Roma 4

Etamijani ono Abramo

1Ejio attadi anyio te eram hohonyi hohoi Abramo? Owon nyia amanya honyi aŋai? 2Nyio, ollo obis nyia Abramo to hosiere Hollum te ehanita honyi, osiru duo etadara jihonyi. Ati ittallik inyi itadara ihosiere Hollum. 3#Gal 3:6Ojio Abuk Hollum jio, “Iruk nyia Abramo Hollum, ania, ifuotuniere Hollum inyi a habisani te eruk honyi.” 4Odumani arobiyaa jio atulo elle igiama 'to, ati obeŋi edumiti honyi arai ihuo esiorita. Arai isi asaŋ hunne igemuni igemuna. 5Ati lia, elle iyihi 'to jio neruk buo obiaŋara jio egiama, buo fe iruk jio Hollum ollo ojio 'to jio, obeŋ epalani ipal. Atulo ihua alia, elle ihianak Hollum ahabisani te neruk honyi. 6Eram ania ninyia iken Dafide, to ninyia ikianari inyi te eram tulo ollo omuno 'to te ehianana Hollum inyi a habisani, buo obiaŋara te eram ono egiama honyi. Ojio nyia Dafide jio:

7“Hotomunohi hia, hulla abusanie epalita hosi,

iko hia hulla ahohinie eyyata hosi!

8Hotomunoi atulo ollo obeŋ Lamonye ihianatta eyyata honyi.”

9Ara soho amuno enne ikiana Dafide ania ta abosok hama? Obeŋ! Ara buo fe inyi to hia hullo obeŋi 'to obosoi; nyio, hetek duo ihenuna to Buk Hollum jio, “Iruk nyia Abramo Hollum, ania, iruhoniere Hollum inyi ahabisani te eruk honyi.” 10Iduoŋ nyia eram ania nyia baya? Hobeŋi obosi Abramo kuyya ninyia labosi inyi? Iduoŋ nyia eram ania hobeŋi obosi Abramo, buo obiaŋara ihalu boso honyi. 11Obosi nyia inyi irari etamijani enne iruhoniere Hollum inyi ahabisani te eruk honyi, hobeŋi ikoddaŋ obosi inyi. Ihuania, ara Abramo ahohonyi jio hia, hulle iruhi 'to jio Hollum, buo fe Hollum iruhok isi a habisak duadi bu obeŋi obosi isi. 12Ara buo fe inyi ahohonyi hia hullo obosoi 'to, obiaŋara ta aboso hosi ijiai; ati te ejifatio hosi amanya ono neruk ono hohonyi hohoi Abramo, ninyia hobeŋi obosi inyi.

Ifuotuni Ecorit Hollum te Neruk

13 # Gal 3:29 Ninyia ocoroniere Hollum jio Abramo iko aati hutto woyo honyi jio, ara adi nafau ana ahononyi, obeŋ nyia ara ta aniŋio honyi Efahita; ati te neruk honyi, ifuotunierek inyi ahabisani. 14#Gal 3:18Elle isiori duo ecoriti Hollum jio hia hullo oniŋie 'to Efahita, oso duo neruk asai, buo fe ecorit Hollum ette irahan obojiai. 15Iyaŋunie Efahita ajore Hollum, buo alla abeŋi duo Efahita obeŋ duo buo fe amesio hosi.

16 # Gal 3:7 Ara nyia ecorit ania te eruk, jio oŋida ecorit ania ara luŋa etahuti ono esiorio enne isiarak Hollum asai jio aati hutto woyo Abramo. Obiaŋara nyia to hia hama hullo oniŋie 'to Efahita; ara buo fe inyi to hia hulle eruhi 'to ihuo Abramo. Nyio, ara Abramo ahohonyi hohoi 'daŋ, 17ihuo ojio Abuk Hollum jio, “Ehanak ni iyye ahohonyi olo awoi waati arriai.” Oyyu ecorit ania to hosiere Hollum elle iruk Abramo jihonyi. Inyi Hollum elle itubuhu 'to ayaak toye, buo fe ekiana honyi iyaŋutta erre hunno obeŋitatie 'to, irari. 18Iruk nyia Abramo buo fe odulo eyihina, ara duadi bu obeŋ riŋ iyihiniere jio, attu adi inyi irahan ahohonyi woi waati; ihuo ninyia iramanierek inyi jio, “Oluaji adi aati hutto woyo hoi ihuo elelefi.” 19Iliahai nyia aŋasi honyi ifanyan esiha abotie. Ati odulo nyia eruk honyi agolon, duadi bu igigilo inyi te eram huan honyi ninyia ara 'to ihuo anna aye, kuyya te eholofi ŋoruoi honyi Sara. 20Obeŋ nyia inyi oyuho eruk, buo fe obeŋ okuaya ecorit Hollum. Itagolio nyia eruk ania inyi, ette inyi itahabuyo Hollum. 21Ifut nyia itaji honyi luŋa jio, oremik Hollum ihanio ecoriti honyi. 22Inyi ninyia “Iruhoniere Hollum Abramo ahabisani” te eruk honyi. 23Ati, ekenita hunno ojiori 'to jio, “Iruhok nyia Hollum inyi ahabisani,” obeŋi nyia igioroni to Abramo hama. 24Arai nyia buo fe isi to hohoi hullo ofuoi iruhonia ahabisak, te eruk hohoi jio lia linyia itubuhu 'to Yesu Lamonye hohoi toye. 25Itattohori nyia Yesu te eram iyyata hohoi, buo fe itubuhuni inyi toye itabisaniere hohoi ihosiere Hollum.

Currently Selected:

Roma 4: EA2003

Highlight

Copy

Compare