1 Corintios 2
2
Chamgopuŋba inʌc Pablo's te' Cristo yajca'yajupʌ cruzcʌsi
1Te'cotoya, atzita'm, minu'cʌj mi'aŋʌta'm wa'yʌsmij ndzamgopuŋjaytyamu te' Diojsis chamupʌ tiyʌ, jañchamgopuŋjaytyamʌ'ʌsmij na' mʌja'ŋda'mbʌ tzamepit ni pʌ'nista'm myujsoquiupyit. 2Porque nʌmu'ʌj ndzoco'yojmo: Ja'ʌs maŋu ndzamu eyapʌ tiyʌ mi'ojmota'm sino que te' Jesucristo mya'myajupʌ cruzcʌsi. 3Mocha'cu'yojmo y na'tzina'tzi y sʌtʌjtu'cʌj tiju ijtu mi'ojmota'm. 4Te' ndzamuše'ʌs te' evangelio y ndzamgopuŋuše'ʌs, ja'nde' pʌ'nis jʌ'cpʌjcoyajpapʌ chamepit, ni pʌ'nis myujsoquiupyit, sino que nyajquendamu'ʌsmij te' Espiritu's chʌqui y te' Diojsis pyʌmi. 5Uy cho'tzu mista'm nwʌ'aŋjamʌtʌjcuy pʌ'nista'm myujsoquiupyit, sino que Diojsis myʌja'ŋbʌmipit.
Diojsis 'Yespiritu'stʌ yajquendamupʌ tiyʌ
6Pero ndzambatʌs mujsoquiuy te' cota'ñajupo'ma'a, pero ja'n yʌ' najsacopajcʌsita'mbʌ's myujsoquiuy ni ja'n yʌ' najsacopajcʌsita'mbʌ's quiowi'na'sñe', porque te'ta'mbʌ maŋba yajyaju. 7Pero ndzambatʌs mujsoquiuy Diojsisñe', te' jayajqueyapʌ Diojsis winata'mbʌ aŋsʌ'ŋojmo. Y yʌ' mujsoquiuy cʌwʌ'nupʌyʌ' inʌc, y jyojmejcu Diojsis tʌs mʌja'ŋajcuquiotoya maŋba'cmaj cho'tzu te' aŋsʌŋda'm. 8Nijutipʌ najsacopac aŋgui'moye's jañʌctʌ'ya. Juca inʌc ñʌctʌ'yaju, jamya'mya inʌc te' cruzcʌsi tʌ mʌja'ŋbʌ Comi. 9Pero yʌ'šej ja'yʌyu:
Jaquieñatij pʌ'nista'm te' wyitʌmbit ni jamyatoŋya quiowipit,
Ni jaquipša choco'yojmo jujche'ŋda'mbʌ tiyʌ ñimejcʌyjayaju Diojsis iwʌ's šunba ñe'cʌ.
10Pero Diojsis yajquenutʌj tʌj jeque yʌ'šejta'mbʌ tiyʌ ñe' 'Yespiritu Santopit. Porque mumu ñʌctʌ'pya te' Espiritu's, ñempe tʌ ja'n nʌctʌ'ipʌ tiyʌ Diojsisñe'. 11¿Iwʌpʌ pʌ'nisa myusjapya tyʌwʌ's quipsoquiuy sino que ñe' 'yespiritu's ñʌc'ijtʌyupʌ's? Te'šejtijque' ya'iwʌ's ja'n myusjay Diojsis quipsoquiuy sino que te' Diojsis 'Yespiritu's. 12Pero tʌs jambyʌjcʌchoŋjatʌs pʌ'nista'm myujsoquiuy, sino que mbʌjcʌchoŋutʌs te' Espíritu Santo, te' tzi'upʌtʌj Diojsis wa'ytyʌ mustamu tiyʌtʌ tzi'u ñe'cʌ's. 13Te'wʌ jequetʌste' ndzamba. Pero ja'ndʌs ndzame mujsoyajpapʌ pʌ'nista'm aŋmayušej, sino que ndzambatʌs aŋmayušejtʌj te' Espíritu Santo's. Y nyajnʌctʌ'yajpatʌs Espíritu Santo'ʌyajupʌ pʌn tiyʌta'm Espiritu'sñe'. 14Y te' pʌn ja'ndiyʌpo'mo Espíritu Santo ja'n ñʌctʌ'i tiyʌta'm chamjapya Diojsis 'Yespiritu's, porque co'sawa'cuytye' ñe'cʌcotoya. Y ja'n musi ñʌctʌ'yu, porque pyʌcpa wa'y tyacscʌme'tzpʌ'u Espíritu Santopit. 15Pero te' Espíritu Santo'ʌyupʌ pʌ'nis quiʌme'tzpa mumutiyʌ, y ñe'cʌ ya'iwʌ's ja'n quiʌme'tze. 16¿Iwʌ'sasʌ'ŋ myusjayu tʌ Ngomi's quipsoquiuy wa'y te'wʌ's 'yaŋmayu ñe'cʌ? Pero tʌta'm nʌ'itjaytyamwa'ndʌ Cristo's quipsoquiuy.
