Hebreos 5
5
1Ambanu ayé judíujat icupiugau jayajwat jeme tanámpay de mʉjpa̱nij. Mit ayé mʉjpa̱nijat servia̱tcau pa jayajwat ma tsʉ̱nga oy mit Dios, mit icotscajau ofrendajat pa Dios mit aníma̱tnipin pa iguitso̱jcawa'n ayé jayajwat nu'pʉjʉn mal iwatcaway. 2Ayé ampay mʉjpa̱nijat i-aguepcajau calma jeme iga-is̈capcapay neti mit igajawigapay lo que iwatcapay, ni'c ayé mʉjpa̱nijat tsʉ̱ngawey débil as̈amu ʉjtsat. 3Mit jemni'c it ti iguicótscaja Dios aníma̱tnipin pa je'jat ima̱jlat mit we'ney pa nu'pʉjʉn jayajwat iwatcaway mal.
4Ambanu nepʉn ca-oyawu itan je'yu de mʉjpa̱nij. Ni'c jeme tanámpay, ayé ni'c Dios igui-aparta̱t mit iguicupi̱u, as̈am ámbanu iguicupijw Aarón. 5We'ney Cristu iganʉmu je'yu ni'c tanáj de mʉjpa̱nij, po je' Dios iguicupi̱u mit iguimʉjninʉm, mit iguinʉjmau:
Mi̱j ayé tʉ̱wáy,
jinap tʉwayját ʉ̱.
6Inʉmey jatu'c laj Dios ilibruni'c:
Mi̱ mitanáj mʉjpa̱nij pa siempre,
as̈am itajn mʉjpa̱nij Melquisedec.
7Mit Cristu cuandu iyo'jy yam as̈am jayau, i-ora̱jtau mit iyo'jtau mʉgʉc Dios ma iguimajyiyac, mit ijʉjyau mʉgʉc. Je' ijawiu ni'c Dios oyapate iguilibra̱tp maga-o'c, po Dios imarau lo que iyo'tway ni'c je' iguirespeta̱t. 8Mit je' Dios iway mit je' jayaumay en nu'pʉjʉn, po majawe'naj it ti iguitunas̈, pa we'n ipʉctanáj pa ijayaumaywa'n más. 9Mit como pichin oy, je' oyap iguisalva̱tcʉs̈ pa siempre nu'pʉjʉn iguijayaumaygámpay. 10Mit Dios iguiyac pa itanwa'n meru mʉjpa̱nij, as̈am iguiyajc Melquisedec.
Nagacuyáguiga Cristu
11Tʉnaguep mayo'c tʉnʉmgʉs̈ámpay pa is̈jawigawa'n de Melquisedec, mit ayé majo'c pa tʉ-ajque's̈cʉs̈awa'n ni'c cani-oyap is̈-entendiá̱tca. 12Oyapate is̈ajque's̈caja Dios ipalabra ni'c jego'cway incupʉ́jcaj, po jinap itp ti is̈ajque's̈cajámnaj ni'c inganipʉctangap Dios i-ama̱s̈an nas̈ajque's̈ʉ'jcajaway. Mijchat inyesita̱tcapnaj as̈am leche mit caje' cayan. 13Ni'c nu'pʉjʉn i-u̱cpaynaj leche, ayé as̈am yauya̱wájat, cani-oyap igui-is̈cap ayé yacs̈icway to̱u nas̈moygapay Dios. 14Po jeme icayganupay nu'pʉjʉn, ayé ni'c jayajwatanu, ni'c je'jat imuyujcaway mit i-is̈capcanup ti ayé oyway mit ma̱lway.
Currently Selected:
Hebreos 5: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
