Romanos 16
16
Tumduma'ŋbʌn dyujchi'yajpa Pablo's
1Nitza'mʌyjaytyamba'ʌsmij jeque tʌta'm ŋgose Febe, te' yospapʌ jujcha' diaconisa te' Cencreas-tu'mʌquiu'yojmo. 2Sunba'ʌs wa'mis mbʌjcʌchoŋdamu ñe'cʌ tʌ Ngomi's ñʌquiʌsi, pyʌcpašej wa'y chʌquiaju masanbʌ'nis. Sunba'ʌs wa'mis ŋgotzoŋdamu mumutiyʌcʌsi nʌ šunupʌ. Ñe'cʌ's quiotzoŋyaju sone eyata'mbʌ y te'šejtijque' ʌj.
3Dyujchi'jaytyamʌ Priscila y Aquila, ʌji'ŋ yojšajpapʌ Cristo Jesujsis ñʌquiʌsi. 4Yʌ'ta'mbʌ's jañʌcna'tzʌya wyin wa'yʌj yajcotzoquiaju, y nʌjayajpa'ʌs yʌscotoya. Y ja'n na' ʌstij nʌjayay yʌscotoya, te'šejtijque' mumu tu'mʌquiu'yis genti'lojmo ijtyajupʌ's ñʌjayajque'tpa yʌscotoya. 5Dyujchi'jaytyaŋgue'ta te' tu'mʌyajpapʌ ñe'ta'm tyʌjcojmo. Dyujchi'jaytyamʌ Epeneto wyinawʌ'aŋjamupʌ's Cristo Acaya'ojmo, y jene sunbapʌ'ʌs. 6Dyujchi'jaytyamʌ María, jene yojsupa'a mi'ojmota'm. 7Dyujchi'jaytyamʌ Andrónico y te' Junias, ʌste' nacioŋ-dʌwʌta'm, y te'šejtijque' jujcha' ʌj somyatʌjupʌ. Yʌ'ta'mbʌ myʌja'ŋgomʌ'yajpa ñe'co'mo te' cʌ'we'ista'm. Yʌ' Andronico's y Juniajsis wyinawʌ'aŋjamyaju Cristo que ja'n ʌs.
8Dyujchi'jaytyamʌ Amplias, te' ʌs sunbapʌ tʌ Ngomi's ñʌquiʌsi. 9Dyujchi'jaytyamʌ Urbano, cotzoŋbapʌ'stʌj Cristo's yoscu'yojmo, y te' Estaquis, te' sunbapʌ'ʌs. 10Dyujchi'jaytyamʌ Apeles, cosujupʌ pʌn Cristo's wyi'naŋdʌjqui. Y dyujchi'jaytyamʌ jujche'ŋ Aristobulo'sñe'. 11Dyujchi'jaytyamʌ Herodión, ʌste' nacioŋ-dʌwʌ. Dyujchi'jaytyamʌ Narciso'sta'mñe', jujche'ŋ wyʌ'aŋjamyajpapʌ's tʌ Ngomi. 12Dyujchi'jaytyamʌ Trifena y te' Trifosa, yojšajpapʌ tʌ Ngomicotoya. Dyujchi'jaytyamʌ Pérsida, te' sunbapʌtʌs, y jene yojsupa'a tʌ Ngomicotoya. 13Dyujchi'jaytyamʌ Rufo, tʌ Ngomi's quiopiwi, y te' ñe' ñanaj y ʌs nanaše'ʌs ŋgomʌ'pyapʌ. 14Dyujchi'jaytyamʌ Asíncrito, y te' Flegonte, y te' Hermas, y te' Patrobas, y te' Hermes, y te' ñe'cʌji'ŋ ijtyajupʌ atzita'm. 15Dyujchi'jaytyamʌ Filólogo, y te' Julia, y te' Nereo y ñe' quiose, y te' Olimpas y jujche'ŋ atzi ijtyajupʌ ñe'cʌji'ŋda'm.
16Masanbʌ su'coquiupyit nadyujchi'ʌtʌjtamʌ ne'co'mo. Mumu Cristo's tyu'mʌquiu'yista'm ñdyujchi'tambamij.
17Pero nwa'cjaytyamba'ʌsmij atzita'm wa'mis ŋgoquendamu cuenta te' yajquipoto'ŋoyajpapʌ y yajwinduquiajpapʌ's Diojsis chame aŋmaytyamupʌmis. Tzactamʌ te'šejta'mbʌ, 18porque ja'nde' tʌ Ngomi Jesucristo's quioyosata'm, sino que ñe'ta'mde' šu'noquiuy chʌquiajpa. Y sa'sa yo'cata'mbʌ tzamepit 'yaŋgoma'cʌyajpa te' ja'n ñʌctʌ'yoyapyʌ choco'yojmo. 19Myujšajwa'a mumu pʌ'nis que myato'ŋoytyambamij, te'cotoya'ʌsmij nʌ'omdamba. Sunba'ʌs wa'mis nʌctʌ'ytyamu jutzte' te' oyepʌ tiyʌ wa'mis ndzʌctamu, y ja'n te' ja'n 'yoyepʌ. 20Diojsistʌ tzi'pa sʌ'mnaquiuy. Y jʌ'nʌ'andʌ maŋba yajmaŋgopajcʌyu Satanás tʌta'm ne'ŋbajcʌ'mʌ. Sunba'ʌs wa'y ijtu mi'ojmota'm tʌ Ngomi Jesucristo's yajya'moquiuy.
