Liib 18

Ciaŋ luɔ̱m mi jiääk

1Cu Kuoth Nhial Muthɛ jiök i̱, 2“Ruacni kɛ ji̱ I-thɛ-rɛl jiök nikɛ i̱, ‘Ɛ ɣän Kuoth Nhial Kuothdun. 3/Cuarɛ guur ni lät ji̱ I-jëp, gua̱a̱th ëë cieŋɛ thi̱n. /Kä cuarɛ guur ni lät ji̱ Kɛ-naan gua̱th ɛ naŋä yɛ thi̱n ɛ, /cuarɛ guur ni ciɛŋkiɛn. 4Bia luɔ̱th ni ŋuɔ̱t kä, kä bia la̱t ni min cä lar. Ɛ ɣän Kuoth Nhial Kuothdun. 5Tiɛtdɛ ŋuɔ̱tkä kä ka̱pɛ laatkä, kɛ ɣöö ram mi bikɛ tit, bɛ tëk kɛ kɛ. Ɛ ɣän Kuoth Nhial.

6“ ‘A thil ram mi bi rɔ thieek kɛ gua̱n maarädɛ i̱ bɛ jɛ ka̱n. Ɛ ɣän Kuoth Nhial. 7/Cu lɔc guur jak kä jiäk kɛ känidu kɛ muɔr. Kɛ ɣöö ɛ muɔr /cu ta̱dɛ baaŋ guic. 8Kä /cu ciek guur kän, kɛ ɣöö /ci lɔcdɛ bi jiäk. 9Kä /cu nyimuɔɔr kän, nya ciek guur kiɛ nyimuɔɔr, ca dap cieŋ kiɛ läkä. 10Kä /cu tɔ̱ɔ̱c kɛ nyiee ganku kiɛ nyier nyieetku, kɛ ɣöö ɛ pöcdu. 11Kä /cu tɔ̱ɔ̱c kɛ nya ciek guur, mi di̱ethkɛ guur, ɛ nyimuɔɔr. 12Kä /cu tɔ̱ɔ̱c kɛ nyimani guur, kɛ ɣöö kɛ wayniku. 13Kä /cu tɔ̱ɔ̱c kɛ nyiman muɔr, ɛ muɔlen. 14/Cu gulen lɔcdɛ jak kä jiäk kɛ tɔ̱ɔ̱cdu kɛ ciekdɛ, kɛ ɣöö ɛ muɔr. 15/Cu tɔ̱ɔ̱c kɛ nya nyimuɔɔthu kiɛ nya dämuɔɔthu. 16/Cu tɔ̱ɔ̱c kɛ ciek dämuɔɔr, kɛ ɣöö /ci bi thil luth kä gaat muɔr. 17Kä /cu bi tɔ̱ɔ̱c kɛ ciek kɛnɛ nyadɛ kiɛ kɛ nya gatdɛ kiɛ nya nyaadɛ kɛ ɣöö dëë kɛ maar kɛ ji̱, tɔ̱tɔ̱ jäkɛ. 18Cu nyiman ciekdu kän bä ala ciekdu kä te ciekdu te̱e̱kä.

19“ ‘Kä /cu bi tɔ̱ɔ̱c kɛ ciek guäth in tekɛ riɛm, jɛn jiäkɛ. 20Kä /cu bi tɔ̱ɔ̱c kɛ ciek thiekädu a bi rɔ yär kɛ jɛ. 21Kä /cu gat thöp kuoth Mo-lɛk kä gaatku, kɛ ɣöö /ci ciöt Kuɔthdu bi jiääk. Ɛ ɣän Kuoth Nhial. 22/Cu tɔ̱ɔ̱c kɛ wut dɔ̱diɛn, lok Kuoth ɛ. 23A thil wut kiɛ ciek mi bi tɔ̱ɔ̱c kɛ le̱y ɛ buɔ̱m, bɛ ji̱ yär.

24“ ‘Kä /cu puɔ̱nydu yär kɛ duɔ̱p kɛl kä ti̱ti̱. Kɛ ɣöö kɛ kɛn dup tin ya̱r kɛ nɛy ti wa̱a̱ tuɔ̱k raar ti. 25Amäni mun bä cɛ jiääk, inɔ ca däk kɛ kui̱ dui̱rädɛ, kä ci mun nɛy tin ciäŋ thi̱n cu ŋɔak raar. 26Kɛ kui̱ ɛmɔ bia tit ni ŋuɔ̱tkä kɛnɛ ruaacnikä. Yɛn ji̱ I-thɛ-rɛl kɛ nɛy tin rööl tin ciëŋ rɛydun, bɛ thil ram mi lät tin ya̱rkɛ naath. 27Kɛ ɣöö kɛn ti̱ti̱ ca kɛ la̱t ɛ nɛy tëë ciaŋ kɛ mun ɛmɛ nhiamdun, kä ca mun jak kä jiäk. 28Kä mi wä yɛn mun jak kä jiäk, bɛ yɛ ŋɔak raar ce̱tnikɛ mëë cɛ nɛy tëë cieŋ thi̱n nhiamdun kɔn ŋɔak raar. 29Kä ɛn ram ɔ bi duɔ̱ɔ̱r la̱t ɔ kä ti̱n ya̱rkɛ naath, kɛn nɛy tɔ̱tɔ̱ bakɛ tuɔ̱k raar rɛy nɛɛnikiɛn. 30Kɛ kui̱ ɛ mɔ bia tit ni ŋuɔ̱tkä, kä /cuarɛ guur ni lät nɛɛni tëë kɔan mun ɛ mi ciɛŋ nhiamdun, kä /cuarɛ pua̱nykun ya̱r kɛ lätni kä duɔ̱ɔ̱r kä tin ya̱r kɛ naath. Ɛ ɣän Kuoth Nhial Kuothdun.’ ”

Currently Selected:

Liib 18: nusNHB

Highlight

Copy

Compare