Popular Bible Verses from ETALEYEHINA 8

Share

Ninyia awalak Olosobe eduanyit etahattarihi, oduaru nyia nedou lioo, many ihua anus saa.

Ohut nyia ajilo etteri afuruju honyi, buo afalaŋa iko neema enne iharrua iko nooto ette ijuhuno ifau. Otuk nyia eema ania aŋati etahunihi ono afau, ono ayyani iko amiyaŋ enne egara 'daŋ.

Attati ni imi, ette ni itayiruna asollir iddarrata ihide dou, buo ikiana woŋ woŋ jiojio, “Eii arrohoji! Arrohoji! Orroho adi bebe jio aati 'daŋ hutta fau alla ahuti afurujuhien hunno ofuoi ajilohien hula hunihoi ihut.”

Attati ajilo etarrihi ihut afuruju honyi. Ibironi nyia itua hari enne ittokon, obo ariŋ anna ara ihua adoŋe enne ittok onno osuaharu. Oyito nyia aŋati etahunihi ono aari ania ahoto

Attati ajilo etahunihi ihut afuruju honyi, ette obo elelef enne ittok bebe, enne inuaha ihua afattariya, ikuahuno tedou, ette ikuahino iŋati etahunihi ono oworio iko olotilihi. (Afure elelef ania “Aduaran 'tek 'tek.”) Ette aŋati etahunihi ono ariak 'daŋ iduaran 'tek 'tek, buo arriai waati hunyia amati 'to aari hunia ette iye nyio, aduari aari hunia.

Attati ajilo etaŋuani ihut afuruju honyi. Itiriohi nyia aŋati etahunihi ono noloŋ, ono nayafa iko huno elelefi, ania obiaŋarik etahunihi ŋacio hosi inuahai. Jio aŋati etahunihi ono oloŋ abotie, obeŋ nyia noloŋ onok. Obeŋ nyia buo fe nayafa iko elelefi inuahai jio aŋati etahunihi ono attari.