1 TIMOTEYO 5

Ekoi Ittoŋotiere Eruhok

1Hèriŋ lamaruani, ati ikianai jihonyi ta abaŋi ihuo elle ikiana iyye jio monyohoi. Ihanie jio nyarhalu ihuo alla arai isi, ellarak hoi. 2Ihanie jio namaruak ihuo arai isi, honyohoi; buo fe ihanio jio anyarhalu ŋoruo ihuo alla arai isi a haniyarak hoi. Ihanie ihuo nyia ta alibori taji 'daŋ.

3Abaŋa ehidahi, hunna arasai 'to luŋa ehidahi. 4Buo alla awon ehidak ania iko aduri kuyya aduri ŋarriok honyi, kuyya huno lonyirok honyi, ijiara do isi ihanie egemita huno Kristiani ihaŋ hosi, nyio te ekoi ihuania, ihanie adi isi jio esiok hosi kuyya jio hahanyiok iko hohonyiok hosi erre hunyia ihanie isi jihosi. Ariŋ ania onno omuno Hollum bebe. 5Ehidak anna ara 'to luŋa ehidak, buo fe aluahani obeŋ jihonyi, iŋohi inyi eyihina honyi 'daŋ jio Hollum buo fe odulo amojo iko attana inyi, arue iko afanni 'daŋ. 6Buo nehidak onno otuhok 'to amanya honyi jio emuniti afu ana, awon inyi anna aye duadi bu hesu inyi. 7Ittittohi jihosi ettiyenita hunia, oŋida obo atulo obeŋ orumak obo epali jihosi. 8Buo alla abeŋ obo omijio aati haŋ hosi, agalik ti aati hutta haŋ honyi, itahutak jio abeŋ eruk jihonyi. Orroho adi jihonyi agalik jio lia ollo obeŋ 'to iruk.

9Hèfonihina obo ehidak jio hua hunne igioronie 'to, arari fe anna allaŋi aŋasi honyi atomuana ille; buo fe nyia owon ta haŋ enyiahi abotie#5:9 owon ta haŋ enyiahi abotie : kuyya, otuhok ataji honyi 'daŋ jio habi honyi., 10buo fe omijani jio oyiji ehanita honyi. Ijiara buo fe ara aŋotte enne itaboloru aduri honyi onno oyyu, enne ifuotutta atamonok ihaŋ honyi, enne igiama ta afiahaji jio Kristiani hullomuk, anna ara a haluahani waati hullo owoni 'to iko ettigemita, buo fe iŋohi atua honyi 'daŋ igiamari erre ayijok.

11Hègioronia ehidahi hunna harai 'to anyarhalu; nyio, alla adioto itajia hosi iwanari ta haŋ, ette isi ifuatan addi jio Kristo, 12ette iyyauna ta abiaŋan ijifatio eruk hosi inyi. 13Ittiyenuni isi atuhonia oŋitek hosi te ellutta ihaŋitek waati asai asai; agalik ti amuaŋa iko ajiŋatta jio erre waati, buo fe ikianai erre hunno obeŋi 'to osiruni jihosi ikianari. 14Te egigilo hoŋ, ijiara ehidahi hunna harai 'to anyarhalu owoni ta haŋ; ijiara isiuni aduri, buo fe ottoŋotie ahaŋitek hosi onno oyyu, oŋida amiorok hohoi obeŋi orumani obo ekoi ikianari onno orroho to hohoi. 15Nyio, ayitoroi omuk ehidahi jio Sittan. 16Buo alla awoni ehidahi ihaŋ obo ono Kristiani, ijiara inyi ottoŋotio isi onno oyyu. Hèlaha luŋa inyi ifurok eram hosi jio eluluŋ heruhok, iluahiere ehidahi hunno obeŋ tulo hunia oluahio.

17Ijiara luŋa ihumi ibaŋi bebe elettaha hulle iyyahatie 'to eluluŋ heruhok onno oyyu, agalik ti hia, hullo opuloi 'to bebe ettittoyo iko ettiyenio. 18#Mat 10:10; Luk 10:7Ojio Abuk Hollum jio, “Hèttuhoto etuk 'tamot elle igisa inyi emma” buo fe ojio jio, “Osiru jio egiamani ifuotuniere edumiti honyi.” 19Hetayirio etisiahita hunne itisiahinierek elettok heruhok, arari fe alla awoni asuuti arrihai kuyya arriai. 20Ihosiere waati 'daŋ, iriŋa hia 'daŋ hulle iyyauni 'to oŋida bati hullomuk abaŋi.

21Ihosiere Hollum iko Kristo Yesu buo Ajilohien aliborok, ehum ni iramana iyye jio, oniŋie ettittotia hunia. Jio erre 'daŋ hunne ihanio iyye, hèŋot eram obo atulo ta arrohoji tua kuyya te esiyo. 22Hèrruhita eyabana has jio aati ihananiere isi a hegiamak Lamonye. Hèjiŋak jio eyyata waati hullomuk, oduloi alibori.

23Hèmata aari ijiai, ati amatuttai obo afino kai oŋida oluak nohe hoi iko eŋuati hunnomuk hunne ittigemio 'to iyye gagaga.

24Asalanie eyyata omuk aati 'tel 'tel, buo fe oŋoti eram hosi; buo ofuonni igonyuna eyyata huno hullomuk ihalu. 25Ihuo nyia buo fe, asalanie ehanita ayijok 'tel 'tel, duadi hua hunno obeŋi 'to asalanie, ofuonni adi isalanio 'tel 'tel.

Currently Selected:

1 TIMOTEYO 5: EA2003

Highlight

Copy

Compare