Romanos 4
4
Que'naŋgʌschi'ʌyušejtʌ Abraha'ŋis
1¿Tiya' jeque ñʌwʌ'aju tʌta'm ndata Abraha'ŋis? 2Juca jyustococojtu Diojsis te' Abrahán te' chʌquipit, ijtu tiyʌcʌsi wa'y myʌja'ŋgomʌ'yu wyin, pero ja'n Diojsis wyi'naŋdʌjqui. 3Porque ¿tiya' jeque chamba te' Totojaye's? Wyʌ'aŋjamu Abraha'ŋis te' Dios, y ñʌcma'yʌyu Diojsis justopʌšej te' wyʌ'aŋjamgupyit. 4Pero iwʌ yospa ja'ndʌ nʌcma'yʌyjay te' quioyowa tzi'oquiuyšej, porque quioyowate'. 5Pero iwʌ's ja'n chʌqui oyepʌ tzʌqui, pero wyʌ'aŋjamba Dios, te' jyustococotpapʌ's te' cowatzʌqui, ñʌcma'yʌpya Diojsis justopʌšej te' wyʌ'aŋjamgupyit. 6Chamgue'tu Davijtis que dichosopʌte' te' pʌn iwʌ ñʌcma'yʌpya Diojsis justopʌšej, y ja'n ñe' chʌquipit. 7Yʌ'šej nʌmu:
Dichoso iwʌta'm Diojsis yajcotocoyjayajpa yacha'cuy y jyascotocoyjapya quiowa.
8Dichoso te' pʌn iwʌ tʌ Ngomi's ja'n ñʌcma'yʌyjay te' quiowa.
9¿Yʌ' dichoso'ajcuy, circuncidatzʌjcupʌcotoyatijate' y ja'nsʌ'ŋde'que' jašircuncidatzʌcʌpʌcotoya? Nʌmbatʌ que wʌ'aŋja'moyu Abrahán y ñʌcma'yʌyu Diojsis justopʌšej. 10¿Jutza'sʌ'ŋ jeque ñʌcma'yʌyu justopʌšej? ¿Circuncidatzʌjcu'ctya'jate', o jašircuncidatzʌcʌ'cmajte'? Ja'nde' circuncidatzʌjcu'ctya'a sino que jašircuncidatzʌcʌ'cmajte'. 11Šircuncidatzʌjcu te' Abrahán jujcha' señal o pa'tze. Y jyustococojtu Diojsis te' wyʌ'aŋjamgupyit jašircuncidatzʌcʌ'cmaj. Te'šej tujcu wa'y tyata'yaju mumu jašircuncidatzʌcʌpʌ wʌ'aŋja'moye'sta'm, y wa'y ñʌcma'yʌyatʌju Diojsis justococojtyajupʌšej ñe'ta'm wyʌ'aŋjamgupyit. 12Te'šej jeque tujcu wa'y tyata'yajque'tu te' circuncidatzʌquiajupʌ's. Yʌ'ta'mbʌ šircuncidatzʌquiatʌju y te'šejtijque' wʌ'aŋja'moyaju jujcha'nde' tʌ ndata Abrahán wʌ'aŋja'moyu jašircuncidatzʌcʌ'cmaj.
Te' tzamdzi'oquiuy tujcu wʌ'aŋjamgupyit
13Chamdzi'u Diojsis te' Abrahán y te' quiʌwo'mata'm que maŋba inʌc ñʌtzʌ'yaju te' najsacopac. Chamdzi'u, pero ja'nde' porque quiojamu aŋgui'mguy sino porque jyustococojtu Diojsis te' wyʌ'aŋjamgupyit. 14Juca na' aŋgui'mguquiʌ'mʌta'mbʌ's ñʌtzʌ'yajpa te' najsacopac, comequetʌ nwʌ'aŋjamba y ja'na yose te' tzamdzi'oquiuy. 15Juca maŋgocʌtʌcpatʌ te' aŋgui'mguy maŋbatʌ yajnʌco'aŋgʌyu Diojsis. Pero juca ja'ndiyʌ aŋgui'mguy ja'ndiyʌ tiyʌtʌ maŋgocʌtʌcpa. 