Нүүдл 28
28
Гелңгүдин хувцн
1Израилин улсас эврәннь ах Ахарониг болн терүнә көвүдиг дууд. Тедн Мини шаҗна гелңгүд болтха – Ахарон болн терүнә көвүд Надав, Авиуд, Элиезер, Итамар.
2Эврәннь ах Ахаронд күндллһнә болн кееһин төлә әрүн чинртә хувц уйҗ өг. 3Мини эрдм өгсн һартан өөтә әмтн Ахаронд эн хувцд белдтхә гиҗ зак. Терүг әрүсләд Мини гелң болдгар ке. 4Тедн өрчд зүүдг түңгрцг, заппу, деерк хувцн, эрәтә киилг, тахъя болн бүс – чини ах Ахаронд болн терүнә көвүдт әрүн чинртә хувцд белдтхә. Тедн Мини гелңгүдт церглтхә. 5Терүнә төлә алт, көк, чисм улан болн улавр күрң өңгтә утцд болн нимгн олс автха.
6Заппуг алтн утцар, көк, чисм улан болн улавр күрң утцдар кетхә. Нимгн олсн эд деерәһәр зег некәд кетхә. 7Хойр таласнь ээм деернь шидсн хойр зузан эд уйх кергтә. 8Заппун бүс заппула әдл алтн утцар некәтә болх: көк, чисм улан болн улавр күрң утцдар, нимгн олсар бел кегдх. Тернь заппула нииләд нег бәәдлтә болх йоста.
9Хойр оникс чолу авад деернь Израилин көвүдин#28:9 Израилин көвүд эс гиҗ Яковин көвүд. нерд сииләд бич. 10Зурһан нер нег чолун деер, зурһан нер талдан чолун деер ахнрас экләд бич. 11Тер чолуд деер Израилин көвүдин нерд сииләд бичтхә, тегәд чолу керчдг күн тамһ керчдмн. Тер чолудыг алтн эрәтә кевд орул. 12Тедниг заппун ээм деерк ширсн хойр эдт зү; тер чолуд Израилин көвүдиг санулад бәәх. Ахарон ээм деерән, Деед Эзнә өмн, теднә нердиг тодлҗ йовтха. 13Алтар эрәтә кев ке, 14цевр алтнас эрчмтә бүчин бәәдлтә хойр цев ке. Тер цевиг кевд өлг.
15Зарһ кехин төлә чееҗ деерән өлгдг түңгрцг ке. Терүг заппу дуралһад ке – алтн утцар, көк, чисм улан, улавр күрң болн нимгн олсн эд деерәһәр зег некәд ке. 16Чееҗ деер өлгдг түңгрцг дөрвлҗн болтха, утдан нег сөм болн өргндән нег сөм, эдинь хойр эвкәтә болг. 17Терүн деер үнтә чолу углхин төлә дөрвн давхр хотхр орм һарһ. Түрүңк давхртнь – сердолик, топаз, берилл; 18хойрдгч давхртнь – бирюза, сапфир, изумруд, 19һурвдгчднь – гиацинт, агат, аметист; 20дөрвдгчднь – хризолит, оникс, яшма. Тедн цугтан эрәтә алтн кевд орулгдх йоста. 21Израилин көвүдин нертә арвн хойр чолун болтха: чолун болһнд, тамһд бәәснлә әдләр, арвн хойр отгин негнәннь нерн керчгдәд кегдг.
22Чееҗ деер өлгдг түңгрцгт цевр алтар эрчмтә бүчин бәәдлтә цев ке. 23Хойр алтн билцг кеһәд түңгрцгин өнцгт өлг, 24тедниг хойр алтн цевәр негдүл 25хойр кевд орул, тер кесн кевән заппун ээм деерк ширсн хойр эдт өмн бийәснь өлг.
26Бас хойр алтн билцг кеһәд чееҗд өлгдг түңгрцгин хойр өнцгин дотраснь заппуд наалддг бийәснь өлг. 27Бас хойр алтн билцг ке. Тедниг ээм деерк ширсн хойр эдин өмн бийднь дораһар өлг – заппун бүс деер уйгдсна ормд. 28Тер билцгүд хоорндан заппун билцгүдлә көк бүчәр келкәтә болг. Заппун бүс деер бәәх чееҗд өлгәтә түңгрцг заппуһас ундгоһар ке. 29Ахарон әрүн бәәрнд орхларн чееҗ деерк түңгрцгтән Израилин көвүдин нерд бәртхә. Тернь Деед Эзнә өмн оньдинд теднә туск тодлвр болх.
30Чееҗд өлгәтә зарһин түңгрцгт урим болн туммим#28:30 Урим болн туммим – Бурхна седвәр медх җирв. тәв: тедн Ахарон Деед Эзнә өмн зогсхла, чееҗ деернь бәәх йоста. Ахарон Деед Эзнә өмн зогсхларн Израилин улсин зарһин темдг оньдинд чееҗ деерән бәртхә.
