Roma 5

Abisan Ihosiere Hollum

1Ihuo itabisani hohoi ihosiere Hollum te eruk, ayyu namanya hohoi#5:1 ayyu namanya hohoi : Ojiori omuk egierita hamanyati onno oyyu. iko Hollum to Yesu Kristo Lamonye hohoi. 2Tenyi, enyurak ayiji taji Hollum enne emanyari ihuania. Tania, etadara te#5:2 etadara te : kuyya, Hètadarati. eyihina jio, efuo iwanan jio akuatan Hollum. 3Etadara buo fe#5:3 Etadara buo fe : kuyya hètadarati buo fe. te ettigemita hunne erumak nyio, emijak jio iyaŋunie ettigemita hunia adihan. 4Buo adihan iyaŋuno eruhonia Hollum hohoi, buo eruhonia Hollum iyaŋuno eyihina jihohoi. 5Obeŋ eyihina ania oremik itaŋarijonia hohoi, nyio, ihanani abuaran taji Hollum itajia hohoi to Loholio Olibo ninyia isiarak Hollum jihohoi.

6Ninyia hobeŋ agolon jihohoi, oye nyia Kristo te eram heyyak jio noloŋ ninyia onyimu Hollum. 7Ogol bebe jio atulo iyeri te eram tulo ollo obis 'to. Ati oremik atulo irinyana aye te eram tulo ollo oyyu 'to alia. 8Itahutak atibuo Hollum abolori buaran taji honyi hohoi, ta naye Kristo to hohoi buo hera aheyyak. 9Elle itabisak nooto honyi#5:9 Elle itabisak nooto honyi hohoi : kuyya, elle itabisak naye honyi hohoi. hohoi ihosiere Hollum, iliaha adi luŋa bebe jihonyi italahuniere hohoi jio ajore Hollum! 10Era nyia amiorok Hollum, ati itimuarak naye Lonyi honyi hohoi ikonyi. Ihuania, emuara iko Hollum, efuo atibuo hode hode italahuno te nesu Kristo! 11Obiaŋara inyi ania hama; nyio, emuno te erre hunne ihan Hollum jihohoi to Yesu Kristo, Lamonye hohoi linyia itimuarak 'to hohoi ikonyi.

Adam iko Kristo

12Ottu nyia eyyau ifau ta atulo abotie. Buo eyyau honyi ette iyaŋuno aye enne isarrahi 'to jio awoyo tulo 'daŋ, nyio, iyyauni aati 'daŋ. 13Owon nyia eyyau berien ifau many hobeŋi isiori efahita; buo jio amasik hunno obiaŋarik efahita, obeŋi buo fe onyurani eyyata diya. 14Ati itterio jio oŋitek huno Adam many jio huno Mose, harasa naye igottiere aati 'daŋ ara duadi bu hullo obeŋi eyyata hosi orriamari iko huno Adam, linyia omesio 'to ekiana Hollum.

Ara nyia Adam arrijiori ono lia, linyia olo 'to ittuna. 15Ati obeŋ esiorio anna ara 'to asai orriama iko eyyau Adam. Hode, ayei aati arriai te eyyau tulo abotie. Ati agalik bebe ayiji taji Hollum iko esiorio honyi anna ara 'to asai eram ania; nyio, ifuotuni nyia aati arriai esiorio Hollum anna ara 'to asai ta ayiji taji tulo abotie, Yesu Kristo. 16Olufa esiorio ono asai jio eyyau tulo abotie; nyio, iyaŋuno nyia eyyau tulo abotie aŋotonia “Ipali”; buo eyyata waati arriai iyaŋunie esiorio anna ara 'to asai ono, “Abiaŋan ipali!” 17Hode, te eyyau tulo abotie, ilohittok aye jio aati 'daŋ te eram atulo alia. Ati ariŋ ninyia ihan atulo abotie, Yesu Kristo, agalik agolon honyi eram ania bebe! To Kristo, ogottierek adi hia nesu, hulle ifuotuni 'to ayiji taji Hollum onno obolo 'to iko esiorio honyi anna ara 'to asai enne itabisak 'to isi ihosiere honyi.

18Tania, ihuo ninyia iyaŋuniere eyyau tulo abotie aŋotonia epali jio aati 'daŋ, iyaŋuno buo fe ehan ariŋ abotie onno obis 'to ahohino iko nesu jio aati 'daŋ. 19Buo ta amesio tulo abotie, arai aati arriai aheyyak, ihuo nyia buo fe ta aniŋio tulo abotie, itabisanie aati arriai ihosiere Hollum. 20Iyaŋunie nyia Efahita, ifuananiere epalita jio aati. Ati jio amaji onno obolorori eyyau, inyiak ayiji taji Hollum ibolori bebe diya. 21Ihuo enne iyaŋuniere eyyau naye, iyaŋuno buo fe ayiji taji Hollum, abisan enne iyaru 'to hohoi jio nesu onno osio 'to 'tulaŋ, to Yesu Kristo, Lamonye hohoi.

Currently Selected:

Roma 5: EA2003

Highlight

Copy

Compare