ᓇᒼᐸᕒᐢ 8
8
1 #
ᐁᐠᓴᑕᐢ 25:31-40; 37:17-24 ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 2ᐊᔭᒥᐦ ᐁᕒᐊᐣ ᒥᓇ ᐅᒥᓯ ᑭ ᑲ ᐃᑖᐤ, ᓭᐢᑲᐊᒪᓂ ᐋᐧᐢᑌᓇᒫᑲᓇ, ᐊᓂᐦᐃ ᑌᐸᑯᑊ ᐋᐧᐢᑌᓇᒫᑲᓇ ᑭᑕ ᐋᐧᐢᑌᐊᐧ ᑎᐱᐢᑯᐨ ᐋᐧᓴᐢᑯᑌᓂᑲᓈᑎᑯᕽ. 3ᐁᕒᐊᐣ ᒫᑲ ᐁᑯᓯ ᑭ ᐃᑐᑕᒼ; ᑭ ᓴᐢᑲᐊᒼ ᐊᓂᐦᐃ ᐋᐧᐢᑌᓇᒫᑲᓇ ᑭᑕ ᐅᐦᒋ ᐋᐧᓴᐢᑯᑌᐠ ᑎᐱᐢᑯᐨ ᐋᐧᓴᐢᑯᑌᓂᑲᓈᑎᑯᕽ, ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ. 4ᐁᑯᓯ ᒫᑲ ᐅᒪ ᑳ ᑭ ᐃᓯᒋᑳᑌᐠ ᐊᓂᒪ ᐋᐧᓴᐢᑯᑌᓂᑲᓈᑎᐠ, ᐁ ᐅᔭᐅᐦᐟ ᐅᓵᐃᐧᓱᓂᔮᐤ; ᐁ ᐊᐢᐸᐢᑌᐠ ᐃᐢᑯ ᒥᓇ ᐋᐧᐱᑯᓂᑳᓇ ᐃᐢᑯ, ᐅᔭᑕᐃᑫᐃᐧᐣ; ᐊᓂᒪ ᑭᑕ ᐃᓯᓈᑲᐧᕽ ᑳ ᑎᐯᔨᐦᒋᑫᐟ ᑳ ᑭ ᐋᐧᐸᐦᑕᐋᐟ ᒧᓯᓴ, ᐁᑯᓯ ᑭ ᐃᓯᑖᐤ ᐊᓂᒪ ᐋᐧᓴᐢᑯᑌᓂᑲᓈᑎᐠ.
5ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 6ᐅᑎᓂᐠ ᓬᐃᐸᐃᑕᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ ᒥᓇ ᐯᐦᑭᐃᐠ. 7ᐁᑯᓯ ᒫᑲ ᐅᒪ ᑫ ᑐᑕᐊᐧᒋᐠ ᑭᑕ ᐯᑭᐊᒋᐠ; ᐊᐧᓭᐧᐯᑲᐊᑕᐃᐧᐠ ᑎᐸᐦᐃᑫᐢᑕᒫᓱᐃᐧᓂᐱ, ᒥᓇ ᑳᐢᑭᐹᓱᐣ ᑭᑕ ᐋᐸᒋᐦᑖᐊᐧᐠ ᒥᓯᐁᐧ ᐃᐧᔭᐃᐧᐋᐧᕽ, ᒥᓇ ᑭᑕ ᑭᓯᐯᑭᓇᒪᐧᐠ ᐅ ᑭᑭᐢᑳᒋᑲᓂᐋᐧᐊᐧ, ᐁᑯᓯ ᑭᑕ ᐯᑭᐃᓱᐊᐧᐠ. 8ᐁᑲᐧ ᑭᑕ ᐅᑎᓀᐊᐧᐠ ᐅᐢᑭ ᔮᐯᒧᐢᑐᓴᐧ, ᒥᓇ ᐅ ᐸᐦᑫᐧᓯᑲᓂ ᐸᑭᑎᓈᓱᐃᐧᓂᔨᐤ, ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᐊᓯᑎᓂᑳᑌᐠ, ᐁᑯᓯ ᑯᑕᐠ ᐅᐢᑭ ᔮᐯᒧᐢᑐᐢ ᑭ ᑲ ᐅᑎᓈᐤ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ. 9ᑭ ᑲ ᐯᓯᐋᐧᐊᐧᐠ ᒫᑲ ᓬᐃᐸᐃᑕᐠ ᐅᐦᑎᐢᑲᐤ ᐊᓂᒪ ᒫᐊᐧᒋᐦᐃᑐᐃᐧ ᒥᑭᐋᐧᑊ; ᐁᑯᓯ ᑭ ᑲ ᒫᒪᐃᐧ ᓇᑐᒫᐊᐧᐠ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; 10ᑭ ᑲ ᐯᓯᐋᐧᐊᐧᐠ ᒫᑲ ᓬᐃᐸᐃᑕᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ; ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᓵᒥᓀᐊᐧᐠ ᓬᐃᐸᐃᑕ; 11ᐁᕒᐊᐣ ᒫᑲ ᐊᓂᐦᐃ ᓬᐃᐸᐃᑕ ᑭᑕ ᐸᑭᑎᓂᑫᐢᑕᒪᐁᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᑖᐱᐢᑯᐨ ᐁᐧᐋᐧᒋ ᐸᑭᑎᓈᓱᐃᐧᐣ, ᑭᑕ ᐃᑐᑕᒫᐧᒋᐠ ᐅᐟ ᐊᑐᐢᑫᐃᐧᓂᔨᐤ ᑳ ᑎᐯᔨᐦᒋᑫᔨᐟ. 12ᐁᑯᓯ ᓬᐃᐸᐃᑕᐠ ᑭᑕ ᐊᐢᑖᐊᐧᐠ ᐅᒋᐦᒋᐋᐧᐊᐧ ᐅᐢᑎᑳᐧᓂᔨᕽ ᐊᓂᐦᐃ ᒧᐢᑐᓴᐧ; ᐁᑯᓯ ᐯᔭᐠ ᑭ ᑲ ᐸᑭᑎᓈᐤ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᐁᑯᓯ ᐊᓇ ᑯᑕᐠ ᒪᒍᐢᑌᐦᐊᒫᑫᐃᐧᐣ ᑳ ᑎᐯᔨᐦᒋᑫᐟ ᑭᑕ ᐸᑭᑎᓇᒪᐊᐧᐟ, ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐊᐧᒋᐠ ᓬᐃᐸᐃᑕᐠ. 13ᑭ ᑲ ᐯᓯᐋᐧᐊᐧᐠ ᒫᑲ ᓬᐃᐸᐃᑕᐠ ᐅᐦᑎᐢᑲᐤ ᐁᕒᐊᐣ ᒥᓇ ᐅᐦᑎᐢᑲᐤ ᐅᑯᓯᓴ, ᐁᑯᓯ ᑭ ᑲ ᐸᑭᑎᓈᐊᐧᐠ ᑖᐱᐢᑯᐨ ᐁᐧᐋᐧᒋ ᐸᑭᑎᓈᓱᐃᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ. 14ᐁᑯᓯ ᐅᒪ ᑫ ᐃᓯ ᐸᐦᑳᓂᐊᒋᐠ ᓬᐃᐸᐃᑕᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ; ᐁᑯᓯ ᓬᐃᐸᐃᑕᐠ ᓂᔭ ᓂ ᑲ ᐊᔮᐋᐧᐊᐧᐠ. 15ᒣᐧᐢᑕᐢ ᐃᔨᑯᕽ ᒫᑲ ᓬᐃᐸᐃᑕᐠ ᑭᑕ ᐱᐦᑐᑫᐊᐧᐠ ᑭᑕ ᐃᑐᑕᐦᑭᐠ ᐊᑐᐢᑫᐃᐧᐣ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ; ᐁᑯᓯ ᑭ ᑲ ᐯᑭᐋᐊᐧᐠ ᒥᓇ ᑭ ᑲ ᐸᑭᑎᓈᐊᐧᐠ ᑖᐱᐢᑯᐨ ᐁᐧᐋᐧᒋ ᐸᑭᑎᓈᓱᐃᐧᐣ. 16ᒋᑫᒫ ᒥᑐᓂ ᐁᐊᐧᑯᓂᐠ ᓂ ᒥᔨᑲᐃᐧᐣ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ; ᒥᐢᑯᐨ ᑲᐦᑭᔭᐤ ᐊᓂᑭ ᑳ ᓂᐢᑕᒥ ᓂᐦᑖᐃᐧᑭᒋᐠ, ᐊᓂᐦᐃ ᐅᑎ ᐅ ᓂᐢᑕᒧᓵᓂᐋᐧᐊᐧ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᓂ ᑭ ᐅᑎᓈᐊᐧᐠ ᑭᑕ ᐊᔮᐊᐧᑭᐠ. 