Нүүдл 29
29
Гелңгин нер зүүлһн
1Мини гелң болхин төлә тедниг әрүсләд иим юм күцәх кергтә. Эрмдг уга бүрү болн хойр хуц йилһҗ ав. 2Эс искәсн һуйр, олив тосар элдсн эс искәсн һуйр, олив тос түрксн эс искәсн нимгн һуйр ав. Эдн цугтан цаһан һуйрин үүрмгәр үүлсн буудяһас болһгдх йоста. 3Цугтаһинь нег зембльд тәв. Тер земблиг авч ир, бүрүг болн хойр хуциг көөһәд авч ир.
4Харһлтын Шатрин үүдн тал Ахарониг көвүдтәһинь дахулад авч ир. Тедниг усар уһа. 5Ахаронд терүнә хувцинь өмск: киилг, заппу дор өмсдг хувцн, заппу болн чееҗ деер өмсдг түңгрцг. Терүг заппун бүсәр бүсл. 6Ахарона толһаднь тахъя өмск, терүнднь әрүсллһнә титм#29:6 Әрүсллһнә титм – алтар кесн темдг (28:36). зү. 7Каңкнсн тос келһнә йовдл күцә: олив модна тос авад Ахарона толһад түрк.
8Ахарона көвүдиг дахулҗ ирәд киилг өмск. 9Ахаронд болн терүнә көвүдт бүс бүслһ, дәкәд теднә толһаст боодһа бо. Эн өдрәс болн мөңкинд гелң гисн нерн Ахаронд болн терүнә көвүдт өггдҗәнә. Тиигҗ чи теднәр гелң кеҗәнәч.
10Харһлтын Шатр тал бүрү мал авч ир. Ахарон көвүдтәһән терүнә толһа деер һаран тәвтхә. 11Деед Эзнә нүүрт, Шатрин үүднә өмн, бүрүг ал, 12хурһан бүрүһин цуснд будад, терүгән тәклин өвртнь түрк. Үлдсн цусинь тәклин ормд асх. 13Дәкәд бүрүһин дотрк өөкиг кевтнь авад, элкнә семҗнәснь керчҗ авад, хойр бөөринь өөктәһинь авад тәкл тәкдг ормд шата. 14Бүрүһин махинь болн арсинь, цуг үлдлинь холд эҗго һазрт шата. Эннь килнцәс цеврллһнә бәрц.
15Дәкәд нег хуц ав, Ахарон көвүдтәһән терүнә толһа деер һаран тәвтхә. 16Хуциг алад тәкл тәкдг ормд эргүләд цусинь цац. 17Хуцин махиг әңгләд керч. Терүнә дотринь, көлинь уһаһад толһа деернь болн махн деернь тәв. 18Хуцин махиг бүклднь тәклин ормд шата. Эннь Деед Эзнд шатаҗах бәрц, уурнь йир сән тааста, Деед Эзнд һалын бәрц.
19Хойрдгч хуциг авч ир, Ахарон көвүдтәһән терүнә толһа деер һаран тәвтхә. 20Хуциг ал. Хуцин цусар Ахарона болн терүнә көвүдин барун чикнә ашкиг, барун һарин эркәг болн барун көлин ик хурһиг хөөнә цусар буд. Тәкл тәкдг ормиг эргүләд цус цац. 21Дарунь бәрцин ормас цус, түркх каңкнсн тос авад Ахарона хувцнд болн көвүдиннь хувцнд цац. Тиигҗ чи Ахарониг болн терүнә хувциг, Ахарона көвүдиг болн теднә хувцдиг әрүслхич.
22Хуцин өөкинь болн сүүлинь, дотрк өөкинь, элкнә семҗнәснь, хойр бөөр өөктәһинь ав. Эн хуц нерәдлһнә бәрц бәрлһнд орҗасар барун ташаһасинь бас ав. 23Деед Эзнә өмн тәвәтә эс искәсн һуйрта савас нег өдмг ав, олив модна тоснд болһсн нег һуйр ав болн болһсн нег нимгн һуйр ав. 24Эдниг цугтаһинь Ахарона болн көвүдиннь һарт бәрүл, Деед Эзнә өмн белг кеһәд өрг. 25Теднә һарас эн тоотыг авад тәкл тәкҗәх юмсла хамднь тәклин ормд шата. Энүнә уурнь йир сән тааста Деед Эзнд, һалын бәрц Деед Эзнд.
