Нүүдл 30
30
Күҗ уңһдадг ширә
1Акация моднас бәрцин ширә ке. Терүн деер каңкнсн үнртә күҗ шата. 2Тер ширә дөрвлҗн болтха, нег тоха утдан, нег тоха өргндән, өндртән хойр тоха болтха. Терүнә өврнь ширәлә хамдан нег кевәр ниилх йоста. 3Дееркинь, хәврһинь болн өвринь цевр алтар буд, эргүләд алтн тасм ке. 4Хойр алтн төөлг кеһәд тасм дорнь хәврһднь хад. Терүнд ут мод орулад ширәг өргәд йовдгар ке. 5Тер ут моддыг акацияс кеһәд алтар буд.
6Эн бәрцин ширә көшгин өмн тәв. Терүнә ард Бооцана хәәрцг бәәх. Хәәрцгин бүркән деер Би чамла харһхларн бәәхүв. 7Ахарон эн ширә деер өрүн болһн цөгциг ясхларн, каңкнсн үнртә күҗ шататха. 8Асхн болһн терүнд герл орулхларн бас шататха. Деед Эзнә өмн иим каңкнсн үнртә күҗ тадн таслвр угаһар үйәс үй күртл шатаҗатн. 9Эн ширә деер талдан юм бичә уңһдатн, бичә шататн, өдмгәр бәрц бичә тәвтн, шалдрң юм бичә асхтн. 10Җилд нег дәкҗ Ахарон бәрцин ширән өвр деер гемән хәрүллһнә авъяс күцәтхә. Җилд нег дәкҗ, үйәс үйд бәрцин ширәг цеврллһнә малын цусар гемән хәрүлх кергтә. Эннь Деед Эзнә әрүнәс әрүнь болҗана.
Өргә герт бәрц бәрлһн
11Деед Эзн Мошед келнә:
12– Израилин улсиг тоолад бичҗәсн цагла, күн болһн тоолврт орхларн Деед Эзнд бийиннь мөңгинь өгтхә. Тедниг тоолад бичхлә, шалтгла бичә харһтха гиҗәх юмн. 13Күн болһн тоолврин кемлә әрүн бәәрнә шекелин өрәлинь өгтхә (нег шекель – 20 гера#30:13 Гера – еврей келн-улсин чиңнүрәр 600 мг.); эн өрәл шекель Деед Эзнд бәрц бәрлһн болҗана. 14Хөртәһәсн авн күн болһн тоолврт орхларн, Деед Эзнд тиим бәрц бәрх йоста. 15Кемр тадн Деед Эзнд бәрц бәрхәр, эн бәрцән бийиннь мөңгәр авч ирхләрн, өрәл шекеләс байн күн икәр, угатя күн бичкнәр бичә өгтхә. 16Израилин улсас эн цаһан мөңг авад Харһлтын Шатрин көдлмшт орул. Эннь Деед Эзнә өмн Израилин улсин туск тоолвр, эннь тадна җирһлиг цаһан мөңг өгәд хулдҗ авлһн.
Уһалһна авъяс күцәдг улан мөңгн сав
17Деед Эзн Мошед келнә:
18– Уһалһна улан мөңгн ик сав ке болн дорнь улан мөңгн тулг ке. Терүг Харһлтын Шатрин болн тәкл тәклһнә ормин хоорнд тәвәд усар дүүрг. 19Ахарон болн терүнә көвүд терүнәс һаран, көлән уһатха. 20Тедн Шатрт орхиннь өмн һаран, көлән уһах йоста, тедниг бичә үктхә гиһәд кегдҗәнә. Эврәннь мөргүл кехәр седәд тәклин орм тал өөрдхиннь өмн, һалын бәрцән Деед Эзнд шатаһад нерәдхләрн, 21тедн һаран, көлән уһах йоста. Эс гиҗ тедн үкх. Эн зокалыг мөңкинд Ахарон болн терүнә хөөт үйнр кехмн, энүг үйәс үй күртл бәрх кергтә.
