Kuen 11
11
Mac mi bä kä Kuoth Nhial
1Täämɛ cu naath riɛkdiɛn lat ji̱th Kuɔth Nhial, kä mëë cɛ kɛ liŋ cuɛ gaak ɛlɔ̱ŋ kä cu mac Kuɔth Nhial ben rɛydiɛn, cuɛ tha̱a̱ŋ wec pɛt. 2Ɛ jɛn cu naath wä kä Muthɛ, kä cu Muthɛ Kuoth Nhial pal, kä cu mac li̱w. 3Cua gua̱a̱th ɛ mɔ cɔl i̱, Tab-e-raa, kɛ ɣöö ci mac Kuɔth Nhial pɛ̈t rɛydiɛn.
Luɔc Kuɔth Nhial kɛ ji̱ gɔɔyä
4Cu ji̱ nyuɔɔni tin tekɛ lew mi di̱i̱t ri̱ŋ lɛni go̱r, cu ji̱ I-thɛ-rɛl wiee bä, wä kɛ i̱, “Ɛŋa mi bi kɔ mi̱eth kɛ ri̱ŋ ɔ! 5Cakɔ tim ni rɛc tëë la cam kɔ kä I-jëp a /ca kɔk, buthni kɛnɛ butia̱kni kɛ mathɔaalɛni. 6Kä ɛn täämɛ /ci nɛy thilɛ buɔ̱m. Ci pua̱ny kɔ kööt, cɛ cu thilɛ dɔ̱diɛn mi nɛɛn wäŋkɔ jɛ ɛni manna kä rɔa.”
7Kä ɛn manna ce̱tdɛ kɛ dɔw kuäkä kä ce̱t guecdɛ kɛ dɔw lɛwä. 8Cu naath wä kɛ ɣöö ba kɛ wä kuany, kä guär kɛn kɛ kɛ pil kiɛ ɣɔ̱ɔ̱l kɛn kɛ kɛ thɔ̱ŋ, kä thaal kɛn kɛ kɛ cuɔ̱ɔ̱k, kä ko̱o̱t kɛn tha̱a̱ŋdɛ, kä ce̱t ta̱a̱dɛ kɛ ta̱a̱ ko̱pä mi tekɛ liɛth. 9Mɔ ci thec dɛ̈m wi̱c kɛ wäär ɔ, la manna a pen kɛɛl kɛ jɛ.
10Cu Muthɛ naath liŋ wieekɛ dho̱rikiɛn te ram ɔ thok kɛmɛkädɛ, cu kɛ̈c Kuɔth Nhial di̱t ɛlɔ̱ŋ, kä cu Muthɛ lɔcdɛ jiääk. 11Cu Muthɛ Kuoth Nhial jiök i̱, “Ɛŋu ci jiääk ɛmɛ nöŋ ja̱ŋdu mɔ? Ɛŋu mi cä lät kä ji̱ a ci lɔcdu jak kä jiäk a bi riɛk nɛɛni ti̱ti̱ la̱th wi̱i̱dä mɔ? 12A cä kɛ ku dap ɣän kɛn nɛy ti̱ti̱ diaal? Kua cä kɛ dap, ɛŋu jio̱ki ɣä mɔ i̱, ‘Kapkɛ kɛ wuɔ̱ɔ̱kdu mɔ, ce̱tkɛ ciek mi kap gat mi lueth. Muun ëë ci yac i̱, bi ka̱m gua̱ni.’ 13Ɛ winith dëë ri̱ŋ jek thi̱n ɔ mi dëë ka̱m kɛn nɛy ti̱ti̱ diaal? Wieekɛ nhiamdä laar kɛn ɛ i̱, ‘Moc kɔ kɛ ri̱ŋ mi dëë kɔ cam.’ 14Cä kɛ dëë luäŋ kɛ ka̱p kɛn nɛy ti diaal ti̱ti̱ ɣän kä rɔa, ɛ riɛk mi thiɛk thiɛk kä ɣä. 15Mi ɛ jɛn duɔ̱p in bi cieŋ kɛ ɣä ɛn nɛmɛ, jak ni ɣä kä li̱w ɛn täämɛ, kä mi jëkä mal waaŋdu, cu ɣä jak kä nɛnä da̱kdä.”
