1 Tesalonicenses 1
1
Pablo ija'ygʉs̈ap cupʉcpajyat
1Ʉ̱ Pablo, Silvano mit Timoteo tʉnsaluda̱tcap cupʉcpajyat jeme tsʉ̱ngapay nʉ'jcopac Tesalónica. Mijchat inmutʉgʉygau Dios Nate̱jat mit el Señor Jesucristu. Dios Nate̱jat mit el Señor Jesucristu pi is̈moygac favor mit paz.
Nat icupʉ́jcaj Tesalónicajatway
2Tʉnyʉmí̱jcajap Dios ni'ctiyu̱s̈ ni'c micupʉjcap mʉgʉc, mit tʉ-ora̱tí̱jcajap minu'pʉjʉjnat mijchat. 3Tʉnyijawi-í̱jcap ni'c inwatcap oy ni'c micupʉjcap. Miyos̈watcap mʉgʉc pa Dios ni'c inwangap je', mit inmajmoygap pruebajat ni'c inatsʉ̱ngap imi'nwa'n el Señor Jesucristu, mit Dios Nate̱jat i-e'p nu'pʉjʉn ayé inwatcapay. 4Hermanujat, tʉnjawigap ni'c Dios is̈cupiugau ni'c je' is̈wangap. 5Ayé oyway noticia tʉnʉmgajaway caje' tʉ'tsnʉmna'yu po ijtʉu may poder, mit tʉtsʉ̱ngap seguru ni'c Espíritu Santu is̈tsʉjcajau injo̱jtat. Injawigap nat tʉniportá̱tcʉjʉj mam mijchat pa pi tsʉ̱nga oy.
6Mit mijchat inwatcau as̈am ʉjtsat tʉs̈wátcaj mit as̈am el Señor iguiwajt. Impʉctsougau lo que tʉnʉmgajaway mit intunas̈cau mayo'c, po is̈acji'cta̱jcajau injo̱jtat Espíritu Santu. 7Mit mijchat inyajcau tu'c oyway ejemplu pa nu'pʉjʉn cupʉcpajyat jeme tsʉ̱ngapay Macedoniajway na̱s̈ mit Acayajway na̱s̈. 8Jemni'c iguimáraugaj el Señor ipalabra Macedoniajatway mit Acayajatway, mit we'ney nu'pʉjʉn lugajrat ijawigap nat is̈cupʉ́jca Dios, mit jemni'c ca-itp ti tʉs̈nʉmgajawa'n más. 9Ni'c je'jat i-ampiugap nat tʉvisitá̱tcaj mijchat, mit nat is̈cuyáguigaj tiyu̱s̈at pa is̈cupʉjcawa'n Dios, mit jinap injayaumaygap ayé Dios jeme tsʉ̱napay pa siempre, mit ayé Dios iyacs̈ta'cway. 10Mit jinap inatsʉ̱ngap imi'nwa'n Dios iway tsajpni'c jeme Dios i-acjutucta̱cway mam itsʉ̱nga á̱nimajat. Ayé Jesús jeme nas̈libra̱tcaway pa nagatunas̈ca ayé tiempu ijuzga̱twa'n Dios.
Currently Selected:
1 Tesalonicenses 1: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
1 Tesalonicenses 1
1
Pablo ija'ygʉs̈ap cupʉcpajyat
1Ʉ̱ Pablo, Silvano mit Timoteo tʉnsaluda̱tcap cupʉcpajyat jeme tsʉ̱ngapay nʉ'jcopac Tesalónica. Mijchat inmutʉgʉygau Dios Nate̱jat mit el Señor Jesucristu. Dios Nate̱jat mit el Señor Jesucristu pi is̈moygac favor mit paz.
Nat icupʉ́jcaj Tesalónicajatway
2Tʉnyʉmí̱jcajap Dios ni'ctiyu̱s̈ ni'c micupʉjcap mʉgʉc, mit tʉ-ora̱tí̱jcajap minu'pʉjʉjnat mijchat. 3Tʉnyijawi-í̱jcap ni'c inwatcap oy ni'c micupʉjcap. Miyos̈watcap mʉgʉc pa Dios ni'c inwangap je', mit inmajmoygap pruebajat ni'c inatsʉ̱ngap imi'nwa'n el Señor Jesucristu, mit Dios Nate̱jat i-e'p nu'pʉjʉn ayé inwatcapay. 4Hermanujat, tʉnjawigap ni'c Dios is̈cupiugau ni'c je' is̈wangap. 5Ayé oyway noticia tʉnʉmgajaway caje' tʉ'tsnʉmna'yu po ijtʉu may poder, mit tʉtsʉ̱ngap seguru ni'c Espíritu Santu is̈tsʉjcajau injo̱jtat. Injawigap nat tʉniportá̱tcʉjʉj mam mijchat pa pi tsʉ̱nga oy.
6Mit mijchat inwatcau as̈am ʉjtsat tʉs̈wátcaj mit as̈am el Señor iguiwajt. Impʉctsougau lo que tʉnʉmgajaway mit intunas̈cau mayo'c, po is̈acji'cta̱jcajau injo̱jtat Espíritu Santu. 7Mit mijchat inyajcau tu'c oyway ejemplu pa nu'pʉjʉn cupʉcpajyat jeme tsʉ̱ngapay Macedoniajway na̱s̈ mit Acayajway na̱s̈. 8Jemni'c iguimáraugaj el Señor ipalabra Macedoniajatway mit Acayajatway, mit we'ney nu'pʉjʉn lugajrat ijawigap nat is̈cupʉ́jca Dios, mit jemni'c ca-itp ti tʉs̈nʉmgajawa'n más. 9Ni'c je'jat i-ampiugap nat tʉvisitá̱tcaj mijchat, mit nat is̈cuyáguigaj tiyu̱s̈at pa is̈cupʉjcawa'n Dios, mit jinap injayaumaygap ayé Dios jeme tsʉ̱napay pa siempre, mit ayé Dios iyacs̈ta'cway. 10Mit jinap inatsʉ̱ngap imi'nwa'n Dios iway tsajpni'c jeme Dios i-acjutucta̱cway mam itsʉ̱nga á̱nimajat. Ayé Jesús jeme nas̈libra̱tcaway pa nagatunas̈ca ayé tiempu ijuzga̱twa'n Dios.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].