Kuen 10
10
Kaaŋ cikä in bo̱r
1Cu Kuoth Nhial Muthɛ jiök i̱, 2“Täth kaaŋni cikä min bo̱r da̱ŋ rɛw. Kɛ dey bikɛ täth, kä bikɛ la cɔɔli duɔl, kɛnɛ ɣöth wec. 3Mi wa kɛn da̱ŋ rɛw koth, bi duɔl kɛɛliw rɔ mat guäth kɛl nhiamdu thok kɛmɛkä ro̱mä. 4Duundɛ ɣöö mi ca koth ni kɛl, bi bööth thukni duëli I-thɛ-rɛl rɔ̱ duɔ̱l ji̱ kärɔ̱. 5Kä mi wä köök ni yɛn, bi thok duëël in ci pua̱t kui̱c känyä ca̱ŋ ɣöth. 6Kä mi wi̱i̱ köök in rɛwdɛ nyɔk, bi thok duëël in te cuëëc ɣöth, ba köök ko̱k gua̱th in ɣöthkɛ. 7Kuɛ la ɣöö mi wä mat ni duɔl guäth kɛl bi koth ni kaaŋ /ci bi köök ni ji̱n. 8Kä bi gaat Ä-ron tin bööth palä kaaŋ koth, ba duŋ ŋuɔ̱tniku mi do̱raar amäni ri̱c tɔ̱ bi ben tɔ̱. 9Kä mi wi̱i̱ wä ko̱o̱r muundun kɛ gua̱n tɛ̈run mi ci yɛ dɛ̈p, kuɔthɛ kaaŋ kɛ ɣöö bi Kuoth Nhial Kuothdun yɛ tim, kä bia kään kä gua̱n tɛ̈run. 10Kä bia kaaŋ koth kɛ tɛ̈th lɔacdun kɛnɛ gua̱a̱th matädun, kɛnɛ tuk pathdun, kä bi kaaŋ koth bäkɛ kui̱ mucnikun tin waŋkɛ kɛ muc malädun, ba yɛ jak kä tiɛmkɛ nhiam Kuɔthdun. Ɛ ɣän Kuoth Nhial Kuothdun.”
Jiɛɛn ji̱ I-thɛ-rɛl kä Thi-nay
11Kɛ pay in rɛwdɛ kä ruɔ̱n in rɛwdɛ, cu wuɔ̱n rɔ kap nhial wi̱i̱ kɛmɛkä ro̱mä, 12cu ji̱ I-thɛ-rɛl ɣöth bua̱a̱ni däärdɔaar Thi-nay. Cu wuɔ̱n ben wi̱i̱ kɛmɛkä ro̱mä däärdɔaar Pa-ran. 13Kä cukɛ ɣöth kɛ ɣöth in nhiam kɛ ruac Kuɔth Nhial kɛ thok Muthɛ. 14Cu ɣöth ni wec Juda kɛ nhiam kɛ ji̱kɛ diaal, kä cu bo̱o̱thdiɛn a Na-con gat A-mi-na-dab. 15Kä cua thok duëël Yi-tha-kar bo̱th ɛ Nɛ-tan-el gat Dhu-ar. 16Kä cu Ɛli-ab gat Ä-ron a bo̱o̱th thuɔk duëël Ɣe-lon.
17Kä mi ca kɛmɛkä ro̱mä ka̱p piny, bi gaat Ger-con kɛnɛ gaat Mɛ-ra-ri tin la kapkɛ kɛmɛkä ɣo̱th. 18Kä bi ɣöth wec Rɛ-u-ben ɣöth tin bo̱o̱thdiɛn ɛ Ɛli-dhur gat Cɛ-de-ur. 19Kä cua ji̱ dhɔaar Cim-on bo̱th ɛ Cɛ-lu-mi-el gat Dhu-ri-ca-day. 20Kä cua ji̱ dhɔaar Gad bo̱th ɛ Ɛl-ya-thap gat Dɛ-u-el. 21Ɛ jɛn cu ji̱ Kɛ-ɣath ɣöth, kapkɛ tin rɛl gɔɔydiɛn rɔ̱, kä cua kɛmɛkä yiath piny a/kän kɛ ni cop. 22Kä cu ɣöth ji̱ dhɔaar Ɛ-pa-rim ɣöth kɛ ji̱kɛ diaal, kä cua kɛ bo̱th ɛ Ɛli-cama gat A-mi-ɣud. 23Kä cua ji̱ dhɔaar Ma-na-thɛ bo̱th ɛ Gam-li-el gat Pɛ-daa-dhur. 24Kä cua ji̱ dhɔaar Ben-ya-min bo̱th ɛ Ä-bi-dan gat Gid-oni.
25Kä cu ɣöth wec Daan ɣöth kɛ ji̱kɛ diaal min la gik pek ɣo̱thni, kä cua kɛ bo̱th ɛ A-ɣi-ɛ-dhɛr gat A-mi-ca-day. 26Kä cua ji̱ dhɔaar A-cɛr bo̱th ɛ Pag-i-el gat Ɔk-ran. 27Kä cua ji̱ dhɔaar Nap-ta-li bo̱th ɛ Ä-ɣi-ra gat E-nan. 28Cu nɔmɔ a duɔ̱p ɣöth ji̱ I-thɛ-rɛl kɛ pekiɛn.
