ᕒᐅᐦᐟ 3
3
1ᓀᐅᒪᐩ ᒫᑲ ᐅᓯᑯᓴ ᑭ ᐃᑎᐠ, ᓂᑕᓂᐢ, ᓇᒪ ᒋ ᐱᑯ ᑭᑕ ᓇᑐᓇᒫᐣ ᑭᑕ ᐯᔭᑕᑫᔨᒧᔭᐣ, ᑭᑕ ᒥᔪᐊᔮᔭᐣ? 2ᐁᑲᐧ ᒫᑲ ᓇᒪ ᒋ ᐳᐋᐢ ᐁᐊᐧᑯ ᑭ ᐋᐧᑯᒫᑲᓂᓇᐤ, ᐊᓇ ᐅᐟ ᐊᑐᐢᑫᔮᑲᓂᐢᑫᐧᒪ ᑳ ᑭ ᐃᐧᒉᒪᐟ? ᒫᑎᑲ ᐸᐋᐧᐢᑎᒣᐤ ᐃᐢᑫᐧᓯᓯᑳᓇ ᐊᓄᐦᐨ ᑳ ᑎᐱᐢᑳᐠ ᐸᐊᐧᐃᑫᐃᐧᑲᒥᑯᕽ. 3ᑭᒋᐢᑖᐹᐊᐧᔪ ᒫᑲ ᒥᓇ ᑕᒪᐢᑯ, ᐁᑯᓯ ᐳᓯᐢᑲ ᑭ ᑭᑭᐢᑳᒋᑲᓇ, ᒥᓇ ᐃᑐᐦᑌ ᐸᐊᐧᐃᑫᐃᐧᑲᒥᑯᕽ; ᒫᑲ ᐁᑳᐃᐧᔭ ᑭᐢᑫᔨᑖᑯᐃᓱᐢᑕᐤ ᐊᓇ ᓈᐯᐤ, ᐹᑎᒫ ᑭ ᐳᓂ ᒥᒋᓱᒋ ᒥᓇ ᒥᓂᐦᑫᐧᒋ. 4ᑭᑕ ᐃᐦᑭᐣ ᒫᑲ ᐃᐢᐱ ᓇᐦᐃᓯᑭ, ᑭ ᑲ ᑭᐢᑭᓇᐋᐧᐸᐦᑌᐣ ᐃᑕ ᐊᓂᒪ ᐁ ᐱᒥᓯᕽ, ᐁᑯᓯ ᑭ ᑲ ᐱᑐᑳᐣ, ᒥᓇ ᑭ ᑲ ᐅᐦᐱᓀᐣ ᐊᑲᐧᓇᐦᐅᐃᐧᐣ ᐅᓯᑎᕽ, ᐁᑯᓯ ᑭ ᑲ ᓇᐦᐃᓯᓂᐣ; ᑭ ᑲ ᐃᐧᐦᑕᒫᐠ ᒫᑲ ᑖᓂᓯ ᑫ ᐃᑐᑕᒪᐣ. 5ᑭ ᐃᑌᐤ ᒫᑲ ᐅᓯᑯᓴ, ᑲᐦᑭᔭᐤ ᑳ ᐃᑌᐧᔭᐣ ᓂ ᑲ ᐃᑐᑌᐣ.
6ᐁᑯᓯ ᑭ ᐃᑐᐦᑌᐤ ᐸᐊᐧᐃᑫᐃᐧᑲᒥᑯᕽ, ᒥᓇ ᑭ ᐃᑐᑕᒼ ᑲᐦᑭᔭᐤ ᐊᓂᒪ ᐅᓯᑯᓴ ᑳ ᑭ ᐃᑎᑯᐟ. 7ᐁᑯᓯ ᐃᐢᐱ ᐳᐋᐢ ᑳ ᒥᒋᓱᐟ ᒥᓇ ᑳ ᒥᓂᐦᑫᐧᐟ, ᒥᓇ ᐅᑌᐦᐃᕽ ᐁ ᒥᔭᐋᐧᑕᕽ, ᑭ ᓇᑕᐃᐧ ᓇᐦᐃᓯᐣ ᐁ ᑭᓯᐱ ᐊᓴᐱᔨᐟ ᐸᐦᑫᐧᓯᑲᓂᑳᓇ; ᐁᑲᐧ ᐃᐧᔭ ᓂᓯᑳᐨ ᑭ ᐯ ᐃᑐᐦᑌᐤ ᒥᓇ ᑭ ᐅᐦᐱᓇᒼ ᑳ ᐊᑲᐧᓇᐅᓱᐋᐧᑫᔨᐟ ᐅᓯᑎᔨᕽ, ᒥᓇ ᑭ ᓇᐦᐃᓯᐣ.