21Ñdyujchi'tambamij Timoteo's, yospapʌ ʌji'ŋ, y te' Lucio's, y te' Jaso'ŋis, y Sosipate'ris, ʌs nacioŋ-dʌwʌ'sta'm. 22Y ʌs, Tercio, njayu'ʌs yʌ' toto, y ñdyujchi'taŋgue'tpa'ʌsmij tʌ Ngomi's ñʌquiʌsi. 23Ñdyujchi'taŋgue'tpamij Gayo's, cojejumʌ'yʌj yʌtij y chi'oquia'papʌ's tyʌc te' tu'mʌquiuquiotoya. Ñdyujchi'taŋgue'tpamij Erasto's, tumingoque'nopyapʌ yʌ' cumgu'yoyj, y te' atzi Cuarto's. 24Sunba'ʌs wa'y ijtu mumu mi'ojmota'm tʌta'm Ngomi Jesucristo's yajya'moquiuy. Amén.
Myʌja'ŋwʌcotzamba Dios Pablo's
25Wʌcotzamda'mitʌy Dios, te' muspapʌ'smij mbyaquitzi'tamu te' evangeliopit, te' yajmuspapʌ'stʌ Cristo. Ndzamgopuŋbatʌs yʌ' evangelio cʌwʌ'nupʌ inʌc ya'acta'mbʌ aŋsʌ'ŋojmo. 26Pero yʌtij Diojsistʌ nʌ yajquendamu te' tza'maŋwa'oye'sta'm tyotojayepit. Yʌ'šej aŋgui'mu te' ja'n yaye cho'tzepʌ Dios, wa'y mumu pʌ'nis myatoŋyaju yʌ' wina inʌc cʌwʌ'nupʌ tiyʌ, wa'y myato'ŋoyjayaju Cristocʌsipʌ wʌ'aŋja'moquiuy. 27Mʌja'ŋwʌcotzamda'mitʌy Jesucristopit yʌ' tumʌpʌ y mujsopyapʌ Dios mumu jamacotoya. Amén.
Currently Selected:
Romanos 16: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
Romanos 16
16
Tumduma'ŋbʌn dyujchi'yajpa Pablo's
1Nitza'mʌyjaytyamba'ʌsmij jeque tʌta'm ŋgose Febe, te' yospapʌ jujcha' diaconisa te' Cencreas-tu'mʌquiu'yojmo. 2Sunba'ʌs wa'mis mbʌjcʌchoŋdamu ñe'cʌ tʌ Ngomi's ñʌquiʌsi, pyʌcpašej wa'y chʌquiaju masanbʌ'nis. Sunba'ʌs wa'mis ŋgotzoŋdamu mumutiyʌcʌsi nʌ šunupʌ. Ñe'cʌ's quiotzoŋyaju sone eyata'mbʌ y te'šejtijque' ʌj.
3Dyujchi'jaytyamʌ Priscila y Aquila, ʌji'ŋ yojšajpapʌ Cristo Jesujsis ñʌquiʌsi. 4Yʌ'ta'mbʌ's jañʌcna'tzʌya wyin wa'yʌj yajcotzoquiaju, y nʌjayajpa'ʌs yʌscotoya. Y ja'n na' ʌstij nʌjayay yʌscotoya, te'šejtijque' mumu tu'mʌquiu'yis genti'lojmo ijtyajupʌ's ñʌjayajque'tpa yʌscotoya. 5Dyujchi'jaytyaŋgue'ta te' tu'mʌyajpapʌ ñe'ta'm tyʌjcojmo. Dyujchi'jaytyamʌ Epeneto wyinawʌ'aŋjamupʌ's Cristo Acaya'ojmo, y jene sunbapʌ'ʌs. 6Dyujchi'jaytyamʌ María, jene yojsupa'a mi'ojmota'm. 7Dyujchi'jaytyamʌ Andrónico y te' Junias, ʌste' nacioŋ-dʌwʌta'm, y te'šejtijque' jujcha' ʌj somyatʌjupʌ. Yʌ'ta'mbʌ myʌja'ŋgomʌ'yajpa ñe'co'mo te' cʌ'we'ista'm. Yʌ' Andronico's y Juniajsis wyinawʌ'aŋjamyaju Cristo que ja'n ʌs.