29Cu Muthɛ Ɣo-bab gat Rɛ-u-el raan Mid-yan gua̱nthudɛ jiök i̱, “Banɛ wä guäth in ci Kuoth Nhial ɛ lar i̱, ‘Bɛ ka̱m kɔn.’ Bër kɛɛl kɛ kɔ, ba kɔ ji̱ la̱t a gɔaa, kɛ ɣöö ci Kuoth Nhial mi gɔaa la̱r ji̱ I-thɛ-rɛl.” 30Duundɛ ɣöö cu Ɣo-bab ɛ loc, “Ɣän /cä bi wä, bi loc ni ɣän wi̱i̱da kä nɛɛkä.” 31Kä cu Muthɛ wee i̱, “Cu kɔ bäny piny, la̱ŋä ni ji̱, kɛ ɣöö ŋäci jɛ banɛ pua̱t däärdɔaar, bi la waŋ kä kɔ. 32Kä mi wi̱i̱ ben kɛɛl kɛ kɔ, mɔ wä Kuoth Nhial ɛ lät kä kɔ mɔ, ɛ jɛn min bakɔ lät kä ji̱ bä.”
Ɣöth nath
33Inɔ cukɛ ɣöth kä Thi-nay päm Kuɔth Nhial jälkɛ kɛ ni̱n diɔ̱k, kä te thanduk matdä ruac Kuɔth Nhial nhiamdiɛn kɛ ni̱n diɔ̱k, kɛ ɣöö bɛ kɛ jëk gua̱a̱th lɔ̱ŋä. 34Kä te wuɔ̱n Kuɔth Nhial wi̱i̱diɛn kɛ cäŋdäär min ɣöthkɛ wi̱i̱kiɛn.
35Kä mɔ ca thanduk ɣo̱th ɔ, bi Muthɛ wee i̱, “Aɣ, Kuoth Nhial jiɛc rɔ, kä a ji̱ tɛ̈ru däk piny, kä a ji̱ gaakdu bar kɛ rɔ̱ nhiamdu.” 36Kä mɔ cɛ pua̱t ɔ, bɛ wee i̱, “Lunyni jɔk, lö Kuoth Nhial, kä ji̱ I-thɛ-rɛl ti bathdɔɔri ti kur kä bathdɔɔr.”
Currently Selected:
Kuen 10: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Kuen 10
10
Kaaŋ cikä in bo̱r
1Cu Kuoth Nhial Muthɛ jiök i̱, 2“Täth kaaŋni cikä min bo̱r da̱ŋ rɛw. Kɛ dey bikɛ täth, kä bikɛ la cɔɔli duɔl, kɛnɛ ɣöth wec. 3Mi wa kɛn da̱ŋ rɛw koth, bi duɔl kɛɛliw rɔ mat guäth kɛl nhiamdu thok kɛmɛkä ro̱mä. 4Duundɛ ɣöö mi ca koth ni kɛl, bi bööth thukni duëli I-thɛ-rɛl rɔ̱ duɔ̱l ji̱ kärɔ̱. 5Kä mi wä köök ni yɛn, bi thok duëël in ci pua̱t kui̱c känyä ca̱ŋ ɣöth. 6Kä mi wi̱i̱ köök in rɛwdɛ nyɔk, bi thok duëël in te cuëëc ɣöth, ba köök ko̱k gua̱th in ɣöthkɛ. 7Kuɛ la ɣöö mi wä mat ni duɔl guäth kɛl bi koth ni kaaŋ /ci bi köök ni ji̱n. 8Kä bi gaat Ä-ron tin bööth palä kaaŋ koth, ba duŋ ŋuɔ̱tniku mi do̱raar amäni ri̱c tɔ̱ bi ben tɔ̱. 9Kä mi wi̱i̱ wä ko̱o̱r muundun kɛ gua̱n tɛ̈run mi ci yɛ dɛ̈p, kuɔthɛ kaaŋ kɛ ɣöö bi Kuoth Nhial Kuothdun yɛ tim, kä bia kään kä gua̱n tɛ̈run. 10Kä bia kaaŋ koth kɛ tɛ̈th lɔacdun kɛnɛ gua̱a̱th matädun, kɛnɛ tuk pathdun, kä bi kaaŋ koth bäkɛ kui̱ mucnikun tin waŋkɛ kɛ muc malädun, ba yɛ jak kä tiɛmkɛ nhiam Kuɔthdun. Ɛ ɣän Kuoth Nhial Kuothdun.”
