Нүүдл 26
26
Өргә гер
1Нәрхн олсар, көк, чисм улан болн улавр күрң утцдар арвн некмр эд өргә герт некәд бел ке; тедн деер керүбмүд некәтә болх йоста. 2Некмр эд утдан 28 тоха, өргндән 4 тоха болх йоста. Цугтан тедн нег кемҗәтә болхмн. 3Тавн некмр эд хамдан уята нег тасрха болг, талдан 5 тасрхань бас хамдан уята болг. 4Захин нег тасрха некмр эдин утднь цеңкр бүтүс ке, тиим бүтүс талдан тасрхасин утднь ке. 5Захин некмр эдин нег тасрхаднь 50 бүтү бәәх йоста, 50 бүтү талдан захин некмр эдин тасрхад уй. Тер бүтүс нег-негнәннь тус бәәх йоста. 6Тәвн алтн дегә кеһәд хойр тасрхаг негдүләд өргә гер ке.
7Ямана ноосар 11 некмр эд кеһәд өргә гер бүркх кергтә болх. 8Некмр эд утдан 30 тоха, өргндән 4 тоха болх йоста; цугтан нег кемҗәтәһәр ке. 9Тавн тасрхаһинь хамднь уй, наадк зурһан тасрхаһинь бас хамднь уй (зурһадгчинь әдлцүләд өрәләр эвк – тернь үүдн деер унҗулад өлггдх.)
10Захин некмр эдин нег тасрхан утднь 50 бүтү уй, талдан некмр эдин тасрхан утднь бас тәвн бүтү ке. 11Тәвн улан мөңгн дегә товч ке, тедниг бүтүд орулад хойр тасрхаг негдүләд нег бүркә болдгар батл. 12Бүркән утас үлү һарснь (өрәл некмр эд) өргә герин ардк эрстнь ирлцх йоста, 13бүркән утас үлү һарсарнь (нег тоха нег бийәснь, нег тоха талдан бийәснь) – өргә гериг хәврһәснь кевтнь бүркгддгәр ке. 14Деерәснь хуцин будсн арсар бүркдгәр кех кергтә, терүн деегәр нимглсн арсар бүркх.
15Өргә герт акация модна деерәс дорагшан татгдсн тулг болх бахнс ке: 16бахн болһн утдан 10 тоха болн өргндән күсдундур тоха, 17нег-негнь арата хойр модар келкәтә болх. Өргә герин тулг бахн цугтан тиим бәәдлтә болх йоста. 18Өмн үзгин эрст 20 бахн ке, 19теднә дор 40 цаһан мөңгн ул ке – бахн болһнд хошаһад тулх ул, бахна хойр аранд тулг болх. 20Тиим бәәдлтәһәр өргә герин хойрдгч ар үзгин эрст 20 бахн ке 21болн 40 цаһан мөңгн ул – бахн болһнд хошаһад тулгдх ул. 22Ардк, өргә герин барун үзгин эрст 6 тулг бахн ке. 23Ардк өнцгтнь бас хойр тулг бахн ке. 24Теднь дорасн хойр әңглсн болх йоста, деерәсн болхла (түрүн төөлг бәәх ормас) бүтн болх. Тиим тулг бахнс хойр болхмн, өнцг болһнд неҗәһәд. 25Эн 8 тулг бахнд 16 цаһан мөңгн тулгдх ул кергтә – бахн болһнд хошаһад ул.
26Акацияс көндлң мод ке: тавнь – өргә герин нег эрсин утднь бахнс залһх, 27тавнь – өргә герин хойрдгч эрсин утднь залһх болн тавнь – терүнә ардк, барун эрсәс. 28Тал дунд бәәх көндлң модн эрсин нег захас талдан зах күртл негдүлх юмн. 29Тулг бахнсиг алтар буд, көндлң модыг батлхин төлә терүнд алтн төөлг тәв, дәкәд көндлң моддыг алтар буд.
30Өргә гериг уул деер чамд үзүлсн зурала әдләр өндәлһ.
31Халхлх шишлң көшгиг көк, чисм улан болн улавр күрң утцдар, нимгн олсар гүр; терүн деер керүбмүд некәтә болтха. 32Акацияс кесн алтар будата алтн дегәтә дөрвн бахн деер терүг өлг. Тер бахнст дөрвн цаһан мөңгн түшг кергтә. 33Көшгиг дегәд өлг. Терүнә ард Бооцана хәәрцг тәв. Эн көшг әрүн бәәриг хамгин әрүн бәәрнәс салһх. 34Хамгин әрүн бәәрнә Бооцана хәәрцг деер бүркәг тәв. 35Көшгин өмн ширә тәв, ширән тус герлин гегә орул. Герлин гегән өргә герин өмн үзгин эрсин хаҗуд бәәх йоста, ширә – ар үзг тал.
36Өргә герин үүдинь хаах көшг ке. Көшг олн зүсн өңгтә болг – көк, чисм улан, улавр күрң утцдта болн нимгн олсар кегддг. 37Көшг өлгх алтар будсн тавн бахн акацияс ке. Тедн алтн дегәстә болг. Бахнсин тавн түшгинь улан мөңгәр цутх.
