1 Corintios 4
4
Te' cʌ'we'ista'm yoscuy
1Oye wa'y myujšaju pʌ'nista'm que Cristo'stʌjyʌ' quioyosata'm, y que ŋgoquenjapyatʌs te' wiyuŋšejpʌ tiyʌta'm te' jayajqueyapʌ Diojsis winata'mbʌ tiempo'ojmo. 2Pero pyʌcpa jujche'ŋ coque'noye's wa'y chi'nda'nu chocoy. 3Ʌs ja'ʌs mbʌcjay maya'cuy wa'misʌj ŋgʌme'tztamu mista'm, o wa'yʌj cʌme'tzu pʌ'nista'm, ni ja'ʌs ŋgʌme'tze nwin. 4Ñempe ʌs ndzoco'yis ja'nʌj ni'aŋba'te, ja'nʌs te'wʌcotoya nwʌcomʌ'i nwin. Te' cʌme'tzpapʌ'sʌj tʌ te' Ngomi's. 5Te'šej jeque uy cʌme'tztame windij yajtiyʌ. Uy cʌme'tztame hasta que minba tʌ Ngomi. Te'wʌ's maŋba cha'maŋwajpʌ'u pi'tza'ŋajcu'yojmo cʌwʌ'ñajupʌ tiyʌ, y maŋba yajqueju mumu tzoco'yis quipsaŋgospo'ʌyušej. Pijche'ca maŋba wyʌcotzamu Diojsis tumduma'ŋbʌn myerecetzʌcpaše'ŋ.
6Ndzamjaytyamba'ʌsmij mumu yʌ'šejta'mbʌ tiyʌ porque sundamba'ʌsmij atzita'm. Muspamis ŋguengʌspʌctamu ʌjcʌsi y Apoloscʌsi. Te'šej wa'mis aŋmaytyamu tʌjcʌsi wa'mij nwyittamu solo te' ja'yʌyupʌ tiyo'mo, y eyapʌ pʌnbit umis mʌja'ŋgomʌ'ytyamu nwin wa'mij ñʌmdamu: Yʌ'wʌ oye y te'wʌ ja'n 'yoye. 7Porque ¿iwa' nʌmba que masmij myʌja'ŋ mij? y ¿tiya' nʌ'ijtu jañchi'yapʌmij? Y juca ñchi'yajumij tiyʌ'iwʌ, ¿tiyajca'nde' mʌja'ŋgomʌ'pya nwin juca nʌtijmijte' ñchi'yaju?
8Ngomʌ'ytyambamis que ñdyastamwa'mij y que rico'ajtamwa'mij. 'Yaŋgui'mdambamij jujcha' rey, pero ja'n tʌji'ŋ. Y oye inʌc juca 'yaŋgui'mdambamij wa'ytyʌ ndumʌ'aŋgui'mu tʌj miji'ŋda'm. 9Cʌ'wejtʌjyʌ'. Y ŋguipspa'ʌs que Diojsistʌj cojtu jujcha' ucaŋgʌ'mʌcta'mbʌ, y jujcha' ñi'aŋba'tyajpapʌ wa'y yajca'yatʌju. Nguipspa'ʌs yʌ'šej porque quengʌpʌquiajpatʌj te' ja'n wyʌ'aŋja'moyapyʌ's, y angelejsista'm y te' pʌ'nista'm. 10Quiomʌ'yajpa juca jowipʌtʌjyʌ' porque sunbatʌs Cristo, y mijta'm mujsoyešej, tʌj jujcha' mochipʌ y mijta'm jujcha' pʌmi'ʌyajupʌ. Mijta'm nwyʌcotzamʌtʌjtambamij y tʌj je'ŋjayajpatʌj. 11Hasta como yʌtij yu'jo'pyatʌj, yoctʌtzpatʌj, ja'ndiyʌ tʌs mbama, y pu'ŋjetjetwʌyajpatʌj y ja'ndiyʌ ni tʌs ndʌc. 12Ngʌ'pittʌj yospa ne'cʌ. Yatzicotzamyajpatʌj y tʌs oyecotzamyajpatʌs. Yacsnutzʌquiajpatʌj y mbʌ'mgopajcʌpyatʌs. 13Yatzicotzamyajpatʌj y tʌs ndzamsujcʌyajpatʌs wa'y ñʌctʌ'yaju. Hasta como yʌtij najsacopajcʌsipʌ putzišejtʌj comʌ'yajpa y tyʌŋbʌ'yajupʌ tiyʌšej.