31Заппу дор өмсдг хувц нек, терүг мел көк утцар ке. 32Терүнд толһа багтдг орм бәәх йоста. Захарнь дәәчнрин хувцнла әдләр, деерк хувцн шуурдгоһар батар уйх кергтә. 33Дора бийдк захар көк, чисм улан, улавр күрң утцдар гранатын темснә бәәдлтә долдас ке. Тедн дунд алтн хоңхс өлг. 34Тер алтн хоңхсиг болн гранатын темсдиг деерк хувцна дора захар селгәләд өлг. 35Ахарон эн деерк хувциг мөргүлин көдлмш кехләрн өмстхә. Терүг Деед Эзн тал әрүн бәәрнд орхлаг болн тендәс һархлаг хоңхин ә соңсгдх йоста. Тегәд тер үкшго.
36Цевр алтнас темдг ке, терүн деер тамһд бәәснлә әдләр иим үгмүд керчәд бич: «ДЕЕД ЭЗНӘ ӘРҮН ТЕМДГ». 37-38Тер темдгиг тахъян өмн бийднь Ахарона маңна тус көк бүчәр бо. Ахарон әрүн белгт учрх эндүсиг кевтнь даах, Израилин улсин цуг әрүн оруг даах. Деед Эзнд тернь таасгддгар алтн темдг Ахарона маңнад оньдинд бәәх йоста.
39Ахаронд нимгн олсар эрәтә киилг гүрҗ өг, нәрхн олсар терүнд тахъя кеҗ өг, олн өңгтә бүс гүрҗ өг. 40Ахарона көвүдт киилгүд, бүс болн толһан боодһас күндллһнә болн кееһин төлә гүрҗ өг. 41Эврәннь ах Ахаронд болн терүнә көвүдт эн хувцд өмск. Ахаронд болн терүнә көвүдт оливин тос түрк. Тедниг гелңгин номд орулад әрүсл. Тедн Мини гелңгүд болх.
42Олс эдәр теднд белкүснәс өвдгт күрдг шалвр уйҗ өг, чир нүцкн бичә үзгдтхә. 43Ахарон болн терүнә көвүд Харһлтын Шатрт орхларн, дәкәд тәкл тәкдг орм тал өөрдәд, әрүн бәәрнд мөргүл кехләрн тиим хувц өмсх йоста. Тегәд тедн бурута болшго, үкшго. Эннь Ахаронд болн терүнә үйнрт мөңк зокал.
Currently Selected:
Нүүдл 28: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 28
28
Гелңгүдин хувцн
1Израилин улсас эврәннь ах Ахарониг болн терүнә көвүдиг дууд. Тедн Мини шаҗна гелңгүд болтха – Ахарон болн терүнә көвүд Надав, Авиуд, Элиезер, Итамар.
2Эврәннь ах Ахаронд күндллһнә болн кееһин төлә әрүн чинртә хувц уйҗ өг. 3Мини эрдм өгсн һартан өөтә әмтн Ахаронд эн хувцд белдтхә гиҗ зак. Терүг әрүсләд Мини гелң болдгар ке. 4Тедн өрчд зүүдг түңгрцг, заппу, деерк хувцн, эрәтә киилг, тахъя болн бүс – чини ах Ахаронд болн терүнә көвүдт әрүн чинртә хувцд белдтхә. Тедн Мини гелңгүдт церглтхә. 5Терүнә төлә алт, көк, чисм улан болн улавр күрң өңгтә утцд болн нимгн олс автха.
6Заппуг алтн утцар, көк, чисм улан болн улавр күрң утцдар кетхә. Нимгн олсн эд деерәһәр зег некәд кетхә. 7Хойр таласнь ээм деернь шидсн хойр зузан эд уйх кергтә. 8Заппун бүс заппула әдл алтн утцар некәтә болх: көк, чисм улан болн улавр күрң утцдар, нимгн олсар бел кегдх. Тернь заппула нииләд нег бәәдлтә болх йоста.
9Хойр оникс чолу авад деернь Израилин көвүдин#28:9 Израилин көвүд эс гиҗ Яковин көвүд. нерд сииләд бич. 10Зурһан нер нег чолун деер, зурһан нер талдан чолун деер ахнрас экләд бич. 11Тер чолуд деер Израилин көвүдин нерд сииләд бичтхә, тегәд чолу керчдг күн тамһ керчдмн. Тер чолудыг алтн эрәтә кевд орул. 12Тедниг заппун ээм деерк ширсн хойр эдт зү; тер чолуд Израилин көвүдиг санулад бәәх. Ахарон ээм деерән, Деед Эзнә өмн, теднә нердиг тодлҗ йовтха. 13Алтар эрәтә кев ке, 14цевр алтнас эрчмтә бүчин бәәдлтә хойр цев ке. Тер цевиг кевд өлг.