26Хуцин өрчинь ав – Ахарона эврәннь нерәдҗәх бәрц – терүгәр белг кеһәд Деед Эзнә өмн өрг. Эннь чини хүв болх. 27Деед Эзнд өргсн өрч болн белг кесн таша – Ахарона болн терүнә көвүдин нерәдҗәх бәрц бәрсн тоотыг эс гиҗ белг кесн тоотыг чи әрүслх йостач. 28Эн бәрц Израилин улс Ахаронд болн терүнә көвүдт мөңкинд өгчәх хүвнь болҗана. (Эннь Израилин улсин эвцлһнә бәрцин әңгнь Деед Эзнд белгллһн болҗана.)
29Ахарона әрүлгдсн хувцд терүнә хөөт үйнрт өггдх: теднд тос түркәд, гелңд орулсн цагт тер хувцсиг өмсх. 30Ахарона хөөт үй терүнә хөөн гелң болад Харһлтын Шатрт әрүн бәәрнд керг күцәхләрн эн хувцсиг долан хонгтан өмстхә.
31Хуцин мах авад – нерәдсн бәрциг – әрүн һазрт чан. 32Ахарон көвүдтәһән эн махиг идтхә, дәкәд Харһлтын Шатрин үүднд зембльд бәәх өдмг идтхә. 33Тедн эврән бәрцән идх йоста. Тер хотыг гемән хәрүлсн цагтнь болн әрүсләд гелңгин нер авчахднь авч ирсмн. Талдан күн идшго хот: эннь әрүн. 34Кемр бәрц бәрсн махн болн өдмг өрүн күртл үлдхлә, үлдлинь цугтаһинь шата. Нег чигн күн тер хотас идшго юмн, яһад гихлә эн әрүн хот.
35Ахаронд болн терүнә көвүдт Мини келсиг кеҗ күцә. Долан хонгтан, өдр болһн тедниг гелңгин бәәдлд орул. 36Өдр болһн килнцәс цеврллһнә бәрц бәрәд бүрү алҗа. Эннь гемән хәрүллһн болҗана. Тиигҗ чи цеврллһнә авъяс болн гемән хәрүллһнә авъяс тәкл тәкдг ормин төлә күцәҗәнәч. Терүг әрүслхин төлә тос түрк. 37Долан хонгтан өдр болһн тәкл тәкдг ормиг әрүсл – тер орм әрүнәс әрүн болх. Терүнлә харһсн тоот әрүн болх.
Өдр болһн тәкл тәклһнә туск
38Эн тәкл тәкдг орм деер таслвр угаһар чини авч ирәд бәәх бәрцнь эн: өдр болһн нег җилә хойр хурһн. 39Негәрнь өрүнд, хойрдгчарнь асхнд бәрц бәр. 40Түрүн хурһнла арвна нег әңг ефән цаһан буудян һуйр авч ирәд бә. Терүг һарар шахсн олив модна нег дөрвнә гин#29:40 Гин – еврей келн-улсин шалдрң юм чиңнүрддг кемҗән. тоснд элд. Нег дөрвнә гин әңг чаһриг ааһд кеһәд тәв. 41Хойрдгч хурһар асхар бәрц бәр. Өрүһәр кеснлә әдл өдмг авч ир болн чаһр асхад тиигҗ ке. Эн сәәхн үнр Деед Эзнд тааста, Деед Эзнд һалын бәрц. 42Иим шаталһиг тадн таслвр угаһар үйәс үй күртл Деед Эзнә өмн Харһлтын Шатрин үүднд кеҗәтн. Тенд Би таднла харһлт кехләрн, чамла күүндхләрн бәәхүв. 43Тенд Би Израилин улсла харһхларн бәәхүв. Тер орм Мини туурмҗар әрүслгдх. 44Би Харһлтын Шатриг болн тәкл тәкдг ормиг әрүслнәв, Ахарониг көвүдтәһинь әрүслнәв. Тедн Мини гелңгүд болдгар тиигҗ кенәв.
45Би Израилин улс дунд бәәхүв, теднә Бурхн болнав. 46Тедн медх – Би Деед Эзн – теднә Бурхн. Египетәс тедниг һарһҗ авад теднлә бәәхәр седсн Би, Деед Эзн – теднә Бурхн болҗанав!