16Kä cu Kuoth Nhial Muthɛ jiök i̱, “Duli ɣä di̱t ti jiɛɛn bärɔw kä ji̱ I-thɛ-rɛl, nɛy tin ŋäci i̱, kɛ di̱t kä kɛ ruëëckiɛn, kä no̱o̱ŋ nikɛ kä kɛmɛkä ro̱mä, kä akɛ cuŋ kɛ ji̱ kɛɛl. 17Ɣän bä ben piny kä bä ruac kɛ yɛ ɛn wi̱ni. Kä bä tha̱a̱ŋ yieekä min tekɛ ji̱ ka̱n kä bä ka̱m kɛ, bikɛ riɛk nath rut kɛɛl kɛ ji̱, kɛ ɣöö /ciɛ bi lɛ rut kä rɔaadu. 18Kä läri jɛ naath i̱, ‘Lɛ̈yɛ rɔ̱, kɛ ɣöö bia ri̱ŋ cam i̱ ruun. Kɛ ɣöö ci wieedun ji̱th Kuɔth Nhial cop, kɛ ɣöö laar yɛn ɛ i̱, “Ɛŋa mi bi kɔ moc kɛ ri̱ŋ mi bakɔ cam? Kɛ ɣöö ɛ mi gɔaa kɛ kɔ kä I-jëp.” Kɛ kui̱c ɛmɔ bi Kuoth Nhial yɛ moc kɛ ri̱ŋ mi bia cam. 19/Cia bi cam kɛ cäŋ kɛl, kiɛ ni̱n rɛw kiɛ ni̱n dhieec kiɛ ni̱n wäl kiɛ jiɛɛn da̱ŋ rɛw, 20bia cam kɛ pay kɛɛliw, amäni mi cɛ ŋuäny wuɔ̱thnikun, kä ba mi jiääk kä yɛ, kɛ ɣöö cia Kuoth Nhial in te rɛydun lo̱k, kä cia wiee nhiamdɛ wä yɛn i̱, “Ɛŋu mi bäny nɛy I-jëp piny?” ’ ” 21Duundɛ ɣöö cu Muthɛ wee i̱, “Kɛn nɛy ti bathdɔɔri ti kur bäkɛl ti jäl kɛ ciökiɛn. Kä ci wee i̱, ‘Bikɛ moc ri̱ŋ mi bi kɛn ɛ cam kɛ pay kɛɛliw!’ 22A ba kɛ ku ŋuɔ̱t buɔ̱n deet kɛnɛ buɔ̱n ɣɔ̱ɔ̱k mi bikɛ ro̱ŋ? Kiɛ ba ma̱a̱t ni rɛc yiëër kä kɛ, a bikɛ ro̱ŋ?” 23Kä cu Kuoth Nhial Muthɛ jiök i̱, “A ku buɔ̱mdä tekɛ pek? Kä nɛnɛ mi bi rietdä ben kä ji̱ ala thuɔ̱k kiɛ /cɛ bia̱ thuɔ̱k.”
Kuëny Muthɛ kɛ di̱t ti jiɛɛn bärɔw
24Inɔ cu Muthɛ wä raar cuɛ ruac Kuɔth wä la̱t naath, kä cuɛ nɛy ti di̱t ti jiɛɛn bärɔw dol, cuɛ kɛ go̱l ni kɛmɛkä ro̱mä. 25Ɛ jɛn cu Kuoth Nhial ben piny kɛ wuɔ̱n kä cuɛ ruac kɛ Muthɛ, kä cuɛ tha̱a̱ŋ yieekä min te kä Muthɛ, ka̱m di̱t ti jiɛɛn bärɔw. Kä mëë ci yiëë te rɛydiɛn, cukɛ ruaacni go̱o̱kä lat. Cukɛ kɛ lat niɛ cäŋ ɛmɔ /ken kɛn kɛ nyɔk kɛ la̱t.
26Täämɛ cu wutni da̱ŋ rɛw duɔth rɛy wec, wut mi cɔal i̱, Ɛl-dad kɛnɛ Me-dad, kä ci yiëë ben rɛydiɛn, tekɛ rɛy nɛɛni tëë ca gɔ̱r, duundɛ ɣöö /ken kɛ wä kä kɛmɛkä ro̱mä, cu kɛ ruaacni go̱o̱kä lat rɛy wec. 27Kä cu wut mi ŋuɛ̈t ri̱i̱ŋ kä Muthɛ jio̱k ɛ jɛ i̱, “Ɛl-dad kɛnɛ Me-dad latkɛ ruaacni go̱o̱kä wi̱c.” 28Kä cu Jɔ-cua gat Nun läät Muthɛ ram kɛl mi cɛ kuany kä nɛɛkɛ wee i̱, “Kuäärä Muthɛ, gok kɛ.” 29Ɛ ni ɣöö cu Muthɛ Jɛ jiök i̱, “A ku lɔcdu jiääk kɛ ɣä? Dëë go̱r ni ɣöö dëë nɛɛ Kuɔth Nhial a go̱o̱k, kä dëë Kuoth Nhial, yiëëdɛ ka̱m kɛ!” 30Cu Muthɛ kɛnɛ di̱t I-thɛ-rɛl luny wi̱c.
