1 Corintios 1
1
Jyayjayajušej Pablo's Corinto'ojmota'mbʌ wʌ'aŋja'moye
1Ʌjte' te' Pablo y ʌji'ŋ ijtu te' atzi Sóstenes. Jesucristo'sʌj weju quiʌ'wejcotoya Diojsis šu'noquiupyit. 2Nʌ'ʌsmij njayjaytyamu jujche'ŋmij Diojsis tyu'mʌquiuy te' Corinto-cumgu'yojmomij ittamupʌ, te' masa'najtamupʌ Cristo Jesuspit. Nwyejtamumij Diojsis wa'mij myasa'najtamu mumu eyata'mbʌji'ŋ wyejwindzoŋjayajpapʌ's tʌta'm Ngomi Jesucristo's ñʌy ñempejutʌ. Te'wʌ ñe'ta'mde' Quiomi y tʌta'mne'.
3Sunba'ʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's.
Diojsistʌ nicomasa'nʌytyamba Cristopit
4Nʌmjojcʌtʌcjapya'ʌs yʌscotoya ʌsne' Dios mijcotoyata'm, porque te'wʌ'smij ñchi'tamu yajya'moquiuy Cristo Jesuspit. 5Nyajnʌwʌ'ajtamumij mumutiyʌcʌsi Diojsis, y ya'oya'jaytyamu mista'm ndzamdzamnaquiuy y yajmʌja'ŋajaytyamu mista'm mujsoquiuy ñe'cʌ's. 6Matoŋjaytyamumis te' Cristo's chamʌtʌjcuy y paquipʌjcu mista'm ndzoco'yojmo. 7Ja'n fyaltatzʌqui nijutzpʌ tzi'ʌtʌjcuy mi'ojmota'm nʌ'cmajmis njo'ctamu wa'y quieju tʌ Ngomi Jesucristo. 8Yʌ'wʌ'ste' maŋba pyaquitzi'jayu mista'm ndzocoy hasta co'yajcu'yojmo, wa'y jana ijtu tiyʌcʌsimij wa'y ŋguionoquiatʌju te' jamo'oyj minba'ca Ngomi Jesucristo. 9Chi'nda'nupʌte' Dios. Y ñe'cʌ'smij nwyejtamu wa'mij ñašunʌtʌjtamu tʌ Ngomi Jesucristopit ñe' 'Yune.
Quipswe'ñajpapʌ Diojsis tyu'mʌquiu'yojmo
10Nwa'cjaytyamba'ʌsmij jeque, atzita'm, tʌta'm Ngomi Jesucristo's ñʌquiʌsi tumo'pyʌ tiyʌ mis wa'y ndzamdamu muma'ŋgʌ'y, y umij ŋguipotoŋdamu ne'co'mo, sino que sa'sa'c wa'mij ñdyumʌquipsoytyamu y ñdyumʌ'aŋnʌctza'mʌ'oytyamu. 11Porque yajmujšaju'ʌj te' Cloe'is fyamilia's que mijta'm, atzita'm, ŋguipotoŋdambamij ne'co'mo. 12Sunba'ʌjte' nʌmu que mijta'm tumduma'ŋbʌn eya'eya mij ñchamdamba. Tumʌpʌ nʌmba: Ʌs, wiyuŋšej ŋgo'ŋba'ʌs Pablo. Eyapʌ nʌmba: Ʌs ŋgo'ŋba'ʌs Apolos. Y eyapʌ nʌmba: Ʌs ŋgo'ŋba'ʌs Cefas. Y eyapʌ nʌmba: Ʌs ŋgo'ŋba'ʌs Cristo. 13¿We'nbʌ'usʌ'ŋ Cristo? ¿Mya'myajusʌ'ŋ Pablo cruzcʌsi mijcotoyata'm? ¿O ñʌ'yʌytyamusʌ'ŋmij Pablo's ñʌquiʌsi? 14Yʌscotoya chʌcpa Diojsis ya'iwʌ'ʌs janyajnʌ'yʌ mi'ojmota'mbʌ sino que te' Crispo y te' Gayo, 15uy ya'iwʌ ñʌmu que ñʌ'yʌytyamumij ʌs nʌquiʌsi. 16(Y nyajnʌ'yʌquie'tu'ʌs Estefanajsis fyamilia. Y ja'ʌs njame juca nyajnʌ'yʌquie'tu'ʌs eyapʌ.) 17Porque jaquiʌ'weya'ʌj Cristo's wa'yʌj nyajnʌ'yʌ'oyu sino que wa'yʌs ndzamgopuŋu te' evangelio. Ja'ʌs ndzamgopuwi pʌ'nis myujsoquiupyit uy chʌ'yu Cristo's cruz ja'n yosepʌ tiyʌšej.
