Romanos 3
3
1¿Tiya' jeque ñʌwʌ'ajyaju te' judio'sta'm? ¿Y tiya' ñʌwʌ'ajyaju te' circuncidatzʌjcupyit? 2Aŋba'te ñʌwʌ'ajyaju mumu tiyʌcʌsi. Winbʌ porque wiyuŋšej ñe'cʌ ñitzajcʌyatʌju Diojsis chamepit. 3Juca wene judio'sta'm jawyʌ'aŋjamya, ¿sutzpasʌ'ŋ Dios te' ñe'ta'm jyana wʌ'aŋjamgupyit wa'y jana chʌjcu chamušej? 4Nijutz ja'ne, sino que muspatʌ que Dios wiyuŋdzamba ñempe mumu pʌn sujchajpa. Yʌ'šej ja'yʌyu:
Wa'y myujšaju que nwyiyuŋdzambapʌmijte' te' mis ndzamepit, y wa'mis nwʌyaju ñchʌjqui'šajpa'camij.
5Pero juca tʌta'm nyacha'cupyit nyajquejpatʌ que justopʌte' Dios, ¿tiya'ndʌ ndzamba? ¿Ja'nsʌ'ŋde' jyustopʌ Dios porque yajnʌco'aŋgʌpyatʌ? Ndzamba'ʌs yʌ'šej ñempe jutzpʌ pʌnšej. 6Dios justopʌte'. Juca inʌc ja'n jyusto Dios, ¿muspasʌ'ŋ quiʌme'tzu te' najsacopajcʌsita'mbʌ?
7Pero juca ʌs sutzipit quejpa que wiyuŋdzamba Dios, y te'šej más mʌja'ŋguejpa ñe'cʌ, ¿tiyajca'sʌ'ŋʌj cowatzʌquišej cʌme'tzpa? 8¿Tiyajca'ndʌ ja'n nʌmi: Ndzʌcta'mitʌy yacha'cuy wa'ytyʌ mba'ttamu oye'ajcuy? Ijtu nisutzʌpyapʌ'stʌ jaque-nʌmyajpa que tʌsunde' te'šej ndzamba. Justopʌ tiyʌte' wa'y yajnʌco'aŋgʌyaju yʌ'šejta'mbʌ pʌn.
Ja'ndiyʌ justopʌ
9¿Tiya' jeque? Judiotʌyʌ' y ¿itniqui'ma'ŋʌyusʌ'ŋdʌ más que ja'n griegota'm? Ja'ne, nijutz. Porque maŋdzʌ'yu'camʌj nʌmu que te' judío y te'šejtijque' griegota'm mumu tʌ cowatzʌquita'm. 10Ja'yʌyušej:
Ja'ndiyʌ justopʌ, nitya' tumʌc.
11Ja'ndiyʌ iwʌ's ñʌctʌ'pya.
Ja'ndiyʌ iwʌ's mye'tzpa Dios.
12Mumu tuŋdocoyaju. Myuma'ŋgʌ'y yajtiyʌcotoya ja'n yojšay.
Ja'ndiya' iwʌ's chʌcpa oyepʌ tiyʌ, ja'ndiyʌ nitya' tumʌc.
13Wojnayupʌ ca'uwʌ tza'tʌcšej quiʌnʌtuŋ.
'Yaŋnacapit aŋgoma'cʌ'oyajpa.
Jujcha' tza'nis ñʌ'ijtu yajca'opyapʌ tiyʌ 'yaŋsiscʌ'mʌ, te'šej ñʌ'ijtyajque'tu ñe'cʌ'sta'm.
14Na' yacha'cuy y tacaytya'mbʌ tiyʌ chamyajpa.
15Tzicšajpa ñe'ŋbac wa'y maŋu yajca'oyaju.
16Y chʌcʌtzaquiajpa tocoquiuy y yacsnu'ajcuy.
