Popular Bible Verses from 2 TESALONIKA 2

Share

Hèlaha obo atulo inyob itai to obo ekoi, nyio, obeŋ adi Oloŋ nyia olum many ottuniere Apiaha waati esidi iko Hollum, buo fe many oleyeri Olorroho ollo obocio 'to iferno.

Obuor ataji Lamonye itai, illarak iko haniyarak hohoi; ijiara luŋa edulo esiorio ahumo jio Hollum. Nyio, onyimu nyia Hollum itai many tetteri jio, oŋida italahuni itai ta agolon ono Oloholio iko te neruk hatai nelahode jio oŋida itai iliboroto.

Inyi alia ollo ottu 'to ihara obo ariŋ 'daŋ onno ojiori ajiok kuyya obo ariŋ enne itahabuye, buo ette ikafana ahuan honyi ellettok hosi 'daŋ. Orinyak adi inyi etoŋo iseger atta Haji emojit enne ittokon ono Hollum, ette jiaran inyi Hollum.

Amojo ni jio Yesu Kristo, Lamonye hohoi ta ahuan honyi iko Hollum Monye hohoi hullo obuori atajia hosi hohoi, hulle isiarani 'to jihohoi abijon tajia iko eyihina onno oyyu 'to te nelik tajia; ijiara isi itagoli atajia hatai oŋida iduloro ehanio buo fe ikianati erre ayijok.

Ania, isiaraniere Hollum jihosi epali erroho oŋida isi iruhi erre gesem jio

Ottu adi Olorroho iko agolon ono Sittan, ette ihanio eduariti iko ellillihita enyobita. Ihanio adi inyi enyobita hunno orrohoji 'to jio hia hullo ofuoi 'to ituhoro. Otuhoroi adi isi nyio, ihari isi amuno elahode onno oremik 'to italuahuna isi.

Ihuania, ihanie aati arriai erre hunno orrohoji 'to; ati obeŋ etihoni aŋatak isi iduoŋori many iyari Hollum addi etihoni alia.