2 YOANE 1
1
1Ani alia Lahouti…
Jio Aŋotte Nonyimoto iko aduri honyi#1:1Aŋotte...iko aduri honyi : Ara ihuo ikiana ekenita huna te eram obo Eklesia iko aati honyi (owon buo fe ana jio ekorita 4-5). hunno obuor ataji hoŋ luŋa. Obiaŋara ataji hoŋ hama obuor itai, ati, obuori buo fe atajia hia 'daŋ hullo omijani 'to nelahode. 2Nyio, odulo nelahode jihohoi, owon adi jihohoi 'tulaŋ.
3Ijiara Hollum Monye iko Yesu Kristo, Lonyi Monye, isiarani jihohoi ayiji taji, amehino, iko nelik tajia; ijiara arai ahunohoi te nelahode iko ta abuaran tajia.
Nelahode iko Abuaran Taji
4Amuno nyia ni bebe ninyia etayiru ni jio amanyai omuk aduri hoi te nelahode, ihuo ninyia ihumari Monye iramaniere jihohoi. 5#Yoa 13:34; 15:12, 17Ihuania, attana ni iyye, Aŋotte Nonyimoto: Ijiara abuaran taji owon ihiji hohoi. Abeŋ ni egiorok jihoi obo efahi aŋejuk; inyi fe ania efahi ninyia owon 'to jihohoi many tetteri. 6Ojio awoyo hiram ono abuaran taji enne ekiana ni ania jio, ijiara luŋa ejifatio efahita Hollum. Ihuo itaniŋuna nyia itai 'daŋ tetteri, ojio efahi ania jio, ijiara luŋa emanya ta abuaran tajia.
7Isarrari enyabak arriai afau 'daŋ; isi aati hullo obeŋi 'to iruhoni jio ara Yesu Kristo atulo. Aati ihuo hulia, hulla arai 'to a henyabak buo fe amiorok Kristo. 8Ihumata ti mijio, ŋadi italitohina ariŋ enne egemu#1:8 igioroni omuk egierita jio igemuna itai. oŋida bati ifuotuna edumiti hatai 'daŋ hiny. 9Atulo 'daŋ elle itallaŋ 'to ettiyenita Kristo, buo obeŋ ogottiere isi, obeŋ Hollum jihonyi. Buo lia, ollo ogottiere 'to ettiyenita Kristo, owon Monye arabotie iko Lonyi, jihonyi. 10Tania, alla attu obo atulo jihatai, buo obeŋ ittiyenio ettiyenita hunia, hèfuotuna inyi ihaŋitek hatai. Hèfonyata buo fe inyi. 11Lia, elle ifony 'to inyi, iruk inyi ehanita atulo alia hunno orrohoji 'to hunia.
Ekenita Esidita
12Oluaji erre hunna awak ni iramana jihatai, ati abeŋ ni awak igioronia isi iwaraga. Egigilo ni ittuniere jihatai, ikianari ikatai ta ahuan hoŋ jio, oŋida bati amuno hohoi luŋa ottuba.
13Itifonyai iyye aduri Haniyohoi nonyimoto.#1:13 Aduri Haniyohoi Nonyimoto : Ara ihuo ikiana ekenita huna te eram obo Eklesia iko aati honyi.
Currently Selected:
2 YOANE 1: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
