2Korinto 8

Esiorio ono Kristiani

1 # Rom 15:26 Illarak iko haniyarak hohoi, ewak hohoi itai imijana erre hunne ihan ayiji taji Hollum jio eluluŋ heruhok otto Masedonia. 2Ihumi ikem isi te ettigemita arriai; ati ta abolori ono amuno jihosi, isiarani nyia isi esiorita arriai te emorot bebe duadi bu ilociaŋi isi. 3Hode, eramak ni itai jio, isiarani nyia isi esiorita arriai ihuo oremehini isi isio; ette isiarana iko allaŋo. Ta awahan ottonosi, 4attanai nyia isi hohoi bebe jio, ijiara buo fe aŋatana isi iluahiere aati Hollum hutto Yudea. 5Ebeŋ nyia hohoi egigilo jio, oremehini adi isi ihan ihuo nyia! Isiarani nyia isi do ahuattek hosi jio Hollum; attati buo fe isiarani jihohoi ihuo awak Hollum. 6Ania, ehumari hohoi iramaniere Tito jio, ijiara odulo iluahio itai ituhoniere egiama ono abuaran taji, ninyia itterio inyi. 7Isamata itai erre 'daŋ. Erre ihuo; neruk, ekiana, olofioro, awahan iluahiere iko abuaran tajia hatai hohoi#8:7 abuaran tajia hatai hohoi : igioroni omuk egierita jio, abuaran tajia hohoi itai.. Tania, ewak hohoi itai oŋida buo fe igiamati egiama ono abuaran taji te emorot.

8Abeŋ ni ajio ijiara luŋa itai ihaniete ihuo nyia. Ati awak ni imijana owon abuaran tajia hatai aŋai, te etarriamahina itai iko hia hulla awahi 'to iluahio aati bebe. 9Imijana itai ayiji taji ono Yesu Kristo, Lamonye hohoi. Duadi bu asam nyia inyi, amanya nyia inyi te elociaŋ te eram hatai, jio oŋida bati itai irata a hasamak te elociaŋ honyi.

10Esiŋio ni itai jio, oyyu inyi elle ituhonia itai egiama ninyia itteriete itai toŋoleŋai. Itai nyia ittiarata ehanio ihuo nyia, buo fe iwahari ihianiere ihuo nyia. 11Tania, attata yo ituhonia egiama ania ihuo ninyia itteriete itai, oŋida bati ehanio hatai orriama iko awahan hatai ihaniere. Otuhonia ehanio ania, te erre hunno owoni 'to jihatai ihuania. 12Alla awahi atajia hatai esiarana, ifuotu adi Hollum esiorita hatai ihuo iremehina itai isiarana, buo obiaŋara ariŋ anna aŋaramahi 'to jihatai. 13-14Abeŋ bunyi ni awak italuahuna aati hullomuk, buo efurok ettigemita jihatai. Ati ta asaman hatai ihuania, osiru jihatai iluahiere aati hulla awahi 'to aluahio. Buo moi, elle iwahata itai aluahio buo isi owoni iko esamiti, oluahi adi buo fe isi itai. Tania, orriamari adi ehanita hatai. 15Ihuo igioroni ibuk Hollum jio, “Obeŋi nyia allaŋo jio lia linyia ohuru 'to arriai, buo fe huno lia linyia ohuru 'to kaiyo, obeŋi aŋaramahini jihonyi.”

Tito iko Mottiarak Honyi

16Humo bebe jio Hollum elle isiarak 'to jio Tito awahan iluahio itai ihuo awahari ni. 17Obeŋ nyia inyi iruk attana hohoi ijiai, ati awak nyia inyi bebe iluak, ania, ottuniere inyi jihatai ta awahan ottononyi. 18Efahu hohoi inyi iko illa hohoi elle ihumi eluluŋi heruhok 'daŋ imuno te ettittoyo honyi asayyo ayijok. 19Obiaŋara ania hama, ati, anyimuni nyia eluluŋi heruhok 'daŋ inyi ifuari ikohoi, ihaniere egiama ono abuaran taji ana. Ehanio hohoi egiama ana, iyaŋuniere akuatan jio Lamonye buo fe itahutaniere jio ewak hohoi iluahio aati.

20Ebeŋ hohoi ewak obo atulo ottu iŋuŋunita te ekoi enne ehoriere hohoi esiorita hunno emorot huna. 21Ewak hohoi ihanio ariŋ onno obis 'to to hosiere Hollum buo fe obis to hosiere waati.

22Illa hohoi ollobo elle efahu hohoi iko aati hula arrihai hulia; ekem nyia hohoi inyi enyiahita arriai. Erumak hohoi jio, omuno inyi bebe iluahiere aati oŋitek 'daŋ. Buo ihuania te eyihina honyi jihatai, awak tibuo inyi bebe iluak itai. 23Alla ara eram Tito, ara inyi a hegiamani ihuo nani. Egiama hohoi arabotie iluahiere itai. Alla ara buo fe eram ellarak hullomuk hullo ofuonni 'to iko Tito, arai isi elefahat hulo eluluŋ heruhok iyaŋuniere akuatan jio Kristo. 24Tania, itahutana abuaran tajia hatai jihosi, oŋida eluluŋi heruhok 'daŋ igonyuni eram ania, ette imijana jio, ebis hohoi itadarari tetai.

Currently Selected:

2Korinto 8: EA2003

Highlight

Copy

Compare