Cristo te' Diojsis pyʌmi y myujsoquiuy
18Wiyuŋšejpʌ tiyʌ chamba te' crujsis. Pero co'sawa'cuytye' te' nʌ tyocoyajupʌcotoya. Y nʌ quiotzoquiajupʌcotoya, jujcha' tʌta'm, Diojsis te' pyʌmi. 19Porque yʌ'šej ja'yʌyu:
Maŋba'ʌs nyaju mujsoyajpapʌ's myujsoquiuy,
Y maŋba'ʌs ndzʌcjopi'tu nʌctʌ'yoyajpapʌ's ñʌctʌ'yoquiuy.
20¿Juta' ijtu te' mujsopyapʌ? ¿Juta' ijtu te' aŋgui'mguy-tyayu? ¿Juta' ijtu te' tacscʌme'tzopyapʌ yʌ' aŋsʌ'ŋojmo? ¿Ja'nsʌ'ŋde' yajco'sawa'pʌ'u Diojsis yʌ' najsacopajcʌsipʌ mujsoquiuy? 21Porque como myujsu Diojsis que najsacopajcʌsita'mbʌ's ja'ispʌquia Dios ñe' myujsoquiupyitta'm, tzocopyajcu Dios wa'y yajcotzojcu te' wʌ'aŋja'moyajpapʌ te' tzamgopu'ŋopyapʌ tiyʌpit. Y yʌ'wʌ co'sawa'cuytye' te' eyata'mbʌ pʌngotoya. 22Porque wya'quiajpa isaŋwʌ'ajcuy jujcha' señal te' judio'sta'm, y mye'chajpa mujsoquiuy te' griego'sta'm. 23Pero tʌs ndzamgopuŋbatʌs Cristo, te' ma'mupʌ cruzcʌsi. Te' tzamgopuŋupʌ tiyʌ's wiyuŋšej yajnepcʌschʌmyajpa te' judiota'm, y quipšajpa te' genti'lista'm que co'sawa'cuytye'. 24Pero te' Diojsis wyejyatʌjupʌcotoya, ñempe judío o griego, Cristote' te' Diojsis pyʌmi y te' Diojsis myujsoquiuy.
25Porque te' ñʌjayajpapʌ co'sawa'cuy Diojsisñe', maste' mʌja'ŋbʌ mujsoquiuy que ja'nde' pʌ'nisñe'. Y te' ñʌjayajpapʌ mocha'cuy Diojsisñe', maste' pʌmi'ʌyu que ja'nde' pʌ'nista'm pyʌmi. 26Quipsoytyamʌ atzita'm nwyeyatʌjtamupʌcʌsimij. Mi'ojmota'm ja'ndiyʌ sone ñʌ'ijtyajupʌ's pʌ'nis myujsoquiuy, ni ja'ndiyʌ sone cowi'nata'm ni mʌja'ŋ aŋgui'moye. 27Pero quiopiŋu Diojsis te' jowita'mbʌ najsacopajcʌsi wa'y cha'ajcuy chi'yaju te' mujsoyajpapʌ. Y quiopiŋu Diojsis te' mochita'mbʌ najsacopajcʌsi wa'y cha'ajcuy chi'yaju te' mʌja'ŋda'mbʌ. 28Y quiopiŋu Diojsis te' chicsta'mbʌ tiyʌ najsacopajcʌsi, y te' menoschʌquiajupʌ tiyʌ y hasta te' ja'ndiyʌpʌ inʌc quiopiŋu Diojsis wa'y yaju te'ta'mbʌ's te' ijtyajupʌ. 29Yʌ'šej chʌjcu Diojsis uy myʌja'ŋgotzamu wyin te' ñe' wyi'naŋdʌjqui nijutipʌ pʌ'nis. 30Diojsistʌ tumʌtzʌctamu Cristo Jesusji'ŋ. Diojsistʌ tzi'u Cristo wa'ytyʌ yajmujsoyu y justococojtu, y wa'ytyʌ yajmasa'naju y jupyujtu, ca'u'c cruzcʌsi. 31Jujcha' ja'yʌyušej: Iwʌ mʌja'ŋgotza'mopya, yajmʌja'ŋgotzamja tʌ Ngomi.