15Зарһ кехин төлә чееҗ деерән өлгдг түңгрцг ке. Терүг заппу дуралһад ке – алтн утцар, көк, чисм улан, улавр күрң болн нимгн олсн эд деерәһәр зег некәд ке. 16Чееҗ деер өлгдг түңгрцг дөрвлҗн болтха, утдан нег сөм болн өргндән нег сөм, эдинь хойр эвкәтә болг. 17Терүн деер үнтә чолу углхин төлә дөрвн давхр хотхр орм һарһ. Түрүңк давхртнь – сердолик, топаз, берилл; 18хойрдгч давхртнь – бирюза, сапфир, изумруд, 19һурвдгчднь – гиацинт, агат, аметист; 20дөрвдгчднь – хризолит, оникс, яшма. Тедн цугтан эрәтә алтн кевд орулгдх йоста. 21Израилин көвүдин нертә арвн хойр чолун болтха: чолун болһнд, тамһд бәәснлә әдләр, арвн хойр отгин негнәннь нерн керчгдәд кегдг.
22Чееҗ деер өлгдг түңгрцгт цевр алтар эрчмтә бүчин бәәдлтә цев ке. 23Хойр алтн билцг кеһәд түңгрцгин өнцгт өлг, 24тедниг хойр алтн цевәр негдүл 25хойр кевд орул, тер кесн кевән заппун ээм деерк ширсн хойр эдт өмн бийәснь өлг.
26Бас хойр алтн билцг кеһәд чееҗд өлгдг түңгрцгин хойр өнцгин дотраснь заппуд наалддг бийәснь өлг. 27Бас хойр алтн билцг ке. Тедниг ээм деерк ширсн хойр эдин өмн бийднь дораһар өлг – заппун бүс деер уйгдсна ормд. 28Тер билцгүд хоорндан заппун билцгүдлә көк бүчәр келкәтә болг. Заппун бүс деер бәәх чееҗд өлгәтә түңгрцг заппуһас ундгоһар ке. 29Ахарон әрүн бәәрнд орхларн чееҗ деерк түңгрцгтән Израилин көвүдин нерд бәртхә. Тернь Деед Эзнә өмн оньдинд теднә туск тодлвр болх.
30Чееҗд өлгәтә зарһин түңгрцгт урим болн туммим#28:30 Урим болн туммим – Бурхна седвәр медх җирв. тәв: тедн Ахарон Деед Эзнә өмн зогсхла, чееҗ деернь бәәх йоста. Ахарон Деед Эзнә өмн зогсхларн Израилин улсин зарһин темдг оньдинд чееҗ деерән бәртхә.
31Заппу дор өмсдг хувц нек, терүг мел көк утцар ке. 32Терүнд толһа багтдг орм бәәх йоста. Захарнь дәәчнрин хувцнла әдләр, деерк хувцн шуурдгоһар батар уйх кергтә. 33Дора бийдк захар көк, чисм улан, улавр күрң утцдар гранатын темснә бәәдлтә долдас ке. Тедн дунд алтн хоңхс өлг. 34Тер алтн хоңхсиг болн гранатын темсдиг деерк хувцна дора захар селгәләд өлг. 35Ахарон эн деерк хувциг мөргүлин көдлмш кехләрн өмстхә. Терүг Деед Эзн тал әрүн бәәрнд орхлаг болн тендәс һархлаг хоңхин ә соңсгдх йоста. Тегәд тер үкшго.
36Цевр алтнас темдг ке, терүн деер тамһд бәәснлә әдләр иим үгмүд керчәд бич: «ДЕЕД ЭЗНӘ ӘРҮН ТЕМДГ». 37-38Тер темдгиг тахъян өмн бийднь Ахарона маңна тус көк бүчәр бо. Ахарон әрүн белгт учрх эндүсиг кевтнь даах, Израилин улсин цуг әрүн оруг даах. Деед Эзнд тернь таасгддгар алтн темдг Ахарона маңнад оньдинд бәәх йоста.
39Ахаронд нимгн олсар эрәтә киилг гүрҗ өг, нәрхн олсар терүнд тахъя кеҗ өг, олн өңгтә бүс гүрҗ өг. 40Ахарона көвүдт киилгүд, бүс болн толһан боодһас күндллһнә болн кееһин төлә гүрҗ өг. 41Эврәннь ах Ахаронд болн терүнә көвүдт эн хувцд өмск. Ахаронд болн терүнә көвүдт оливин тос түрк. Тедниг гелңгин номд орулад әрүсл. Тедн Мини гелңгүд болх.
42Олс эдәр теднд белкүснәс өвдгт күрдг шалвр уйҗ өг, чир нүцкн бичә үзгдтхә. 43Ахарон болн терүнә көвүд Харһлтын Шатрт орхларн, дәкәд тәкл тәкдг орм тал өөрдәд, әрүн бәәрнд мөргүл кехләрн тиим хувц өмсх йоста. Тегәд тедн бурута болшго, үкшго. Эннь Ахаронд болн терүнә үйнрт мөңк зокал.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023