Jäk ni Kuɔth kɛ diit yiëër
31Ɛn wi̱ni cu jiɔam ben kä Kuoth Nhial, cuɛ diit yiëër lɔk yieer, kä cuɛ kɛ jak kä pɛn gekä wec kɛ gua̱a̱th mi ja̱lkɛ cäŋ kɛl kui̱c ɔ kɛnɛ kui̱c ɔ, kui̱ ni wec diaal. Thieekɛ kɛ wi̱c muɔ̱ɔ̱n. 32Kä cu naath rɔ̱ jiɛc kɛ cäŋdäär kɛɛliw amäni wäär, nikɛ cäŋ in rɛwdɛ kɛɛliw, ma̱a̱t kɛ diit. Kä ram mi ci ti tɔt dol tëë diënyni ti jiɛɛn bäkɛl, kä cukɛ kɛ köt wi̱c kɛɛliw. 33Duundɛ ɣöö a ŋotkɛ kɛ mi̱eth ri̱eŋ a /kenɛ ni thuuk, cu Kuoth Nhial gak kɛ naath, kä cuɛ kɛ duäc kɛ duäc mi di̱i̱t. 34Kɛ kui̱c ɛmɔ cua ciöt gua̱th ɛmɔ cɔl i̱ Kib-rot-ɣata-waa, kɛ ɣöö cikɛ nɛy tëë tekɛ lew kony ɛn wi̱ni. 35Kä cu naath ɣöth kä Kib-rot-ɣata-waa wä kɛ kä Ɣä-dhe-rot, kä cukɛ cieŋ thi̱n.
Currently Selected:
Kuen 11: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Kuen 11
11
Mac mi bä kä Kuoth Nhial
1Täämɛ cu naath riɛkdiɛn lat ji̱th Kuɔth Nhial, kä mëë cɛ kɛ liŋ cuɛ gaak ɛlɔ̱ŋ kä cu mac Kuɔth Nhial ben rɛydiɛn, cuɛ tha̱a̱ŋ wec pɛt. 2Ɛ jɛn cu naath wä kä Muthɛ, kä cu Muthɛ Kuoth Nhial pal, kä cu mac li̱w. 3Cua gua̱a̱th ɛ mɔ cɔl i̱, Tab-e-raa, kɛ ɣöö ci mac Kuɔth Nhial pɛ̈t rɛydiɛn.
Luɔc Kuɔth Nhial kɛ ji̱ gɔɔyä
4Cu ji̱ nyuɔɔni tin tekɛ lew mi di̱i̱t ri̱ŋ lɛni go̱r, cu ji̱ I-thɛ-rɛl wiee bä, wä kɛ i̱, “Ɛŋa mi bi kɔ mi̱eth kɛ ri̱ŋ ɔ! 5Cakɔ tim ni rɛc tëë la cam kɔ kä I-jëp a /ca kɔk, buthni kɛnɛ butia̱kni kɛ mathɔaalɛni. 6Kä ɛn täämɛ /ci nɛy thilɛ buɔ̱m. Ci pua̱ny kɔ kööt, cɛ cu thilɛ dɔ̱diɛn mi nɛɛn wäŋkɔ jɛ ɛni manna kä rɔa.”
7Kä ɛn manna ce̱tdɛ kɛ dɔw kuäkä kä ce̱t guecdɛ kɛ dɔw lɛwä. 8Cu naath wä kɛ ɣöö ba kɛ wä kuany, kä guär kɛn kɛ kɛ pil kiɛ ɣɔ̱ɔ̱l kɛn kɛ kɛ thɔ̱ŋ, kä thaal kɛn kɛ kɛ cuɔ̱ɔ̱k, kä ko̱o̱t kɛn tha̱a̱ŋdɛ, kä ce̱t ta̱a̱dɛ kɛ ta̱a̱ ko̱pä mi tekɛ liɛth. 9Mɔ ci thec dɛ̈m wi̱c kɛ wäär ɔ, la manna a pen kɛɛl kɛ jɛ.