Түрклһнә тосн
22Деед Эзн Мошед келнә:
23– Хамгин сән үнртә күҗ ав: 500 шекель наалддг мирр, үнртә корица хойр холван баһар – 250 шекель, сән үнртә хулс – 250 шекель, 24касси – 500 шекель (цугтан әрүн бәәрнә шекель), бас нег гин олив модна тос. 25Йир сәәнәр нәәрүләд кесн түрклһнә әрүн тос бел ке. Эннь әрүн тосн. 26Тер тосар Харһлтын Шатрт, Бооцана хәәрцгт, 27ширә болн ширә деер бәәх тоотд, герлин гегәнд кергтә тоотднь, күҗ уңһдадг ширәд түрк. 28Тәкл тәкдг ормиг болн терүнд кергтә тоотднь, ик савд, тулгднь тер тос түрк. 29Эдниг цугтаһинь әрүсл, тиигәд тер юмс әрүнәс әрүн юмс болх. Теднд күргсн тоот әрүн болх. 30Ахаронд болн көвүдтнь тос түрк – Мини гелңгүд болдгар әрүсл тедниг. 31Израилин улст болхла кел: «Эн белдсн тосн танд үйәс үйд түркдг әрүн тосн болх. 32Энүг талдан әмтнд түркҗ болшго. Бийиннь төлә тиим нәәрүлсн тос бичә кетн: тер тосн әрүн болҗана – таднд энтн әрүн болтха! 33Кемр кен чигн күн бийдән иим нәәрүлсн тос кехлә, эс гиҗ талдан күүнд түркхлә – үкх, эврәннь келн-улс дундас уга кегдх».
Уңһдалһна күҗ
34Деед Эзн Мошед закч келнә:
– Каңкнсн үнртә цуг юмсудыг әдләр ав – бүчртә моддын салм, оникс#30:34 Оникс – теңгсин усна хорхасас кесн юмс., гальбан#30:34 Гальбан – бура моднас һарһҗ авдг салм., цевр ладан болн цугинь әдләр. 35Теднәс шатах цевр әрүн күҗ сәәнәр ке, давсар амтл. 36Үүрмгәр үүлсн күҗиг Харһлтын Шатрт Бооцана хәәрцгин өмн тәв. Би чам тал тиигәрән ирәд бәәхүв. Эн күҗ таднд әрүнәс әрүн юмс болх. 37Тиим күҗ бийдән бичә кетн: Деед Эзнә әрүн юмс таднд болтха. 38Кемр кен чигн күн бийдән тиим күҗ кеһәд эврән киилхәр седхлә, тер күн эврәннь келн-улс дундас уга кегдх.
Currently Selected:
Нүүдл 30: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 30
30
Күҗ уңһдадг ширә
1Акация моднас бәрцин ширә ке. Терүн деер каңкнсн үнртә күҗ шата. 2Тер ширә дөрвлҗн болтха, нег тоха утдан, нег тоха өргндән, өндртән хойр тоха болтха. Терүнә өврнь ширәлә хамдан нег кевәр ниилх йоста. 3Дееркинь, хәврһинь болн өвринь цевр алтар буд, эргүләд алтн тасм ке. 4Хойр алтн төөлг кеһәд тасм дорнь хәврһднь хад. Терүнд ут мод орулад ширәг өргәд йовдгар ке. 5Тер ут моддыг акацияс кеһәд алтар буд.
6Эн бәрцин ширә көшгин өмн тәв. Терүнә ард Бооцана хәәрцг бәәх. Хәәрцгин бүркән деер Би чамла харһхларн бәәхүв. 7Ахарон эн ширә деер өрүн болһн цөгциг ясхларн, каңкнсн үнртә күҗ шататха. 8Асхн болһн терүнд герл орулхларн бас шататха. Деед Эзнә өмн иим каңкнсн үнртә күҗ тадн таслвр угаһар үйәс үй күртл шатаҗатн. 9Эн ширә деер талдан юм бичә уңһдатн, бичә шататн, өдмгәр бәрц бичә тәвтн, шалдрң юм бичә асхтн. 10Җилд нег дәкҗ Ахарон бәрцин ширән өвр деер гемән хәрүллһнә авъяс күцәтхә. Җилд нег дәкҗ, үйәс үйд бәрцин ширәг цеврллһнә малын цусар гемән хәрүлх кергтә. Эннь Деед Эзнә әрүнәс әрүнь болҗана.