Currently Selected:
1 Corintios 1: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
1 Corintios 1
1
Jyayjayajušej Pablo's Corinto'ojmota'mbʌ wʌ'aŋja'moye
1Ʌjte' te' Pablo y ʌji'ŋ ijtu te' atzi Sóstenes. Jesucristo'sʌj weju quiʌ'wejcotoya Diojsis šu'noquiupyit. 2Nʌ'ʌsmij njayjaytyamu jujche'ŋmij Diojsis tyu'mʌquiuy te' Corinto-cumgu'yojmomij ittamupʌ, te' masa'najtamupʌ Cristo Jesuspit. Nwyejtamumij Diojsis wa'mij myasa'najtamu mumu eyata'mbʌji'ŋ wyejwindzoŋjayajpapʌ's tʌta'm Ngomi Jesucristo's ñʌy ñempejutʌ. Te'wʌ ñe'ta'mde' Quiomi y tʌta'mne'.
3Sunba'ʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's.
Diojsistʌ nicomasa'nʌytyamba Cristopit
4Nʌmjojcʌtʌcjapya'ʌs yʌscotoya ʌsne' Dios mijcotoyata'm, porque te'wʌ'smij ñchi'tamu yajya'moquiuy Cristo Jesuspit. 5Nyajnʌwʌ'ajtamumij mumutiyʌcʌsi Diojsis, y ya'oya'jaytyamu mista'm ndzamdzamnaquiuy y yajmʌja'ŋajaytyamu mista'm mujsoquiuy ñe'cʌ's. 6Matoŋjaytyamumis te' Cristo's chamʌtʌjcuy y paquipʌjcu mista'm ndzoco'yojmo. 7Ja'n fyaltatzʌqui nijutzpʌ tzi'ʌtʌjcuy mi'ojmota'm nʌ'cmajmis njo'ctamu wa'y quieju tʌ Ngomi Jesucristo. 8Yʌ'wʌ'ste' maŋba pyaquitzi'jayu mista'm ndzocoy hasta co'yajcu'yojmo, wa'y jana ijtu tiyʌcʌsimij wa'y ŋguionoquiatʌju te' jamo'oyj minba'ca Ngomi Jesucristo. 9Chi'nda'nupʌte' Dios. Y ñe'cʌ'smij nwyejtamu wa'mij ñašunʌtʌjtamu tʌ Ngomi Jesucristopit ñe' 'Yune.
Quipswe'ñajpapʌ Diojsis tyu'mʌquiu'yojmo
10Nwa'cjaytyamba'ʌsmij jeque, atzita'm, tʌta'm Ngomi Jesucristo's ñʌquiʌsi tumo'pyʌ tiyʌ mis wa'y ndzamdamu muma'ŋgʌ'y, y umij ŋguipotoŋdamu ne'co'mo, sino que sa'sa'c wa'mij ñdyumʌquipsoytyamu y ñdyumʌ'aŋnʌctza'mʌ'oytyamu. 11Porque yajmujšaju'ʌj te' Cloe'is fyamilia's que mijta'm, atzita'm, ŋguipotoŋdambamij ne'co'mo. 12Sunba'ʌjte' nʌmu que mijta'm tumduma'ŋbʌn eya'eya mij ñchamdamba. Tumʌpʌ nʌmba: Ʌs, wiyuŋšej ŋgo'ŋba'ʌs Pablo. Eyapʌ nʌmba: Ʌs ŋgo'ŋba'ʌs Apolos. Y eyapʌ nʌmba: Ʌs ŋgo'ŋba'ʌs Cefas. Y eyapʌ nʌmba: Ʌs ŋgo'ŋba'ʌs Cristo. 13¿We'nbʌ'usʌ'ŋ Cristo? ¿Mya'myajusʌ'ŋ Pablo cruzcʌsi mijcotoyata'm? ¿O ñʌ'yʌytyamusʌ'ŋmij Pablo's ñʌquiʌsi? 14Yʌscotoya chʌcpa Diojsis ya'iwʌ'ʌs janyajnʌ'yʌ mi'ojmota'mbʌ sino que te' Crispo y te' Gayo, 15uy ya'iwʌ ñʌmu que ñʌ'yʌytyamumij ʌs nʌquiʌsi. 16(Y nyajnʌ'yʌquie'tu'ʌs Estefanajsis fyamilia. Y ja'ʌs njame juca nyajnʌ'yʌquie'tu'ʌs eyapʌ.) 17Porque jaquiʌ'weya'ʌj Cristo's wa'yʌj nyajnʌ'yʌ'oyu sino que wa'yʌs ndzamgopuŋu te' evangelio. Ja'ʌs ndzamgopuwi pʌ'nis myujsoquiupyit uy chʌ'yu Cristo's cruz ja'n yosepʌ tiyʌšej.
