2 TESALONIKA 2
2
Olorroho
1 #
1Tes 4:15-17
Ihuania, te eram ono attuna Lamonye hohoi Yesu Kristo, iko afuatan ittubanio ikonyi; ehum ni ikiana jihatai, illarak iko haniyarak hoŋ, 2hèlaha ossi hatai iŋalai kokuak kuyya ilafuhoi te eram onno ojiori jio, alum Oloŋ ono Lamonye. Ara hara ogiloi jio, ekenu nyiadi hohoi eram ania buo hohoi ekiana kuyya ettittoyo eram Hollum, kuyya egiorok hohoi inyi iwaraga. 3Hèlaha obo atulo inyob itai to obo ekoi, nyio, obeŋ adi Oloŋ nyia olum many ottuniere Apiaha waati esidi iko Hollum, buo fe many oleyeri Olorroho ollo obocio 'to iferno. 4#Dan 11:36; Esek 28:2Inyi alia ollo ottu 'to ihara obo ariŋ 'daŋ onno ojiori ajiok kuyya obo ariŋ enne itahabuye, buo ette ikafana ahuan honyi ellettok hosi 'daŋ. Orinyak adi inyi etoŋo iseger atta Haji emojit enne ittokon ono Hollum, ette jiaran inyi Hollum.
5Ibiaŋata itai igiluna jio eramak nyia ni erre hunia jihatai ninyia hawon ni ikatai? 6Imijana itai ariŋ enne itihotio 'to inyi iduoŋori ihuania. Italeyehini adi Olorroho, alla attuba oloŋ nyia. 7Ihuania, ihanie aati arriai erre hunno orrohoji 'to; ati obeŋ etihoni aŋatak isi iduoŋori many iyari Hollum addi etihoni alia. 8Tania, ette tibuo italeyehina Olorroho alia. Buo alla attu Yesu, Lamonye hohoi, ottu adi ittohoro inyi to oloyiri hutuk honyi, ette ikukur inyi ta apipiahi ottononyi. 9#Mat 24:24Ottu adi Olorroho iko agolon ono Sittan, ette ihanio eduariti iko ellillihita enyobita. 10Ihanio adi inyi enyobita hunno orrohoji 'to jio hia hullo ofuoi 'to ituhoro. Otuhoroi adi isi nyio, ihari isi amuno elahode onno oremik 'to italuahuna isi. 11Ania, isiaraniere Hollum jihosi epali erroho oŋida isi iruhi erre gesem jio, 12oŋida oŋotoni epali jio hia hullo obeŋi 'to iruhi elahode buo omunoi eyyau.
Anyimuni itai Oŋida Italahuni
13Obuor ataji Lamonye itai, illarak iko haniyarak hohoi; ijiara luŋa edulo esiorio ahumo jio Hollum. Nyio, onyimu nyia Hollum itai many tetteri#2:13 many tetteri : igioroni omuk egierita jio, etterita. jio, oŋida italahuni itai ta agolon ono Oloholio iko te neruk hatai nelahode jio oŋida itai iliboroto. 14Iloŋu nyia Hollum itai jio eram ania ta Asayyo Ayijok huno Yesu hunyia ettittoyo hohoi jihatai. Iloŋu nyia inyi itai ifuotuniere akuatan ono Yesu Kristo, Lamonye hohoi. 15Tania, illarak iko haniyarak hohoi, ogoloto, ogottiette nelahode ninyia ettiyanak hohoi jihatai, te ettittotia iko ta awaraga ninyia egiorok hohoi jihatai.
16Amojo ni jio Yesu Kristo, Lamonye hohoi ta ahuan honyi iko Hollum Monye hohoi hullo obuori atajia hosi hohoi, hulle isiarani 'to jihohoi abijon tajia iko eyihina onno oyyu 'to te nelik tajia; 17ijiara isi itagoli atajia hatai oŋida iduloro ehanio buo fe ikianati erre ayijok.
Currently Selected:
2 TESALONIKA 2: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