Jiɛɛn ji̱ I-thɛ-rɛl kä Thi-nay
11Kɛ pay in rɛwdɛ kä ruɔ̱n in rɛwdɛ, cu wuɔ̱n rɔ kap nhial wi̱i̱ kɛmɛkä ro̱mä, 12cu ji̱ I-thɛ-rɛl ɣöth bua̱a̱ni däärdɔaar Thi-nay. Cu wuɔ̱n ben wi̱i̱ kɛmɛkä ro̱mä däärdɔaar Pa-ran. 13Kä cukɛ ɣöth kɛ ɣöth in nhiam kɛ ruac Kuɔth Nhial kɛ thok Muthɛ. 14Cu ɣöth ni wec Juda kɛ nhiam kɛ ji̱kɛ diaal, kä cu bo̱o̱thdiɛn a Na-con gat A-mi-na-dab. 15Kä cua thok duëël Yi-tha-kar bo̱th ɛ Nɛ-tan-el gat Dhu-ar. 16Kä cu Ɛli-ab gat Ä-ron a bo̱o̱th thuɔk duëël Ɣe-lon.
17Kä mi ca kɛmɛkä ro̱mä ka̱p piny, bi gaat Ger-con kɛnɛ gaat Mɛ-ra-ri tin la kapkɛ kɛmɛkä ɣo̱th. 18Kä bi ɣöth wec Rɛ-u-ben ɣöth tin bo̱o̱thdiɛn ɛ Ɛli-dhur gat Cɛ-de-ur. 19Kä cua ji̱ dhɔaar Cim-on bo̱th ɛ Cɛ-lu-mi-el gat Dhu-ri-ca-day. 20Kä cua ji̱ dhɔaar Gad bo̱th ɛ Ɛl-ya-thap gat Dɛ-u-el. 21Ɛ jɛn cu ji̱ Kɛ-ɣath ɣöth, kapkɛ tin rɛl gɔɔydiɛn rɔ̱, kä cua kɛmɛkä yiath piny a/kän kɛ ni cop. 22Kä cu ɣöth ji̱ dhɔaar Ɛ-pa-rim ɣöth kɛ ji̱kɛ diaal, kä cua kɛ bo̱th ɛ Ɛli-cama gat A-mi-ɣud. 23Kä cua ji̱ dhɔaar Ma-na-thɛ bo̱th ɛ Gam-li-el gat Pɛ-daa-dhur. 24Kä cua ji̱ dhɔaar Ben-ya-min bo̱th ɛ Ä-bi-dan gat Gid-oni.
25Kä cu ɣöth wec Daan ɣöth kɛ ji̱kɛ diaal min la gik pek ɣo̱thni, kä cua kɛ bo̱th ɛ A-ɣi-ɛ-dhɛr gat A-mi-ca-day. 26Kä cua ji̱ dhɔaar A-cɛr bo̱th ɛ Pag-i-el gat Ɔk-ran. 27Kä cua ji̱ dhɔaar Nap-ta-li bo̱th ɛ Ä-ɣi-ra gat E-nan. 28Cu nɔmɔ a duɔ̱p ɣöth ji̱ I-thɛ-rɛl kɛ pekiɛn.
29Cu Muthɛ Ɣo-bab gat Rɛ-u-el raan Mid-yan gua̱nthudɛ jiök i̱, “Banɛ wä guäth in ci Kuoth Nhial ɛ lar i̱, ‘Bɛ ka̱m kɔn.’ Bër kɛɛl kɛ kɔ, ba kɔ ji̱ la̱t a gɔaa, kɛ ɣöö ci Kuoth Nhial mi gɔaa la̱r ji̱ I-thɛ-rɛl.” 30Duundɛ ɣöö cu Ɣo-bab ɛ loc, “Ɣän /cä bi wä, bi loc ni ɣän wi̱i̱da kä nɛɛkä.” 31Kä cu Muthɛ wee i̱, “Cu kɔ bäny piny, la̱ŋä ni ji̱, kɛ ɣöö ŋäci jɛ banɛ pua̱t däärdɔaar, bi la waŋ kä kɔ. 32Kä mi wi̱i̱ ben kɛɛl kɛ kɔ, mɔ wä Kuoth Nhial ɛ lät kä kɔ mɔ, ɛ jɛn min bakɔ lät kä ji̱ bä.”
Ɣöth nath
33Inɔ cukɛ ɣöth kä Thi-nay päm Kuɔth Nhial jälkɛ kɛ ni̱n diɔ̱k, kä te thanduk matdä ruac Kuɔth Nhial nhiamdiɛn kɛ ni̱n diɔ̱k, kɛ ɣöö bɛ kɛ jëk gua̱a̱th lɔ̱ŋä. 34Kä te wuɔ̱n Kuɔth Nhial wi̱i̱diɛn kɛ cäŋdäär min ɣöthkɛ wi̱i̱kiɛn.
35Kä mɔ ca thanduk ɣo̱th ɔ, bi Muthɛ wee i̱, “Aɣ, Kuoth Nhial jiɛc rɔ, kä a ji̱ tɛ̈ru däk piny, kä a ji̱ gaakdu bar kɛ rɔ̱ nhiamdu.” 36Kä mɔ cɛ pua̱t ɔ, bɛ wee i̱, “Lunyni jɔk, lö Kuoth Nhial, kä ji̱ I-thɛ-rɛl ti bathdɔɔri ti kur kä bathdɔɔr.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.