱ Ɣɛ-bɛr, kɛnɛ Mal-ki-yel kä ji̱ Mal-ki-yel. 46Kä cua nya A-cɛr cɔɔli Thɛra. 47Cu tɔ̱tɔ̱ a thuk duëli A-cɛr. Kä cu pekdiɛn a nɛy ti bathdɔɔri ti jiɛɛn dhieec wi̱cdɛ diɔ̱k, wi̱cdɛ kur ŋuaan.
48Gaat Nap-ta-li kɛ thuk duëlikiɛn, Ya-dheel kä ji̱ Ya-dheel, kɛ Guni kä ji̱ Guni. 49Kɛ Ye-dhɛr kä ji̱ Ye-dhɛr, kɛnɛ Ci-lem kä ji̱ Ci-lem. 50Cu tɔ̱tɔ̱ a thuk duëli Nap-ta-li. Kä cu pekdiɛn a nɛy ti bathdɔɔri ti jiɛɛn ŋuaan wi̱cdɛ dhieec, wi̱cdɛ kur ŋuaan.
51Kä cu nɛmɛ a pek ji̱ I-thɛ-rɛl, nɛy ti bathdɔɔri ti kur bäkɛl wi̱cdɛ kɛl, wi̱cdɛ kur bärɔw wi̱cdɛ jiɛɛn da̱ŋ diɔ̱k.
52Kä cu Kuoth Nhial Muthɛ jiök i̱, 53“Ba mun dääk kä kɛ ce̱tkɛ pek ciöötni. 54Bi thok duëël mi di̱i̱t ka̱m pek mi di̱i̱t, kä bi thok duëël mi tɔt ka̱m pek mi tɔt. Ba thok duëël ɔ ka̱m pek mi ce̱tkɛ pekdiɛn. 55Duundɛ ɣöö ba da̱a̱k ɛn mun kɛ yor gaakni. Nikɛ pek thuk duëli gua̱ni ba dääk kä kɛ ala duŋdiɛn. 56Kä ba mun da̱a̱k kɛ yor gaakni kam nɛɛni ti ŋuan kɛnɛ nɛy ti tɔt.”
57Cu ti̱ti̱ a ji̱ Lii-bay kɛ thuk duëlikiɛn. Ger-con kä ji̱ Ger-con, Kɛ-ɣath kä ji̱ Kɛ-ɣath, Mɛ-ra-ri kä ji̱ Mɛ-ra-ri. 58Kä cu ti̱ti̱ a thuk duëli Lii-bay thok duëël Lib-ni, kɛ thok duëël Ɣɛb-ron, kɛnɛ thok duëël Mali, kɛ thok duëël Muci, kɛ thok duëël Kora. Kä cu Kɛ-ɣath a gua̱n Am-ram. 59Kä cua ciek Am-ram cɔɔli Yo-kɛ-bɛd nya Lii-bay, mëë dapkɛ ɛ Lii-bay kä I-jëp. Kä cuɛ Am-ram da̱p Ä-ron kɛnɛ Muthɛ, Mir-yam nyimandiɛn. 60Kä cua Ä-ron da̱p Na-dab kɛnɛ Ä-bi-ɣu kɛ Ɛl-a-dhar kɛnɛ I-ta-mar. 61Duundɛ ɣöö cu Na-dab kɛnɛ Ä-bi-ɣu li̱w mëë cikɛ mac mi ci rɔ lot thöp nhiam Kuɔth Nhial. 62Kä cu pekdiɛn a nɛy ti bathdɔɔri ti jiɛɛn rɛw wi̱cdɛ diɔ̱k, a känɛ nikä gat dhöl mi te pay kɛl a wä nhial. Kɛ ɣöö /ka̱n kɛ kuɛ̈n rɛy ji̱ I-thɛ-rɛl, kɛ ɣöö thilɛ kɛ pek mi ca ka̱m kɛ rɛy ji̱ I-thɛ-rɛl.
63Cu tɔ̱tɔ̱ a kɛn nɛy tin ca kuɛn ɛ Muthɛ kɛnɛ Ɛl-a-dhar bo̱o̱th palä, mëë kuɛɛn ji̱ I-thɛ-rɛl dɛɛkä Mo-ab kui̱ yiëër Jɔr-dɛn kä Jɛ-ri-ko. 64Duundɛ ɣöö cu rɛydiɛn thil raan kä nɛy tëë ca kuɛn ɛ Muthɛ kɛnɛ Ä-ron bo̱o̱th palä, mëë kuɛɛn ji̱ I-thɛ-rɛl rɛy dɔaar kä Thi-nay. 65Kɛ ɣöö ci Kuoth Nhial wee i̱, “Bikɛ li̱w rɛy dɔaar.” Kä cuɛ thil ram mi cu duɔth kä kɛ, ɛ ni Ka-leb gat Yɛ-pö-nɛ kɛnɛ Jɔ-cua gat Nun.
Currently Selected:
Kuen 26: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
