Romanos 9
9
Diojsis quiopiŋu Israel-pʌnda'm
1Wiyuŋbʌ tiyʌ ʌs ndzamba Cristopit, ja'nʌj sutzi. Cotestigosajpa'ʌj ndzoco'yo'c quipsoquiu'yis te' Espíritu Santopit, 2que ijtu'ʌs maya'aŋbʌ triste'ajcuy y toyapʌcjojcʌtʌcpa'ʌj ʌs ndzoco'yojmo. 3Hasta sunjo'pya'ʌj inʌc ndocoyu ne'cʌ Cristo's wyi'naŋdʌjqui suñajpa'ŋmʌjcʌ'ʌs wa'y pya'tyaju Cristo te' ʌs njudio-atzi'sta'm y njudio-tata'sta'm. 4Porque Israel-pʌnda'mde', y Diojsis pyʌjcʌchoŋyaju 'yunešej, y te'ta'mbʌ'ste'ñe' te' mʌja'ŋajcuy, y te' tratota'm, y te' aŋgui'mgu'yis chambapʌ tiyʌ, y te' cʌna'tzʌ'oquiuy y tiyʌta'm chamdzi'yaju Diojsis. 5Ñe'cʌta'mde' te' winata'mbʌ tata's wyinboya, y ñe'co'mocta'm minu pyʌ'naju te' Cristo. Y yʌ'wʌte' te' Dios, te' aŋgui'mbapʌ mumutiyʌcʌsi, y oye wa'ytyʌ nwʌcotzamu mumu jamacotoya. Amén.
6Y ja'nde' juca te' Diojsis chame tʌŋgoschi'tpa, porque ja'n mumu Israe'lis wyinboya wiyuŋšejpʌ Israel-pʌn. 7Y te' Abraha'ŋis wyinboya'ojmoc ijtyaju ja'n wyiyuŋšejta'mbʌ 'yune. Porque nʌmba: Isaacpit maŋba myayjayaju mis nwinboya. 8Sunbate' ñʌmu: Ja'nde' te' Diojsis 'yuneta'm pʌ'na'aŋ-razapit, sino que myayatʌjpa jujcha' 'yuneta'm te' pʌ'najyajupʌ Diojsis chamdzi'oquia'ušej. 9Porque chamdzi'u'c, yʌ'šejte' ñʌjayu: Ametʌmʌy yʌtijšejta'm minba'ʌj y Sara's maŋba ijtu 'yune.
10Y ja'n na' yʌ'šejtij, tzejcʌquie'tu Rebeca tumʌpʌ tʌ ne'ŋatata Isaacpit. 11Pero japyʌ'najya'cmaj te' myechi'une, ni jachʌquia'cmaj ni oyepʌ ni ja'n 'yoyepʌ tiyʌ, chamu Diojsis que maŋba tyujcu quipsaŋgospo'ʌyušej y quiopiŋušej, ja'n tzʌquipit sino que te' we'opyapʌpit. 12Tʌ Ngomi's ñʌjayu te' Rebeca: Te' atzi's maŋba quiʌna'tzʌyu te' pyotzo. 13Tujcu ja'yʌyušej: Sunu'ʌs te' Jacob, pero ŋgui'nisu'ʌs te' Esaú.
14¿Tiya'ndʌ jeque ndzamba? ¿Chʌcpasʌ'ŋ ja'n jyustopʌ tiyʌ Diojsis? Ja'ne nijutz. 15Pero ñʌjayu Diojsis te' Moisés: Maŋba'ʌs nyajcotocoyu iwʌ ʌs sunba nyajcotocoyu. Y maŋba'ʌs ndo'ya'ŋʌyu iwʌ ʌs sunba ndo'ya'ŋʌyu. 16Te'šej jeque pʌjcʌchoŋbatʌ Diojsis, pero ja'n tʌ su'noquiupyit, ni tʌ ndziŋi'ajcupyit, sino que te' ñe' tyo'ya'ŋʌ'oquiupyit. 17Porque ñʌjayu Diojsis te' Faraón te' Totojaye'ojmo: Yʌ'wʌcotoya'ʌsmij nyajmʌja'ŋaju, wa'yʌs nyajqueju ʌs mʌja'ŋajcuy mijpit. 18Te'cotoya iwʌcʌsi Diojsis sunba quiojtu tyo'ya'ŋʌ'oquiuy, tyo'ya'ŋʌpya, y iwʌ sunba yajnuyu'aju, yajnuyu'ajpa.