14Ja'ʌsmij njayjaytyamu yʌ'šej wa'yʌsmij nyajtza'ajtamu, sino que suñajpapʌ uneše'ʌsmij ndzamnʌctʌ'ytyamba. 15Porque ñempe itʌ majca'y mil 'yaŋmaytyambapʌ'smij Cristo'sñe', ja'n maŋu ijtu sone mista'm ndataj. Y Cristo Jesuspi'tʌjyʌ' mista'm ndatajšej, porque ndzamgopuŋjaytyamu'ʌsmij te' evangelio. 16Te'cotoya nwa'cjaytyamba'ʌsmij wa'mis ndzʌctamu ndzʌcpaše'ʌs. 17Te'wʌcotoya'ʌsmij ŋgʌ'wejaytyamu Timoteo, te' ʌs sunbapʌ jujcha' ʌsne' une, y tzi'nda'nupʌ's wyʌ'aŋjamguy tʌ Ngomicʌsi. Yʌ'wʌ's maŋbamij nyajamwʌtzʌctamu jutzʌj tu'ŋajpa Cristoji'ŋ, y jutzʌj aŋma'yopya mumujutʌ y mumu tu'mʌquiu'yojmo. 18Pero ijtyaju nʌ tye'ngui'myajupʌ mi'ojmota'm. Quiomʌ'yajpa juca yajujche'cʌj ja'n maŋu minu mi'aŋʌta'm. 19Pero prontotij maŋba'ʌj mi'aŋʌta'm juca tʌ Ngomi's šunba. Te'yʌs maŋba mujsu ja'nde' te' chame sino que juca ijtu pyʌmi te' nʌ tye'ngui'myajupʌ's. 20Porque jowita'mbʌ tzamepit ja'n 'yaŋgui'mi Dios, sino que pyʌmipit. 21¿Tiya' sundamba? ¿Sundamba wa'yʌj minu mi'aŋʌta'm nacsoquiuyji'ŋ, o su'noquiuyji'ŋ y yo'capʌ tzocopyit?
Currently Selected:
1 Corintios 4: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
1 Corintios 4
4
Te' cʌ'we'ista'm yoscuy
1Oye wa'y myujšaju pʌ'nista'm que Cristo'stʌjyʌ' quioyosata'm, y que ŋgoquenjapyatʌs te' wiyuŋšejpʌ tiyʌta'm te' jayajqueyapʌ Diojsis winata'mbʌ tiempo'ojmo. 2Pero pyʌcpa jujche'ŋ coque'noye's wa'y chi'nda'nu chocoy. 3Ʌs ja'ʌs mbʌcjay maya'cuy wa'misʌj ŋgʌme'tztamu mista'm, o wa'yʌj cʌme'tzu pʌ'nista'm, ni ja'ʌs ŋgʌme'tze nwin. 4Ñempe ʌs ndzoco'yis ja'nʌj ni'aŋba'te, ja'nʌs te'wʌcotoya nwʌcomʌ'i nwin. Te' cʌme'tzpapʌ'sʌj tʌ te' Ngomi's. 5Te'šej jeque uy cʌme'tztame windij yajtiyʌ. Uy cʌme'tztame hasta que minba tʌ Ngomi. Te'wʌ's maŋba cha'maŋwajpʌ'u pi'tza'ŋajcu'yojmo cʌwʌ'ñajupʌ tiyʌ, y maŋba yajqueju mumu tzoco'yis quipsaŋgospo'ʌyušej. Pijche'ca maŋba wyʌcotzamu Diojsis tumduma'ŋbʌn myerecetzʌcpaše'ŋ.
6Ndzamjaytyamba'ʌsmij mumu yʌ'šejta'mbʌ tiyʌ porque sundamba'ʌsmij atzita'm. Muspamis ŋguengʌspʌctamu ʌjcʌsi y Apoloscʌsi. Te'šej wa'mis aŋmaytyamu tʌjcʌsi wa'mij nwyittamu solo te' ja'yʌyupʌ tiyo'mo, y eyapʌ pʌnbit umis mʌja'ŋgomʌ'ytyamu nwin wa'mij ñʌmdamu: Yʌ'wʌ oye y te'wʌ ja'n 'yoye. 7Porque ¿iwa' nʌmba que masmij myʌja'ŋ mij? y ¿tiya' nʌ'ijtu jañchi'yapʌmij? Y juca ñchi'yajumij tiyʌ'iwʌ, ¿tiyajca'nde' mʌja'ŋgomʌ'pya nwin juca nʌtijmijte' ñchi'yaju?
