1 Corintios 3
3
Diojsis quioyosata'm
1Ʌs, atzita'm, jamyusʌ'ʌsmij ndzamjaytyamʌ jujcha' myato'ŋoyjayajpapʌ's te' Espíritu, sino que jujcha' myato'ŋoyjapyapʌ's ñe' wyi'nis šu'noquiuy o jujcha' jowi-une Cristo'ojmota'mbʌ. 2Lechepi'tʌsmij mbʌ'nʌytyamu y ja'n paquipʌ cu'tcupyit, porque ja'nmis inʌc musi ŋgu'ttamu. Ni hasta yʌtij ja'nmis mustame, 3porque sunjaytyambamajmis nwi'nis šu'noquiuy. Nguiʌjoŋdambamajmij y ŋguipotoŋdambamajmij, y we'nbʌ'tambamaj mis ŋguipsoquiuy. ¿Ja'nsʌ'ŋde' mista'm nwi'nis šu'noquiuy nʌ sunjaytyamu y ñempejutzpʌ pʌnšej nʌ nwyittamu? 4Porque juca iwʌjutiwʌ nʌmba: Ʌs wiyuŋšej ŋgo'ŋba'ʌs Pablo, y eyapʌ nʌmba: Ʌs ŋgo'ŋba'ʌs Apolos, ¿ja'nsʌ'ŋde' ne' nwi'nis šu'noquiupyit?
5¿Tiya'sʌ'ŋde' Pablo? y ¿tiya'sʌ'ŋde' Apolos? Coyosata'mdijte', y ñe'ta'm chamepit nwyʌ'aŋja'moytyamumij chi'yatʌjušej nwʌ'aŋjamʌtʌjcuy tumduma'ŋbʌn tʌ Ngomi's. 6Ʌs nijpu'ʌs, y Apolojsis šejcu, pero Diojsis yajmʌja'u. 7Te'wʌcotoya ja'n myʌja'ŋ ni te' ñijpapʌ's ni te' šecpapʌ's, pero te' yajmʌja'papʌ's mʌja'ŋbʌte', y te'wʌ te' Dios. 8Te' ñijpapʌ's y te' šecpapʌ's tumʌpʌ tiyʌcotoya yojšajpa, y tumduma'ŋbʌ'nis maŋba pyʌjcʌchoŋu quioyowa tiyʌcʌsi yojsu. 9Tʌj tumʌ'ajcu'yoyjtyʌj yospa Diosji'ŋ. Mijta'm Diojsismijte' ñipita'm, y Diojsismijte' ñdyʌcta'm.
10Diojsisʌj tzi'upʌ yajya'moquiupyit ŋgotjayu'ʌs te' tzo'tzcuy jujcha' muspapʌ's chʌjcu tʌc, pero eyapʌ's yajtu'ŋajpa cʌsmʌc. Yajcoquena cuenta jutz yajtu'ŋajpa tumduma'ŋbʌ'nis. 11Ya'iwʌ'sa ja'n musi quiojtu eyapʌ tzo'tzcuy sino te' Jesucristo te' quiojtyajupa'a. 12Pero yʌ'šejpʌ tzo'tzcuquiʌsi muspatʌ nyajtu'ŋaju oropit, platapit, suñita'mbʌ tza'pit, cupyit, socpit o mu'cpit. 13Y maŋba quieju tumduma'ŋbʌ'nis yojsaŋ, porque te' minbapʌ jamo'oyj maŋba quieju. Y jucʌtʌjquis maŋba yajquejayu tumduma'ŋbʌ'nis yojsaŋ tyiya'ʌtij, porque te' jucʌtʌjcojmo maŋba quiʌtʌjcu. 14Juca iwʌ's yojsa'ŋis tyonba, te' yajtu'ŋajupʌ's maŋba pyʌjcʌchoŋu quioyowa. 15Y juca iwʌ's yojsaŋ poŋbʌ'pa, ñe' te' tyocoquiuy, pero ñe'cʌ maŋba quiotzojcu jujcha' jucʌtʌjcojmoc cotzojcupʌ. 16¿Ja'nja mustame que Diojsismijte' ñdyʌcta'm y que te' Diojsis 'Yespiritu itpa mi'ojmota'm? 17Iwʌ's yajtocopya Diojsis tyʌc, te'wʌ maŋba yajtocoyu Diojsis, porque masanbʌte' te' Diojsis tyʌc, y mijta'mde'.
18Ya'iwʌ's uy 'yaŋgoma'cʌyu ñe' wyin. Juca iwʌjutiwʌ mi'ojmota'm quiomʌ'pya que mujsopyapʌte' yʌ' tiempo'ojmo, yajcomʌ'yʌ que jowimaj wa'y pya'tu mujsoquiuy. 19Porque yʌ' najsacopajcʌsita'mbʌ's myujsoquiuy co'sawa'cuytye' Diojsis wyi'naŋdʌjqui. Porque yʌ'šej ja'yʌyu: Yajowya'pa Diojsis te' mujsoyeta'm ñe'ta'm myaña'cu'yojmo. 20Y emʌ nʌmgue'tpa: Myuspa tʌ Ngomi's que comeque te' mujsoye'sta'm quipsoquiuy. 21Te'cotoya uy ya'iwʌ's myʌja'ŋgomʌ'yu wyin pyʌndʌwʌcʌsi, porque mumutiyʌ te' mista'mne'. 22Juca Pablo, juca Apolos, juca Cefas, juca najsacopac, juca te' quenguy, juca te' ca'aŋ, juca yʌtijta'mbʌ tiyʌ o juca minbapʌmaj, mumutiyʌ te' mista'mne. 23Y mijta'm Cristo'sñe', y Cristo Diojsisñe'.
