Romanos 5
5
Tiyʌta'mdʌ nʌ'ittamu porque justococojtutʌ
1Justococottamwa'ndʌ Diojsis tʌ nwʌ'aŋjamgupyit, y te'cotoya ittamu tʌ sʌ'mnaquiuy Diojsis wyi'naŋdʌjqui tʌ Ngomi Jesucristopit. 2Ñe'cʌpit mbʌjcʌchoŋjojcʌtʌcpatʌ yʌ' yajya'moquiuy tʌ nwʌ'aŋjamgupyit, y te'cotoya paquitʌ ittamu. Y oma'omatʌ njo'ctamba wa'ytyʌ mbʌjcʌchoŋu tʌ mbarte te' Diojsis myʌja'ŋajcu'yojmo. 3Y ja'n yʌ'wʌtij, sino que nʌ'omgue'tpatʌs te' toyapʌjcuy porque muspatʌs que te' toyapʌjcupyit aŋmapyatʌs wa'ytyʌj mbʌ'mgopajcʌ'oyu. 4Y te' pʌ'mgopajcʌquiupyit cosujupʌtʌ putpa, y tzʌjquisu'candʌ ijtu tiyʌ tʌ njo'cpa. 5Y te' nʌtʌ njo'ctamupʌ tiyʌ's ja'ndʌ tzactame tza'ajcu'yojmo, porque quiojtu Diojsis te' šu'noquiuy tʌta'm ndzoco'yojmo te' Espíritu Santopit te' tzi'upʌtʌ.
6Cowatzʌquita'mdʌyʌ', y ja'ndʌ musi nyajcotzojcu nwin, pero nu'cu'c te' aŋsʌŋ, Cristo'stʌ minu coca'tamu. 7Maye pʌ'nis sunba quioca'u justopʌ pʌn. Tal vez ijtu iwʌ's tyʌ'ŋʌpya wyin wa'y quioca'u wʌpʌ pʌn. 8Pero yajqueju Diojsis que sundambatʌ porque ñempetʌ cowatzʌquita'm Cristo'stʌ minu coca'tamu. 9Te'šej yʌtij justococotwa'ndʌ te' ñe' ñʌ'pinbit. Te'cotoya mustambatʌ que ñe'cʌpit wiyuŋšej maŋbatʌ ŋgotzoctamu uytyʌ yajnʌco'aŋgʌyu ŋgowa Diojsis. 10Ngui'nistamba'cmajtʌ Dios, ñe'cʌ's chʌjcu našunʌtʌjcuy ñe'cʌji'ŋ te' 'Yune's quia'aŋbit. Mastejca' yʌtij našunʌtʌjpa'candʌ ñe'cʌji'ŋ, muspatʌ que te' 'Yune's quiengupyit cotzoctambatʌ. 11Y ja'n na' te'še'ŋdij, sino que omdzocopyacpatʌ Dioscʌsi tʌ Ngomi Jesucristopit, porque yʌtij ñe'cʌpittʌ našunʌtʌjtamba Diosji'ŋ.
Te' Adán y te' Cristo
12Jujcha'nde' tuma'ŋbʌnbit tʌjcʌyu te' cowa najsacopajcʌsi, y te' cowapit ca'ʌnʌmba, te'šej jeque ca'ʌnʌmba, porque mumu cowapa'tyaju. 13Porque ja'ndiyʌ'cmaj Moisejsis 'yaŋgui'mguy, cowapa'tyajpa inʌc pʌnda'm najsacopajcʌsi, pero juca ja'ndiyʌ aŋgui'mguy, ja'ndʌ tiyʌ's ni'aŋba'te que cowatzʌquitʌ. 14Ñempe te'šej ñʌmʌ, ca'ʌnʌmu desde te' Adán hasta te' Moisejsis 'yaŋsʌ'ŋoyj, ñempe jaquiowapa'tya cowapa'tušej Adán. Yʌ' Adán wingʌyojte' maŋbamaj inʌc minupʌ'sñe'.