Currently Selected:
1 Corintios 2: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
1 Corintios 2
2
Chamgopuŋba inʌc Pablo's te' Cristo yajca'yajupʌ cruzcʌsi
1Te'cotoya, atzita'm, minu'cʌj mi'aŋʌta'm wa'yʌsmij ndzamgopuŋjaytyamu te' Diojsis chamupʌ tiyʌ, jañchamgopuŋjaytyamʌ'ʌsmij na' mʌja'ŋda'mbʌ tzamepit ni pʌ'nista'm myujsoquiupyit. 2Porque nʌmu'ʌj ndzoco'yojmo: Ja'ʌs maŋu ndzamu eyapʌ tiyʌ mi'ojmota'm sino que te' Jesucristo mya'myajupʌ cruzcʌsi. 3Mocha'cu'yojmo y na'tzina'tzi y sʌtʌjtu'cʌj tiju ijtu mi'ojmota'm. 4Te' ndzamuše'ʌs te' evangelio y ndzamgopuŋuše'ʌs, ja'nde' pʌ'nis jʌ'cpʌjcoyajpapʌ chamepit, ni pʌ'nis myujsoquiupyit, sino que nyajquendamu'ʌsmij te' Espiritu's chʌqui y te' Diojsis pyʌmi. 5Uy cho'tzu mista'm nwʌ'aŋjamʌtʌjcuy pʌ'nista'm myujsoquiupyit, sino que Diojsis myʌja'ŋbʌmipit.
Diojsis 'Yespiritu'stʌ yajquendamupʌ tiyʌ
6Pero ndzambatʌs mujsoquiuy te' cota'ñajupo'ma'a, pero ja'n yʌ' najsacopajcʌsita'mbʌ's myujsoquiuy ni ja'n yʌ' najsacopajcʌsita'mbʌ's quiowi'na'sñe', porque te'ta'mbʌ maŋba yajyaju. 7Pero ndzambatʌs mujsoquiuy Diojsisñe', te' jayajqueyapʌ Diojsis winata'mbʌ aŋsʌ'ŋojmo. Y yʌ' mujsoquiuy cʌwʌ'nupʌyʌ' inʌc, y jyojmejcu Diojsis tʌs mʌja'ŋajcuquiotoya maŋba'cmaj cho'tzu te' aŋsʌŋda'm. 8Nijutipʌ najsacopac aŋgui'moye's jañʌctʌ'ya. Juca inʌc ñʌctʌ'yaju, jamya'mya inʌc te' cruzcʌsi tʌ mʌja'ŋbʌ Comi. 9Pero yʌ'šej ja'yʌyu:
Jaquieñatij pʌ'nista'm te' wyitʌmbit ni jamyatoŋya quiowipit,
Ni jaquipša choco'yojmo jujche'ŋda'mbʌ tiyʌ ñimejcʌyjayaju Diojsis iwʌ's šunba ñe'cʌ.
10Pero Diojsis yajquenutʌj tʌj jeque yʌ'šejta'mbʌ tiyʌ ñe' 'Yespiritu Santopit. Porque mumu ñʌctʌ'pya te' Espiritu's, ñempe tʌ ja'n nʌctʌ'ipʌ tiyʌ Diojsisñe'. 11¿Iwʌpʌ pʌ'nisa myusjapya tyʌwʌ's quipsoquiuy sino que ñe' 'yespiritu's ñʌc'ijtʌyupʌ's? Te'šejtijque' ya'iwʌ's ja'n myusjay Diojsis quipsoquiuy sino que te' Diojsis 'Yespiritu's. 12Pero tʌs jambyʌjcʌchoŋjatʌs pʌ'nista'm myujsoquiuy, sino que mbʌjcʌchoŋutʌs te' Espíritu Santo, te' tzi'upʌtʌj Diojsis wa'ytyʌ mustamu tiyʌtʌ tzi'u ñe'cʌ's. 13Te'wʌ jequetʌste' ndzamba. Pero ja'ndʌs ndzame mujsoyajpapʌ pʌ'nista'm aŋmayušej, sino que ndzambatʌs aŋmayušejtʌj te' Espíritu Santo's. Y nyajnʌctʌ'yajpatʌs Espíritu Santo'ʌyajupʌ pʌn tiyʌta'm Espiritu'sñe'. 14Y te' pʌn ja'ndiyʌpo'mo Espíritu Santo ja'n ñʌctʌ'i tiyʌta'm chamjapya Diojsis 'Yespiritu's, porque co'sawa'cuytye' ñe'cʌcotoya. Y ja'n musi ñʌctʌ'yu, porque pyʌcpa wa'y tyacscʌme'tzpʌ'u Espíritu Santopit. 15Pero te' Espíritu Santo'ʌyupʌ pʌ'nis quiʌme'tzpa mumutiyʌ, y ñe'cʌ ya'iwʌ's ja'n quiʌme'tze. 16¿Iwʌ'sasʌ'ŋ myusjayu tʌ Ngomi's quipsoquiuy wa'y te'wʌ's 'yaŋmayu ñe'cʌ? Pero tʌta'm nʌ'itjaytyamwa'ndʌ Cristo's quipsoquiuy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.