sēnt mātyo 6
6
1 #
mātyo 23:5
pēyātak kita ēkā totamēk ki miyo totamowiniwāwa ot āstamiwiniwāhk ayisiyiniwak, kita wāpamikoyēkok; ēkosi wiya ēkā kē tipahamākoyēk kotāwiwāw kihci kisikohk kā ayāt. 2ēwako māka ohci ispi tiyotamani ki miyo totamowina, ēkā kita nikāni kitotāyan pipikwan, tāpiskoc wiya kā totahkik otayamihēkāsoskak ayamihēwikamikohk, mina mēskanāhk, kita kistēyimikocik ayisiyiniwa. tāpwē kit itināwāw, ayāwak sāsay o tipahamākowiniwāw. 3māka ispi tiyotamani miyo totamowina, ēkāwiya ki namātin kita kiskēyitamomakan kēkway ē totamomakahk ki kihcinisk: 4kita kimotaki māka ki miyo totamowina; ēkosi kotāwi wanimotanohk kā wāpahkēt, wiya tipiyaw mosis ki ka tipahamāk.
5 #
lok 18:10-14
mina ispi ēyamihāyani, namawiya ki ka isinākosin kā isinākosicik otayamihēkāsoskak; cikēmā sākihtāwak ē nipawicik ē ayamihācik ayamihēwikamikohk mina ē mātāmēmoki mēskanawa, kita wāpamikocik ayisiyiniwa. tāpwē kit itināwāw, ayāwak o tipahamākowiniwāw. 6māka kiya, ēyamihāyani, pihtokē ki piskici wāskāhikanisihk, ispi māka ki kipahamani kit iskwātēm, ayamihēstaw kotāwi, kā wanimōtisit; ēkosi māka kotāwi wanimotanohk kā wāpahkēt, mosis ki ka tipahamāk. 7māka ispi ēyamiāyēko, ēkāwiya pikwanata kākihtwāmi itwēwina āpacitāk, kā tōtahkik ēkā kā ayamihācik; cikēmā ē itēyitahkik miywākacimoyāhki, ni ka pēhtākawinān. 8ēkāwiya māka nanāspitāhkok; cikēmā kotāwiwāw kiskēyitam kēkway kā kwitamāyēk, mwayēs kakwēcimāyēk. 9omisi māka kiyawāw isi ayamihāk: notāwinān kihci kisikohk ēyāyan, kita kanācitāniwiw ki wiyowin. 10kit otēnawiwin kita otihcipayiw. ētēyitaman kita wi tocikātēw ota askihk, kā isi ayāk kihci kisikohk. 11miyinān anohc kā kisikāk kē ohci pimātisiyāhk. 12mina ponēyitamawinān ni masinahamākēwinināna kā isi ponēyitamawāyāhkik kā masinahamākoyāhkik. 13ēkāwiya kakwēciihwēwinihk ati itohtahinān, māka paspitisininān macāyiwinihk ohci: kiya kit otēnawiwin, mina sokātisiwin, mina kistēyitākosiwin, kākikē. āmēn. 14#mārk 11:25cikēmā kispin ki ponēyitamawāwāwak ayisiyiniwak o macitotamowiniwāwa, kotāwiwāw kihci kisikohk kā ayāt wista ki ka ponēyitamākowāw. 15māka kispin namawiya ki ponēyitamawāwāwak ayisiyiniwak o macitotamowiniwāwa, namawiya wista kotāwiwāw ki ka ponēyitamākowāw ki macitotamowiniwāwa.
16mina māka, ispi iyiwanihisoyani, ēkāwiya isinākosi kā isinākosicik otayamihēkāsoskak ē kaskēyitamowinākosicik; cikēmā māyihkwēnākohisowak kita wāpamikocik ayisiyiniwa ē iyiwanihisocik. tāpwē kit itināwāw ayāwak o tipahamākowiniwāw. 17māka kiya, ispi iyiwanihisoyani, tamasko, mina kāsihkwē; 18ēkā kita wāpamiskik ayisiyiniwak ē iyiwanihisoyan, māka piko ana kotāwi kā wanimotisit; ēkosi māka kotāwi, wanimotanohk kā wāpahkēt, wiya mosis ki ka tipahamāk.
