Rom 9
9
Nhialic ku Kɔcke
1Ee yic en luɛɛl në Kërthoyic, yɛn cïï lueth tör, ku jam cä yök ë yapiɔ̈u ee cäätɔ kekë yɛn ëtök ë Wëidït ɣer yiic an: 2Yɛn ë piɔ̈u jiɛth arëët ku ya coolë dhiau piɔ̈u acïn pëk. 3Ku aduɛ̈ɛ̈r lueel ë yapiɔ̈u an, adï miɛt piɔ̈u tëë ya ye guöp dɛ aciɛɛn bï ya cieec ë Kërtho nɔm në baŋ de mïthëkɔckuɔ, kɔc rɛɛn wok në dhiënh ë dhiëëthë wook. 4#Bɛ̈n 4:22. Ayek kɔc ke Yithriɛl, ku muŋ cï Nhialic ke muk ë dhuëëŋ ee këden, ayï lööŋ cï mac,#9:4: lööŋ cï mac; këcïgɔ̈ɔ̈r däŋ ade yic löŋ cï mac. ayï tɛ̈ɛ̈u cï löŋ tääu piny, ku luɔi de ka ke Nhialic, ku läm, ku ka cï kɔn lueel, an, bï ke gäm keek, ayek kaken, 5kuarkuɔ ayek kaken, ayï Kërtho aya abɔ̈ në keek në dhiënh ë dhiëëthë ye, raan nu ë käŋ nïïm kedhie, ku ye Nhialic de guöp athiɛɛi athɛɛr. Amiin.
6Ku akɛ̈n lueel, nɔn cïn en kë cïï wël ke Nhialic lëu, acie yen. Ku acïkï ee Yithriɛl nïïm kedhie, kek kɔc ke Yithriɛl, 7#Cäk 21:12. ku acïkï ee mïth ke Abraɣam kedhie, ee luɔi ee Abraɣam kuɛɛrëden, ku aye lueel an, “Käudu abï kuɛɛn ë Yithaakic.” 8Tharde kï an, mïth ke guöp#9:8: mïth ke guöp: Kënë ajam në käu de Abraɣam në Yicmiɛl, wëndɛn de Ɣagar (tïŋ Gal 4:22-23). acie keek ee mïth ke Nhialic, ee mïth ke ka cï kɔn lueel, keek aye ke tɔ ye käu. 9#Cäk 18:10. Jam cï kɔn lueel kï an, “Ëlëruöön, acït piny ee kënë,#9:9: Në kööl piɛth; nɔn Në kööl cït ee köölë ëlëruöön. ke yɛn bï bɛ̈n, ku Thara abï nɔm dɛ wënde.”
10Ku acie kënë etök, Rebeka aya, të cï en acuek yök në mony tök, yen aye Yithaak wääda, 11#Cäk 25:23. ku të ŋootë mïthke ke ke kënë guɔ dhiëëth, ku acïn kë cïk looi ayï këpiɛth ayï kërac, luɔi bï löŋ cïï Nhialic lueel ë yepiɔ̈u në këde lɔ̈ny de kɔc, luɔi bï en tɔ̈u tëde, ku acie në këde kë cïï raan tök looi, ee jam ë Raan ë kɔc cɔɔl, 12ke jɔ lɛ̈k en an, “Mɛnh dït abï aa lïm de mɛnh koor.” 13#Mal 1:2,3. Acït man cï e gɔ̈ɔ̈r an, “Jakop acä nhiaar guöp, ku maan Ethau.”
14Eeŋö buk jɔ lueel? De jam rɛɛc cath ke Nhialic? Ei, acie yen! 15#Bɛ̈n 33:19. Ku acï lɛ̈k Mothe an, “Yɛn bï piɔ̈u kok wokë raan cä tak an, bä piɔ̈u kok wo yen, ku bä a piɔ̈u wɛ̈l raan cä tak an, bä yapiɔ̈u wɛ̈l en.” 16Yen ka, acie jam de raan kɔɔr këdäŋ arëët, ku acie jam de raan lui arëët, ee jam de Nhialic, Raan cath kekë kokdepiɔ̈u. 17#Bɛ̈n 9:16 (LXX). Ku këcïgɔ̈ɔ̈r acï lɛ̈k melik an, “Yen këde ee kënë yen aa jat ɛn yïn nhial, ke ya bï riɛldï nyuɔɔth ë yïyic, ku bï rinkï aa lueel ë piny nɔm ëbɛ̈n.” 18Yen tëde ka, ee piɔ̈u kok kekë raan nu ë yepiɔ̈u, ku raan cï tak an, bï tɔ ril nɔm, ke tɔ ril nɔm.
