3 YOANE 1
1
1 #
Ehanita 19:29; Rom 16:23; 1Kor 1:14 Nani alia Lahouti…
Egiorok ni jio Gayos, alla amuno ni, ollo obuor ataji hoŋ hode.
2Illaŋ, alla amuno ni bebe, amojo ni jio ijiara erre ayijok hotodulohi ikoye. Ijiara buo fe ahuan hoi odulo ayiji…ihuo amijak ni jio oyyu oloholio hoi. 3Amuno nyia ni bebe ninyia afuonni omuk Kristiani jihatai, ette iramana jihoŋ jio imanya iyye te elahode…ihuo enne iniŋiere iyye luŋa nelahode. 4Obeŋ obo ariŋ enne itamuno 'to nani bebe, agalik etaniŋuna jio amanyai aduri hoŋ te nelahode.
Itahuye Gayos
5Illaŋ, alla amuno ni, igottiere iyye luŋa ehanio onno oyyu jio Kristiani hullomuk, duadi bu itimo iyye isi. 6Iramani isi jio eluluŋ heruhok eram ono abuaran taji hoi. Oduloi luŋa iluahio isi iculari ahosiere, ihuo awak Hollum. 7Nyio, itterie nyia isi amomoriya igiamari jio Kristo, buo ihari efuotuna obo aluahio jio aati hullo obeŋi 'to arai aheruhok. 8Tania, ijiara luŋa eluahio eruhok ihuo hulia, oŋida bati era 'daŋ arabotie ikosi a hegiamak hulo nelahode.
Diyotrifis iko Demetrios
9Egiorok nyia ni awaraga jio eluluŋ heruhok, ati iha nyia Diyotrifis asiehina 'yaha jio eram awaraga ania. Nyio, awak nyia inyi ikafana ahuan honyi elettok hosi. 10Tania, alla attu ni, alo adi ni salana ehanita honyi 'daŋ: etarrohojio fureta hohoi iko agesemita 'daŋ hunyia omuaŋari inyi hohoi! Obiaŋara nyia hunia ijiai; obeŋ nyia inyi ifuotutta Kristiani, buo fe itihotio hia hulla awahi 'to ifuotuna isi, ette buo fe wahan ifuhara isi addi to klesia.
11Illaŋ, alla amuno ni, hèjifatio ehanita 'rohojak, ijifatie ehanita yijok. Lia, elle ihanio 'to onno oyyu, ara inyi a holo Hollum; buo lia, elle ihanio 'to onno orroho, hobeŋ inyi omijak Hollum.
12Ikianai aati 'daŋ onno oyyu to Dimetrios, buo fe nelahode 'daŋ ikiana onno oyyu tenyi. Eruk buo fe hohoi eram ania. Imijana itai jio, obis ekiana hohoi.
Efonyita Etisidita
13Oluaji erre hunna awak ni iramana iyye, ati abeŋ ni awak igioronia isi jio awaraga ana. 14Egigilo ni, eliaha ni attuna jihoi, oŋida efuonni ikiana, nani ikoyye.
15Ijiara nelik taji hatawana ikoyye.
Itifonyai mottiarak hoi 'daŋ, iyye. Itifonyak mottiarak hohoi 'daŋ ababo.
Currently Selected:
3 YOANE 1: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003