ᓇᒼᐸᕒᐢ 7
7
1ᑭ ᐊᔨᑭᐣ ᒫᑲ ᐊᓂᒪ ᐁ ᑭᓯᑳᐠ ᒧᓯᐢ ᑳ ᑭ ᑭᓯ ᐅᔭᐢᑭᑖᐟ ᐊᓂᒪ ᒥᑭᐋᐧᑊ, ᒥᓇ ᐁ ᑭ ᑐᒥᓇᕽ ᒥᓇ ᐁ ᑭ ᑲᓈᒋᐦᑖᐠ, ᐊᓯᒋ ᑲᐦᑭᔭᐤ ᐁ ᐃᓯ ᐅᐦᑎᓇᒪᐋᐧᒋᑳᑌᐠ, ᒥᓇ ᐸᑭᑎᓈᓱᐃᐧᓈᐱᐢᐠ ᐊᓯᒋ ᑲᐦᑭᔭᐤ ᐊᓯᐊᐧᒋᑲᓇ, ᒥᓇ ᐁ ᑭ ᑐᒥᓇᕽ ᒥᓇ ᐁ ᑭ ᑲᓈᒋᐦᑖᐟ. 2ᐊᓂᑭ ᐁᐧᑭᒫᑲᑕᑭᐠ ᐃᐢᕒᐁᐃᓬ, ᑳ ᓂᑳᓀᔨᑖᑯᓯᒋᐠ ᐅᑖᐃᐧᐋᐧᐊᐧ ᐃᐧᑭᔨᕽ, ᑭ ᐸᑭᑎᓈᓱᐊᐧᐠ; ᐁᐊᐧᑯᓂᐠ ᐅᑭ ᑳ ᐅᑭᒫᑲᑕᑭᐠ ᐱᐢᑭᑐᑌᐃᐧᓯᐃᐧᓇ, ᐁᐊᐧᑯᓂᐠ ᐅᑭ ᑳ ᑎᐯᔨᒫᒋᐠ ᐊᓂᐦᐃ ᑳ ᑭ ᐊᑭᒥᒥᐦᐟ. 3ᑭ ᐯᑖᐊᐧᐠ ᒫᑲ ᐅ ᐸᑭᑎᓂᑫᐃᐧᓂᐋᐧᐊᐧ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᓂᑯᑖᐧᓯᐠ ᐁ ᐊᑲᐧᓇᐃᑳᓱᒋᐠ ᑎᑎᐱᑖᐸᓈᐢᑲᐧᐠ, ᒥᓇ ᒥᑖᑕᐦᐟ ᓂᓱᓵᑊ ᔮᐯᒧᐢᑐᓴᐧ; ᐯᔭᐠ ᑎᑎᐱᑖᐸᓈᐢᐠ ᐁ ᓂᓯᒋᐠ ᐊᓂᑭ ᐅᑭᒫᐊᐧᐠ ᐁᑯᓯ ᐸᐯᔭᐠ ᔮᐯᒧᐢᑐᓴᐧᐠ; ᑭ ᐸᑭᑎᓀᐊᐧᐠ ᒫᑲ ᐅᐦᑎᐢᑲᐤ ᒥᑭᐋᐧᐱᕽ. 4ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁ ᐃᑌᐧᐟ, 5ᐅᑎᓂᒼ ᑭᔮᒼ ᑭᑕ ᐋᐸᑎᓯᔨᐟ ᒫᐊᐧᒋᐦᐃᑐᐃᐧ ᒥᑭᐊᐧᐱᕽ ᐁᑯᓯ ᑭ ᑲ ᒥᔮᐊᐧᐠ ᓬᐃᐸᐃᑕᐠ, ᑳ ᐃᑕᓯᐟ ᐊᔨᓯᔨᓂᐤ ᑫ ᐃᓯ ᐊᑐᐢᑫᐟ. 6ᒧᓯᐢ ᒫᑲ ᑭ ᐅᑎᓀᐤ ᐊᓂᐦᐃ ᑎᑎᐱᑖᐹᓈᐢᑲᐧ ᒥᓇ ᒧᐢᑐᓴᐧ ᐁᑯᓯ ᐁ ᑭ ᒥᔮᐟ ᓬᐃᐸᐃᑕ. 7ᓂᓱ ᑎᑎᐱᑖᐸᓈᐢᑲᐧ ᒥᓇ ᓀᐤ ᒧᐢᑐᓴᐧ ᑭ ᒥᔦᐤ ᐅᑯᓯᓴ ᑲᕒᓴᐣ, ᐊᓂᒪ ᐁ ᐃᑕᑐᐢᑫᔨᐟ; 8ᐁᑯᓯ ᓀᐤ ᑎᑎᐱᑖᐸᓈᐢᑲᐧ ᒥᓇ ᐊᔨᓈᓀᐤ ᒧᐢᑐᓴᐧ ᑭ ᒥᔦᐤ ᐅᑯᓯᓯᔨᐊᐧ ᒣᕒᐊᕒᐊᐩ, ᐁ ᐃᑕᑐᐢᑫᔨᐟ, ᐁ ᑭᑌᔨᑕᒫᑯᒋᐠ ᐃᐦᑌᒫᕒ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ. 