17Ja'n myujšay te' sʌ'mnayupʌ itcuy.
18Choco'yojmo ja'n ña'chay Dios.
19Pero muspatʌ que tiyʌta'm chamba aŋgui'mgu'yis te' aŋgui'mguquiʌ'mʌ ijtyajupʌ, chamjayajpa wa'y myu'quiaju po'te y mumu najsacopajcʌsita'mbʌ wa'y yajnʌco'aŋgʌyaju Diojsis. 20Porque ñempetʌ inʌc ŋgojamdamʌ te' aŋgui'mguy, ja'n te'wʌcotoya tʌ maŋba justococojtu Diojsis, porque te' aŋgui'mgupyit muspatʌ que cowatzʌquita'mdʌyʌ'.
Wʌ'aŋjamgupyittʌ justococotpa Diojsis
21Pero yʌtij queju Diojsis jyusticia te' tzi'tambapʌtʌ aŋgui'mguytyaca. Te'wʌte' quiotestigosajyaju aŋgui'mgu'yis y te' tza'maŋwa'oye'sta'm. 22Yʌ' Diojsis jyusticia te' tzi'papʌtʌj, mumu pʌngotoya ijtu Jesucristo wʌ'aŋjamgupyit, juca iwʌ's wyʌ'aŋjamba ñe'cʌ. Porque tu'mbactijtʌ, 23porque mumutʌ cowapa'ttamu y ja'ndʌ ŋgʌpa'ttame te' masa'najcuy Diojsis wyi'naŋdʌjqui. 24Coyowatacatʌ justococottamu Diojsis ñe' yajya'moquiupyit jupyuttamu'ctʌ ŋgowa'ojmoc Cristo Jesuspit. 25Y yʌ' Jesús chi'oquia'u Diojsis wa'y quioyojayu tʌta'm ŋgowa ñe' ñʌ'pinbit ca'u'c cruzcʌsi, y te'wʌ mbʌjcʌchoŋbatʌ wʌ'aŋjamgupyit. Yʌ'šej chʌjcu Diojsis wa'y yajqueju ñe' jyusticia, porque myatzcomʌ'nu 'yucaŋgʌ'mʌc te' ya'acta'mbʌ cowa ñe' pyacienciapit. 26Yʌ'šej chʌjcu wa'ytyʌ yajquendamu yʌ'ta'mbʌ aŋsʌ'ŋoyj ñe' jyusticia, y que ñe'cʌ justopʌte' y jyustococotpa iwʌ's wyʌ'aŋjamba Jesús.
27¿Muspasʌ'ŋdʌ mʌja'ŋgomʌ'yu nwin? Ja'ne. ¿Jutzpʌ aŋgui'mgu'yisandʌ yajwinducpa? ¿Te' tzamjapyapʌ'stʌ wa'ytyʌ ndzʌjcu te' tzʌqui? Ja'ne, sino te' tzamjapyapʌ'stʌ wa'ytyʌ nwʌ'aŋja'moyu. 28Yʌtij jeque, muspatʌ que jyustococotpa Diojsis te' pʌn te' wyʌ'aŋjamgupyit, y ja'nde' te' chʌquipit jacpʌtij chambašej te' aŋgui'mgu'yis.
29¿Na' judio'sta'msʌ'ŋde' Dios? ¿Ja'nsʌ'ŋde'que' genti'lista'm Dios? Wiyuŋšej genti'lista'mdijte'que'ñe'. 30Tumʌtij ijtu Dios. Te'wʌ's jyustococotpa wʌ'aŋjamgupyit te' circuncidatzʌjcupʌ, y te'šejtijque' te' jašircuncidatzʌcʌpʌ. 31¿Ndzʌctocopyasʌ'ŋdʌ te' aŋgui'mguy te' wʌ'aŋjamgupyit? Ja'ne nijutz, mastʌ mbʌmitzi'tamba te' aŋgui'mguy.
