1 TIMOTEYO 3
3
Elettaha hutte Iluluŋ Heruhok
1Ara nekiana ana ahode: alla awak obo atulo arahan elettok olo eluluŋ heruhok, adaya inyi luŋa egiama onno oyyu 'to bebe. 2#Tit 1:6-9Hèlaha luŋa elettok olo eluluŋ heruhok owon iko obo epali; ijiara luŋa inyi owon iko aŋotte abotie ijiai#3:2 owun iko aŋotte ijiai : kuyya, ijiara ayama enyiahi abotie ihiai., ijiara luŋa ahou honyi afaŋ; ijiara ihum ittoŋotio ahuan honyi, ijiara owon iko egigilo onno obis, ijiara imorot buo fe luŋa omijak ettiyenio. 3Ijiara luŋa inyi obeŋ ara a harumani kuyya a hebibahani waati. Ati ijiara ara alanyalam elle ilik tua. Ijiara luŋa obeŋ otuhok ataji honyi igurusi. 4Ijiara luŋa inyi ottoŋotio ahaŋ honyi onno oyyu, buo fe ittiyanak aduri honyi iniŋiere inyi iko ibaŋari inyi te ekotia 'daŋ. 5Alla abeŋ atulo oremik ittoŋotio ahaŋ honyi onno oyyu, aŋai 'tadi oremik inyi ittoŋotio eruhok Hollum? 6Ijiara luŋa inyi ara atulo alla abolo eruk, ŋadi ottohoro etadara, ette iŋotonia jihonyi epali, ihuo ninyia oŋotonierek jio Sittan. 7Ijiara luŋa aati hutteger ikianai onno oyyu tenyi, oŋida bati isi obeŋi ittarrohojie afure honyi buo fe Sittan obeŋ italohu inyi.
Aluak hutte Iluluŋ Heruhok
8Ijiara buo fe aluak iluluŋ heruhok omijani amanya, hèlaha owoni iko aŋadiafa arrihai, hèlaha orrohoji ta abalu kuyya ta agurusi. 9Te egigilo onno obis 'to, ijiara ogottierek nelahode ono neruk ninyia italeyehini. 10Ijiara do okemi isi, attati iŋatana isi igiamari, alla abeŋi onyurani obo epali jihosi. 11Ijiara buo fe aŋoruo hosi#3:11 aŋoruo hosi : kuyya aŋoruo aluak. amanyai onno oyyu, hèlaha arai a hamuaŋak; hèlaha luŋa orrohoji ta abalu, ijiara ihanie erre 'daŋ ta abisan. 12Ijiara aluahani iluluŋ heruhok owon iko aŋotte abotie ijiai#3:12 owon iko aŋotte abotie ijiai : kuyya ijiara owon ta haŋ enyiahi abotie ijiai.; ijiara ottoŋotio aduri iko ahaŋ honyi onno oyyu. 13Nyio, aluak hulle igiamai 'to onno oyyu, abaŋi adi aati isi bebe. Oremehini adi buo fe isi ikiana eram ono eruk hosi jio Kristo Yesu, ta agolon tajia.
Ettiyenio anna Agalik 'to Ofioro Waati
14Eyihi ni ilari jihoi diya kuak, ati egiorok ni jihoi erre hunia jio, 15elle elliŋia ni, oŋida bati imijak aŋai amanyai aati hutta haŋ Hollum, anna ara 'to eluluŋ heruhok Hollum lesuoni. Ara eluluŋ heruhok ania ihuo alalai iko etawoji ono nelahode. 16Ittallik tulo irisa jio, agalik eruk, ofioro tulo.
Oleyehino nyia Hollum atulo,
buo Oloholio ette itahutana jio, obis nyia inyi#3:16 buo Oloholio ette itahutana jio, obis nyia inyi : kuyya, buo ta arahan honyi oloholio, itahuatani nyia jio obis inyi.,
buo fe ajilohien igonyuni inyi.
Ittittoye nyia eram honyi imisihi,
iruhi nyia aati fau 'daŋ jihonyi,
iyarai nyia inyi lidou.
Currently Selected:
1 TIMOTEYO 3: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