16Te'cotoya wʌ'aŋja'moquiupyit minba tyujcu te' tzamdzi'oquiuy yajya'moquiupyit, y wa'y itjojcʌtʌjcu mumu pʌngotoyata'm. Itjojcʌtʌcpa ja'n na' aŋgui'mguquiʌ'mʌ ijtyajupʌcotoya, sino que te'šejtijque' Abrahaŋšej wʌ'aŋja'moyajpapʌcotoya, porque ñe'cʌ te' tataj mumu tʌta'mne'. 17Yʌ'šej ja'yʌyu: Wʌwʌta'mbʌ pʌ'nis tyataše'ʌsmij ŋgojtu. Sunbate' ñʌmu, Diojsis wyi'naŋdʌjqui, porque Abraha'ŋis wyʌ'aŋjamu Dios. Yajwinsa'pa yʌ' Diojsis te' ca'yajupʌ, y chamba te' ja'ndiyʌpʌmaj jujcha' te'ya ijtupʌšej. 18Abraha'ŋis wyʌ'aŋjamu y jyo'cu u'ya inʌc jyo'cupʌ tiyʌ, wa'y tyata'u wʌwʌta'mbʌ pʌ'nis, porque yʌ'šej wina chamjayu Diojsis: Jene maŋba wyʌwa'u mis ŋgʌwo'ma. 19Y jamyocha'ʌ wyʌ'aŋja'moquiuy ñempe quipsu que tzamupʌnba'nde' y ja'na inʌc 'yunetzi'oy (mojsi's ameše'ŋopyʌte' inʌc) y ñempe quipsu que Sara jejupʌ tzamuyoma'nde'. 20Jašutzišej quiomʌ'yʌ te' Diojsis chamdzi'upʌ tiyʌ, sino que wyʌ'aŋjamu que wiyuŋšejte'. Más pʌmipʌjcu wyʌ'aŋja'moquiuy, y wyʌcotzamu Dios. 21Tyumʌtzocoy wyʌ'aŋjamu Abraha'ŋis que muspa chʌjcu Diojsis mumu te' chamdzi'upʌ tiyʌ. 22Te'wʌcotoya Diojsis ñʌcma'yʌyjayu wyʌ'aŋja'moquiuy justiciašej.
23Ja'n na' ñe'cʌcotoyatij ja'yʌyu wa'y ñʌcma'yʌyaju justococojtupʌšej, 24te'šejtijque' tʌcotoyata'm. Maŋbatʌ nʌcma'yʌtʌjtamu justopʌšej juca nwʌ'aŋjambatʌ te' Dios, te' yajwinsa'upʌ's tʌta'm Ngomi Jesús ca'yajupʌ'ojmoc. 25Te'wʌ chi'oquia'yaju wa'y quia'u tʌta'm ŋgowacotoya, y yajwinsa'u Diojsis wa'ytyʌ justococojtu.
Currently Selected:
Romanos 4: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
Romanos 4
4
Que'naŋgʌschi'ʌyušejtʌ Abraha'ŋis
1¿Tiya' jeque ñʌwʌ'aju tʌta'm ndata Abraha'ŋis? 2Juca jyustococojtu Diojsis te' Abrahán te' chʌquipit, ijtu tiyʌcʌsi wa'y myʌja'ŋgomʌ'yu wyin, pero ja'n Diojsis wyi'naŋdʌjqui. 3Porque ¿tiya' jeque chamba te' Totojaye's? Wyʌ'aŋjamu Abraha'ŋis te' Dios, y ñʌcma'yʌyu Diojsis justopʌšej te' wyʌ'aŋjamgupyit. 4Pero iwʌ yospa ja'ndʌ nʌcma'yʌyjay te' quioyowa tzi'oquiuyšej, porque quioyowate'. 5Pero iwʌ's ja'n chʌqui oyepʌ tzʌqui, pero wyʌ'aŋjamba Dios, te' jyustococotpapʌ's te' cowatzʌqui, ñʌcma'yʌpya Diojsis justopʌšej te' wyʌ'aŋjamgupyit. 6Chamgue'tu Davijtis que dichosopʌte' te' pʌn iwʌ ñʌcma'yʌpya Diojsis justopʌšej, y ja'n ñe' chʌquipit. 7Yʌ'šej nʌmu:
Dichoso iwʌta'm Diojsis yajcotocoyjayajpa yacha'cuy y jyascotocoyjapya quiowa.
8Dichoso te' pʌn iwʌ tʌ Ngomi's ja'n ñʌcma'yʌyjay te' quiowa.