Currently Selected:
Romanos 3: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
Romanos 3
3
1¿Tiya' jeque ñʌwʌ'ajyaju te' judio'sta'm? ¿Y tiya' ñʌwʌ'ajyaju te' circuncidatzʌjcupyit? 2Aŋba'te ñʌwʌ'ajyaju mumu tiyʌcʌsi. Winbʌ porque wiyuŋšej ñe'cʌ ñitzajcʌyatʌju Diojsis chamepit. 3Juca wene judio'sta'm jawyʌ'aŋjamya, ¿sutzpasʌ'ŋ Dios te' ñe'ta'm jyana wʌ'aŋjamgupyit wa'y jana chʌjcu chamušej? 4Nijutz ja'ne, sino que muspatʌ que Dios wiyuŋdzamba ñempe mumu pʌn sujchajpa. Yʌ'šej ja'yʌyu:
Wa'y myujšaju que nwyiyuŋdzambapʌmijte' te' mis ndzamepit, y wa'mis nwʌyaju ñchʌjqui'šajpa'camij.
5Pero juca tʌta'm nyacha'cupyit nyajquejpatʌ que justopʌte' Dios, ¿tiya'ndʌ ndzamba? ¿Ja'nsʌ'ŋde' jyustopʌ Dios porque yajnʌco'aŋgʌpyatʌ? Ndzamba'ʌs yʌ'šej ñempe jutzpʌ pʌnšej. 6Dios justopʌte'. Juca inʌc ja'n jyusto Dios, ¿muspasʌ'ŋ quiʌme'tzu te' najsacopajcʌsita'mbʌ?
7Pero juca ʌs sutzipit quejpa que wiyuŋdzamba Dios, y te'šej más mʌja'ŋguejpa ñe'cʌ, ¿tiyajca'sʌ'ŋʌj cowatzʌquišej cʌme'tzpa? 8¿Tiyajca'ndʌ ja'n nʌmi: Ndzʌcta'mitʌy yacha'cuy wa'ytyʌ mba'ttamu oye'ajcuy? Ijtu nisutzʌpyapʌ'stʌ jaque-nʌmyajpa que tʌsunde' te'šej ndzamba. Justopʌ tiyʌte' wa'y yajnʌco'aŋgʌyaju yʌ'šejta'mbʌ pʌn.
Ja'ndiyʌ justopʌ
9¿Tiya' jeque? Judiotʌyʌ' y ¿itniqui'ma'ŋʌyusʌ'ŋdʌ más que ja'n griegota'm? Ja'ne, nijutz. Porque maŋdzʌ'yu'camʌj nʌmu que te' judío y te'šejtijque' griegota'm mumu tʌ cowatzʌquita'm. 10Ja'yʌyušej:
Ja'ndiyʌ justopʌ, nitya' tumʌc.
11Ja'ndiyʌ iwʌ's ñʌctʌ'pya.
Ja'ndiyʌ iwʌ's mye'tzpa Dios.
12Mumu tuŋdocoyaju. Myuma'ŋgʌ'y yajtiyʌcotoya ja'n yojšay.
Ja'ndiya' iwʌ's chʌcpa oyepʌ tiyʌ, ja'ndiyʌ nitya' tumʌc.
13Wojnayupʌ ca'uwʌ tza'tʌcšej quiʌnʌtuŋ.
'Yaŋnacapit aŋgoma'cʌ'oyajpa.
Jujcha' tza'nis ñʌ'ijtu yajca'opyapʌ tiyʌ 'yaŋsiscʌ'mʌ, te'šej ñʌ'ijtyajque'tu ñe'cʌ'sta'm.
14Na' yacha'cuy y tacaytya'mbʌ tiyʌ chamyajpa.
15Tzicšajpa ñe'ŋbac wa'y maŋu yajca'oyaju.
16Y chʌcʌtzaquiajpa tocoquiuy y yacsnu'ajcuy.