10Cu Muthɛ naath liŋ wieekɛ dho̱rikiɛn te ram ɔ thok kɛmɛkädɛ, cu kɛ̈c Kuɔth Nhial di̱t ɛlɔ̱ŋ, kä cu Muthɛ lɔcdɛ jiääk. 11Cu Muthɛ Kuoth Nhial jiök i̱, “Ɛŋu ci jiääk ɛmɛ nöŋ ja̱ŋdu mɔ? Ɛŋu mi cä lät kä ji̱ a ci lɔcdu jak kä jiäk a bi riɛk nɛɛni ti̱ti̱ la̱th wi̱i̱dä mɔ? 12A cä kɛ ku dap ɣän kɛn nɛy ti̱ti̱ diaal? Kua cä kɛ dap, ɛŋu jio̱ki ɣä mɔ i̱, ‘Kapkɛ kɛ wuɔ̱ɔ̱kdu mɔ, ce̱tkɛ ciek mi kap gat mi lueth. Muun ëë ci yac i̱, bi ka̱m gua̱ni.’ 13Ɛ winith dëë ri̱ŋ jek thi̱n ɔ mi dëë ka̱m kɛn nɛy ti̱ti̱ diaal? Wieekɛ nhiamdä laar kɛn ɛ i̱, ‘Moc kɔ kɛ ri̱ŋ mi dëë kɔ cam.’ 14Cä kɛ dëë luäŋ kɛ ka̱p kɛn nɛy ti diaal ti̱ti̱ ɣän kä rɔa, ɛ riɛk mi thiɛk thiɛk kä ɣä. 15Mi ɛ jɛn duɔ̱p in bi cieŋ kɛ ɣä ɛn nɛmɛ, jak ni ɣä kä li̱w ɛn täämɛ, kä mi jëkä mal waaŋdu, cu ɣä jak kä nɛnä da̱kdä.”
16Kä cu Kuoth Nhial Muthɛ jiök i̱, “Duli ɣä di̱t ti jiɛɛn bärɔw kä ji̱ I-thɛ-rɛl, nɛy tin ŋäci i̱, kɛ di̱t kä kɛ ruëëckiɛn, kä no̱o̱ŋ nikɛ kä kɛmɛkä ro̱mä, kä akɛ cuŋ kɛ ji̱ kɛɛl. 17Ɣän bä ben piny kä bä ruac kɛ yɛ ɛn wi̱ni. Kä bä tha̱a̱ŋ yieekä min tekɛ ji̱ ka̱n kä bä ka̱m kɛ, bikɛ riɛk nath rut kɛɛl kɛ ji̱, kɛ ɣöö /ciɛ bi lɛ rut kä rɔaadu. 18Kä läri jɛ naath i̱, ‘Lɛ̈yɛ rɔ̱, kɛ ɣöö bia ri̱ŋ cam i̱ ruun. Kɛ ɣöö ci wieedun ji̱th Kuɔth Nhial cop, kɛ ɣöö laar yɛn ɛ i̱, “Ɛŋa mi bi kɔ moc kɛ ri̱ŋ mi bakɔ cam? Kɛ ɣöö ɛ mi gɔaa kɛ kɔ kä I-jëp.” Kɛ kui̱c ɛmɔ bi Kuoth Nhial yɛ moc kɛ ri̱ŋ mi bia cam. 19/Cia bi cam kɛ cäŋ kɛl, kiɛ ni̱n rɛw kiɛ ni̱n dhieec kiɛ ni̱n wäl kiɛ jiɛɛn da̱ŋ rɛw, 20bia cam kɛ pay kɛɛliw, amäni mi cɛ ŋuäny wuɔ̱thnikun, kä ba mi jiääk kä yɛ, kɛ ɣöö cia Kuoth Nhial in te rɛydun lo̱k, kä cia wiee nhiamdɛ wä yɛn i̱, “Ɛŋu mi bäny nɛy I-jëp piny?” ’ ” 21Duundɛ ɣöö cu Muthɛ wee i̱, “Kɛn nɛy ti bathdɔɔri ti kur bäkɛl ti jäl kɛ ciökiɛn. Kä ci wee i̱, ‘Bikɛ moc ri̱ŋ mi bi kɛn ɛ cam kɛ pay kɛɛliw!’ 22A ba kɛ ku ŋuɔ̱t buɔ̱n deet kɛnɛ buɔ̱n ɣɔ̱ɔ̱k mi bikɛ ro̱ŋ? Kiɛ ba ma̱a̱t ni rɛc yiëër kä kɛ, a bikɛ ro̱ŋ?” 23Kä cu Kuoth Nhial Muthɛ jiök i̱, “A ku buɔ̱mdä tekɛ pek? Kä nɛnɛ mi bi rietdä ben kä ji̱ ala thuɔ̱k kiɛ /cɛ bia̱ thuɔ̱k.”