9ᒫᑲ ᐅᑯᓯᓴ ᑳᐦᐋᐦᐟ ᓇᒪᐃᐧᔭ ᑭ ᒥᔦᐤ; ᒋᑫᒫ ᐁ ᐸᒥᑖᒋᐠ ᑲᓈᒋᑲᒥᑯᕽ ᑳ ᐊᔮᔨᑭ ᐃᐧᔭᐋᐧᐤ ᑭ ᐃᑕᑐᐢᑫᐊᐧᐠ; ᑭ ᐱᒥᐃᐧᑖᐊᐧᐠ ᒫᑲ ᐅᑎᐦᑎᒪᓂᐋᐧᕽ. 10ᐊᓂᑭ ᒫᑲ ᐅᑭᒫᐊᐧᐠ ᑭ ᐸᑭᑎᓈᓱᐊᐧᐠ ᐁ ᑭᐢᑕᑭᑌᐠ ᐸᑭᑎᓈᓱᐃᐧᓈᐱᐢᐠ ᐅᐦᒋ ᐊᓂᒪ ᐁ ᑭᓯᑳᐠ ᑳ ᑭ ᑐᒥᓂᑳᑌᐠ, ᐊᓂᑭ ᐅᑭᒫᐊᐧᐠ ᐅᑎ ᑭ ᐸᑭᑎᓇᒪᐧᐠ ᐅ ᐸᑭᑎᓂᑫᐃᐧᓂᐋᐧᐤ ᐅᐦᑎᐢᑲᐤ ᐸᑭᑎᓈᓱᐃᐧᓈᐱᐢᑯᕽ. 11ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᑭᑕ ᐸᑭᑎᓇᒪᐧᐠ ᐅ ᐸᑭᑎᓂᑫᐃᐧᓂᐋᐧᐤ, ᐸᐯᔭᐠ ᐁ ᐊᑎ ᐅ ᑭᓯᑳᒥᒋᐠ, ᐁ ᑭᐢᑕᑭᑌᐠ ᐸᑭᑎᓈᓱᐃᐧᓈᐱᐢᐠ ᐅᐦᒋ.
12ᐊᓇ ᒫᑲ ᑳ ᑭ ᐸᑭᑎᓇᕽ ᐅ ᐸᑭᑎᓂᑫᐃᐧᐣ ᓂᐢᑕᒼ ᐁ ᑭᓯᑳᐠ ᐁᐊᐧᑯ ᓀᓴᐣ ᐅᑯᓯᓴ ᐊᒥᓇᑖᑊ, ᐅ ᐱᐢᑭᑐᑌᐃᐧᓯᐃᐧᐣ ᒍᑕ ᐅᐦᒋ. 13ᐁᐊᐧᑯ ᒫᑲ ᐅ ᐸᑭᑎᓂᑫᐃᐧᐣ, ᐯᔭᐠ ᐋᐧᐱᐢᑭ ᓱᓂᔮᐃᐧᔮᑲᐣ, ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᑕᐦᑐ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᒋᑳᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᓵᑲᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ. 14ᐯᔭᐠ ᐅᓵᐃᐧᓱᓂᔮᐤ ᐁᒥᑳᐧᐣ ᒥᑖᑕᐦᐟ ᓭᑭᓬᐊ, ᐁ ᒧᐢᑭᓀᐟ ᐃᐧᑭᒫᓯᑲᐣ; 15ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᐣ, 16ᐯᔭᐠ ᔮᐯᐋᐧᐸᑎᕽ, ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 17ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᐧᔨᐤ ᐅᒪ ᐅ ᐸᑭᑎᓂᑫᐃᐧᐣ ᓀᓴᐣ ᐅᑯᓯᓴ ᐊᒥᓇᑖᑊ.
18ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᓂᓱ, ᓀᐦᑕᓀᓬ ᐅᑯᓯᓴ ᓱᐋᕒ, ᐅᑭᒫᒥᐋᐧᐊᐧ ᐃᓵᑲᕒ, ᑭ ᐸᑭᑎᓂᑫᐤ, 19ᐁᐊᐧᑯ ᒫᑲ ᑭ ᐸᑭᑎᓇᒼ ᐅ ᐸᑭᑎᓂᑫᐃᐧᐣ, ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᒋᑳᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 20ᐯᔭᐠ ᐅᓵᐃᐧᓱᓂᔮᐤ ᐁᒥᑳᐧᐣ ᒥᑖᑕᐦᐟ ᓭᑭᓬᐊ, ᐁ ᒧᐢᑭᓀᐟ ᐃᐧᑭᒫᓯᑲᐣ; 21ᐯᔭᐠ ᐅᐢᑭ ᔭᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 22ᐯᔭᐠ ᔮᐯᐋᐧᐸᑎᕽ, ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 23ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ, ᐁᐊᐧᑫᐧᔨᐤ ᐅᒪ ᐅ ᐸᑭᑎᓂᑫᐃᐧᐣ ᓀᐦᑕᓀᓬ ᐅᑯᓯᓴ ᓱᐋᕒ.
24ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᓂᐢᑐ, ᐃᓬᐃᔮᑊ ᐅᑯᓯᓴ ᐦᐃᓬᐊᐣ, ᓭᑊᔪᓬᐊᐣ ᐅᐟ ᐊᐋᐧᓯᒥᓴ ᐅᐟ ᐅᑭᒫᒥᐋᐧᐊᐧ; 25ᐁᐊᐧᑯ ᐅ ᐸᑭᑎᓂᑫᐃᐧᐣ, ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ, ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᒋᑳᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 26ᐯᔭᐠ ᐅᓴᐃᐧᓱᓂᔮᐁᐧᒥᑳᐧᐣ ᒥᑖᑕᐦᐟ ᓭᑭᓬᐊ, ᐁ ᒧᐢᑭᓀᐟ ᐃᐧᑭᒫᓯᑲᐣ; 27ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒪᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 28ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 29ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᐧᔨᐤ ᐅᒪ ᐅ ᐸᑭᑎᓂᑫᐃᐧᐣ ᐃᓬᐃᔮᑊ ᐅᑯᓯᓴ ᐦᐃᓬᐊᐣ.
30ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᓀᐤ, ᐃᓬᐊᐃᓴᕒ ᐅᑯᓯᓴ ᓯᑎᔭᕒ, ᕒᐅᐱᐣ ᐅᐟ ᐊᐋᐧᓯᒥᓴ ᐅᐟ ᐅᑭᒫᒥᐋᐧᐊᐧ; 31ᐁᐊᐧᑯ ᐅ ᐸᑭᑎᓂᑫᐃᐧᐣ, ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ, ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 32ᐯᔭᐠ ᐅᓴᐃᐧᓱᓂᔮᐁᐧᒥᑳᐧᐣ ᒥᑖᑕᐦᐟ ᓭᑭᓬᐊ ᐁ ᒧᐢᑭᓀᐟ ᐃᐧᑭᒫᓯᑲᐣ; 33ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᓈᐣ; 34ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 35ᐁᑯᓯ ᒫᑲ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᐧᔨᐤ ᐅᒪ ᐅ ᐸᑭᑎᓂᑫᐃᐧᐣ ᐃᓬᐊᐃᓴᕒ ᐅᑯᓯᓴ ᓯᑎᔭᕒ.
36ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᓂᔮᓇᐣ, ᓭᓬᔪᒫᔨᓬ ᐅᑯᓯᓴ ᓱᕒᐃᓵᑕᐩ, ᓯᒥᔭᐣ ᐅᐟ ᐊᐋᐧᓯᒥᓴ ᐅᐟ ᐅᑭᒫᒥᐋᐧᐊᐧ; 37ᐁᐊᐧᑯ ᒫᑲ ᐅ ᐸᑭᑎᓂᑫᐃᐧᐣ ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ, ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 38ᐯᔭᐠ ᐅᓵᐃᐧᓱᓂᔮᐁᐧᒥᑳᐧᐣ ᒥᑖᑕᐦᐟ ᓭᑭᓬᐊ, ᐁ ᒧᐢᑭᓀᐟ ᐃᐧᑭᒫᓯᑲᐣ; 39ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 40ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 41ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓇᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᐧᔨᐤ ᐅᒪ ᐅ ᐸᑭᑎᓂᑫᐃᐧᐣ ᓭᓬᔪᒫᔨᓬ ᐅᑯᓯᓴ ᓱᕒᐃᓵᑕᐩ.
42ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᓂᑯᑖᐧᓯᐠ, ᐃᓬᐋᔭᓵᑊ ᐅᑯᓯᓴ ᑐᐃᓬ ᐅᐟ ᐊᐋᐧᓯᒥᓴ ᑳᐟ ᐅᐟ ᐅᑭᒫᒥᐋᐧᐊᐧ; 43ᐁᐊᐧᑯ ᒫᑲ ᐅ ᐸᑭᑎᓂᑫᐃᐧᐣ ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 44ᐯᔭᐠ ᐅᓴᐃᐧᓱᓂᔮᐁᐧᒥᑳᐧᐣ ᒥᑖᑕᐦᐟ ᓭᑭᓬᐊ, ᐁ ᒧᐢᑭᓀᐟ ᐃᐧᑭᒫᓯᑲᐣ; 45ᐯᔮᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 46ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 47ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔭᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᐧᔨᐤ ᐅ ᐸᑭᑎᓂᑫᐃᐧᐣ ᐃᓬᐋᔭᓵᑊ ᐅᑯᓯᓴ ᑐᐃᓬ.
48ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᑌᐸᑯᑊ, ᐃᓬᐊᐃᓴᒪ ᐅᑯᓯᓴ ᐊᒪᐃᐦᐊᐟ, ᐃᐸᕒᐁᐃᒼ ᐅᐟ ᐊᐋᐧᓯᒥᓴ ᐅᐟ ᐅᑭᒫᒥᐋᐧᐊᐧ; 49ᐁᐊᐧᑯ ᒫᑲ ᐅ ᐸᑭᑎᓂᑫᐃᐧᐣ ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᑕᐦᑐ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑲᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 50ᐯᔭᐠ ᐅᓵᐃᐧᓱᓂᔮᐁᐧᒥᑳᐧᐣ ᒥᑖᑕᐦᐟ ᓭᑭᓬᐊ ᐁ ᒧᐢᑭᓀᐟ ᐃᐧᑭᒫᓯᑲᐣ; 51ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 52ᐯᔭᐠ ᔮᐯᐋᐧᐸᑎᕽ, ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, 53ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧᓂ ᐸᑭᑎᓈᓱᐃᐧᓇ ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᐧᔨᐤ ᐅᒪ ᐅ ᐸᑭᑎᓂᑫᐃᐧᐣ ᐃᓬᐊᐃᓴᒪ ᐅᑯᓯᓴ ᐊᒪᐃᐦᐊᐟ.
54ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᐊᔨᓈᓀᐤ, ᑲᒣᓬᐃᔭᓬ ᐅᑯᓯᓴ ᑭᑖᓴᕒ, ᒪᓈᓯ ᐅᐟ ᐊᐋᐧᓯᒥᓴ ᐅᐟ ᐅᑭᒫᒥᔨᐊᐧ; 55ᐁᐊᐧᑯ ᒫᑲ ᐅ ᐸᑭᑎᓂᑫᐃᐧᐣ ᐯᔭᐠ ᐋᐧᐱᐢᑭᓱᓂᔭᐃᐧᔮᑲᐣ ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔭᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ. 56ᐯᔭᐠ ᐅᓴᐃᐧᓱᓂᔮᐁᐧᒥᑳᐧᐣ, ᐁ ᒧᐢᑭᓀᐟ ᐃᐧᑭᒫᓯᑲᐣ; 57ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 58ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 59ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᐧᔨᐤ ᐅ ᐸᑭᑎᓂᑫᐃᐧᐣ ᑲᒣᓬᐃᔭᓬ ᐅᑯᓯᓴ ᐱᑖᓴᕒ.