17Ja'n myujšay te' sʌ'mnayupʌ itcuy.
18Choco'yojmo ja'n ña'chay Dios.
19Pero muspatʌ que tiyʌta'm chamba aŋgui'mgu'yis te' aŋgui'mguquiʌ'mʌ ijtyajupʌ, chamjayajpa wa'y myu'quiaju po'te y mumu najsacopajcʌsita'mbʌ wa'y yajnʌco'aŋgʌyaju Diojsis. 20Porque ñempetʌ inʌc ŋgojamdamʌ te' aŋgui'mguy, ja'n te'wʌcotoya tʌ maŋba justococojtu Diojsis, porque te' aŋgui'mgupyit muspatʌ que cowatzʌquita'mdʌyʌ'.
Wʌ'aŋjamgupyittʌ justococotpa Diojsis
21Pero yʌtij queju Diojsis jyusticia te' tzi'tambapʌtʌ aŋgui'mguytyaca. Te'wʌte' quiotestigosajyaju aŋgui'mgu'yis y te' tza'maŋwa'oye'sta'm. 22Yʌ' Diojsis jyusticia te' tzi'papʌtʌj, mumu pʌngotoya ijtu Jesucristo wʌ'aŋjamgupyit, juca iwʌ's wyʌ'aŋjamba ñe'cʌ. Porque tu'mbactijtʌ, 23porque mumutʌ cowapa'ttamu y ja'ndʌ ŋgʌpa'ttame te' masa'najcuy Diojsis wyi'naŋdʌjqui. 24Coyowatacatʌ justococottamu Diojsis ñe' yajya'moquiupyit jupyuttamu'ctʌ ŋgowa'ojmoc Cristo Jesuspit. 25Y yʌ' Jesús chi'oquia'u Diojsis wa'y quioyojayu tʌta'm ŋgowa ñe' ñʌ'pinbit ca'u'c cruzcʌsi, y te'wʌ mbʌjcʌchoŋbatʌ wʌ'aŋjamgupyit. Yʌ'šej chʌjcu Diojsis wa'y yajqueju ñe' jyusticia, porque myatzcomʌ'nu 'yucaŋgʌ'mʌc te' ya'acta'mbʌ cowa ñe' pyacienciapit. 26Yʌ'šej chʌjcu wa'ytyʌ yajquendamu yʌ'ta'mbʌ aŋsʌ'ŋoyj ñe' jyusticia, y que ñe'cʌ justopʌte' y jyustococotpa iwʌ's wyʌ'aŋjamba Jesús.
27¿Muspasʌ'ŋdʌ mʌja'ŋgomʌ'yu nwin? Ja'ne. ¿Jutzpʌ aŋgui'mgu'yisandʌ yajwinducpa? ¿Te' tzamjapyapʌ'stʌ wa'ytyʌ ndzʌjcu te' tzʌqui? Ja'ne, sino te' tzamjapyapʌ'stʌ wa'ytyʌ nwʌ'aŋja'moyu. 28Yʌtij jeque, muspatʌ que jyustococotpa Diojsis te' pʌn te' wyʌ'aŋjamgupyit, y ja'nde' te' chʌquipit jacpʌtij chambašej te' aŋgui'mgu'yis.
29¿Na' judio'sta'msʌ'ŋde' Dios? ¿Ja'nsʌ'ŋde'que' genti'lista'm Dios? Wiyuŋšej genti'lista'mdijte'que'ñe'. 30Tumʌtij ijtu Dios. Te'wʌ's jyustococotpa wʌ'aŋjamgupyit te' circuncidatzʌjcupʌ, y te'šejtijque' te' jašircuncidatzʌcʌpʌ. 31¿Ndzʌctocopyasʌ'ŋdʌ te' aŋgui'mguy te' wʌ'aŋjamgupyit? Ja'ne nijutz, mastʌ mbʌmitzi'tamba te' aŋgui'mguy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.