ᕒᐅᐦᐟ 4
4
1ᐳᐋᐢ ᒫᑲ ᑭ ᐃᑐᐦᑌᐤ ᑭᐦᒋᐃᐢᑳᐧᑌᒥᕽ, ᒥᓇ ᐁᑯᑕ ᑭ ᓇᐦᐊᐱᐤ; ᐁᑯᓯ ᐳᑎ, ᐊᓂᐦᐃ ᑭᓯᐋᐧᐠ ᐋᐧᑯᒫᑲᓇ ᐳᐋᐢ ᑳ ᑭ ᒥᐢᑯᒫᐟ ᑭ ᐱᒧᑎᔨᐊᐧ; ᐁᑯᓯ ᐁᐊᐧᑯᓂ ᑭ ᐃᑌᐤ, ᐦᐋᐩ, ᑭᔭ! ᐯ ᐸᐢᑫ, ᐅᑕ ᐯ ᐊᐱ. ᐁᑯᓯ ᒫᑲ ᑭ ᐯ ᐸᐢᑫᔨᐊᐧ ᒥᓇ ᑭ ᐯ ᓇᐦᐊᐱᔨᐊᐧ. 2ᐁᑲᐧ ᒫᑲ ᑭ ᐅᑎᓀᐤ ᒥᑖᑕᐦᐟ ᓈᐯᐊᐧ ᑳ ᓂᑳᓀᔨᑖᑯᓯᔨᐟ ᐅᑌᓈᕽ, ᒥᓇ ᑭ ᐃᑌᐤ, ᐅᑕ ᓇᐦᐊᐱᐠ, ᑭ ᓇᐦᐊᐱᔨᐊᐧ ᒫᑲ. 3ᐁᑲᐧ ᑭ ᐃᑌᐤ ᐊᓂᐦᐃ ᑭᓯᐋᐧᐠ ᐋᐧᑯᒫᑲᓇ, ᓀᐅᒪᐩ, ᑳ ᑭ ᐯ ᑭᐁᐧᐟ ᒧᐋᑊ ᐊᐢᑭᕽ ᐅᐦᒋ, ᐊᑖᐋᐧᑫᐤ ᐊᓂᒪ ᐊᐢᑭ ᑳ ᑭ ᑎᐱᔭᐁᐧᐃᐧᓯᔨᐟ ᑭᒋᐋᐧᒥᓇᐊᐧ ᐃᓬᐃᒥᓬᐃᑲ; 4ᐁᑯᓯ ᓂ ᑭ ᐃᑌᔨᑌᐣ ᑭᑕ ᑭᐢᑫᔨᑕᒧᐃᑖᐣ, ᐁ ᐃᑌᐧᔮᐣ, ᐊᑖᐁᐧ ᐁ ᐋᐧᐸᐦᑕᐦᑭᐠ ᐊᓂᑭ ᐅᑕ ᑳ ᐊᐱᒋᐠ, ᒥᓇ ᐁ ᐋᐧᐸᐦᑕᐦᑭᐠ ᑳ ᓂᑳᓀᔨᑖᑯᓯᒋᐠ ᓂᐟ ᐊᔨᓯᔨᓂᒪᐠ. ᑭᐢᐱᐣ ᐃᐧ ᐊᑖᐁᐧᔭᓂ ᐊᑖᐁᐧ; ᒫᑲ ᑭᐢᐱᐣ ᐁᑳ ᐃᐧ ᐊᑖᐁᐧᔭᓂ ᐃᐧᐦᑕᒪᐃᐧᐣ ᑭᑕ ᑭᐢᑫᔨᑕᒫᐣ; ᒋᑫᒫ ᓇᒪᐃᐧᔭ ᐊᐃᐧᔭᐠ ᐃᐦᑖᐤ ᑭᑕ ᐊᑖᐁᐧᐟ ᐱᑯ ᑭᔭ; ᐁᑯᓯ ᓂᔭ ᑭᐟ ᐊᐢᑳᐧᑎᐣ. ᑭ ᐃᑎᐠ ᒫᑲ, ᓂ ᑲ ᐊᑖᐋᐧᐣ. 5ᐁᑲᐧ ᒫᑲ ᐳᐋᐢ ᑭ ᐃᑌᐧᐤ, ᐊᓂᒪ ᐁ ᑭᓯᑳᐠ ᐊᑖᐁᐧᔭᓂ ᐊᓂᒪ ᑭᐢᑎᑳᐣ ᐅᒋᐦᒋᕽ ᐅᐦᒋ ᓀᐅᒪᐩ, ᐱᑯ ᑭᑕ ᐊᑖᐁᐧᔭᐣ ᒥᓇ ᐅᒋᐦᒋᕽ ᐅᐦᒋ ᕒᐅᐦᐟ ᐊᓇ ᒧᐊᐸᐃᐟ ᐃᐢᑫᐧᐤ, ᐃᐧᐊᐧ ᑳ ᑭ ᐳᓂ ᐱᒫᑎᓯᐟ ᑭᑕ ᓂᐦᑖᐃᐧᑭᑕᒫᒪᐟ ᑳ ᑭ ᐳᓂ ᐱᒫᑎᓯᔨᐟ ᐅ ᐃᐧᔪᐃᐧᓂᔨᐤ ᐅ ᑎᐯᔨᒋᑲᓂᔨᕽ.