60ᑭᐦᑖᐧᒼ ᐁ ᑭᓯᑳᐠ, ᐁᐊᐧᑯ ᑫᑳᐟ ᒥᑖᑕᐦᐟ, ᐊᐸᐩᑖᐣ ᐅᑯᓯᓴ ᑭᑎᔭᓇᐩ, ᐯᐣᒋᒪᐣ ᐅᐟ ᐊᐋᐧᓯᒥᓴ ᐅᐟ ᐅᑭᒫᒥᐋᐧᐊᐧ; 61ᐁᐊᐧᑯ ᒫᑲ ᐅ ᐸᑭᑎᓂᑫᐃᐧᐣ, ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 62ᐯᔭᐠ ᐅᓵᐃᐧᓱᓂᔮᐁᐧᒥᑳᐧᐣ ᒥᑖᑕᐦᐟ ᓭᑭᓬᐊ, ᐁ ᒧᐢᑭᓀᐟ ᐃᐧᑭᒫᓯᑲᐣ; 63ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 64ᐯᔭᐠ ᔮᐯᐋᐧᐸᑎᕽ, ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 65ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐋᐧᑫᐧᔨᐤ ᐅ ᐸᑭᑎᓂᑫᐃᐧᐣ ᐊᐸᐩᑖᐣ ᐅᑯᓯᓴ ᑭᑎᔭᓇᐩ.
66ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᒥᑖᑕᐦᐟ, ᐋᐦᐋᔨᓴᕒ ᐅᑯᓯᓴ ᐊᒥᓵᑕᐩ, ᐅᐟ ᐊᐋᐧᓯᒥᓴ ᑖᐣ ᐅᐟ ᐅᑭᒫᒥᐋᐧᐊᐧ; 67ᐁᐊᐧᑯ ᐅ ᐸᑭᑎᓂᑫᐃᐧᐣ, ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ, ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 68ᐯᔭᐠ ᐅᓵᐃᐧᓱᓂᔮᐁᐧᒥᑳᐧᐣ ᒥᑖᑕᐦᐟ ᓭᑭᓬᐊ, ᐁ ᒧᐢᑭᓀᐟ ᐃᐧᑭᒫᓯᑲᐣ; 69ᐯᔭᐠ ᐅᐢᑭ ᔭᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 70ᐯᔭᐠ ᔮᐯᐋᐧᐸᑎᕽ, ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 71ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔭᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓵᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᐧᔨᐤ ᐅ ᐸᑭᑎᓂᑫᐃᐧᐣ ᐋᐦᐋᔨᓴᕒ ᐅᑯᓯᓴ ᐋᒥᓵᑕᐩ.
72ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᒥᑖᑕᐦᐟ ᐯᔭᑯᓵᑊ, ᐹᑳᔨᓬ ᐅᑯᓯᓴ ᐋᑲᕒᐊᐣ, ᐅᐟ ᐊᐋᐧᓯᒥᓴ ᐋᓴᕒ ᐅᐟ ᐅᑭᒫᒥᐋᐧᐊᐧ; 73ᐁᐊᐧᑯ ᐅ ᐸᑭᑎᓂᑫᐃᐧᐣ, ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ, ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ. ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 74ᐯᔭᐠ ᐅᓵᐃᐧᓱᓂᔮᐁᐧᒥᑳᐧᐣ ᒥᑖᑕᐦᐟ ᓭᑭᓬᐊ, ᐁ ᒧᐢᑭᓀᐟ ᐃᐧᑭᒫᓯᑲᐣ; 75ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 76ᐯᔭᐠ ᔮᐯᐋᐧᐸᑎᕽ, ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 77ᐁᑯᓯ ᑭᑕ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᔨᐤ ᐅ ᐸᑭᑎᓂᑫᐃᐧᐣ ᐹᑳᔨᓬ ᐅᑯᓯᓴ ᐋᑲᕒᐊᐣ.