Agönh de Nhialic ku Kodepiɔ̈nde
19Yïn bï a jɔ thiëëc an, “Eeŋö däŋ ŋoot en ke ye kɔc gɔ̈k? Eeŋa duëër en pɛ̈n këde piɔ̈nde?” 20#Yith 29:16; 45:9. Ku yïn ŋadï, yee ŋa raan bëër Nhialic thok? Kë cï cuëëc bï raan ë cuëc en yɔ̈ɔ̈k, Eeŋö ee yïn a looi aya?” 21Ku cuëny ë töny, cïï cath ke riɛl bï en töny cuëëc kaarou në tiɔɔm töŋë, ee tööny tök këde dhuëëŋ, ku cïï tööny tök ee këde dhuëëŋ?
22Ku na Nhialic, të de yen piɔ̈u luɔi bï en agönhde nyuɔɔth, ku tɔ riɛlde ŋic, eeŋö däŋ, acakaa yen ë cï töny ke agɔ̈th guum në liɛɛr dïït ë yenpiɔ̈u, kek töny cï röŋ në riääk bï ke riɔ̈ɔ̈k, 23ku bï dït ë dhuëëŋde nyuɔɔth në töny ke kokdepiɔ̈u, töny cï kɔn looi, bïk aa ka ke dhuëëŋ, 24ee wook gup, wok kɔc cï cɔɔl, acie Judai yic etök, ee Juööriic aya? 25#Ɣodh 2:23. Acït man cï e lueel në Ɣodhiya an:
“Yɛn bï kɔc tɔ ye kɔckï,
‘kɔc ë cie kɔckï wään.’
Ku jur ë cä nhiaar wään,
abä tɔ ye ‘kë nhiaar.’
26 #
Ɣodh 1:10. Ku tëman wään cï ke yɔ̈ɔ̈k thïn an, ‘We cie kɔckï,’
Yen ee tëmanë guöp yen abïï ke cɔɔl thïn an, Wek ee wɛ̈ɛ̈t ke Nhialic pïïr.”
27 #
Yith 10:22,23 (LXX). Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi. 28Bɛ̈nydït abï luɔi cï teem acek thöl ë piny nɔm.” 29#Yith 1:9 (LXX). Ku acït man cïï Yithaya ye kɔn lueel an, “Tëë Bɛ̈nydïït de Rɛm ë kën wo nyäŋ käu, adï cuk ciët Thɔdom, ku adï cï wo tɔ cït Gomoora.”
Yithriɛl ku Wëlpiɛth
30Eeŋö buk jɔ lueel? An, Juöör, kɔc ë cïï piathëpiɔ̈u ee cop, acïk piathëpiɔ̈u yök, yen aye piathëpiɔ̈u bɔ̈ në gäm, 31ku Yithriɛl, kɔc ë ye löŋ dɛ piathëpiɔ̈u cop, akënkï löŋ de piathëpiɔ̈u gïth. 32Ee käŋö? Ee luɔi ë cïï kek en ee kɔɔr në gäm, aa yek kɔɔr në luɔi de löŋ. Aake kɔ̈th ë kuur ë kɔ̈th, 33#Yith 28:16 (LXX). acït man cï e gɔ̈ɔ̈r an,
“Tiëŋkï, yɛn ë kuur ë kɔ̈th tuɛɛl ë Dhiɔnic,
ku ye kuur dïït
ee kɔc tɔ kɔ̈th arëët,
Ku raan ëbɛ̈n raan gam en, acïï bï yäär.”
Currently Selected:
Rom 9: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
