1 Corintios 10
10
Naga-adorá̱tca tiyu̱s̈at
1Hermanujat, tʉnwamp pi nijawiga ni'c nu'pʉjʉn nate̱jtat ámbanuway iguiwejnu'pcajau tu'c wintuc, mit nu'pʉjʉn je'jat oyo'gu iguinas̈ca ayé lama̱t. 2Mit nu'pʉjʉjnat iguimuyo'ygau Moisés, mit ayé wintuc iguiwejnu'pcajau, mit je'jat nas̈cawey lama̱tni'c mit je'. 3Mit nu'pʉjʉn icaygau nije'yu cayan iyacway Dios. 4Mit nu'pʉjʉn i-u̱jcau nije'yu nʉ' iyacway Dios, ni'c i-u̱jcau nʉ' jeme pichinway tsa'ni'c, mit ayé tsa' as̈am Cristu ni'c je' igui-acompaña̱tcau. 5Po mayo'c je'jat igawatcawu as̈am Dios iguiwajn, jemni'c o'jcau mam igatsʉ̱na nepʉn.
6Po iguijatcau we'n pa ʉjtsat napʉjca ejemplu, nagawánga ma̱jlat as̈am je'jat iguiwángaj. 7Ne naga-adorá̱tca tiyu̱s̈at as̈am cʉjtu'c je'jat iguiwátcaj. As̈am itsʉ̱na ja'yic Dios ilibruni'c: “Nitsʉ̱nda̱jcʉjʉu ayé jayajwat, caygau mit u̱jcau, mit ca's̈ʉ'jcau mit iwatcau ma̱s̈ʉjw pa ayé tiyu̱s̈ iwatcaway.” 8Ne nagachajyo'yga as̈am cʉjtu'c je'jat ichajyo'ygaj, mit en tu'c s̈ʉjw o'jcau veinte y tres mil jayajwat. 9Ne nagaprobá̱tca el Señor as̈am cʉjtu'c je'jat iguiprobá̱tcaj, mit tsanajyat igui-ago'jcau. 10Ne naganiquejá̱tcʉjʉ as̈am cʉjtu'c je'jat iniquejá̱tcʉjʉj mit Dios, mit iguicʉs̈cau tu'c ángel.
11Mit iguijatcau we'n pa napʉ́jca ejemplu, mit ja'yic itsʉ̱na pa najawiga, ni'c ʉjtsat natsʉ̱ngap últimu s̈ʉjwat. 12Jemni'c jeme ipensa̱tpay ni'c cupʉcp mʉgʉc, ma nicuida̱jtʉ magaca'u. 13Migatsʉ̱ngap tenta̱tic mijchatu, nu'pʉjʉn jayajwat we'ney iguitunas̈ca. Po Dios cumplia̱tp mit igamo'áj laj is̈tenta̱tcáj mʉgʉc, ni'c je' ijawip jʉmay tentación inmajmoygámpay. Po intsʉ̱ngawa'n tenta̱tic, je' is̈majyigáj pi majmoyga, mit is̈moygámpey nat inyilibra̱tcʉjʉwa'n.
14Jemni'c mijchat tʉwangʉs̈pay, cuyáguiga is̈adora̱tcawa'n tiyu̱s̈at. 15Tʉmucotscʉs̈p jeme inis̈capcapay. Pensa̱tí̱jca lo que tʉnʉmgʉs̈apay. 16Nas̈tsougawa'n ayé Santa Cena, nayo'tcajap Dios ma bendiciona̱t ayé vasu ni'c namunipʉjcʉjʉp Cristu jeme iyacway inipin pa ʉjtsat. Ayé ma̱s̈anʉ̱n na-emgada̱cpay, ayé pa nas̈munipʉjcʉjʉwa'n Cristu ni'c iyac icuerpu pa ʉjtsat. 17Ʉjtsat namajyat po namayapʉjcap nije'yu ma̱s̈anʉ̱n, jemni'c natsʉ̱ngap as̈am tu'jcatu.
18Pʉjca ejemplu mit Israel ijayajwat. Je'jat imayacaygap lo que icotscajapay Dios, mit adora̱tcap as̈am tu'gu. 19¿Ti tʉnʉmgʉs̈ap? Tʉnʉmgʉs̈ap ni'c caservia̱tp tu'c tiyu̱s̈, ne caservia̱tpey ayé cayan icotscajapay tu'c tiyu̱s̈. 20Tʉnʉmgʉs̈ap ni'c ayé jayajwat iga-is̈capcapay Dios, icotscajap ofrenda demonyujat, mit caje' pa Dios. Mit ʉ̱ tʉngawamp pi munipʉjcʉjʉ demonyujat. 21Ca-oyap is̈tu-u̱jca el Señor ivasu te inmunipʉjcʉjʉp demonyujat. Ca-oyap is̈tucayga el Señor ime̱s̈a te incaygapnaj jeme icotscajapay tiyu̱s̈at. Te wename, inmunipʉjcʉjʉp demonyujat. 22¿Is̈jawiga na-ac-awa'nigáj el Señor? ¿Is̈jawiga ʉjtsat na-aguepcap más poder que je'?
Dios ma tsʉ̱na oyninʉmic
23Oyate tʉs̈watwa'n nu'pʉjʉn cosa, po caje' nu'pʉjʉn pichimp oy. Nu'pʉjʉn cosa oyate pa ʉ̱, po caje' nu'pʉjʉn cosa nas̈majyip. 24Nepʉn magache'n lo que je'yu iwampay, po ma che'ney pa japu̱t jayajwat ma tsʉ̱nga oy.
25Cayga nu'pʉjʉn s̈is̈ ito'jcapay mercaduni'c, mit cam-ucyo'tca ti s̈is̈ ayé, pigapensa̱tca mal injo̱tni'jcat, 26ni'c el Señor iwat na̱s̈ mit nu'pʉjʉn itpay na̱s̈ni'c.
27Mit te is̈ya̱s̈cap tu'c jayau cacupʉcpay mit te minʉs̈o'jcʉjʉp, cayga nu'pʉjʉn lo que is̈yajcajámpay, mit inga-ucyo'tcáj neti pigapensa̱tca mal. 28Mit te tambʉn is̈nʉmgajap: Ayʉ̱́j cayan icotscajau tiyu̱s̈at, camcaygawit. Te incaygap ayé, oyáj is̈actupensa̱tca mal jeme inʉmway we'n, ni'c pensa̱táj mal. 29Tʉnyʉmp we'n pa magapensa̱t mal ayé jayau, po caje' pa mijchat.
Te oyap tʉs̈wat nu'pʉjʉn cosa mit jatu'c jayau ca-oyap, ¿tini'c tʉs̈malninʉmgáj ʉ̱? 30Te tʉnyʉjmap Dios ni'ctiyu̱s̈ cuandu tʉcay, ¿tini'c tʉs̈malninʉmgáj tʉs̈caywa'n ayé cayan. 31Te micaygap o te mi-u̱jcap o te inwatcap jatu'c cosa, watca nu'pʉjʉn pa Dios ma tsʉ̱na oyninʉmic. 32Camactuwatca mal judíujat, ne jeme caje'jatway judíujat, ne Dios icupʉcpajyat. 33Ʉ̱ we'ney tʉnwamp tʉtanwa'n oy mit nu'pʉjʉn jayajwat. Mit tʉngache'mp lo que ʉ̱jyu tʉnwampay, po tʉnche'mp pa japu̱jtat ma nisalva̱tcʉjʉ.
Currently Selected:
1 Corintios 10: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