8ᑭ ᐊᔨᑭᐣ ᒫᑲ ᐁ ᐋᐱᑖᑎᐱᐢᑳᐠ, ᐊᓇ ᓈᐯᐤ ᑭ ᑯᐢᑯᐸᔨᐤ, ᒥᓇ ᑭ ᑫᐧᐢᑭᓯᐣ, ᐁᑯᓯ ᐳᑎ, ᐃᐢᑫᐧᐊᐧ ᑭ ᐱᒥᓯᓂᔨᐊᐧ ᐅᓯᑎᕽ. 9ᑭ ᐃᑌᐧᐤ ᒫᑲ, ᐊᐁᐧᓇ ᑭᔭ? ᑭ ᓇᐢᑫᐧᐊᐧᓯᒥᐠ ᒫᑲ, ᓂᔭ ᕒᐅᐦᐟ ᑭᐟ ᐊᑐᐢᑫᔮᑲᓂᐢᑫᐧᒼ; ᐊᑳᐧᓇ ᒫᑲ ᑭ ᐸᑯᓭᔨᒥᑎᐣ ᑭᐟ ᐊᑐᐢᑫᔮᑲᓂᐢᑫᐧᒼ ᑭᐟ ᐊᑲᐧᓇᐦᐅᐃᐧᐣ ᐅᐦᒋ; ᒋᑫᒫ ᑭᓯᐋᐧᐠ ᑭ ᐋᐧᑯᒥᑎᐣ. 10ᑭ ᐃᑌᐧᐤ ᒫᑲ, ᑭ ᑲ ᐃᐧ ᓴᐁᐧᔨᒥᐠ ᑳ ᑎᐯᔨᐦᒋᑫᐟ ᓂᑖᓂᐢ; ᑭ ᑭ ᐋᐸᑕᐃᐋᐧᐣ ᐊᔨᐋᐧᐠ ᑭᓭᐋᐧᑎᓯᐃᐧᐣ ᑭᓯᐸᓄᕽ ᐃᔨᑯᕽ ᐊᐦᐳ ᓂᐢᑕᒼ, ᒋᑫᒫ ᐁᑳ ᐁ ᐱᒥᑎᓴᐦᐊᐧᒋᐠ ᐅᐢᑭᓂᑭᐊᐧᐠ ᑭᐢᐱᐣ ᐁ ᑭᑎᒫᑭᓯᒋᐠ ᐊᐦᐳ ᐁ ᐁᐧᔪᑎᓯᒋᐠ. 11ᐁᑲᐧ ᒫᑲ ᓂᑖᓂᐢ, ᐁᑳᐃᐧᔭ ᐊᐢᑖᓯ; ᑭ ᑲ ᐃᑐᑕᒫᑎᐣ ᑲᐦᑭᔭᐤ ᑳ ᐃᑌᐧᔭᐣ; ᒋᑫᒫ ᑲᐦᑭᔭᐤ ᐅᐟ ᐅᑌᓇᐃᐧᐋᐧᕽ ᓂᐟ ᐊᔨᓯᔨᓂᒪᐠ ᑭᐢᑫᔨᑕᒪᐧᐠ ᑲᐧᔭᐢᐠ ᑳ ᐃᑖᑎᓯᐟ ᐃᐢᑫᐧᐤ ᐁᑯᑐᐊᐧ ᑭᔭ. 12#ᕒᐅᐦᐟ 2:20ᐁᑲᐧ ᒫᑲ ᑖᐯᐧ ᑭᓯᐋᐧᐠ ᑭ ᐋᐧᑯᒥᑎᐣ; ᒫᑲ ᐃᐦᑖᐤ ᓈᐯᐤ ᓇᐊᐧᐨ ᑭᓯᐋᐧᐠ ᐁ ᐋᐧᑯᒥᐢᐠ ᐃᔨᑯᕽ ᓂᔭ. 13ᐯᐦᐅ ᐊᓄᐦᐨ ᑳ ᑎᐱᐢᑳᐠ, ᑭᑕ ᐃᐦᑭᐣ ᒫᑲ ᑫᑭᓭᐹᔮᑭ, ᑭᐢᐱᐣ ᐃᐧ ᑎᐱᑐᑕᒫᐢᑭ ᐁ ᐃᑕᐢᑌᐠ ᐋᐧᑯᒫᑲᐣ ᑭᑕ ᐃᑐᑕᕽ ᑭᑕ ᒥᔮᐧᓯᐣ; ᑭᔮᒼ ᑭᑕ ᐃᑐᑕᒼ ᐋᐧᑯᒫᑲᐣ ᐅᐟ ᐃᑕᐱᐃᐧᐣ; ᒫᑲ ᑭᐢᐱᐣ ᐁᑳ ᐃᐧ ᐃᑐᑕᒫᐢᑭ ᐋᐧᑯᒫᑲᐣ ᐅᐟ ᐃᑕᐱᐃᐧᐣ, ᐁᑲᐧ ᐁ ᐃᓯ ᐱᒫᑎᓯᐟ ᑳ ᑎᐯᔨᐦᒋᑫᐟ ᓂᔭ ᑭ ᑲ ᐃᑐᑕᒫᑎᐣ ᐁ ᐃᑕᐢᑌᐠ ᐋᐧᑯᒫᑲᐣ ᑭᑕ ᐃᑐᑕᕽ, ᓇᐦᐃᓯᓂ ᐃᐢᑯ ᑭᑕ ᑫᑭᓭᐹᔮᐠ.
