Kuen 9
9
Cäŋ bälä
1Cu Kuoth Nhial ruac kɛ Muthɛ rɛy dɔaar kä Thi-nay, kɛ pay in jio̱liɛn kɛ ruɔ̱n in rɛwdɛ kɛ kɔr benädiɛn raar ro̱o̱l I-jëp jio̱k ɛ jɛ i̱, 2“Jak ni ji̱ I-thɛ-rɛl kä tiɛtkɛ gua̱a̱th ca̱ŋ bälä. 3Kɛ cäŋ kä wäl ŋuaan kä pay ɛ mi kɛ thiaŋ, biɛ tit ɛn gua̱a̱th ɛ mɔ kɛ ciɛŋ ŋuɔ̱tnikɛ.” 4Cu Muthɛ ji̱ I-thɛ-rɛl jiök i̱, tiɛtdɛ cäŋ bälä. 5Cu kɛ jɛ tim kɛ thiaŋ kɛ cäŋ kä wäl ŋuaan kä pay in jio̱liɛn rɛy dɔaar Thi-nay, cu ji̱ I-thɛ-rɛl kɛ la̱t ce̱tnikɛ mëë ci Kuoth Nhial ɛ la̱t Muthɛ. 6Kä cuɛ tekɛ nɛy ti ca rɔ ya̱r kɛ thiëp ri̱eŋ raam mi ci li̱w, cikɛ cäŋ bälä bi tim ɛn cäŋ ɛmɔ, bikɛ ben ɛn cäŋ ɛ mɔ nhiam Muthɛ kɛnɛ Ä-ron. 7Kä kɛn wutni tɔ̱tɔ̱ bikɛ jɛ jiök i̱, “Kɔn cakɔ rɔ̱ ya̱r kɛ thiëp ri̱eŋ raam mi ci li̱w. Ɛŋu mɔ /cakɔ muc Kuɔth Nhial tho̱p kɛ gua̱a̱thdɛ min thöp kɛ ni jɛ rɛy ji̱ I-thɛ-rɛl?” 8Cu Muthɛ kɛ loc i̱, “Li̱epɛ, amäni mi cä Kuoth Nhial liŋ kɛ mɔ bɛ la̱rä mɔ kɛ kui̱dun.” 9Cu Kuoth Nhial ruac kɛ Muthɛ, 10jio̱kni ji̱ I-thɛ-rɛl i̱, “Mi ci raan kä yɛ kiɛ kä kuaykun rɔ ya̱r kɛ thiëp ri̱eŋ raam mi ci li̱w, kiɛ tëë jäl guäth mi na̱n, a jɛ tiim cäŋ bälä Kuɔth Nhial. 11Kɛ thiaŋ kɛ cäŋ kä wäl ŋuaan kä pay in rɛwdɛ bikɛ jɛ tim, bikɛ cam ni mi̱eth mi thil thuɔp kɛnɛ ti wac. 12Thilɛ mi bi kɛn ɛ doth mi bi mäni runwaŋ, kä thilɛ cɔ̱a̱ mi ba to̱l, nikɛ ŋuɔ̱t ca̱ŋ bälä bikɛ tit. 13Kä ram in /ken rɔ ya̱r kä/ken wä ja̱l, mi /ken ɛ cäŋ bälä tim, ɛn ram ɛ mɔ ba ŋuɔk raar rɛy nɛɛnikɛ, kɛ ɣöö /kenɛ Kuoth Nhial thöp mucdɛ kɛ gua̱a̱thdɛ, bɛ riɛkdɛ jek ɛ jɛn. 14Kä mi tëë ram guä mi cieŋ rɛydun, kä go̱rɛ ti̱em ca̱ŋ bälä Kuɔth Nhial, ce̱tnikɛ ŋuɔ̱t kɛ kɛnɛ ciɛŋkɛ bɛ la̱t, kä bi ŋuɔ̱tkun a kɛl yɛn ji̱ wec kɛɛl kɛ nɛy tɔ̱ cieŋ rɛydun tɔ̱.”