6ᐁᑲᐧ ᐊᓇ ᑭᓯᐋᐧᐠ ᐋᐧᑯᒫᑲᐣ ᑭ ᐃᑌᐧᐤ, ᓇᒪᐃᐧᔭ ᐁᓵᓂ ᓂ ᑲ ᑭ ᐊᑖᐁᐧᐢᑕᒫᓱᐣ, ᐊᔨᐢ ᓂ ᑳᐦ ᐊᐧᓈᑖᐣ ᓂᔭ ᓂ ᑎᐯᔨᒋᑲᐣ; ᑭᔮᒼ ᑭᔭ ᐅᑎᓇ ᐊᓂᒪ ᓂᔭ ᑳ ᐃᑕᑭᒥᑲᐃᐧᔮᐣ ᑭᑕ ᐃᓯ ᐊᑖᐁᐧᔮᐣ; ᒋᑫᒫ ᓇᒪᐃᐧᔭ ᓂ ᑲ ᑭ ᐊᑖᐋᐧᐣ. 7#ᑎᔪᑕᕒᐊᓇᒥ 25:9ᐁᑯᓯ ᒫᑲ ᐅᒪ ᑭ ᐃᓯᒋᑳᓂᐊᐧᐣ ᒫᓇ ᑲᔮᐢ ᐃᐢᕒᐁᐃᓬᐃᕽ ᐁ ᐊᑖᑐᕽ ᒥᓇ ᐁ ᒥᐢᑯᑐᓇᒫᑐᕽ, ᑭᑕ ᐋᔮᑕᐢᑖᕽ ᑲᐦᑭᔭᐤ ᑫᑲᐧᐩ; ᐊᔨᓯᔨᓂᐤ ᑭ ᑭᑕᐢᑭᓯᓀᐤ ᐁᑯᓯ ᑭ ᒥᔦᐤ ᐃᐧᒋᐊᔨᓯᔨᓂᐊᐧ; ᐁᑯᓯ ᒫᓇ ᑳ ᑭ ᐃᓯ ᑫᐦᒋᓈᑕᐢᒋᑫᕽ ᐃᐢᕒᐁᐃᓬᐃᕽ. 8ᐁᑯᓯ ᒫᑲ ᐊᓇ ᑭᓯᐋᐧᐠ ᐋᐧᑯᒫᑲᐣ ᑭ ᐃᑌᐤ ᐳᐋᓴ, ᐊᑖᐁᐧᐢᑕᒫᓱ ᑭᔮᒼ. ᑭ ᒪᓂᐱᑕᒼ ᒫᑲ ᐅ ᒪᐢᑭᓯᐣ.
