1Korinto 5

Asomon ette Ihiji Iluluŋ Heruhok

1Ojiori luŋa jio owon asomon onno orroho ihiji hatai; enne ittallihi irumana duadi bu ihiji hatimok Hollum. Ojiori jio, ojotori obo alatai ŋoruoi monyonyi. 2Aŋai ti iremehina itai itadara? Ijiara luŋa itai itarihati. Ifuhara luŋa addi tehiji hatai, lia elle ihanio 'to ariŋ ania. 3-4Duadi bu alama ni tehiji hatai ta ahuan, iwanata itai itaji hoŋ. Ta afure Yesu, Lamonye hohoi, aŋotok ni epali jio lia elle ihan 'to ariŋ ania, ihuo alla awon ni ikatai. Ta agolon Yesu, Lamonye hohoi, owon buo fe egigilo hoŋ ikatai, elle ittubaniete itai arabotie. 5Isiatta luŋa lia elle ihanio 'to ihuo nyia jio Sittan, ijiara ottohori ahuan atulo alia jio, oŋida bati italuahuni oloholio honyi Iholoŋ Yesu, Lamonye hohoi.

6 # Gal 5:9 Obeŋ obis jihatai itadarari. Itimoti itai jio oremik olobou kaiyo enne icaŋani iko eefua itadohuna inyi 'daŋ dou? 7Igigiara addi olobou amaruani ono neyyau, oŋida itai 'daŋ iliboroto, ittata irahan ihuo efua hunno obeŋi icaŋani iko olobou. Nyio, irata itai luŋa ihuo nyia. Nyio, isiori nyia Kristo ehumi hohoi olo neyom ono Allaŋan. 8Tania, héyomoto neyom ono Allaŋan, obiaŋara te nemune onno owon iko olobou amaruani, ono neyyau buo arrohoji; ati, te nemune onno obeŋ owon iko olobou. Emune ono alibori iko elahode. 9Eramak nyia ni itai jio awaraga ninyia egiorok ni jihatai jio, hèrriahati iko aati hulle ihanie 'to erre somon. 10Abeŋ ni ekiana aati atimok Hollum, kuyya arrohojak, kuyya aŋarujok, kuyya ahahalak kuyya buo fe aati hulle itahabuye 'to arrijiorita jiohin. Elle ebeŋ ewak isi, osiru luŋa efuo addi jio afau ana. 11Ati, egiorok nyia ni jio, hèrriahati iko atulo ollo ojio 'to jio, ara inyi a Kristiani buo ihanio erre somon, kuyya iŋaru, kuyya itahabuyo arrijiorita jiohin, kuyya ittarrohojio afureta waati, kuyya orumatio kuyya ohoholio. Hèŋiyete ikoddaŋ iko atulo ihua alia. 12-13Obiaŋara eram hoŋ ania, iŋociere eram waati hutto let. Hollum adi oŋot eram hosi. Hèlaha ti, itai iŋototo eram heruhok hutte iluluŋ hatai? “Ifuhara olorroho addi tehiji hatai.”

Currently Selected:

1Korinto 5: EA2003

Highlight

Copy

Compare