14ᑭ ᐱᒥᓯᓂᔨᐊᐧ ᒫᑲ ᐅᓯᑎᕽ ᐃᐢᑯ ᐁ ᑫᑭᓭᐹᔮᐠ; ᐁᑯᓯ ᑭ ᐊᐧᓂᐢᑳᐤ ᒪᐧᔦᐢ ᐊᐃᐧᔭᐠ ᓂᓯᑕᐃᐧᓈᑯᓯᐟ, ᒋᑫᒫ ᑭ ᐃᑌᐧᐤ, ᐁᑳᐃᐧᔭ ᑭᑕ ᑭᐢᑭᔨᐦᒋᑳᑌᐤ ᐃᐢᑫᐤ ᐁ ᑭ ᐯ ᐃᑐᐦᑌᐟ ᐸᐊᐧᐃᑫᐃᐧᑲᒥᑯᕽ. 15ᑭ ᐃᑌᐤ ᒫᑲ ᒫᐦᑎ ᐯᑖ ᑳ ᐊᐢᐸᑯᔭᐣ, ᐁᑯᓯ ᒥᒋᒥᓇ; ᑭ ᒥᒋᒥᓇᒥᔨᐊᐧ ᒫᑲ ᐁᑯᓯ ᑭ ᑳᐧᐸᐁᐧᐤ ᓂᑯᑖᐧᓯᐠ ᑕᐦᑐ ᑳᐧᐸᐃᑲᐣ ᐃᐢᑫᐧᓯᓯᑳᓇ, ᒥᓇ ᑭ ᓇᔭᑕᐁᐤ; ᐁᑯᓯ ᑭ ᐃᑐᐦᑌᔨᐊᐧ ᐅᑌᓈᕽ. 16ᐃᐢᐱ ᒫᑲ ᐁᐧᑎᑖᐟ ᐅᓯᑯᓴ, ᑭ ᐃᑌᐧᔨᐊᐧ, ᐊᐁᐧᓇ ᑭᔭ ᓂᑖᓂᐢ? ᐁᑯᓯ ᑭ ᐃᐧᐦᑕᒪᐁᐧᐤ ᑲᐦᑭᔭᐤ ᐊᓂᐦᐃ ᓈᐯᐊᐧ ᑳ ᑭ ᐃᑐᑖᑯᐟ. 17ᑭ ᐃᑌᐧᐤ ᒫᑲ, ᐅᐦᐃ ᓂᑯᑖᐧᓯᐠ ᑕᐦᑐ ᑳᐧᐸᐃᑲᐣ ᐃᐢᑫᐧᓯᓯᑳᓇ ᓂ ᑭ ᒥᔨᐠ; ᒋᑫᒫ ᑭ ᐃᑌᐧᐤ, ᓇᒪᐃᐧᔭ ᐱᓯᓯᐠ ᑭᑕ ᓈᑕᐟ ᑭᓯᑯᐢ. 18ᑭ ᐃᑎᐠ ᒫᑲ, ᑭᔮᒥᐊᔮ ᓂᑖᓂᐢ, ᐃᐢᑯ ᑭᑕ ᑭᐢᑫᔨᑕᒪᐣ ᑫ ᐃᐢᐸᔨᑫᐧ; ᒋᑫᒫ ᐊᓇ ᓈᐯᐤ ᓇᒪᐃᐧᔭ ᑭᑕ ᐳᔪ ᐸᑎᒫ ᑭ ᑭᓯᑖᒋ ᐁᐊᐧᑫᐧᔨᐤ ᐊᓄᐦᐨ ᑳ ᑭᓯᑳᐠ.
Currently Selected:
ᕒᐅᐦᐟ 3: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.