19Wʌntzʌmisʌj nʌjayu: ¿Tiyajca' jeque ñi'aŋba'tpa pʌnda'm Diojsis? ¿Iwʌ'sa jeque maŋba ñʌquipjayu ñe' šu'noquiuy? 20Pero mij mbyʌn, ¿iwa'mijyʌ' wa'mis nʌquipotoŋu Dios? ¿Maŋbasʌ'ŋ ñʌjayu te' šalutzʌcpapʌ te' šalu's: Tiyajca'mʌj yʌ'šej ndzʌjcu? 21¿Ja'nsʌ'ŋ musi chʌjcu te' šalutzʌcpapʌ's tumo'pyʌ motepit tumʌ šalu oyepʌ yoscuquiotoya y eyapʌ ñempetiyʌ yoscuquiotoya?
22¿Tiya'ndʌ ndzʌctamba? Juca Diojsis sunba inʌc yajnʌco'aŋgʌyaju te' chʌjqui'šca'yajupʌ's, y sunu wa'y myujšaju pʌ'nista'm que ñe'cʌ pʌmi'ʌyupʌte', pero pacienciapit pyʌ'mgopajcʌyatʌju te' myerecetzʌquiajpapʌ's inʌc qui'nisoquiuy y tocoquiuy. 23Y te' aŋba'tepʌ myʌja'ŋajcʌ' chi'yatʌju te' tyo'ya'ŋʌyajupʌ ñe'cʌ's. Yʌ'ta'mbʌ ñimejcʌyu Diojsis winata'mbʌ tiempo'ojmo wa'y yajmʌja'ŋajyaju.
24Yʌ'ta'mbʌte' wyejyatʌju, sunbate' ñʌmu, tʌta'm. Wejtamutʌ ja'n na' judio'ojmocta'mdij, te'šejtijque' genti'lojmocta'm. 25Te' ja'yʌquie'tušej Oseajsis:
Te' ja'n inʌc ʌsne' uneta'm, maŋba'ʌs nʌjayaju: Ʌs uneta'm.
Y te' ja'ʌs inʌc sunipʌ, maŋba'ʌs nʌjayu: Sunba'ʌsmij.
26Y yʌ'šej maŋba tyujcu tey, ñʌjayatʌjumʌy: Mijta'm ja'n ʌsmijyʌ'ne' uneta'm.
Tey maŋba ñʌmyaju: Yʌ'ta'mbʌte' te' quenbapʌ Diojsis 'yune.
27Yʌ'šej chamgue'tu te' Israel-pʌnda'm Isaiajsis: Ñempe ma'ra'acapoyo'mopʌ wa'našej wyʌwa'ʌ Israe'lis 'yuneta'm uša'ŋdya'nde' maŋba quiotzoquiaju. 28Porque tʌ Ngomi Diojsis maya'aŋ y jʌnʌj maŋba yajnʌco'aŋgʌyaju jyajcʌyjayajuše'ŋ yʌy najsacopajcʌsi. 29Chamušej Isaiajsis:
Juca inʌc tʌ Ngomi's, te' 'yaŋgui'mbapʌ's mumu'iwʌ, jaquiʌchacjaytyamʌtʌ inʌc yajtya' uša'ŋda'mbʌ,
Sodomašejtʌ te' inʌc maŋba nductamu, y Gomorrašejtʌ te' inʌc maŋba cʌtʌcjaytyamu.
Te' evangelio y te' judio-pʌnda'm
30¿Tiya'ndʌ jeque ndzamba? Ndzambatʌ que quiʌpa'tyaju te' genti'lista'm te' justo'ajcuy ñempe ja'n inʌc quio'ŋyay. Sunbate' ñʌmu: Quiʌpa'tyaju te' justo'ajuy tzi'papʌtʌ Diojsis te' wʌ'aŋjamgupyit. 31Pero te' Israel-pʌ'nista'm quio'ŋyajpa inʌc justo'ajcuy chambašej aŋgui'mgu'yis, pero jaquiʌpa'tya wa'y quiojamyaju te' aŋgui'mguy. 32¿Tiyʌcotoya jaquiʌpa'tya? Porque quio'ŋyajtʌ'u ja'n wʌ'aŋjamgupyit sino que ñe' chʌquipit chambašej aŋgui'mgu'yis. Te'wʌpit nepcʌschʌmyaju jujcha' tza'cʌsi pumuŋnayupʌ tuŋgʌsi. 33Te'wʌ chamba Totojaye's, yʌ'šej:
Matowa, ŋgotpa'ʌs Sio'ŋojmo tza'šejpʌ yajnepcʌschʌ'mopyapʌ y yajcu'nopyapʌ,
Y iwʌ's wyʌ'aŋjamba ñe'cʌ ja'n maŋu chʌctza'ajyaju.
Currently Selected:
Romanos 9: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
