Нүүдл 40

Өргә гериг босхлһн

1Деед Эзн Мошед келнә:

2– Түрүңк сарин түрүн өдр өргә гер – Харһлтын Шатр босх. 3Терүнд Бооцана хәәрцг орулад көшгәр ха. 4Терүнд ширә орулад деернь кергтә тоотынь тәв. Герлин гегә авч ирәд деерәһәрнь олн цөгц тәв. 5Бооцана хәәрцгин өмн күҗ уңһдадг алтн ширә тәв. Өргә герин үүднд көшг өлг. 6Өргә герин үүднә өмн – Харһлтын Шатрин – тәкл шатадг орм тәв. 7Харһлтын Шатрин болн тәкл тәкдг ормин хоорнд ик сав тәвәд терүг усар дүүрг. 8Эргүләд хаша ке, хашан үүднд көшг өлг. 9Дарунь түркдг тос авад өргә герт түрк, дотрнь бәәсн тоотд түрк: өргә гериг болн дотрнь бәәсн тоотыг әрүсл. Тедн әрүн болх. 10Тәкл шатадг ормд бас тос түрк, терүнә кергтә тоот савд түрк: терүг әрүсл – тер әрүнәс әрүн болх. 11Ик савд болн терүнә түшгт түрк, тедниг әрүсл. 12Дәкәд Харһлтын Шатрин үүдн тал Ахарониг көвүдтәһинь авч ирәд тедниг усар уһа. 13Ахаронд әрүслсн хувц өмск, терүнд тос түрк: Мини гелң болдгар терүг әрүсл. 14Терүнә көвүд авч ир, теднд киилг өмск, 15теднд эцкднь тос түркснлә әдл түрк, тегәд тедн Мини гелңгүд болх. Эн тос түрклһн гелң гисн нерн теднд мөңкинд зүүгдҗәнә – үйәс үйд.

16Деед Эзнә заксар Моше цугтаһинь дигтә кевәр күцәв.

17Хойрдгч җилин түрүңк сарин түрүн өдр өргә гер босхгдв. 18Моше өргә гер босхна: тер түшгинь тәвнә, тедн деер тулг бахнс тәвәд, көндлң моддта негдүлнә, бахнс тәвнә, 19өргә гериг некмр эдәр бүркв, деерәснь бүркәһәр бүркнә. Тиигтхә гиҗ Деед Эзн терүнд заксар кенә.

20Моше Бооцана хавтха чолуд авад хәәрцгт тәвнә. Хәәрцгт ут модд тер нааһад деернь бүркә тәвнә, 21хәәрцгиг өргә герт орулад халхлх көшг татна, терүгәр бас Бооцана хәәрцг хаана. Тиигтхә гиҗ терүнд Деед Эзн заксар кенә.

22Өргә герин – Харһлтын Шатрин – ар үзгт көшгин өмн Моше ширә тәвнә. 23Терүн деер Деед Эзнә өмн әрүн өдмг Терүнә келсәр тәвнә. 24Өргә герин – Харһлтын Шатрин – өмн үзгәс, ширән өмн Моше герлин гегә тәвв. 25Деед Эзнә өмн терүн деер цөгцс, Терүнә келсәр, тәвнә. 26Харһлтын Шатрт көшгин өмн алтн ширә тәвв. 27Деед Эзнә келсәр терүн деер күҗ уңһдав.

28Өргә герин үүднд тер көшг өлгв. 29Өргә герин өмн – Харһлтын Шатрин – тәкл шатадг орм кеһәд, терүн деер тәкл тәкәд, әрүн өдмгәр дееҗ өргв. Тиигтхә гиҗ Деед Эзн терүнд заксар кев.

30Харһлтын Шатрин болн тәкл тәкдг ормин хоорнд ик сав тәвәд, терүг уһадг авъяс күцәх усар дүүргв. 31Моше, Ахарон болн терүнә көвүд ик савас усар һаран, көлән уһацхав. 32Тегәд тедн Харһлтын Шатрт орхар седхләрн, эс гиҗ тәкл тәкдг орм тал өөрдхәр седхләрн уһадг болв. Тиигтхә гиҗ Деед Эзн Мошед заксар кев.

33Өргә герин болн тәкл тәкдг ормин эргнд тер хаша босхв, хашан үүднд көшг татв.

Деед Эзнә туурмҗ

Тиигҗ Моше көдлмшән төгсәв. 34Үүлн Харһлтын Шатриг хаав, Деед Эзнә туурмҗ өргә гериг дүүргв. 35Харһлтын Шатрт Моше орҗ чадсн уга, яһад гихлә үүлн Харһлтын Шатриг бүркв, Деед Эзнә туурмҗ өргә гериг дүүргв.

36Үүлн өргә гер деер деегшән һархлаг, Израилин улс дәкн хаалһдан орад дарани һатлвран күцәдг билә. 37Кемр үүлн эс өөдлхлә, тедн ормасн көндрдмн биш, үүлн өөдлхиг күләдг билә.

38Өдрт өргә герин деер Деед Эзнә үүлн бәәдмн, сөөһәр эн үүлн дотр һал шатдмн. Терүг Израилин әмтн цугтан үздмн. Теднә тиигҗ һазр эрглһн ямаран чигн цагт болҗав.

Currently Selected:

Нүүдл 40: ХКО_ӘБ

Highlight

Copy