9ᐳᐋᐢ ᒫᑲ ᑭ ᐃᑌᐤ ᐊᓂᐦᐃ ᑳ ᓂᑳᓀᔨᑖᑯᓯᔨᐟ ᒥᓇ ᑲᐦᑭᔭᐤ ᐊᔨᓯᔨᓂᐊᐧ, ᑭ ᐋᐧᐸᐦᑌᓈᐋᐧᐤ ᐊᓄᐦᐨ ᑳ ᑭᓯᑳᐠ, ᐁ ᑭ ᐊᑖᐁᐧᔮᐣ ᑲᐦᑭᔭᐤ ᑳ ᑭ ᐊᔮᐟ ᐃᓬᐃᒥᓬᐃᐠ, ᒦᓇ ᑲᐦᑭᔭᐤ ᑳ ᑭ ᐊᔮᐟ ᑭᓬᐃᔭᐣ, ᒥᓇ ᑳ ᑭ ᐊᔮᐟ ᒫᓬᐊᐣ, ᐅᒋᐦᒋᕽ ᐅᐦᒋ ᓀᐅᒪᐩ. 10#ᑎᔪᑕᕒᐊᓇᒥ 25:5,6ᐁᑯᓯ ᒥᓇ ᕒᐅᐦᐟ ᐊᓇ ᒧᐊᐸᐃᐟ ᐃᐢᑫᐧᐤ ᓂ ᑭ ᐊᑖᐋᐧᐣ ᑭᑕ ᐃᐧᐃᐧᔮᐣ, ᑭᑕ ᓂᐦᑖᐃᐧᑭᑕᒪᐊᐧᐠ ᑳ ᑭ ᐳᓂ ᐱᒫᑎᓯᐟ ᐅ ᐃᐧᔪᐃᐧᐣ ᐅ ᑎᐯᔨᒋᑲᓂᕽ, ᐁᑳ ᐅ ᐃᐧᔪᐃᐧᐣ ᐊᓇ ᑳ ᑭ ᐳᓂ ᐱᒫᑎᓯᐟ ᑭᑕ ᑭᐢᑭᐁᐧᐸᐃᑳᑌᔨᐠ ᒣᑳᐧ ᐅᒋᐋᐧᒪ ᐅᐦᒋ, ᒥᓇ ᑭᐦᒋᐃᐢᑳᐧᑌᒥᕽ ᐅᐟ ᐃᐦᑖᐃᐧᓂᕽ ᐅᐦᒋ; ᑭ ᐋᐧᐸᐦᑌᓈᐋᐧᐤ ᐊᓄᐦᐨ ᑳ ᑭᓯᑳᐠ. 11#ᒉᓂᓯᐢ 29:31ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᐦᒋᐃᐢᑳᐧᑌᒥᕽ ᑳ ᐊᔮᒋᐠ, ᒥᓇ ᑳ ᓂᑳᓀᔨᑖᑯᓯᒋᐠ ᑭ ᐃᑌᐧᐊᐧᐠ, ᓂ ᐋᐧᐸᐦᑌᓈᐣ. ᑳ ᑎᐯᔨᐦᒋᑫᐟ ᑭᑕ ᐃᐧ ᐃᓯᐦᐁᐤ ᐊᓂᐦᐃ ᐃᐢᑫᐧᐊᐧ ᑳ ᐱᐦᑐᑫᔨᐟ ᑭᑭᕽ ᑖᐱᐢᑯᐨ ᕒᐁᒋᓬ ᒥᓇ ᑖᐱᐢᑯᐨ ᓬᐃᐋ, ᐁᐊᐧᑯᓂᐠ ᐁ ᐃᓯ ᓂᓯᒋᐠ ᑳ ᑭ ᐅᓯᑖᒋᐠ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ; ᐁᑯᓯ ᑭ ᑲ ᐃᐧ ᑭᐦᒋᐃᓯᒋᑳᐣ ᐁᐸᕒᐋᑕᐃᕽ, ᒥᓇ ᑭ ᑲ ᐃᐧ ᐋᒋᒥᑯᐃᐧᓯᐣ ᐯᐟᓬᐃᐊᒥᕽ. 12#ᒉᓂᓯᐢ 38:27-30ᒥᓇ ᑭᔮᒼ ᑭ ᐋᐧᐢᑳᐦᐃᑲᐣ ᑭᑕ ᐃᐧ ᐃᓯ ᐊᔮᐤ ᑖᐱᐢᑯᐨ ᐅ ᐋᐧᐢᑳᐦᐃᑲᐣ ᐱᕒᐁᐢ, ᐊᓂᐦᐃ ᑌᒫᕒ ᑳ ᑭ ᓂᐦᑖᐃᐧᑭᑕᒪᐋᐧᐟ ᒍᑕᐊᐧ, ᐊᓂᐦᐃ ᓂᐦᑖᐃᐧᑭᐦᐋᑲᓇ ᑳ ᑎᐯᔨᐦᒋᑫᐟ ᑫ ᒥᔨᐢᐠ ᐅᐦᐃ ᐅᐢᑭᓂᑭᐢᑫᐧᐊᐧ ᐅᐦᒋ.