19 #
cēmis 5:2,3 ēkāwiya astwāsok kit astwākānikāsowiniwāwa ota askihk, kē tasi nisiwanāci manicosiwaki mina misiwāpiskāki, mina ita kimotiskak ē pikonikēcik mina ē kimoticik: 20māka astwāsok kit astwākanikāsowiniwāwa kihci kisikohk, anita ēkā kē tasi nisiwanāci manicosiwaki āhpo misiwāpiskāki, mina ēkotē namawiya okimotiskak ē pikonikēcik namawiya mina kimotiwak: 21cikēmā ita ē astēk kit astwākanikāsowin, ēkota mina kitēh kita ayāw. 22miskisik kā ohci wāsēyāk miyaw; kispin māka pēyakwahk kēnawāpahtaman, misiwē kiyawihk kita sākaskinēw wāsēyāsiwin: 23māka kispin macāyiwaki kiskisik, misiwē kiyaw sākaskinēw wanitipiskāw. kispin māka anima wāsēyāsiwin kā kikiskākoyan wanitipiskāki, tāpwē misi wanitipiskāw!
24namawiya awiyak ayisiyiniw niso okimāwa kita ki atoskēstawēw; cikēmā pēyak kita wi pakwātēw, ēkosi kotaka kita sākihēw; ahpo pēyak kita miciminēw, ēkosi kotaka kita māyēyimēw. namawiya ki ka ki atoskawāwāw kisēmanito mina wēyotisiwin. 25ēwako ohci kā ititakok, ēkāwiya osāmēyitamok ki pimātisiwiniwāw, kēkway kē miciyēk, ahpo kēkway kē minikwēyēk; ahpo kiyawiwāw, kēkway kē posiskamēk. nama ci pimātisiwin ayiwāk itēyitākwan ispic miciwin, mina miyaw ispic ayowinis? 26wāpamihkok piyēsisak kā papāmiyācik; namawiya kistikēwak, mina namawiya manisikēwak, namawiya māwacicikēwak maskosiwikamikohk: ēyiwēhk māka kotāwiwāw kihci kisikohk kā ayāt asamēw ēokoni. nama ci kiyawāw ayiwāk kit ispitēyitākosināwāw ispic ēwakonik? 27awēna kiyawāw ē mohci itēyitahk pēyak kopit kē ki takotāt anima kā iskosit? 28tānēki māka kā osāmēyitamēk ayowinis? māmitonēyitamok wapikwaniwa pikwacāyihk kā ayāki, ē isi nihtāwikiki; namawiya atoskēmakanwa, mina namawiya pimastēhikēmakanwa: 29#1 kihci okimāwak 10:4-7; 2 akinē ācimowina 9:3-6māka ēyiwēhk kit itināwāw, sāloman ē āta misiwē ki isi kistēyitākosit, namawāc ēkosi ki isiho tāpiskōc ōhi pēyak. 30māka, kispin kisēmanito ēkosi isi wiyātatāci maskosi pikwacāyihk kā ayāk, anohc kā kisikāk kā ayāk, ēkosi wāpahki iskotēwikamikohk ka isi wēpinikātēk, nama ci awasimē kiyawāw ki ka wiyātaikowāw, o kiyawāw kā apisci otāpwēyēyitamowiniyēk? 31ēwako ohci ēkāwiya osāmēyitamok, kita itwēyēk, kēkway kē miciyahk? ahpo, kēkway kē minikwēyahk? ahpo, tānitē wiya oma kē ohci wiyācikēyahk? 32(ēokoni ohi kahkiyaw kā nanātonakwāw aniki cēntailak:) kotāwiwāw kihci kisikohk kā ayāt kiskēyitam ē natawēyitamēk kahkiyaw ohi. 33māka kiyawāw nanātonamok nikān kisēmanito ot otēnawiwin, mina o kwayask isiwēpisiwin; ēkosi māka kahkiyaw ōhi ki ka asici miyikawināwāw. 34ēkāwiya māka osāmēyitamok kita mamitonēyitamēk wāpahki; cikēmā wāpahki kita māmitonēyitamomakan ē isi tipēyitamomakahk. tēpiyikōhk kita āyiman tāhto kisikāw.
This Bible text is a transliteration of a corrected edition of the 1908 Western Cree Bible; it is in the public domain.