Currently Selected:
Нүүдл 29: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 29
29
Гелңгин нер зүүлһн
1Мини гелң болхин төлә тедниг әрүсләд иим юм күцәх кергтә. Эрмдг уга бүрү болн хойр хуц йилһҗ ав. 2Эс искәсн һуйр, олив тосар элдсн эс искәсн һуйр, олив тос түрксн эс искәсн нимгн һуйр ав. Эдн цугтан цаһан һуйрин үүрмгәр үүлсн буудяһас болһгдх йоста. 3Цугтаһинь нег зембльд тәв. Тер земблиг авч ир, бүрүг болн хойр хуциг көөһәд авч ир.
4Харһлтын Шатрин үүдн тал Ахарониг көвүдтәһинь дахулад авч ир. Тедниг усар уһа. 5Ахаронд терүнә хувцинь өмск: киилг, заппу дор өмсдг хувцн, заппу болн чееҗ деер өмсдг түңгрцг. Терүг заппун бүсәр бүсл. 6Ахарона толһаднь тахъя өмск, терүнднь әрүсллһнә титм#29:6 Әрүсллһнә титм – алтар кесн темдг (28:36). зү. 7Каңкнсн тос келһнә йовдл күцә: олив модна тос авад Ахарона толһад түрк.
8Ахарона көвүдиг дахулҗ ирәд киилг өмск. 9Ахаронд болн терүнә көвүдт бүс бүслһ, дәкәд теднә толһаст боодһа бо. Эн өдрәс болн мөңкинд гелң гисн нерн Ахаронд болн терүнә көвүдт өггдҗәнә. Тиигҗ чи теднәр гелң кеҗәнәч.
10Харһлтын Шатр тал бүрү мал авч ир. Ахарон көвүдтәһән терүнә толһа деер һаран тәвтхә. 11Деед Эзнә нүүрт, Шатрин үүднә өмн, бүрүг ал, 12хурһан бүрүһин цуснд будад, терүгән тәклин өвртнь түрк. Үлдсн цусинь тәклин ормд асх. 13Дәкәд бүрүһин дотрк өөкиг кевтнь авад, элкнә семҗнәснь керчҗ авад, хойр бөөринь өөктәһинь авад тәкл тәкдг ормд шата. 14Бүрүһин махинь болн арсинь, цуг үлдлинь холд эҗго һазрт шата. Эннь килнцәс цеврллһнә бәрц.
15Дәкәд нег хуц ав, Ахарон көвүдтәһән терүнә толһа деер һаран тәвтхә. 16Хуциг алад тәкл тәкдг ормд эргүләд цусинь цац. 17Хуцин махиг әңгләд керч. Терүнә дотринь, көлинь уһаһад толһа деернь болн махн деернь тәв. 18Хуцин махиг бүклднь тәклин ормд шата. Эннь Деед Эзнд шатаҗах бәрц, уурнь йир сән тааста, Деед Эзнд һалын бәрц.
19Хойрдгч хуциг авч ир, Ахарон көвүдтәһән терүнә толһа деер һаран тәвтхә. 20Хуциг ал. Хуцин цусар Ахарона болн терүнә көвүдин барун чикнә ашкиг, барун һарин эркәг болн барун көлин ик хурһиг хөөнә цусар буд. Тәкл тәкдг ормиг эргүләд цус цац. 21Дарунь бәрцин ормас цус, түркх каңкнсн тос авад Ахарона хувцнд болн көвүдиннь хувцнд цац. Тиигҗ чи Ахарониг болн терүнә хувциг, Ахарона көвүдиг болн теднә хувцдиг әрүслхич.
22Хуцин өөкинь болн сүүлинь, дотрк өөкинь, элкнә семҗнәснь, хойр бөөр өөктәһинь ав. Эн хуц нерәдлһнә бәрц бәрлһнд орҗасар барун ташаһасинь бас ав. 23Деед Эзнә өмн тәвәтә эс искәсн һуйрта савас нег өдмг ав, олив модна тоснд болһсн нег һуйр ав болн болһсн нег нимгн һуйр ав. 24Эдниг цугтаһинь Ахарона болн көвүдиннь һарт бәрүл, Деед Эзнә өмн белг кеһәд өрг. 25Теднә һарас эн тоотыг авад тәкл тәкҗәх юмсла хамднь тәклин ормд шата. Энүнә уурнь йир сән тааста Деед Эзнд, һалын бәрц Деед Эзнд.