Pua̱r wi̱i̱ kɛmɛkä
(Ɣöth 40:34-38)
15Kä kɛ cäŋ in cuɔ̱ŋkɛ ni kɛmɛkä ro̱mä, cu wuɔ̱n kɛmɛkä kum, kɛmɛkä ro̱mä. Kä kɛ thiaŋ la jɔcɛ wi̱i̱ kɛmɛkä ce̱tkɛ mac amäni runwaŋ. 16Tëë thi̱n ni ciaŋ. Te wuɔ̱n wi̱i̱dɛ kɛ cäŋdäär kä jɔcɛ ce̱tkɛ mac kɛ wäär. 17Kä mɔ ci wuɔ̱n rɔ kap nhial ɔ wi̱i̱ kɛmɛkä ro̱mä, bi ji̱ I-thɛ-rɛl ɣöthdiɛn nyoŋ. Kä gua̱a̱th ɔ ci wuɔ̱n luny piny thi̱n ɔ, la ji̱ I-thɛ-rɛl a puɔ̱t thi̱n. 18Kɛ ruac Kuɔth Nhial la ji̱ I-thɛ-rɛl a ɣöth, kä la kɛn a puɔ̱t kɛ ruacdɛ, kä mɔ te wuɔ̱n wi̱i̱ kɛmɛkä mɔ la cieŋkɛ ɛn wi̱c. 19Kä mi cɛ te wi̱i̱ kɛmɛkä kɛ ni̱n ti ŋuan, la ji̱ I-thɛ-rɛl lät Kuɔth Nhial a lät, kä /cikɛ a ɣöth. 20Tha̱a̱ŋ gua̱thni la wuɔ̱n a te wi̱i̱ kɛmɛkä kɛ ni̱n ti tɔt, nikɛ mëë ci Kuoth Nhial ɛ lar, la tekɛ ni wi̱c, kä kɛ ruac Kuɔth Nhial la kɛ cua̱ ɣöth. 21Kä tha̱a̱ŋ gua̱thni la te wuɔ̱n wi̱i̱ kɛmɛkä kɛ thiaŋ amäni runwaŋ mi ci wuɔ̱n rɔ kap nhial kɛ runwaŋ la ɣöthkɛ, kä mi wee kɛ wä kɛ cäŋdäär kɛnɛ wäär, mi te wuɔ̱n nhial la ɣöthkɛ. 22A cäŋɛ ni̱n rɛw kiɛ pay, kiɛ pek mi bäär, mi te wuɔ̱n wi̱i̱ kɛmɛkä, la te ji̱ I-thɛ-rɛl ni ti̱ecni kä /cikɛ a ɣöth ɛ ni mi cɛ rɔ kap nhial bikɛ cu ɣöth. 23Kɛ ruac Kuɔth Nhial la tekɛ wi̱c, kä kɛ ruacdɛ la ɣöthkɛ. Cukɛ lät Kuɔth Nhial tit ce̱tkɛ mëë cɛ la̱r Muthɛ.
Currently Selected:
Kuen 9: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Kuen 9
9
Cäŋ bälä
1Cu Kuoth Nhial ruac kɛ Muthɛ rɛy dɔaar kä Thi-nay, kɛ pay in jio̱liɛn kɛ ruɔ̱n in rɛwdɛ kɛ kɔr benädiɛn raar ro̱o̱l I-jëp jio̱k ɛ jɛ i̱, 2“Jak ni ji̱ I-thɛ-rɛl kä tiɛtkɛ gua̱a̱th ca̱ŋ bälä. 3Kɛ cäŋ kä wäl ŋuaan kä pay ɛ mi kɛ thiaŋ, biɛ tit ɛn gua̱a̱th ɛ mɔ kɛ ciɛŋ ŋuɔ̱tnikɛ.” 4Cu Muthɛ ji̱ I-thɛ-rɛl jiök i̱, tiɛtdɛ cäŋ bälä. 5Cu kɛ jɛ tim kɛ thiaŋ kɛ cäŋ kä wäl ŋuaan kä pay in jio̱liɛn rɛy dɔaar Thi-nay, cu ji̱ I-thɛ-rɛl kɛ la̱t ce̱tnikɛ mëë ci Kuoth Nhial ɛ la̱t Muthɛ. 6Kä cuɛ tekɛ nɛy ti ca rɔ ya̱r kɛ thiëp ri̱eŋ raam mi ci li̱w, cikɛ cäŋ bälä bi tim ɛn cäŋ ɛmɔ, bikɛ ben ɛn cäŋ ɛ mɔ nhiam Muthɛ kɛnɛ Ä-ron. 7Kä kɛn wutni tɔ̱tɔ̱ bikɛ jɛ jiök i̱, “Kɔn cakɔ rɔ̱ ya̱r kɛ thiëp ri̱eŋ raam mi ci li̱w. Ɛŋu mɔ /cakɔ muc Kuɔth Nhial tho̱p kɛ gua̱a̱thdɛ min thöp kɛ ni jɛ rɛy ji̱ I-thɛ-rɛl?” 8Cu Muthɛ kɛ loc i̱, “Li̱epɛ, amäni mi cä Kuoth Nhial liŋ kɛ mɔ bɛ la̱rä mɔ kɛ kui̱dun.” 9Cu Kuoth Nhial ruac kɛ Muthɛ, 10jio̱kni ji̱ I-thɛ-rɛl i̱, “Mi ci raan kä yɛ kiɛ kä kuaykun rɔ ya̱r kɛ thiëp ri̱eŋ raam mi ci li̱w, kiɛ tëë jäl guäth mi na̱n, a jɛ tiim cäŋ bälä Kuɔth Nhial. 