78ᑭᐦᑖᐧᒼ ᐁ ᑭᓯᑳᐠ, ᐁᑲᐧ ᒥᑖᑕᐦᐟ ᓂᓱᓵᑊ; ᐊᐦᐊᐃᕒᐊ ᐅᑯᓯᓴ ᐃᓈᐣ, ᓈᑊᑕᓬᐊᐩ ᐅᐟ ᐊᐋᐧᓯᒥᓴ ᐅᐟ ᐅᑭᒫᒥᐋᐧᐊᐧ; 79ᐁᐊᐧᑯ ᐅ ᐸᑭᑎᓂᑫᐃᐧᐣ, ᐯᔭᐠ ᐋᐧᐱᐢᑭᓱᓂᔮᐃᐧᔮᑲᒼ ᐁ ᐃᐢᐱᑎᓂᑲᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᓭᑭᓬᐊ; ᐯᔭᐠ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ ᓭᑭᓬᐊ, ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ; ᑖᐱᐢᑯᐨ ᐁ ᒧᐢᑭᓀᑭ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; 80ᐯᔭᐠ ᐅᓵᐃᐧᓱᓂᔮᐁᐧᒥᑳᐧᐣ ᒥᑖᑕᐦᐟ ᓭᑭᓬᐊ ᐁ ᒧᐢᑭᓀᐟ ᐃᐧᑭᒫᓯᑲᐣ; 81ᐯᔭᐠ ᐅᐢᑭ ᔮᐯᒧᐢᑐᐢ, ᐯᔭᐠ ᔮᐯᒫᔭᑎᕽ, ᐯᔭᐠ ᔮᐯᒫᔭᑎᑯᓯᐢ ᐁ ᐊᑎ ᐯᔭᑯᐱᐳᓀᐧᐟ, ᐁᐊᐧᑯ ᒪᒍᐢᑌᐦᐊᒫᑫᐃᐧᐣ; 82ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; 83ᐁᑯᓯ ᑭᑕ ᐸᑭᑎᓂᑳᑌᓂᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᓂᓱ ᔮᐯᒧᐢᑐᓴᐧᐠ, ᓂᔮᓇᐣ ᔮᐯᒫᔭᑎᑲᐧᐠ, ᓂᔮᓇᐣ ᔮᐯᐋᐧᐸᑎᑲᐧᐠ, ᓂᔮᓇᐣ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ; ᐁᐊᐧᑫᐧᔨᐤ ᐅ ᐸᑭᑎᓂᑫᐃᐧᐣ ᐊᐦᐊᐃᕒᐊ ᐅᑯᓯᓴ ᐃᓈᐣ.
84ᐁᑯᓯ ᐅᒪ ᑳ ᐃᓯ ᑭᐢᑕᑭᑕᑭᐠ ᐸᑭᑎᓈᓱᐃᐧᓈᐱᐢᐠ, ᐊᓂᒪ ᐁ ᑭᓯᑳᐠ ᑳ ᑭ ᑐᒥᓂᑳᑌᐠ ᐊᓂᑭ ᐁᐧᑭᒫᑲᑕᑭᐠ ᐃᐢᕒᐁᐃᓬ; ᒥᑖᑕᐦᐟ ᓂᓱᓵᑊ ᐋᐧᐱᐢᑭᓱᓂᔮᐃᐧᔮᑲᓇ, ᒥᑖᑕᐦᐟ ᓂᓱᓵᑊ ᐋᐧᐱᐢᑭᓱᓂᔮᐃᐧ ᒥᓂᑳᐧᑲᓇ, ᒥᑖᑕᐦᐟ ᓂᓱᓵᑊ ᐅᓵᐃᐧᓱᓂᔮᐁᐧᒥᑳᐧᓇᐠ; 85ᐯᔭᐠ ᐋᐧᐱᐢᑭᓱᓂᔮᐃᐧᔮᑲᐣ ᐁ ᐃᐢᐱᑎᓂᑲᐧᕽ ᒥᑖᐦᑐᒥᑕᓇᐤ ᐊᔨᐋᐧᐠ ᓂᐢᑐᒥᑕᓇᐤ ᓭᑭᓬᐊ, ᒥᓇ ᐯᔭᐠ ᒥᓂᑳᐧᑲᐣ ᑌᐸᑯᐦᐳᒥᑕᓇᐤ; ᑲᐦᑭᔭᐤ ᐋᐧᐱᐢᑭᓱᓂᔮᐤ ᐊᓂᐦᐃ ᐊᓯᐊᐧᒋᑲᓇ ᓂᓵᐧᐤ ᑭᐦᒋᒥᑖᐦᑐᒥᑕᓇᐤ ᒥᓇ ᓀᐋᐧᐤ ᒥᑖᐦᑐᒥᑕᓇᐤ ᓭᑭᓬᐊ, ᐁ ᐃᑕᑭᑌᐠ ᓭᑭᓬ ᑲᓈᒋᑲᒥᑯᕽ; 86ᒥᑖᑕᐦᐟ ᓂᓱᓵᑊ ᐅᓵᐃᐧᓱᓂᔮᐁᐧᒥᑳᐧᓇᐠ, ᐁ ᒧᐢᑭᓀᒋᐠ ᐃᐧᑭᒫᓯᑲᐣ, ᒫᒥᑖᑕᐦᐟ ᓭᑭᓬᐊ ᐁ ᐃᐢᐱᑎᓂᑯᑎᒋᐠ, ᐁ ᐃᑕᑭᒋᑳᑌᐠ ᓭᑭᓬ ᑲᓈᒋᑲᒥᑯᕽ ᑲᐦᑭᔭᐤ ᐅᓵᐃᐧᓱᓂᔮᐤ ᐊᓂᑭ ᐁᒥᑳᐧᓇᐠ, ᒥᑖᐦᑐᒥᑕᓇᐤ ᒥᓇ ᓂᓯᑕᓇᐤ ᓭᑭᓬᐊ; 87ᑲᐦᑭᔭᐤ ᒧᐢᑐᓴᐧᐠ ᒪᒍᐢᑌᐦᐊᒫᑫᐃᐧᐣ ᐅᐦᒋ, ᒥᑖᑕᐦᐟ ᓂᓱᓵᑊ ᔮᐯᒧᐢᑐᓴᐧᐠ, ᔮᐯᒫᔭᑎᑲᐧᐠ ᒥᑖᑕᐦᐟ ᓂᓱᓵᑊ, ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ ᒥᑖᑕᐦᐟ ᓂᓱᓵᑊ, ᒥᓇ ᐅ ᐸᐦᑫᐧᓯᑲᓂ ᐸᑭᑎᓈᓱᐃᐧᓂᐋᐧᐤ; ᐁᑯᓯ ᔮᐯᐋᐧᐸᑎᑲᐧᐠ ᑭᑕ ᒪᒋᑐᑕᒧᐃᐧᓂ ᐸᑭᑎᓈᓱᕽ ᒥᑖᑕᐦᐟ ᓂᓱᓵᑊ; 88ᐁᑯᓯ ᑲᐦᑭᔭᐤ ᒧᐢᑐᓴᐧᐠ ᑭᑕ ᐸᑭᑎᓂᑫᕽ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᓂᓯᑕᓇᐤ ᓀᐤ ᐊᔨᐋᐧᐠ ᔮᐯᒧᐢᑐᓴᐧᐠ, ᔮᐯᒫᔭᑎᑲᐧᐠ ᓂᑯᑖᐧᓱᒥᑕᓇᐤ, ᔮᐯᐋᐧᐸᑎᑲᐧᐠ ᓂᑯᑖᐧᓱᒥᑕᓇᐤ, ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ ᓂᑯᑖᐧᓱᒥᑕᓇᐤ. ᐁᐊᐧᑯᒪ ᐁ ᑭᐢᑕᑭᑌᐠ ᐸᑭᑎᓈᓱᐃᐧᓈᐱᐢᐠ, ᐃᐢᐱ ᐁ ᑭ ᑐᒥᓂᑳᑌᐠ.
89ᐃᐢᐱ ᒫᑲ ᒧᓯᐢ ᐱᔨᑐᑫᐟ ᑭᑕ ᐃᐧᒋᐊᔭᒥᒫᐟ ᐁᑲᐧ ᑭ ᐯᑕᒼ ᐯᐦᑖᑯᓯᐃᐧᐣ ᐊᐃᐧᔭ ᐁ ᐊᔭᒥᐃᑯᐟ ᐃᐢᐱᒥᕽ ᑭᓭᐋᐧᑎᓯᐃᐧᓂ ᐊᐱᐃᐧᓂᕽ ᑳ ᑕᐦᑯᑕᐢᑌᐠ ᑭᐢᑫᔨᑕᒧᐦᐃᐁᐧᐃᐧᓂᐊᐧᑎᕽ, ᑕᐢᑕᐋᐧᔨᕽ ᐊᓂᑭ ᓂᓱ ᒉᕒᐊᐱᒼ; ᐁᑯᓯ ᐁ ᑭ ᐊᔭᒥᐃᑯᐟ.
Currently Selected:
ᓇᒼᐸᕒᐢ 7: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
