ETALEYEHINA 8

Eduanyit Etahattarihi

1Ninyia awalak Olosobe eduanyit etahattarihi, oduaru nyia nedou lioo, many ihua anus saa. 2Attati ni igonyuna ajilohien hula hattarik hullo owotiai 'to ihosiere Hollum. Isiarani nyia jihosi afurujuhien hattarik.

3Teya, ottu nyia obo ajilo hama, ollo oŋuahatio akos 'yel esuahit ottogoŋ, ette iwotia iger ititiek ehumi. Isiarani nyia jihonyi ottogoŋ onno obolo, oŋida ofuanani jio emojiti waati Hollum 'daŋ. Ihumari nyia inyi ottogoŋ ania ihide ititiek ehumi anna ara 'to ayyel, ninyia owon 'to ihosiere seger ilohittok. 4Attati afuro ottogoŋ iko emojiti waati Hollum idahan ahide ta has ajilo linyia owotia 'to ihosiere Hollum. 5#Eta 11:19; 16:18Attati ajilo lia iduhuna akos ono ottogoŋ, ette italluronia neema otto ititiek ehumi, ette iruasuna jio afau ana. Teya, owon nyia attorr hutuhe, etitta iko emedehita hilai buo olokitik.

Afurujuhien

6Attati ajilohien hula hattarik, hullo owoni 'to iko afurujuhien hattarik, ihuhuma ihutari afurujuhien hunia.

7Ohut nyia ajilo etteri afuruju honyi, buo afalaŋa iko neema enne iharrua iko nooto ette ijuhuno ifau. Otuk nyia eema ania aŋati etahunihi ono afau, ono ayyani iko amiyaŋ enne egara 'daŋ.

8Attati ajilo etarrihi ihut afuruju honyi. Ibironi nyia itua hari enne ittokon, obo ariŋ anna ara ihua adoŋe enne ittok onno osuaharu. Oyito nyia aŋati etahunihi ono aari ania ahoto, 9ette erre hunne isui 'to iko ababuri 'daŋ hunno owoni 'to jio aŋati ania ituho.

10Attati ajilo etahunihi ihut afuruju honyi, ette obo elelef enne ittok bebe, enne inuaha ihua afattariya, ikuahuno tedou, ette ikuahino iŋati etahunihi ono oworio iko olotilihi. 11(Afure elelef ania “Aduaran 'tek 'tek.”) Ette aŋati etahunihi ono ariak 'daŋ iduaran 'tek 'tek, buo arriai waati hunyia amati 'to aari hunia ette iye nyio, aduari aari hunia.

12Attati ajilo etaŋuani ihut afuruju honyi. Itiriohi nyia aŋati etahunihi ono noloŋ, ono nayafa iko huno elelefi, ania obiaŋarik etahunihi ŋacio hosi inuahai. Jio aŋati etahunihi ono oloŋ abotie, obeŋ nyia noloŋ onok. Obeŋ nyia buo fe nayafa iko elelefi inuahai jio aŋati etahunihi ono attari.

13Attati ni imi, ette ni itayiruna asollir iddarrata ihide dou, buo ikiana woŋ woŋ jiojio, “Eii arrohoji! Arrohoji! Orroho adi bebe jio aati 'daŋ hutta fau alla ahuti afurujuhien hunno ofuoi ajilohien hula hunihoi ihut.”

Currently Selected:

ETALEYEHINA 8: EA2003

Highlight

Copy

Compare