Kuëny Muthɛ kɛ di̱t ti jiɛɛn bärɔw
24Inɔ cu Muthɛ wä raar cuɛ ruac Kuɔth wä la̱t naath, kä cuɛ nɛy ti di̱t ti jiɛɛn bärɔw dol, cuɛ kɛ go̱l ni kɛmɛkä ro̱mä. 25Ɛ jɛn cu Kuoth Nhial ben piny kɛ wuɔ̱n kä cuɛ ruac kɛ Muthɛ, kä cuɛ tha̱a̱ŋ yieekä min te kä Muthɛ, ka̱m di̱t ti jiɛɛn bärɔw. Kä mëë ci yiëë te rɛydiɛn, cukɛ ruaacni go̱o̱kä lat. Cukɛ kɛ lat niɛ cäŋ ɛmɔ /ken kɛn kɛ nyɔk kɛ la̱t.
26Täämɛ cu wutni da̱ŋ rɛw duɔth rɛy wec, wut mi cɔal i̱, Ɛl-dad kɛnɛ Me-dad, kä ci yiëë ben rɛydiɛn, tekɛ rɛy nɛɛni tëë ca gɔ̱r, duundɛ ɣöö /ken kɛ wä kä kɛmɛkä ro̱mä, cu kɛ ruaacni go̱o̱kä lat rɛy wec. 27Kä cu wut mi ŋuɛ̈t ri̱i̱ŋ kä Muthɛ jio̱k ɛ jɛ i̱, “Ɛl-dad kɛnɛ Me-dad latkɛ ruaacni go̱o̱kä wi̱c.” 28Kä cu Jɔ-cua gat Nun läät Muthɛ ram kɛl mi cɛ kuany kä nɛɛkɛ wee i̱, “Kuäärä Muthɛ, gok kɛ.” 29Ɛ ni ɣöö cu Muthɛ Jɛ jiök i̱, “A ku lɔcdu jiääk kɛ ɣä? Dëë go̱r ni ɣöö dëë nɛɛ Kuɔth Nhial a go̱o̱k, kä dëë Kuoth Nhial, yiëëdɛ ka̱m kɛ!” 30Cu Muthɛ kɛnɛ di̱t I-thɛ-rɛl luny wi̱c.
Jäk ni Kuɔth kɛ diit yiëër
31Ɛn wi̱ni cu jiɔam ben kä Kuoth Nhial, cuɛ diit yiëër lɔk yieer, kä cuɛ kɛ jak kä pɛn gekä wec kɛ gua̱a̱th mi ja̱lkɛ cäŋ kɛl kui̱c ɔ kɛnɛ kui̱c ɔ, kui̱ ni wec diaal. Thieekɛ kɛ wi̱c muɔ̱ɔ̱n. 32Kä cu naath rɔ̱ jiɛc kɛ cäŋdäär kɛɛliw amäni wäär, nikɛ cäŋ in rɛwdɛ kɛɛliw, ma̱a̱t kɛ diit. Kä ram mi ci ti tɔt dol tëë diënyni ti jiɛɛn bäkɛl, kä cukɛ kɛ köt wi̱c kɛɛliw. 33Duundɛ ɣöö a ŋotkɛ kɛ mi̱eth ri̱eŋ a /kenɛ ni thuuk, cu Kuoth Nhial gak kɛ naath, kä cuɛ kɛ duäc kɛ duäc mi di̱i̱t. 34Kɛ kui̱c ɛmɔ cua ciöt gua̱th ɛmɔ cɔl i̱ Kib-rot-ɣata-waa, kɛ ɣöö cikɛ nɛy tëë tekɛ lew kony ɛn wi̱ni. 35Kä cu naath ɣöth kä Kib-rot-ɣata-waa wä kɛ kä Ɣä-dhe-rot, kä cukɛ cieŋ thi̱n.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.