8Ngomʌ'ytyambamis que ñdyastamwa'mij y que rico'ajtamwa'mij. 'Yaŋgui'mdambamij jujcha' rey, pero ja'n tʌji'ŋ. Y oye inʌc juca 'yaŋgui'mdambamij wa'ytyʌ ndumʌ'aŋgui'mu tʌj miji'ŋda'm. 9Cʌ'wejtʌjyʌ'. Y ŋguipspa'ʌs que Diojsistʌj cojtu jujcha' ucaŋgʌ'mʌcta'mbʌ, y jujcha' ñi'aŋba'tyajpapʌ wa'y yajca'yatʌju. Nguipspa'ʌs yʌ'šej porque quengʌpʌquiajpatʌj te' ja'n wyʌ'aŋja'moyapyʌ's, y angelejsista'm y te' pʌ'nista'm. 10Quiomʌ'yajpa juca jowipʌtʌjyʌ' porque sunbatʌs Cristo, y mijta'm mujsoyešej, tʌj jujcha' mochipʌ y mijta'm jujcha' pʌmi'ʌyajupʌ. Mijta'm nwyʌcotzamʌtʌjtambamij y tʌj je'ŋjayajpatʌj. 11Hasta como yʌtij yu'jo'pyatʌj, yoctʌtzpatʌj, ja'ndiyʌ tʌs mbama, y pu'ŋjetjetwʌyajpatʌj y ja'ndiyʌ ni tʌs ndʌc. 12Ngʌ'pittʌj yospa ne'cʌ. Yatzicotzamyajpatʌj y tʌs oyecotzamyajpatʌs. Yacsnutzʌquiajpatʌj y mbʌ'mgopajcʌpyatʌs. 13Yatzicotzamyajpatʌj y tʌs ndzamsujcʌyajpatʌs wa'y ñʌctʌ'yaju. Hasta como yʌtij najsacopajcʌsipʌ putzišejtʌj comʌ'yajpa y tyʌŋbʌ'yajupʌ tiyʌšej.
14Ja'ʌsmij njayjaytyamu yʌ'šej wa'yʌsmij nyajtza'ajtamu, sino que suñajpapʌ uneše'ʌsmij ndzamnʌctʌ'ytyamba. 15Porque ñempe itʌ majca'y mil 'yaŋmaytyambapʌ'smij Cristo'sñe', ja'n maŋu ijtu sone mista'm ndataj. Y Cristo Jesuspi'tʌjyʌ' mista'm ndatajšej, porque ndzamgopuŋjaytyamu'ʌsmij te' evangelio. 16Te'cotoya nwa'cjaytyamba'ʌsmij wa'mis ndzʌctamu ndzʌcpaše'ʌs. 17Te'wʌcotoya'ʌsmij ŋgʌ'wejaytyamu Timoteo, te' ʌs sunbapʌ jujcha' ʌsne' une, y tzi'nda'nupʌ's wyʌ'aŋjamguy tʌ Ngomicʌsi. Yʌ'wʌ's maŋbamij nyajamwʌtzʌctamu jutzʌj tu'ŋajpa Cristoji'ŋ, y jutzʌj aŋma'yopya mumujutʌ y mumu tu'mʌquiu'yojmo. 18Pero ijtyaju nʌ tye'ngui'myajupʌ mi'ojmota'm. Quiomʌ'yajpa juca yajujche'cʌj ja'n maŋu minu mi'aŋʌta'm. 19Pero prontotij maŋba'ʌj mi'aŋʌta'm juca tʌ Ngomi's šunba. Te'yʌs maŋba mujsu ja'nde' te' chame sino que juca ijtu pyʌmi te' nʌ tye'ngui'myajupʌ's. 20Porque jowita'mbʌ tzamepit ja'n 'yaŋgui'mi Dios, sino que pyʌmipit. 21¿Tiya' sundamba? ¿Sundamba wa'yʌj minu mi'aŋʌta'm nacsoquiuyji'ŋ, o su'noquiuyji'ŋ y yo'capʌ tzocopyit?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.