9¿Yʌ' dichoso'ajcuy, circuncidatzʌjcupʌcotoyatijate' y ja'nsʌ'ŋde'que' jašircuncidatzʌcʌpʌcotoya? Nʌmbatʌ que wʌ'aŋja'moyu Abrahán y ñʌcma'yʌyu Diojsis justopʌšej. 10¿Jutza'sʌ'ŋ jeque ñʌcma'yʌyu justopʌšej? ¿Circuncidatzʌjcu'ctya'jate', o jašircuncidatzʌcʌ'cmajte'? Ja'nde' circuncidatzʌjcu'ctya'a sino que jašircuncidatzʌcʌ'cmajte'. 11Šircuncidatzʌjcu te' Abrahán jujcha' señal o pa'tze. Y jyustococojtu Diojsis te' wyʌ'aŋjamgupyit jašircuncidatzʌcʌ'cmaj. Te'šej tujcu wa'y tyata'yaju mumu jašircuncidatzʌcʌpʌ wʌ'aŋja'moye'sta'm, y wa'y ñʌcma'yʌyatʌju Diojsis justococojtyajupʌšej ñe'ta'm wyʌ'aŋjamgupyit. 12Te'šej jeque tujcu wa'y tyata'yajque'tu te' circuncidatzʌquiajupʌ's. Yʌ'ta'mbʌ šircuncidatzʌquiatʌju y te'šejtijque' wʌ'aŋja'moyaju jujcha'nde' tʌ ndata Abrahán wʌ'aŋja'moyu jašircuncidatzʌcʌ'cmaj.
Te' tzamdzi'oquiuy tujcu wʌ'aŋjamgupyit
13Chamdzi'u Diojsis te' Abrahán y te' quiʌwo'mata'm que maŋba inʌc ñʌtzʌ'yaju te' najsacopac. Chamdzi'u, pero ja'nde' porque quiojamu aŋgui'mguy sino porque jyustococojtu Diojsis te' wyʌ'aŋjamgupyit. 14Juca na' aŋgui'mguquiʌ'mʌta'mbʌ's ñʌtzʌ'yajpa te' najsacopac, comequetʌ nwʌ'aŋjamba y ja'na yose te' tzamdzi'oquiuy. 15Juca maŋgocʌtʌcpatʌ te' aŋgui'mguy maŋbatʌ yajnʌco'aŋgʌyu Diojsis. Pero juca ja'ndiyʌ aŋgui'mguy ja'ndiyʌ tiyʌtʌ maŋgocʌtʌcpa. 16Te'cotoya wʌ'aŋja'moquiupyit minba tyujcu te' tzamdzi'oquiuy yajya'moquiupyit, y wa'y itjojcʌtʌjcu mumu pʌngotoyata'm. Itjojcʌtʌcpa ja'n na' aŋgui'mguquiʌ'mʌ ijtyajupʌcotoya, sino que te'šejtijque' Abrahaŋšej wʌ'aŋja'moyajpapʌcotoya, porque ñe'cʌ te' tataj mumu tʌta'mne'. 17Yʌ'šej ja'yʌyu: Wʌwʌta'mbʌ pʌ'nis tyataše'ʌsmij ŋgojtu. Sunbate' ñʌmu, Diojsis wyi'naŋdʌjqui, porque Abraha'ŋis wyʌ'aŋjamu Dios. Yajwinsa'pa yʌ' Diojsis te' ca'yajupʌ, y chamba te' ja'ndiyʌpʌmaj jujcha' te'ya ijtupʌšej. 18Abraha'ŋis wyʌ'aŋjamu y jyo'cu u'ya inʌc jyo'cupʌ tiyʌ, wa'y tyata'u wʌwʌta'mbʌ pʌ'nis, porque yʌ'šej wina chamjayu Diojsis: Jene maŋba wyʌwa'u mis ŋgʌwo'ma. 19Y jamyocha'ʌ wyʌ'aŋja'moquiuy ñempe quipsu que tzamupʌnba'nde' y ja'na inʌc 'yunetzi'oy (mojsi's ameše'ŋopyʌte' inʌc) y ñempe quipsu que Sara jejupʌ tzamuyoma'nde'. 20Jašutzišej quiomʌ'yʌ te' Diojsis chamdzi'upʌ tiyʌ, sino que wyʌ'aŋjamu que wiyuŋšejte'. Más pʌmipʌjcu wyʌ'aŋja'moquiuy, y wyʌcotzamu Dios. 21Tyumʌtzocoy wyʌ'aŋjamu Abraha'ŋis que muspa chʌjcu Diojsis mumu te' chamdzi'upʌ tiyʌ. 22Te'wʌcotoya Diojsis ñʌcma'yʌyjayu wyʌ'aŋja'moquiuy justiciašej.
23Ja'n na' ñe'cʌcotoyatij ja'yʌyu wa'y ñʌcma'yʌyaju justococojtupʌšej, 24te'šejtijque' tʌcotoyata'm. Maŋbatʌ nʌcma'yʌtʌjtamu justopʌšej juca nwʌ'aŋjambatʌ te' Dios, te' yajwinsa'upʌ's tʌta'm Ngomi Jesús ca'yajupʌ'ojmoc. 25Te'wʌ chi'oquia'yaju wa'y quia'u tʌta'm ŋgowacotoya, y yajwinsa'u Diojsis wa'ytyʌ justococojtu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.