13ᐳᐋᐢ ᒫᑲ ᑭ ᐅᑎᓀᐤ ᕒᐅᐦᑕ, ᐁᑯᓯ ᑭ ᐃᐧᑭᒥᐠ; ᐃᐢᐱ ᒫᑲ ᐁ ᐱᑕᑲᐋᐧᐟ ᑳ ᑎᐯᔨᐦᒋᑫᐟ ᑭ ᒥᔨᐠ ᓂᐦᑖᐃᐧᑭᐃᐁᐧᐃᐧᐣ, ᐁᑯᓯ ᑭ ᐊᔮᐁᐧᐤ ᐁ ᐅᑯᓯᓯᐟ. 14ᐊᓇ ᒫᑲ ᐃᐢᑫᐧᐤ ᑭ ᐃᑌᐤ ᓀᐅᒪᔭ, ᑭᑕ ᐃᐧ ᓇᓈᐢᑯᒫᐤ ᑳ ᑎᐯᔨᐦᒋᑫᐟ, ᐁᑳ ᑳ ᑭ ᓇᑲᑎᐢᐠ ᐊᓄᐦᐨ ᑳ ᑭᓴᑳᐠ ᑭᑕ ᑭᐧᑕᒫᔭᐣ ᑭᓯᐋᐧᐠ ᑭᑕ ᐋᐧᑯᒥᐢᐠ, ᒥᓇ ᑭᔮᒼ ᐅ ᐃᐧᔪᐃᐧᐣ ᑭᑕ ᐋᑐᑖᑲᐧᓂᔨᐤ ᐃᐢᕒᐁᐃᓬᐃᕽ. 15ᐁᑯᓯ ᑭ ᑲ ᐃᐧ ᒥᓄᑖᐧᐠ ᑭ ᐱᒫᑎᓯᐃᐧᐣ, ᒥᓇ ᑭ ᑲ ᐃᐧ ᓯᑐᓂᐠ ᐁ ᑭᓭᔮᑎᓯᔭᐣ; ᒋᑫᒫ ᑭᐢᑎᐣ ᑭ ᓂᐦᑖᐃᐧᑭᐦᐁᐤ, ᐊᓇ ᐊᔨᐋᐧᐠ ᑳ ᒥᔪᑐᑖᐢᐠ ᐃᔨᑯᕽ ᐅᑯᓯᓯᒫᐊᐧᐠ. 16ᓀᐅᒪᐩ ᒫᑲ ᑭ ᐅᑌᓀᐤ ᐊᓂᐦᐃ ᐊᐋᐧᓯᓴ, ᒥᓇ ᑭ ᐊᑯᓇᒫᓱ ᒥᓇ ᑭ ᑲᓄᓇᐊᐧᓱ. 17ᐁᑯᓯ ᐃᐢᑫᐧᐊᐧ ᑳ ᐅ ᐃᐧᒋᔨᓂᐟ ᑭ ᐃᐧᔦᔨᐊᐧ, ᐁ ᐃᑌᐧᔨᐟ, ᓂᐦᑖᐃᐧᑭᔨᐊᐧ ᑭᑕ ᐅᑯᓯᓯᐟ ᓀᐅᒪᐩ; ᐅᐱᐟ ᒫᑲ ᑭ ᐃᓯᔨᐦᑳᑌᐊᐧᐠ; ᐁᐊᐧᑯᓂ ᐅᑖᐃᐧᔭ ᒉᓯ, ᐅᑖᐃᐧᔭ ᑌᐱᐟ.
18ᐁᐊᐧᑯᓂ ᒫᑲ ᐅᐦᐃ ᐅᐟ ᐋᔮᓂᐢᑫ ᓂᐦᑖᐃᐧᑭᐦᐋᑲᓇ ᐱᕒᐁᐢ; ᐱᕒᐁᐢ ᑭ ᓂᐦᑖᐃᐧᑭᐦᐁᐤ ᐦᐁᓴᕒᐊᐣ; 19ᒥᓇ ᐦᐁᓴᕒᐊᐣ ᑭ ᓂᐦᑖᐃᐧᑭᐦᐁᐤ ᕒᐋᒼ, ᒥᓇ ᕒᐋᒼ ᑭ ᓂᐦᑖᐃᐧᑭᐦᐁᐤ ᐊᒥᓇᑖᑊ; 20ᒥᓇ ᐊᒥᓇᑖᑊ ᑭ ᓂᐦᑖᐃᐧᑭᐦᐁᐤ ᓈᓴᐣ, ᒥᓇ ᓈᓵᐣ ᑭ ᓂᐦᑖᐃᐧᑭᐦᐁᐤ ᓵᓬᒪᐣ; 21ᒥᓇ ᓵᓬᒪᐣ ᑭ ᓂᐦᑖᐃᐧᑭᐦᐁᐤ ᐳᐋᐢ, ᒥᓇ ᐳᐋᐢ ᑭ ᓂᐦᑖᐃᐧᑭᐦᐁᐤ ᐅᐱᐟ; 22ᒥᓇ ᐅᐱᐟ ᑭ ᓂᐦᑖᐃᐧᑭᐦᐁᐤ ᒉᓯ, ᒥᓇ ᒉᓯ ᑭ ᓂᐦᑖᐃᐧᑭᐦᐁᐤ ᑌᐱᐟ.
Currently Selected:
ᕒᐅᐦᐟ 4: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.