15Pero te' Diojsis chi'oquiuy más pʌmi'ʌyu que ja'n te' Ada'ŋis quiowa. Porque te' tuma'ŋbʌ'nis quiowapit mumu pʌn ca'yaju, pero te' tumʌpʌ pʌn, te' Jesucristo's yajya'moquiupyit, más wʌwa'u te' Diojsis yajya'moquiuy y te' chi'oquiuy mumuta'mbʌ pʌngotoya. 16Y ja'nandʌ cʌtʌcjaquie'temaj te' Diojsis chi'oquiupyit jujcha'ndʌ cʌtʌcjayu te' tumʌpʌ pʌ'nis quiowapit. Porque cowapa'tu'ca te' tumʌ pʌn, quiʌme'chatʌju mumu wa'y quio'aŋgʌyaju. Pero cowapa'tyaju'ca wʌwʌ pʌn, tʌjcʌyu te' yajya'moquiuy wa'y jyustococojtyatʌju. 17Juca mumu ca'ʌnʌmu porque cowapa'tu te' tumʌpʌ pʌn, más maŋba 'yaŋgui'myaju Jesucristopit te' quengu'yojmo iwʌ's pyʌjcʌchoŋyajpa te' aŋba'tepʌ yajya'moquiuy, y te' justicia te' Diojsistʌ tzi'papʌ coyowataca.
18Te'šej jeque, tuma'ŋbʌ'nis quiowapit jyajcʌyjayatʌju mumu pʌnda'm wa'y quio'aŋgʌyaju. Te'šej tuma'ŋbʌ'nis jyusto'ajcupyit tʌjcʌyu te' yajya'moquiuy mumu pʌngotoya wa'y jyustococojtyaju Diojsis wa'y tyʌjcʌyaju quengu'yojmo. 19Jujcha' tuma'ŋbʌ'nis jyana mato'ŋoquiupyit cowatzʌqui'ajpʌ'yaju wʌwʌta'mbʌ pʌn, te'šej tuma'ŋbʌ'nis myato'ŋoquiupyit maŋba jyustococojtyaju wʌwʌta'mbʌ pʌn Diojsis.
20Tʌjcʌyu te' aŋgui'mguy wa'y quieju que wʌwa'u te' cowa. Pero wʌwa'u'cande' te' cowa, más wʌwa'u te' yajya'moquiuy. 21Te'šej tujcu, y ca'ʌnʌmjojcʌtʌjcu te' cowapit. Pero te' Diojsis yajya'moquiupyit tzi'patʌ ja'n yayepʌ quenguy tʌ Ngomi Jesucristo's. Mbʌjcʌchoŋbatʌ yʌ' ja'n yayepʌ quenguy te' jyusticiapit te' tzi'papʌtʌ.
Currently Selected:
Romanos 5: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
Romanos 5
5
Tiyʌta'mdʌ nʌ'ittamu porque justococojtutʌ
1Justococottamwa'ndʌ Diojsis tʌ nwʌ'aŋjamgupyit, y te'cotoya ittamu tʌ sʌ'mnaquiuy Diojsis wyi'naŋdʌjqui tʌ Ngomi Jesucristopit. 2Ñe'cʌpit mbʌjcʌchoŋjojcʌtʌcpatʌ yʌ' yajya'moquiuy tʌ nwʌ'aŋjamgupyit, y te'cotoya paquitʌ ittamu. Y oma'omatʌ njo'ctamba wa'ytyʌ mbʌjcʌchoŋu tʌ mbarte te' Diojsis myʌja'ŋajcu'yojmo. 3Y ja'n yʌ'wʌtij, sino que nʌ'omgue'tpatʌs te' toyapʌjcuy porque muspatʌs que te' toyapʌjcupyit aŋmapyatʌs wa'ytyʌj mbʌ'mgopajcʌ'oyu. 4Y te' pʌ'mgopajcʌquiupyit cosujupʌtʌ putpa, y tzʌjquisu'candʌ ijtu tiyʌ tʌ njo'cpa. 5Y te' nʌtʌ njo'ctamupʌ tiyʌ's ja'ndʌ tzactame tza'ajcu'yojmo, porque quiojtu Diojsis te' šu'noquiuy tʌta'm ndzoco'yojmo te' Espíritu Santopit te' tzi'upʌtʌ.