11Kɛ thiaŋ kɛ cäŋ kä wäl ŋuaan kä pay in rɛwdɛ bikɛ jɛ tim, bikɛ cam ni mi̱eth mi thil thuɔp kɛnɛ ti wac. 12Thilɛ mi bi kɛn ɛ doth mi bi mäni runwaŋ, kä thilɛ cɔ̱a̱ mi ba to̱l, nikɛ ŋuɔ̱t ca̱ŋ bälä bikɛ tit. 13Kä ram in /ken rɔ ya̱r kä/ken wä ja̱l, mi /ken ɛ cäŋ bälä tim, ɛn ram ɛ mɔ ba ŋuɔk raar rɛy nɛɛnikɛ, kɛ ɣöö /kenɛ Kuoth Nhial thöp mucdɛ kɛ gua̱a̱thdɛ, bɛ riɛkdɛ jek ɛ jɛn. 14Kä mi tëë ram guä mi cieŋ rɛydun, kä go̱rɛ ti̱em ca̱ŋ bälä Kuɔth Nhial, ce̱tnikɛ ŋuɔ̱t kɛ kɛnɛ ciɛŋkɛ bɛ la̱t, kä bi ŋuɔ̱tkun a kɛl yɛn ji̱ wec kɛɛl kɛ nɛy tɔ̱ cieŋ rɛydun tɔ̱.”
Pua̱r wi̱i̱ kɛmɛkä
(Ɣöth 40:34-38)
15Kä kɛ cäŋ in cuɔ̱ŋkɛ ni kɛmɛkä ro̱mä, cu wuɔ̱n kɛmɛkä kum, kɛmɛkä ro̱mä. Kä kɛ thiaŋ la jɔcɛ wi̱i̱ kɛmɛkä ce̱tkɛ mac amäni runwaŋ. 16Tëë thi̱n ni ciaŋ. Te wuɔ̱n wi̱i̱dɛ kɛ cäŋdäär kä jɔcɛ ce̱tkɛ mac kɛ wäär. 17Kä mɔ ci wuɔ̱n rɔ kap nhial ɔ wi̱i̱ kɛmɛkä ro̱mä, bi ji̱ I-thɛ-rɛl ɣöthdiɛn nyoŋ. Kä gua̱a̱th ɔ ci wuɔ̱n luny piny thi̱n ɔ, la ji̱ I-thɛ-rɛl a puɔ̱t thi̱n. 18Kɛ ruac Kuɔth Nhial la ji̱ I-thɛ-rɛl a ɣöth, kä la kɛn a puɔ̱t kɛ ruacdɛ, kä mɔ te wuɔ̱n wi̱i̱ kɛmɛkä mɔ la cieŋkɛ ɛn wi̱c. 19Kä mi cɛ te wi̱i̱ kɛmɛkä kɛ ni̱n ti ŋuan, la ji̱ I-thɛ-rɛl lät Kuɔth Nhial a lät, kä /cikɛ a ɣöth. 20Tha̱a̱ŋ gua̱thni la wuɔ̱n a te wi̱i̱ kɛmɛkä kɛ ni̱n ti tɔt, nikɛ mëë ci Kuoth Nhial ɛ lar, la tekɛ ni wi̱c, kä kɛ ruac Kuɔth Nhial la kɛ cua̱ ɣöth. 21Kä tha̱a̱ŋ gua̱thni la te wuɔ̱n wi̱i̱ kɛmɛkä kɛ thiaŋ amäni runwaŋ mi ci wuɔ̱n rɔ kap nhial kɛ runwaŋ la ɣöthkɛ, kä mi wee kɛ wä kɛ cäŋdäär kɛnɛ wäär, mi te wuɔ̱n nhial la ɣöthkɛ. 22A cäŋɛ ni̱n rɛw kiɛ pay, kiɛ pek mi bäär, mi te wuɔ̱n wi̱i̱ kɛmɛkä, la te ji̱ I-thɛ-rɛl ni ti̱ecni kä /cikɛ a ɣöth ɛ ni mi cɛ rɔ kap nhial bikɛ cu ɣöth. 23Kɛ ruac Kuɔth Nhial la tekɛ wi̱c, kä kɛ ruacdɛ la ɣöthkɛ. Cukɛ lät Kuɔth Nhial tit ce̱tkɛ mëë cɛ la̱r Muthɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.