Нүүдл 27
27
Тәкл тәкдг орм
1Акацияс тәкл тәкдг бәәр ке. Тер дөрвлҗн болг – утдан тавн тоха, өргндән бас тавн тоха, өндртән һурвн тоха болтха. 2Дөрвн өнцгтнь өвр ке – тернь бәәрнлә хамдан нег кевәр ниилх йоста. Терүг кевтнь улан мөңгәр буд. 3Үмс һарһдг сав ке, күрз, цус авдг сав, мах һарһдг серә болн һал һарһдг сав. Бәәрнд кергтә тоотыг цугтаһинь улан мөңгәр ке. 4Тәкл тәкх бәәрнд улан мөңгәр терм ке. Терүнә дөрвн өнцгтнь дөрвн улан мөңгн төөлг хад. 5Тәклин ормин тал дундаһар эргүләд терм батлад тәв. 6Тәклин ормд акацияс улан мөңгәр будсн ут модд ке. 7Кемр терүг талдан ормд өргҗ тәвхәр седхлә, тер ут модд хәврһднь бәәх төөлгт орулгдх. 8Тәклин бәәриг көндә болдгар харһасар ке. Терүг чамд уул деер үзүлсн бәәдлтәһәр кетхә.
Өргә герин хаша
9Өргә гериг эргүләд хашал. Өмн үзгәс хашан утднь нимгн олсар кесн көшг 100 тоха болҗ 1020 бахнд өлггдх йоста. Бахнс дор 20 улан мөңгн түшг кергтә; бахнсин дегәснь болн ниилврнь цаһан мөңгн болх йоста. 11Ар үзгәснь хашан утднь бас утарн 100 тоха көшг 20 бахнд өлггдх йоста. Бахнс дор 20 улан мөңгн түшг тәвгдх; дегәс болн ниилвринь цаһан мөңгәр кетн. 12Барун үзгәснь хашан өргнднь 50 тоха көшг 10 бахнст өлгәтә болх йоста. Бахнс дор 10 түшг кергтә.
13Зүн үзг таласн өргнәрн хаша 50 тоха болх йоста. 14Үүднәс нег бий талнь утдан 15 тоха көшг 3 бахнд өлгх кергтә. Тедн дор 3 түшг кергтә. 15Талдан таласнь утдан 15 тоха көшгиг 3 бахнст өлгх кергтә. Тедн дор 3 түшг тәвх. 16Ик үүднд утдан 20 тоха олн зүсн өңгтә көшг көк, чисм улан болн улавр күрң утцдар, нимгн олсар гүрҗ ав. Ик үүдн 4 бахнта болх, тедн дор 4 түшг кергтә.
17Ниилвр болн дегәс цуг бахнс деер цаһан мөңгн болх йоста, теднә түшгнь улан мөңгн. 18Хаша утдан 100 тоха, өргндән – 50 тоха. Нимгн олсар кесн көшг өндртән 5 тоха болх. Бахнсин түшг улан мөңгн болх йоста. 19Өргә герин кергтә тоотнь, терүнә бичкн һасн болн хаша эргүлҗ өлгх көшгин бичкн һасн улан мөңгн болх йоста.
Герлин гегәнә тосн
20Израилин улс чамд һарар шахад кесн оливин цевр тос герлин гегәнд авч иртхә гиҗ зак. Терүн деер кезә чигн зул шатад бәәтхә. 21Ахарон болн терүнә көвүд асхнас авн өрүн күртл шатҗах зул Деед Эзнә өмн Харһлтын Шатрт көшгин өмн тәвтхә. Терүнә ард Бооцана хәәрцг бәәдмн. Эннь Израилин улст отгас отг һатлҗ бәрх мөңк зокал.
Currently Selected:
Нүүдл 27: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 27
27
Тәкл тәкдг орм
1Акацияс тәкл тәкдг бәәр ке. Тер дөрвлҗн болг – утдан тавн тоха, өргндән бас тавн тоха, өндртән һурвн тоха болтха. 2Дөрвн өнцгтнь өвр ке – тернь бәәрнлә хамдан нег кевәр ниилх йоста. Терүг кевтнь улан мөңгәр буд. 3Үмс һарһдг сав ке, күрз, цус авдг сав, мах һарһдг серә болн һал һарһдг сав. Бәәрнд кергтә тоотыг цугтаһинь улан мөңгәр ке. 4Тәкл тәкх бәәрнд улан мөңгәр терм ке. Терүнә дөрвн өнцгтнь дөрвн улан мөңгн төөлг хад. 5Тәклин ормин тал дундаһар эргүләд терм батлад тәв. 6Тәклин ормд акацияс улан мөңгәр будсн ут модд ке. 7Кемр терүг талдан ормд өргҗ тәвхәр седхлә, тер ут модд хәврһднь бәәх төөлгт орулгдх. 8Тәклин бәәриг көндә болдгар харһасар ке. Терүг чамд уул деер үзүлсн бәәдлтәһәр кетхә.
Өргә герин хаша
9Өргә гериг эргүләд хашал. Өмн үзгәс хашан утднь нимгн олсар кесн көшг 100 тоха болҗ 1020 бахнд өлггдх йоста. Бахнс дор 20 улан мөңгн түшг кергтә; бахнсин дегәснь болн ниилврнь цаһан мөңгн болх йоста. 11Ар үзгәснь хашан утднь бас утарн 100 тоха көшг 20 бахнд өлггдх йоста. Бахнс дор 20 улан мөңгн түшг тәвгдх; дегәс болн ниилвринь цаһан мөңгәр кетн. 12Барун үзгәснь хашан өргнднь 50 тоха көшг 10 бахнст өлгәтә болх йоста. Бахнс дор 10 түшг кергтә.
13Зүн үзг таласн өргнәрн хаша 50 тоха болх йоста. 14Үүднәс нег бий талнь утдан 15 тоха көшг 3 бахнд өлгх кергтә. Тедн дор 3 түшг кергтә. 15Талдан таласнь утдан 15 тоха көшгиг 3 бахнст өлгх кергтә. Тедн дор 3 түшг тәвх. 16Ик үүднд утдан 20 тоха олн зүсн өңгтә көшг көк, чисм улан болн улавр күрң утцдар, нимгн олсар гүрҗ ав. Ик үүдн 4 бахнта болх, тедн дор 4 түшг кергтә.
17Ниилвр болн дегәс цуг бахнс деер цаһан мөңгн болх йоста, теднә түшгнь улан мөңгн. 18Хаша утдан 100 тоха, өргндән – 50 тоха. Нимгн олсар кесн көшг өндртән 5 тоха болх. Бахнсин түшг улан мөңгн болх йоста. 19Өргә герин кергтә тоотнь, терүнә бичкн һасн болн хаша эргүлҗ өлгх көшгин бичкн һасн улан мөңгн болх йоста.
Герлин гегәнә тосн
20Израилин улс чамд һарар шахад кесн оливин цевр тос герлин гегәнд авч иртхә гиҗ зак. Терүн деер кезә чигн зул шатад бәәтхә. 21Ахарон болн терүнә көвүд асхнас авн өрүн күртл шатҗах зул Деед Эзнә өмн Харһлтын Шатрт көшгин өмн тәвтхә. Терүнә ард Бооцана хәәрцг бәәдмн. Эннь Израилин улст отгас отг һатлҗ бәрх мөңк зокал.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023