26Хуцин өрчинь ав – Ахарона эврәннь нерәдҗәх бәрц – терүгәр белг кеһәд Деед Эзнә өмн өрг. Эннь чини хүв болх. 27Деед Эзнд өргсн өрч болн белг кесн таша – Ахарона болн терүнә көвүдин нерәдҗәх бәрц бәрсн тоотыг эс гиҗ белг кесн тоотыг чи әрүслх йостач. 28Эн бәрц Израилин улс Ахаронд болн терүнә көвүдт мөңкинд өгчәх хүвнь болҗана. (Эннь Израилин улсин эвцлһнә бәрцин әңгнь Деед Эзнд белгллһн болҗана.)
29Ахарона әрүлгдсн хувцд терүнә хөөт үйнрт өггдх: теднд тос түркәд, гелңд орулсн цагт тер хувцсиг өмсх. 30Ахарона хөөт үй терүнә хөөн гелң болад Харһлтын Шатрт әрүн бәәрнд керг күцәхләрн эн хувцсиг долан хонгтан өмстхә.
31Хуцин мах авад – нерәдсн бәрциг – әрүн һазрт чан. 32Ахарон көвүдтәһән эн махиг идтхә, дәкәд Харһлтын Шатрин үүднд зембльд бәәх өдмг идтхә. 33Тедн эврән бәрцән идх йоста. Тер хотыг гемән хәрүлсн цагтнь болн әрүсләд гелңгин нер авчахднь авч ирсмн. Талдан күн идшго хот: эннь әрүн. 34Кемр бәрц бәрсн махн болн өдмг өрүн күртл үлдхлә, үлдлинь цугтаһинь шата. Нег чигн күн тер хотас идшго юмн, яһад гихлә эн әрүн хот.
35Ахаронд болн терүнә көвүдт Мини келсиг кеҗ күцә. Долан хонгтан, өдр болһн тедниг гелңгин бәәдлд орул. 36Өдр болһн килнцәс цеврллһнә бәрц бәрәд бүрү алҗа. Эннь гемән хәрүллһн болҗана. Тиигҗ чи цеврллһнә авъяс болн гемән хәрүллһнә авъяс тәкл тәкдг ормин төлә күцәҗәнәч. Терүг әрүслхин төлә тос түрк. 37Долан хонгтан өдр болһн тәкл тәкдг ормиг әрүсл – тер орм әрүнәс әрүн болх. Терүнлә харһсн тоот әрүн болх.
Өдр болһн тәкл тәклһнә туск
38Эн тәкл тәкдг орм деер таслвр угаһар чини авч ирәд бәәх бәрцнь эн: өдр болһн нег җилә хойр хурһн. 39Негәрнь өрүнд, хойрдгчарнь асхнд бәрц бәр. 40Түрүн хурһнла арвна нег әңг ефән цаһан буудян һуйр авч ирәд бә. Терүг һарар шахсн олив модна нег дөрвнә гин#29:40 Гин – еврей келн-улсин шалдрң юм чиңнүрддг кемҗән. тоснд элд. Нег дөрвнә гин әңг чаһриг ааһд кеһәд тәв. 41Хойрдгч хурһар асхар бәрц бәр. Өрүһәр кеснлә әдл өдмг авч ир болн чаһр асхад тиигҗ ке. Эн сәәхн үнр Деед Эзнд тааста, Деед Эзнд һалын бәрц. 42Иим шаталһиг тадн таслвр угаһар үйәс үй күртл Деед Эзнә өмн Харһлтын Шатрин үүднд кеҗәтн. Тенд Би таднла харһлт кехләрн, чамла күүндхләрн бәәхүв. 43Тенд Би Израилин улсла харһхларн бәәхүв. Тер орм Мини туурмҗар әрүслгдх. 44Би Харһлтын Шатриг болн тәкл тәкдг ормиг әрүслнәв, Ахарониг көвүдтәһинь әрүслнәв. Тедн Мини гелңгүд болдгар тиигҗ кенәв.
45Би Израилин улс дунд бәәхүв, теднә Бурхн болнав. 46Тедн медх – Би Деед Эзн – теднә Бурхн. Египетәс тедниг һарһҗ авад теднлә бәәхәр седсн Би, Деед Эзн – теднә Бурхн болҗанав!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023