2Korinto 7

1Illarak iko haniyarak hoŋ, osoi ecoriti hunia 'daŋ a hunohoi. Hétaliboroto ahuattek jio erre 'daŋ hunne itiboti 'to ahuattek kuyya oloholioo hohoi. Haliboroto luŋa ta abaŋi Hollum.

Amuno ono Paulo

2Ijiara atajia hatai obuori hohoi. Hèbeŋ hohoi ehan obo epali jio obo atulo; ebeŋ hohoi etarroho obo atulo, kuyya emumun obo atulo. 3Abeŋ ni ekiana erre hunia iŋotoniere jihatai epali; nyio, eken nyia ni berien jio, iduloro itai itajia hohoi duadi bu eye hohoi kuyya esu. 4Eyihi ni bebe jihatai; etadara ni bebe tetai! Jio ettigemita hohoi 'daŋ, hogol ataji hoŋ bebe, buo fe amuno ifut jihoŋ bebe.

5 # 2Kor 2:13 Duadi bu ninyia efany hohoi Masedonia, obeŋ nyia ayiri jihohoi. Nyio, owoni nyia ettigemita imasik 'daŋ…aŋalafa iko aati, buo fe abaŋi ifut itajia hohoi. 6Ati Hollum, etagoloni waati hullo omehinie 'to, nyia itagol atajia hohoi ta attuna Tito. 7Obiaŋara nyia attuna honyi hama itagol hohoi, ati eramana honyi buo fe hohoi aŋai itagoloto itai inyi. Iramak nyia inyi jihohoi awahan hatai bebe igonyuna nani, ellieti hatai te eram hirre hunyia iduoŋi 'to, iko awahan hatai bebe iluak nani. Tania, amuno tibuo ni bebe.

8Daudi bu itami nyia awaraga hoŋ atajia hatai, ettallik ni illia te egioronia hoŋ inyi. Aremik duo ni ilia elle igonyu nyia ni jio itami nyia inyi atajia hatai to omuk oŋitek kai. 9Ihuania amuno ni bebe, obiaŋara te etajiriŋ hoŋ itai, ati, te eloit ono ejiriŋa ania amanya hatai. Nyio, Hollum nyia igiamari ejiriŋa ania. Tania, ebeŋ hohoi ehan obo arrohoji jihatai. 10Nyio, iyaŋuno amijan taji enne igiamari Hollum, eloicio manya enne iyaŋuno 'to etalahuno; obiaŋara alia. Ati iyaŋuno amijan taji atta fau, naye. 11Ike imijata, ariŋ enne ihan Hollum ta amijan tajia hatai! Iyaŋuno inyi jihatai awahan bebe; ifayere ahuattek hatai, eloŋojita iko abaŋi, awahan igonyuna iko iluahiere ani, iko awahan ittigemio epalani. Itahutana itai luŋa jio, obeŋ obo epali jihatai te eram ania.

12Tania, duadi bu ninyia egioroniere ni awaraga nyia, obiaŋara nyia te eram ono epalani kuyya te eram elle ihani jihonyi onno orroho, ati, itahutaniere sar sar jihatai iko ihosiere Hollum, abolori ono amuno hatai hohoi. 13Inyi ninyia ogolorik atajia hohoi.

Ebeŋ nyia hohoi emuno ijiai te etagol hatai atajia hohoi; emuno nyia buo fe hohoi bebe ninyia egonyu hohoi jio, obolo nyia amuno jio Tito. Nyio, itai nyia 'daŋ itamunoto inyi bebe! 14Nyio, etadara nyia ni jihonyi tetai, buo fe itai ibiaŋata itanyahina nani ariri. Edulo nyia hohoi eramatta jihatai elahode, ania, itasiruno tibuo etadara hohoi ihosiere Tito. 15Alla agilu inyi aniŋio hatai 'daŋ ettittotia honyi iko efuotuna hatai inyi ta abaŋi onno obolo, ette ataji honyi buaran itai bebe bebe. 16Amuno ni bebe te eyihina hoŋ 'daŋ jihatai.

Currently Selected:

2Korinto 7: EA2003

Highlight

Copy

Compare