8Dyujchi'jaytyamʌ Amplias, te' ʌs sunbapʌ tʌ Ngomi's ñʌquiʌsi. 9Dyujchi'jaytyamʌ Urbano, cotzoŋbapʌ'stʌj Cristo's yoscu'yojmo, y te' Estaquis, te' sunbapʌ'ʌs. 10Dyujchi'jaytyamʌ Apeles, cosujupʌ pʌn Cristo's wyi'naŋdʌjqui. Y dyujchi'jaytyamʌ jujche'ŋ Aristobulo'sñe'. 11Dyujchi'jaytyamʌ Herodión, ʌste' nacioŋ-dʌwʌ. Dyujchi'jaytyamʌ Narciso'sta'mñe', jujche'ŋ wyʌ'aŋjamyajpapʌ's tʌ Ngomi. 12Dyujchi'jaytyamʌ Trifena y te' Trifosa, yojšajpapʌ tʌ Ngomicotoya. Dyujchi'jaytyamʌ Pérsida, te' sunbapʌtʌs, y jene yojsupa'a tʌ Ngomicotoya. 13Dyujchi'jaytyamʌ Rufo, tʌ Ngomi's quiopiwi, y te' ñe' ñanaj y ʌs nanaše'ʌs ŋgomʌ'pyapʌ. 14Dyujchi'jaytyamʌ Asíncrito, y te' Flegonte, y te' Hermas, y te' Patrobas, y te' Hermes, y te' ñe'cʌji'ŋ ijtyajupʌ atzita'm. 15Dyujchi'jaytyamʌ Filólogo, y te' Julia, y te' Nereo y ñe' quiose, y te' Olimpas y jujche'ŋ atzi ijtyajupʌ ñe'cʌji'ŋda'm.
16Masanbʌ su'coquiupyit nadyujchi'ʌtʌjtamʌ ne'co'mo. Mumu Cristo's tyu'mʌquiu'yista'm ñdyujchi'tambamij.
17Pero nwa'cjaytyamba'ʌsmij atzita'm wa'mis ŋgoquendamu cuenta te' yajquipoto'ŋoyajpapʌ y yajwinduquiajpapʌ's Diojsis chame aŋmaytyamupʌmis. Tzactamʌ te'šejta'mbʌ, 18porque ja'nde' tʌ Ngomi Jesucristo's quioyosata'm, sino que ñe'ta'mde' šu'noquiuy chʌquiajpa. Y sa'sa yo'cata'mbʌ tzamepit 'yaŋgoma'cʌyajpa te' ja'n ñʌctʌ'yoyapyʌ choco'yojmo. 19Myujšajwa'a mumu pʌ'nis que myato'ŋoytyambamij, te'cotoya'ʌsmij nʌ'omdamba. Sunba'ʌs wa'mis nʌctʌ'ytyamu jutzte' te' oyepʌ tiyʌ wa'mis ndzʌctamu, y ja'n te' ja'n 'yoyepʌ. 20Diojsistʌ tzi'pa sʌ'mnaquiuy. Y jʌ'nʌ'andʌ maŋba yajmaŋgopajcʌyu Satanás tʌta'm ne'ŋbajcʌ'mʌ. Sunba'ʌs wa'y ijtu mi'ojmota'm tʌ Ngomi Jesucristo's yajya'moquiuy.
21Ñdyujchi'tambamij Timoteo's, yospapʌ ʌji'ŋ, y te' Lucio's, y te' Jaso'ŋis, y Sosipate'ris, ʌs nacioŋ-dʌwʌ'sta'm. 22Y ʌs, Tercio, njayu'ʌs yʌ' toto, y ñdyujchi'taŋgue'tpa'ʌsmij tʌ Ngomi's ñʌquiʌsi. 23Ñdyujchi'taŋgue'tpamij Gayo's, cojejumʌ'yʌj yʌtij y chi'oquia'papʌ's tyʌc te' tu'mʌquiuquiotoya. Ñdyujchi'taŋgue'tpamij Erasto's, tumingoque'nopyapʌ yʌ' cumgu'yoyj, y te' atzi Cuarto's. 24Sunba'ʌs wa'y ijtu mumu mi'ojmota'm tʌta'm Ngomi Jesucristo's yajya'moquiuy. Amén.
Myʌja'ŋwʌcotzamba Dios Pablo's
25Wʌcotzamda'mitʌy Dios, te' muspapʌ'smij mbyaquitzi'tamu te' evangeliopit, te' yajmuspapʌ'stʌ Cristo. Ndzamgopuŋbatʌs yʌ' evangelio cʌwʌ'nupʌ inʌc ya'acta'mbʌ aŋsʌ'ŋojmo. 26Pero yʌtij Diojsistʌ nʌ yajquendamu te' tza'maŋwa'oye'sta'm tyotojayepit. Yʌ'šej aŋgui'mu te' ja'n yaye cho'tzepʌ Dios, wa'y mumu pʌ'nis myatoŋyaju yʌ' wina inʌc cʌwʌ'nupʌ tiyʌ, wa'y myato'ŋoyjayaju Cristocʌsipʌ wʌ'aŋja'moquiuy. 27Mʌja'ŋwʌcotzamda'mitʌy Jesucristopit yʌ' tumʌpʌ y mujsopyapʌ Dios mumu jamacotoya. Amén.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.