Cristo te' Diojsis pyʌmi y myujsoquiuy
18Wiyuŋšejpʌ tiyʌ chamba te' crujsis. Pero co'sawa'cuytye' te' nʌ tyocoyajupʌcotoya. Y nʌ quiotzoquiajupʌcotoya, jujcha' tʌta'm, Diojsis te' pyʌmi. 19Porque yʌ'šej ja'yʌyu:
Maŋba'ʌs nyaju mujsoyajpapʌ's myujsoquiuy,
Y maŋba'ʌs ndzʌcjopi'tu nʌctʌ'yoyajpapʌ's ñʌctʌ'yoquiuy.
20¿Juta' ijtu te' mujsopyapʌ? ¿Juta' ijtu te' aŋgui'mguy-tyayu? ¿Juta' ijtu te' tacscʌme'tzopyapʌ yʌ' aŋsʌ'ŋojmo? ¿Ja'nsʌ'ŋde' yajco'sawa'pʌ'u Diojsis yʌ' najsacopajcʌsipʌ mujsoquiuy? 21Porque como myujsu Diojsis que najsacopajcʌsita'mbʌ's ja'ispʌquia Dios ñe' myujsoquiupyitta'm, tzocopyajcu Dios wa'y yajcotzojcu te' wʌ'aŋja'moyajpapʌ te' tzamgopu'ŋopyapʌ tiyʌpit. Y yʌ'wʌ co'sawa'cuytye' te' eyata'mbʌ pʌngotoya. 22Porque wya'quiajpa isaŋwʌ'ajcuy jujcha' señal te' judio'sta'm, y mye'chajpa mujsoquiuy te' griego'sta'm. 23Pero tʌs ndzamgopuŋbatʌs Cristo, te' ma'mupʌ cruzcʌsi. Te' tzamgopuŋupʌ tiyʌ's wiyuŋšej yajnepcʌschʌmyajpa te' judiota'm, y quipšajpa te' genti'lista'm que co'sawa'cuytye'. 24Pero te' Diojsis wyejyatʌjupʌcotoya, ñempe judío o griego, Cristote' te' Diojsis pyʌmi y te' Diojsis myujsoquiuy.
25Porque te' ñʌjayajpapʌ co'sawa'cuy Diojsisñe', maste' mʌja'ŋbʌ mujsoquiuy que ja'nde' pʌ'nisñe'. Y te' ñʌjayajpapʌ mocha'cuy Diojsisñe', maste' pʌmi'ʌyu que ja'nde' pʌ'nista'm pyʌmi. 26Quipsoytyamʌ atzita'm nwyeyatʌjtamupʌcʌsimij. Mi'ojmota'm ja'ndiyʌ sone ñʌ'ijtyajupʌ's pʌ'nis myujsoquiuy, ni ja'ndiyʌ sone cowi'nata'm ni mʌja'ŋ aŋgui'moye. 27Pero quiopiŋu Diojsis te' jowita'mbʌ najsacopajcʌsi wa'y cha'ajcuy chi'yaju te' mujsoyajpapʌ. Y quiopiŋu Diojsis te' mochita'mbʌ najsacopajcʌsi wa'y cha'ajcuy chi'yaju te' mʌja'ŋda'mbʌ. 28Y quiopiŋu Diojsis te' chicsta'mbʌ tiyʌ najsacopajcʌsi, y te' menoschʌquiajupʌ tiyʌ y hasta te' ja'ndiyʌpʌ inʌc quiopiŋu Diojsis wa'y yaju te'ta'mbʌ's te' ijtyajupʌ. 29Yʌ'šej chʌjcu Diojsis uy myʌja'ŋgotzamu wyin te' ñe' wyi'naŋdʌjqui nijutipʌ pʌ'nis. 30Diojsistʌ tumʌtzʌctamu Cristo Jesusji'ŋ. Diojsistʌ tzi'u Cristo wa'ytyʌ yajmujsoyu y justococojtu, y wa'ytyʌ yajmasa'naju y jupyujtu, ca'u'c cruzcʌsi. 31Jujcha' ja'yʌyušej: Iwʌ mʌja'ŋgotza'mopya, yajmʌja'ŋgotzamja tʌ Ngomi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.