El Apocalipsis 15
15
Ayé siete últimu castigujat
1Mit tʉn-is̈ tsajpni'c jatu'c mʉjway milagru nas̈acnigu-épijyʉpay. Tʉn-is̈ siete ángejlat mit je'jat imuyo'ygau siete últimu castigujat, mit icʉs̈wa'n ayé, Dios icastiga̱tcʉs̈way jayajwat.
2Mit tʉn-ís̈ey as̈am tu'c lama̱t waticway de is̈tic mit tsabats as̈am jʉjn. Mit tʉn-is̈ ayé jayajwat jeme ivencia̱tcaway ayé aníma̱t mit itiyu̱s̈, ni'c igamuyo'ygajawu inʉ'jy ne inúmero. Mit je'jat tenagau mam i-it ayé lama̱t waticway de is̈tic, mit imuyo'ygau i-arpajat jeme Dios iguimoygaway. 3Mit i-ʉugau ayé himnu iwatway Moisés, ni'c je' iservia̱jtau Dios. Mit i-ʉugawey ayé himnu iwatway ayé borreguwáy Jesucristu, inʉmgau:
Señor Dios, mi̱ inaguep nu'pʉjʉn poder.
Inwatp majatway cosajat,
mit ayé tʉs̈acnigu-épigʉjʉp.
Mi̱ mi tu'c rey, inmanda̱tcʉs̈p injayajwat,
mit inwatp lo que iyacs̈ta'cway.
4Oh Señor, mi̱ nu'pʉjʉn jayajwat is̈pʉ̱tcáj
mit is̈-oyninʉmgáj.
Ni'c mi̱jyu mitsʉ̱nap mʉjninʉmic,
mit jemni'c nu'pʉjʉn jayajwat
mingáj is̈-adora̱tcap mi̱,
mit ijawigáj ni'c yacs̈ic injuzga̱t.
5Mit cʉs̈ tʉn-is̈ ni'c ini-awá̱jtsʉj ayé templu tsajpni'cway, mit ayé imu-e'p as̈am ayé lugar mam iguicojm ayé ley ija'yway Moisés. 6Mit pichingau templuni'c siete ángejlat mit je'jat imuyo'ygau ayé siete castigujat. Mit ayé ángejlat tsʉ̱ngau cutigatsijcat mit po'psábanajat, mit ayé quijano'jcau, mit ipechuni'jcat tsumijcat mit cinturójnat watijcatway de oro. 7Mit tu'c de ayé mactas̈p ángejlat imoygʉs̈ ayé siete ángejlat siete vasujat watijcatway de oro, mit ayé patsic itsʉ̱́ngaj. Ayé inʉmo'jcʉp ni'c Dios icastiga̱tcʉs̈áj mʉgʉc jayajwat, mit je' tsʉ̱nap pa siempre. 8Mit como Dios mʉjo'c mit ito'jcʉu poder, i-apatsta̱c ayé templu mit wi's̈ic, mit nepʉn ca-oyawu itʉgʉy templuni'c. Solo oyáj itʉgʉyga hasta icʉs̈wa'n ayé siete castigujat imuyo'ygapay ayé siete ángejlat.
Currently Selected:
El Apocalipsis 15: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
