Нүүдл 36
36
1Деед Эзнә өгсн цецн ухата болн тоолврта Бецалел, Оголиав болн эрдмчнр цугтан әрүн бәәр тосхад цугтаһинь күцәх йоста.
2Бецалелиг, Оголиавиг болн Деед Эзнә эрдм белглсн әмтиг, көдлхәр седҗәхинь, Моше цугтаһинь дуудна. 3Тедн Мошеһәс Израилин улсин әрүн бәәр бәрхәр авч ирсн бәрц авна. Олн-әмтн болхла өрүн болһн шин белг шинәс авч ирәд бәәв. 4Әрүн өргә бәрҗәсн эрдмтә әмтн көдлмшән үлдәһәд 5Моше тал ирәд келнә:
– Деед Эзнә көдлмш кетхә гиһәд келснәс әмтн юман үлүһәр авч ирҗәнә.
6Моше бәәрндән тархах заавр өгнә: залус чигн, гергд чигн әрүн өргән төлә дәкҗ бичә бәрц авч иртхә гинә. Әмтнә авч ирсиг авдган уурна, 7керг күцәхин төлә авч ирсн юмн икдәд бәәв.
Өргә гер бәрлһн
8Көдлмшән эклсн эрдмчнр өргә герин төлә нимгн олснас, көк, чисм улан болн улавр күрң утцар 10 некмр эд некҗ кенә; тер эд деер керүбмүд некәтә. 9Некмр эд болһн утдан 28 тоха, өргндән – 4 тоха; тер некмр эд кевтән нег кемҗәтә болна.
10Тавн некмр эдиг хамднь ниилүләд нег әңг кеһәд уйна, талдан 5 эдиг бас ниилүләд хамднь уйна. 11Некмр эдин нег әңгин захарнь көк бүтүс болн тиим кевәр талдан эдин захар тиим бүтүс кев: 12нег эдин захин көвәһәр 50 бүтү болн 50 бүтү талдан әңгин захин некмр эдт тус-тустнь 50 бүтү һарһҗ уйв. 13Тәвн алтн дегә һарһад хойр әңг некмр эдиг ниилүләд өргә гер кев. 14Ямана ноосар 11 некмр эдәр өргә герин бүркәг кев. 15Некмр эд утдан 30 тоха, өргндән 4 тоха болв. Арвн негн әңг кевтән нег кемҗәтә болв. 16Терүнә 5 әңгинь ниилүләд уйв, дәкәд талдан 6 бас негдүләд хамднь уйв. 17Некмр эдин нег әңгин захинь дахулад 50 бүтү кев, бас 50 бүтү талдан некмр эдин захин эргнднь кев. 18Улан мөңгн 50 дегә товч кев. Хойр әңгинь ниилүләд нег бүркәг кев. 19Деерәснь хуцин будгта арсар бүркәг кев, терүн деегәр – нимглсн арс бүркв.
20Өргә герт акация моднас тулг бахнс кев: 21бахн болһн 10 тоха утдан, күсдундур тоха өргндән, 22нег-негнь арата 2 модар келкәтә болх. Өргә герин бахнс цугтан тиим бәәҗ. 23Өргә герин өмн үзгин эрст 20 тулг бахн кенә. 24Тедн дор тулх 40 цаһан мөңгн ул – бахн болһна дор хошаһад ул, терүнә 2 дөрвн талта арата модна төлә бас. 25Тегәд хойрдгч ар үзгин эрст 20 бахн кегдв, 2640 цаһан мөңгн ул – хошаһад ул бахн болһнд. 27Ардк, өргә герин барун эрст 6 бахн кев, 28ардк өнцгүдт бас 2 бахн кегдв. 29Дораһарн эн бахнс хойр әңглгдҗ, деерәһәрн (түрүн төөнг бәәсн ормар) – бүтү. Тиим бахнс хойр бәәҗ, өнцг болһнд неҗәһәд бахн. 30Эн 8 бахнин төлә 16 цаһан мөңгн ул кегдв: бахн болһнд хошаһад ул.
31Акация модар көндлң модд кегдв: өргә герин нег эрсин эргнд ниилүлсн 5 тулг бахн, 32хойрдгч эрсин эргнд тулг бахнс ниилүлхин төлә – 5, бас 5 көндлң модн ардк барун эрсин төлә кегдв. 33Дунд бәәх келкәтә модн тулг бахнсиг эрсин нег захас хойрдгч захта ниилүлнә. 34Тулг бахнсиг алтар будна, көндлң модыг батлхин төлә теднд алтн төөлг хадна, көндлң модыг алтар будна.
35Көк, чисм улан, улавр күрң утцар болн нимгн олсар көшг гүрнә. Терүн деерәһәр керүбмүдин дүр некнә. 36Терүнә төлә акация моднас алтар будсн 4 бүдүн бахн кенә, алтн дегәс кенә, цаһан мөңгнәс бахнст 4 түшг кегдв.
37Өргә герин үүд хаахин төлә көк, чисм улан, улавр күрң утцдас болн нимгн олснас олн өңгтә көшг кенә. 38Дегәстә 5 бахн кеһәд, дораснь болн деерәснь алтар будна. Теднә төлә улан мөңгәр 5 түшг кегдв.
Currently Selected:
Нүүдл 36: ХКО_ӘБ
Highlight
Share
Copy

Want to have your highlights saved across all your devices? Sign up or sign in
© Институт перевода Библии, 2002-2023