Kuen 27
27
Nyiee Dhɛ-lɔ-pɛ-ɣadh
1Ɛ jɛn cu nyiee Dhɛ-lɔ-pɛ-ɣadh gat Ɣe-pɛr, gat Gil-yad, gat Ma-kir, gat Ma-na-thɛ thok duëël Ma-na-thɛ gat Jo-thɛp rɔ̱ ti̱eec thiekä. Kä ciööt nyieekɛ ɛ, Maɣ-la kɛnɛ Nowa kɛ Ɔg-la, kɛnɛ Mil-ka, kɛ Ti̱r-dha. 2Kä cukɛ cuɔ̱ŋ nhiam Muthɛ kɛnɛ Ɛl-a-dhar bo̱o̱th palä kɛ bööth nath nhiam nɛɛni diaal thok kɛmɛkä ro̱mä kɛ Kuoth Nhial wäkɛ i̱, 3“Ci gua̱a̱ra li̱w rɛy dɔaar. Kä /cɛ te rɛy nɛɛni tëë ca rɔ̱ mat tëë gua̱c kɛ Kuoth Nhial nɛɛ Kora, li̱w ɛ kɛ dueerkɛ. Kä thilɛ jɛ dhɔɔl. 4Ɛŋu wuɔckɛ ciöt gua̱a̱ra mɔ thok dueeliɛn, ɛ ɣöö thilɛ jɛ dhɔɔl? Muɔcɛ kɔ pek rɛy gua̱nlenikɔ.”
5Kä cu Muthɛ ruacdiɛn naŋ nhiam Kuɔth Nhial. 6Kä cu Kuoth Nhial Muthɛ jiök i̱, 7“Te nyiee Dhɛ-lɔ-pɛ-ɣadh kɛ cuɔ̱ɔ̱ŋ. Moc kɛ kɛ pek rɛy gua̱nlenikiɛn, käm nikɛ pek gua̱ndiɛn. 8Kä läri jɛ ji̱ I-thɛ-rɛl i̱, ‘Mi ci raan li̱w kä thilɛ jɛ dhɔl, ka̱mɛ peekdɛ nyaadɛ. 9Kä mi thilɛ jɛ nyal, bia ka̱m gaatman. 10Kä mi thilɛ jɛ gaatman, bia ka̱m gua̱nlenikɛ. 11Kä mi thilɛ jɛ gua̱nlenikɛ, bia ka̱m ram mɔ thia̱k maariɛn ɔ thok dueeliɛn, bɛ jɛ ciɛŋ. Kä ba ŋut kä ji̱ I-thɛ-rɛl ce̱tkɛ min ci Kuoth Nhial ɛ la̱r Muthɛ.’ ”
Guäl Jɔ-cua kɛ gua̱a̱th Muthɛ
(Ŋuɔ̱t 31:1-8)
12Kä cu Kuoth Nhial Muthɛ jiök i̱, “Wër nhial wi̱i̱ pa̱a̱m Ä-ba-rim ɛ mi, kä guic mun in cä ka̱m ji̱ I-thɛ-rɛl. 13Kä kɛ kɔr kä min ciɛ guic, bi cu li̱w, ce̱tkɛ mëë ci dämuɔɔr ni Ä-ron li̱w. 14Kɛ ɣöö /ka̱nɛ ruacdä luɔ̱th rɛy dɔaar kä Dhin, mëë gak duɔl, kɛ ɣöö derɛ ɣä liak nhiamdiɛn rɛy pi̱i̱ni.” (Kɛn pi̱w tɔ̱tɔ̱ kɛ pi̱ gaak kä Mɛ-ri-baa rɛy dɔaar kä Dhin.) 15Kä cu Muthɛ Kuoth Nhial jiök i̱, 16“Ɛ Kuoth Nhial Kuoth yiëëni pua̱nyni diaal kuany ram min bi te wi̱i̱ dolä, 17mi bi naath bo̱th. Kɛ ɣöö ci duɔl Kuɔth Nhial bi ce̱tkɛ rɔɔm ti thil yieen.” 18Kä cu Kuoth Nhial Muthɛ jiök i̱, “Käni Jɔ-cua gat Nun, ɛ ram mi tekɛ yiëë, kä läthni tetdu wi̱i̱dɛ. 19Kä jak ni jɛ kä cuŋ nhiam Ɛl-a-dhar bo̱o̱th palä kɛnɛ duɔl kɛɛliw, kä käm ni jɛ böth nhiamdiɛn. 20Kä käm ni jɛ tha̱a̱ŋ ruëcdu, kɛ ɣöö ba luɔ̱th ɛ duɔl ji̱ I-thɛ-rɛl diaal. 21Kä a jɛ cuŋ nhiam Ɛl-a-dhar bo̱o̱th palä min bi jɛ nyuɔ̱ɔ̱th kɛ ruec kɛ yor U-rim nhiamdä. Kä ba liŋ ni ruac Ɛl-ya-dhar kɛnɛ ji̱ I-thɛ-rɛl diaal.” 22Kä cu Muthɛ jɛ la̱t ce̱tkɛ min ci Kuoth Nhial ɛ la̱r jɛ. Kä cuɛ Jɔ-cua jak kä cuŋ nhiam Ɛl-a-dhar kɛnɛ duɔl kɛɛliw, 23kä cuɛ tetdɛ la̱th wi̱i̱dɛ, kä cuɛ jɛ ka̱m ruec ce̱tkɛ min ci Kuoth Nhial ɛ la̱r jɛ.
Currently Selected:
Kuen 27: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