Currently Selected:
1 Corintios 3: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
1 Corintios 3
3
Diojsis quioyosata'm
1Ʌs, atzita'm, jamyusʌ'ʌsmij ndzamjaytyamʌ jujcha' myato'ŋoyjayajpapʌ's te' Espíritu, sino que jujcha' myato'ŋoyjapyapʌ's ñe' wyi'nis šu'noquiuy o jujcha' jowi-une Cristo'ojmota'mbʌ. 2Lechepi'tʌsmij mbʌ'nʌytyamu y ja'n paquipʌ cu'tcupyit, porque ja'nmis inʌc musi ŋgu'ttamu. Ni hasta yʌtij ja'nmis mustame, 3porque sunjaytyambamajmis nwi'nis šu'noquiuy. Nguiʌjoŋdambamajmij y ŋguipotoŋdambamajmij, y we'nbʌ'tambamaj mis ŋguipsoquiuy. ¿Ja'nsʌ'ŋde' mista'm nwi'nis šu'noquiuy nʌ sunjaytyamu y ñempejutzpʌ pʌnšej nʌ nwyittamu? 4Porque juca iwʌjutiwʌ nʌmba: Ʌs wiyuŋšej ŋgo'ŋba'ʌs Pablo, y eyapʌ nʌmba: Ʌs ŋgo'ŋba'ʌs Apolos, ¿ja'nsʌ'ŋde' ne' nwi'nis šu'noquiupyit?
5¿Tiya'sʌ'ŋde' Pablo? y ¿tiya'sʌ'ŋde' Apolos? Coyosata'mdijte', y ñe'ta'm chamepit nwyʌ'aŋja'moytyamumij chi'yatʌjušej nwʌ'aŋjamʌtʌjcuy tumduma'ŋbʌn tʌ Ngomi's. 6Ʌs nijpu'ʌs, y Apolojsis šejcu, pero Diojsis yajmʌja'u. 7Te'wʌcotoya ja'n myʌja'ŋ ni te' ñijpapʌ's ni te' šecpapʌ's, pero te' yajmʌja'papʌ's mʌja'ŋbʌte', y te'wʌ te' Dios. 8Te' ñijpapʌ's y te' šecpapʌ's tumʌpʌ tiyʌcotoya yojšajpa, y tumduma'ŋbʌ'nis maŋba pyʌjcʌchoŋu quioyowa tiyʌcʌsi yojsu. 9Tʌj tumʌ'ajcu'yoyjtyʌj yospa Diosji'ŋ. Mijta'm Diojsismijte' ñipita'm, y Diojsismijte' ñdyʌcta'm.
10Diojsisʌj tzi'upʌ yajya'moquiupyit ŋgotjayu'ʌs te' tzo'tzcuy jujcha' muspapʌ's chʌjcu tʌc, pero eyapʌ's yajtu'ŋajpa cʌsmʌc. Yajcoquena cuenta jutz yajtu'ŋajpa tumduma'ŋbʌ'nis. 11Ya'iwʌ'sa ja'n musi quiojtu eyapʌ tzo'tzcuy sino te' Jesucristo te' quiojtyajupa'a. 12Pero yʌ'šejpʌ tzo'tzcuquiʌsi muspatʌ nyajtu'ŋaju oropit, platapit, suñita'mbʌ tza'pit, cupyit, socpit o mu'cpit. 13Y maŋba quieju tumduma'ŋbʌ'nis yojsaŋ, porque te' minbapʌ jamo'oyj maŋba quieju. Y jucʌtʌjquis maŋba yajquejayu tumduma'ŋbʌ'nis yojsaŋ tyiya'ʌtij, porque te' jucʌtʌjcojmo maŋba quiʌtʌjcu. 14Juca iwʌ's yojsa'ŋis tyonba, te' yajtu'ŋajupʌ's maŋba pyʌjcʌchoŋu quioyowa. 15Y juca iwʌ's yojsaŋ poŋbʌ'pa, ñe' te' tyocoquiuy, pero ñe'cʌ maŋba quiotzojcu jujcha' jucʌtʌjcojmoc cotzojcupʌ. 16¿Ja'nja mustame que Diojsismijte' ñdyʌcta'm y que te' Diojsis 'Yespiritu itpa mi'ojmota'm? 17Iwʌ's yajtocopya Diojsis tyʌc, te'wʌ maŋba yajtocoyu Diojsis, porque masanbʌte' te' Diojsis tyʌc, y mijta'mde'.
18Ya'iwʌ's uy 'yaŋgoma'cʌyu ñe' wyin. Juca iwʌjutiwʌ mi'ojmota'm quiomʌ'pya que mujsopyapʌte' yʌ' tiempo'ojmo, yajcomʌ'yʌ que jowimaj wa'y pya'tu mujsoquiuy. 19Porque yʌ' najsacopajcʌsita'mbʌ's myujsoquiuy co'sawa'cuytye' Diojsis wyi'naŋdʌjqui. Porque yʌ'šej ja'yʌyu: Yajowya'pa Diojsis te' mujsoyeta'm ñe'ta'm myaña'cu'yojmo. 20Y emʌ nʌmgue'tpa: Myuspa tʌ Ngomi's que comeque te' mujsoye'sta'm quipsoquiuy. 21Te'cotoya uy ya'iwʌ's myʌja'ŋgomʌ'yu wyin pyʌndʌwʌcʌsi, porque mumutiyʌ te' mista'mne'. 22Juca Pablo, juca Apolos, juca Cefas, juca najsacopac, juca te' quenguy, juca te' ca'aŋ, juca yʌtijta'mbʌ tiyʌ o juca minbapʌmaj, mumutiyʌ te' mista'mne. 23Y mijta'm Cristo'sñe', y Cristo Diojsisñe'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.