Өргә герт бәрц бәрлһн
11Деед Эзн Мошед келнә:
12– Израилин улсиг тоолад бичҗәсн цагла, күн болһн тоолврт орхларн Деед Эзнд бийиннь мөңгинь өгтхә. Тедниг тоолад бичхлә, шалтгла бичә харһтха гиҗәх юмн. 13Күн болһн тоолврин кемлә әрүн бәәрнә шекелин өрәлинь өгтхә (нег шекель – 20 гера#30:13 Гера – еврей келн-улсин чиңнүрәр 600 мг.); эн өрәл шекель Деед Эзнд бәрц бәрлһн болҗана. 14Хөртәһәсн авн күн болһн тоолврт орхларн, Деед Эзнд тиим бәрц бәрх йоста. 15Кемр тадн Деед Эзнд бәрц бәрхәр, эн бәрцән бийиннь мөңгәр авч ирхләрн, өрәл шекеләс байн күн икәр, угатя күн бичкнәр бичә өгтхә. 16Израилин улсас эн цаһан мөңг авад Харһлтын Шатрин көдлмшт орул. Эннь Деед Эзнә өмн Израилин улсин туск тоолвр, эннь тадна җирһлиг цаһан мөңг өгәд хулдҗ авлһн.
Уһалһна авъяс күцәдг улан мөңгн сав
17Деед Эзн Мошед келнә:
18– Уһалһна улан мөңгн ик сав ке болн дорнь улан мөңгн тулг ке. Терүг Харһлтын Шатрин болн тәкл тәклһнә ормин хоорнд тәвәд усар дүүрг. 19Ахарон болн терүнә көвүд терүнәс һаран, көлән уһатха. 20Тедн Шатрт орхиннь өмн һаран, көлән уһах йоста, тедниг бичә үктхә гиһәд кегдҗәнә. Эврәннь мөргүл кехәр седәд тәклин орм тал өөрдхиннь өмн, һалын бәрцән Деед Эзнд шатаһад нерәдхләрн, 21тедн һаран, көлән уһах йоста. Эс гиҗ тедн үкх. Эн зокалыг мөңкинд Ахарон болн терүнә хөөт үйнр кехмн, энүг үйәс үй күртл бәрх кергтә.
Түрклһнә тосн
22Деед Эзн Мошед келнә:
23– Хамгин сән үнртә күҗ ав: 500 шекель наалддг мирр, үнртә корица хойр холван баһар – 250 шекель, сән үнртә хулс – 250 шекель, 24касси – 500 шекель (цугтан әрүн бәәрнә шекель), бас нег гин олив модна тос. 25Йир сәәнәр нәәрүләд кесн түрклһнә әрүн тос бел ке. Эннь әрүн тосн. 26Тер тосар Харһлтын Шатрт, Бооцана хәәрцгт, 27ширә болн ширә деер бәәх тоотд, герлин гегәнд кергтә тоотднь, күҗ уңһдадг ширәд түрк. 28Тәкл тәкдг ормиг болн терүнд кергтә тоотднь, ик савд, тулгднь тер тос түрк. 29Эдниг цугтаһинь әрүсл, тиигәд тер юмс әрүнәс әрүн юмс болх. Теднд күргсн тоот әрүн болх. 30Ахаронд болн көвүдтнь тос түрк – Мини гелңгүд болдгар әрүсл тедниг. 31Израилин улст болхла кел: «Эн белдсн тосн танд үйәс үйд түркдг әрүн тосн болх. 32Энүг талдан әмтнд түркҗ болшго. Бийиннь төлә тиим нәәрүлсн тос бичә кетн: тер тосн әрүн болҗана – таднд энтн әрүн болтха! 33Кемр кен чигн күн бийдән иим нәәрүлсн тос кехлә, эс гиҗ талдан күүнд түркхлә – үкх, эврәннь келн-улс дундас уга кегдх».
Уңһдалһна күҗ
34Деед Эзн Мошед закч келнә:
– Каңкнсн үнртә цуг юмсудыг әдләр ав – бүчртә моддын салм, оникс#30:34 Оникс – теңгсин усна хорхасас кесн юмс., гальбан#30:34 Гальбан – бура моднас һарһҗ авдг салм., цевр ладан болн цугинь әдләр. 35Теднәс шатах цевр әрүн күҗ сәәнәр ке, давсар амтл. 36Үүрмгәр үүлсн күҗиг Харһлтын Шатрт Бооцана хәәрцгин өмн тәв. Би чам тал тиигәрән ирәд бәәхүв. Эн күҗ таднд әрүнәс әрүн юмс болх. 37Тиим күҗ бийдән бичә кетн: Деед Эзнә әрүн юмс таднд болтха. 38Кемр кен чигн күн бийдән тиим күҗ кеһәд эврән киилхәр седхлә, тер күн эврәннь келн-улс дундас уга кегдх.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023