Currently Selected:
Нүүдл 26: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 26
26
Өргә гер
1Нәрхн олсар, көк, чисм улан болн улавр күрң утцдар арвн некмр эд өргә герт некәд бел ке; тедн деер керүбмүд некәтә болх йоста. 2Некмр эд утдан 28 тоха, өргндән 4 тоха болх йоста. Цугтан тедн нег кемҗәтә болхмн. 3Тавн некмр эд хамдан уята нег тасрха болг, талдан 5 тасрхань бас хамдан уята болг. 4Захин нег тасрха некмр эдин утднь цеңкр бүтүс ке, тиим бүтүс талдан тасрхасин утднь ке. 5Захин некмр эдин нег тасрхаднь 50 бүтү бәәх йоста, 50 бүтү талдан захин некмр эдин тасрхад уй. Тер бүтүс нег-негнәннь тус бәәх йоста. 6Тәвн алтн дегә кеһәд хойр тасрхаг негдүләд өргә гер ке.
7Ямана ноосар 11 некмр эд кеһәд өргә гер бүркх кергтә болх. 8Некмр эд утдан 30 тоха, өргндән 4 тоха болх йоста; цугтан нег кемҗәтәһәр ке. 9Тавн тасрхаһинь хамднь уй, наадк зурһан тасрхаһинь бас хамднь уй (зурһадгчинь әдлцүләд өрәләр эвк – тернь үүдн деер унҗулад өлггдх.)
10Захин некмр эдин нег тасрхан утднь 50 бүтү уй, талдан некмр эдин тасрхан утднь бас тәвн бүтү ке. 11Тәвн улан мөңгн дегә товч ке, тедниг бүтүд орулад хойр тасрхаг негдүләд нег бүркә болдгар батл. 12Бүркән утас үлү һарснь (өрәл некмр эд) өргә герин ардк эрстнь ирлцх йоста, 13бүркән утас үлү һарсарнь (нег тоха нег бийәснь, нег тоха талдан бийәснь) – өргә гериг хәврһәснь кевтнь бүркгддгәр ке. 14Деерәснь хуцин будсн арсар бүркдгәр кех кергтә, терүн деегәр нимглсн арсар бүркх.
15Өргә герт акация модна деерәс дорагшан татгдсн тулг болх бахнс ке: 16бахн болһн утдан 10 тоха болн өргндән күсдундур тоха, 17нег-негнь арата хойр модар келкәтә болх. Өргә герин тулг бахн цугтан тиим бәәдлтә болх йоста. 18Өмн үзгин эрст 20 бахн ке, 19теднә дор 40 цаһан мөңгн ул ке – бахн болһнд хошаһад тулх ул, бахна хойр аранд тулг болх. 20Тиим бәәдлтәһәр өргә герин хойрдгч ар үзгин эрст 20 бахн ке 21болн 40 цаһан мөңгн ул – бахн болһнд хошаһад тулгдх ул. 22Ардк, өргә герин барун үзгин эрст 6 тулг бахн ке. 23Ардк өнцгтнь бас хойр тулг бахн ке. 24Теднь дорасн хойр әңглсн болх йоста, деерәсн болхла (түрүн төөлг бәәх ормас) бүтн болх. Тиим тулг бахнс хойр болхмн, өнцг болһнд неҗәһәд. 25Эн 8 тулг бахнд 16 цаһан мөңгн тулгдх ул кергтә – бахн болһнд хошаһад ул.
26Акацияс көндлң мод ке: тавнь – өргә герин нег эрсин утднь бахнс залһх, 27тавнь – өргә герин хойрдгч эрсин утднь залһх болн тавнь – терүнә ардк, барун эрсәс. 28Тал дунд бәәх көндлң модн эрсин нег захас талдан зах күртл негдүлх юмн. 29Тулг бахнсиг алтар буд, көндлң модыг батлхин төлә терүнд алтн төөлг тәв, дәкәд көндлң моддыг алтар буд.
30Өргә гериг уул деер чамд үзүлсн зурала әдләр өндәлһ.
31Халхлх шишлң көшгиг көк, чисм улан болн улавр күрң утцдар, нимгн олсар гүр; терүн деер керүбмүд некәтә болтха. 32Акацияс кесн алтар будата алтн дегәтә дөрвн бахн деер терүг өлг. Тер бахнст дөрвн цаһан мөңгн түшг кергтә. 33Көшгиг дегәд өлг. Терүнә ард Бооцана хәәрцг тәв. Эн көшг әрүн бәәриг хамгин әрүн бәәрнәс салһх. 34Хамгин әрүн бәәрнә Бооцана хәәрцг деер бүркәг тәв. 35Көшгин өмн ширә тәв, ширән тус герлин гегә орул. Герлин гегән өргә герин өмн үзгин эрсин хаҗуд бәәх йоста, ширә – ар үзг тал.
36Өргә герин үүдинь хаах көшг ке. Көшг олн зүсн өңгтә болг – көк, чисм улан, улавр күрң утцдта болн нимгн олсар кегддг. 37Көшг өлгх алтар будсн тавн бахн акацияс ке. Тедн алтн дегәстә болг. Бахнсин тавн түшгинь улан мөңгәр цутх.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023