6Cowatzʌquita'mdʌyʌ', y ja'ndʌ musi nyajcotzojcu nwin, pero nu'cu'c te' aŋsʌŋ, Cristo'stʌ minu coca'tamu. 7Maye pʌ'nis sunba quioca'u justopʌ pʌn. Tal vez ijtu iwʌ's tyʌ'ŋʌpya wyin wa'y quioca'u wʌpʌ pʌn. 8Pero yajqueju Diojsis que sundambatʌ porque ñempetʌ cowatzʌquita'm Cristo'stʌ minu coca'tamu. 9Te'šej yʌtij justococotwa'ndʌ te' ñe' ñʌ'pinbit. Te'cotoya mustambatʌ que ñe'cʌpit wiyuŋšej maŋbatʌ ŋgotzoctamu uytyʌ yajnʌco'aŋgʌyu ŋgowa Diojsis. 10Ngui'nistamba'cmajtʌ Dios, ñe'cʌ's chʌjcu našunʌtʌjcuy ñe'cʌji'ŋ te' 'Yune's quia'aŋbit. Mastejca' yʌtij našunʌtʌjpa'candʌ ñe'cʌji'ŋ, muspatʌ que te' 'Yune's quiengupyit cotzoctambatʌ. 11Y ja'n na' te'še'ŋdij, sino que omdzocopyacpatʌ Dioscʌsi tʌ Ngomi Jesucristopit, porque yʌtij ñe'cʌpittʌ našunʌtʌjtamba Diosji'ŋ.
Te' Adán y te' Cristo
12Jujcha'nde' tuma'ŋbʌnbit tʌjcʌyu te' cowa najsacopajcʌsi, y te' cowapit ca'ʌnʌmba, te'šej jeque ca'ʌnʌmba, porque mumu cowapa'tyaju. 13Porque ja'ndiyʌ'cmaj Moisejsis 'yaŋgui'mguy, cowapa'tyajpa inʌc pʌnda'm najsacopajcʌsi, pero juca ja'ndiyʌ aŋgui'mguy, ja'ndʌ tiyʌ's ni'aŋba'te que cowatzʌquitʌ. 14Ñempe te'šej ñʌmʌ, ca'ʌnʌmu desde te' Adán hasta te' Moisejsis 'yaŋsʌ'ŋoyj, ñempe jaquiowapa'tya cowapa'tušej Adán. Yʌ' Adán wingʌyojte' maŋbamaj inʌc minupʌ'sñe'.
15Pero te' Diojsis chi'oquiuy más pʌmi'ʌyu que ja'n te' Ada'ŋis quiowa. Porque te' tuma'ŋbʌ'nis quiowapit mumu pʌn ca'yaju, pero te' tumʌpʌ pʌn, te' Jesucristo's yajya'moquiupyit, más wʌwa'u te' Diojsis yajya'moquiuy y te' chi'oquiuy mumuta'mbʌ pʌngotoya. 16Y ja'nandʌ cʌtʌcjaquie'temaj te' Diojsis chi'oquiupyit jujcha'ndʌ cʌtʌcjayu te' tumʌpʌ pʌ'nis quiowapit. Porque cowapa'tu'ca te' tumʌ pʌn, quiʌme'chatʌju mumu wa'y quio'aŋgʌyaju. Pero cowapa'tyaju'ca wʌwʌ pʌn, tʌjcʌyu te' yajya'moquiuy wa'y jyustococojtyatʌju. 17Juca mumu ca'ʌnʌmu porque cowapa'tu te' tumʌpʌ pʌn, más maŋba 'yaŋgui'myaju Jesucristopit te' quengu'yojmo iwʌ's pyʌjcʌchoŋyajpa te' aŋba'tepʌ yajya'moquiuy, y te' justicia te' Diojsistʌ tzi'papʌ coyowataca.
18Te'šej jeque, tuma'ŋbʌ'nis quiowapit jyajcʌyjayatʌju mumu pʌnda'm wa'y quio'aŋgʌyaju. Te'šej tuma'ŋbʌ'nis jyusto'ajcupyit tʌjcʌyu te' yajya'moquiuy mumu pʌngotoya wa'y jyustococojtyaju Diojsis wa'y tyʌjcʌyaju quengu'yojmo. 19Jujcha' tuma'ŋbʌ'nis jyana mato'ŋoquiupyit cowatzʌqui'ajpʌ'yaju wʌwʌta'mbʌ pʌn, te'šej tuma'ŋbʌ'nis myato'ŋoquiupyit maŋba jyustococojtyaju wʌwʌta'mbʌ pʌn Diojsis.
20Tʌjcʌyu te' aŋgui'mguy wa'y quieju que wʌwa'u te' cowa. Pero wʌwa'u'cande' te' cowa, más wʌwa'u te' yajya'moquiuy. 21Te'šej tujcu, y ca'ʌnʌmjojcʌtʌjcu te' cowapit. Pero te' Diojsis yajya'moquiupyit tzi'patʌ ja'n yayepʌ quenguy tʌ Ngomi Jesucristo's. Mbʌjcʌchoŋbatʌ yʌ' ja'n yayepʌ quenguy te' jyusticiapit te' tzi'papʌtʌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.