17#ᐁᐠᓴᑕᐢ 13:2ᒋᑫᒫ ᑲᐦᑭᔭᐤ ᓂᐢᑕᒧᓵᓇ ᑳ ᐊᔮᐋᐧᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓂᔭ ᓂᐟ ᐊᔮᓇᐠ, ᐊᔨᓯᔨᓂᐤ ᒥᓇ ᐱᓯᐢᑭᐤ; ᐊᓂᒪ ᐁ ᑭᓯᑳᐠ ᑳ ᑭ ᓂᐸᐊᑭᐠ ᑲᐦᑭᔭᐤ ᓂᐢᑕᒧᓵᓇᐠ ᐃᒋᑊᐟ ᐊᐢᑭᕽ ᓂ ᑭ ᑲᓈᒋᑕᒫᓱᐣ. 18ᐁᑯᓯ ᓂ ᑭ ᐅᑎᓈᐊᐧᐠ ᓬᐃᐸᐃᑕᐠ ᑭᑕ ᒥᐢᑯᑎᐢᑲᒪᐋᐧᒋᐠ ᑲᐦᑭᔭᐤ ᐅ ᓂᐢᑕᒧᓵᓂᔨᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 19ᓂ ᑭ ᒣᑭᐣ ᒫᑲ ᐊᓂᑭ ᓬᐃᐸᐃᑕᐠ ᐁ ᒥᔭᐠ ᐁᕒᐊᐣ ᒥᓇ ᐅᑯᓯᓴ ᒣᑳᐧᐨ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ, ᑭᑕ ᐃᑐᑕᒫᐧᒋᐠ ᐅᐟ ᐊᑐᐢᑫᐃᐧᓂᔨᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓯᔨᐊᐧ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᒥᓇ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐋᐧᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᐁᑳ ᐋᔨᒫᐢᐱᓀᐃᐧᐣ ᑭᑕ ᐊᔮᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐱᔦ ᐃᑐᐦᑌᑖᐧᐃᐧ ᑭᓯᐋᐧᐠ ᑲᓈᒋᑲᒥᑯᕽ.
20ᐁᑯᓯ ᐅᒪ ᒧᓯᐢ ᒥᓇ ᐁᕒᐊᐣ ᒥᓇ ᑲᐦᑭᔭᐤ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐃᑐᑕᐁᐧᐊᐧᐠ ᓬᐃᐸᐃᑕ; ᑖᐱᐢᑯᐨ ᑲᐦᑭᔭᐤ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ ᐊᓂᐦᐃ ᓬᐃᐸᐃᑕ ᐅᐦᒋ, ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᑐᑕᐁᐧᐊᐧᐠ. 21ᐊᓂᑭ ᒫᑲ ᓬᐃᐸᐃᑕᐠ ᑭ ᐯᑭᐃᓱᐊᐧᐠ ᒪᒋᑐᑕᒧᐃᐧᐣ ᐅᐦᒋ, ᒥᓇ ᑭ ᑭᓯᐯᑭᓇᒪᐧᐠ ᐅ ᑭᑭᐢᑳᒋᑲᓂᐋᐧᐊᐧ; ᐁᑯᓯ ᐁᕒᐊᐣ ᑭ ᐸᑭᑎᓀᐤ ᑖᐱᐢᑯᐨ ᐁᐧᐋᐧᒋ ᐸᑭᑎᓈᓱᐃᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ; ᒥᓇ ᐁᕒᐊᐣ ᑭ ᐅᓯᐦᑕᒪᐁᐧᐤ ᐯᔭᑯᐃᑐᐃᐧᐣ ᑭᑕ ᐯᑭᐋᐟ. 22ᒣᐧᐢᑕᐢ ᐃᔨᑯᕽ ᒫᑲ ᑭ ᐱᐦᑐᑫᐊᐧᐠ ᓬᐃᐸᐃᑕᐠ ᑭᑕ ᐃᑐᑕᐦᑭᐠ ᐅᐟ ᐊᑐᐢᑫᐃᐧᓂᐋᐧᐤ ᒫᐊᐧᒋᐦᐃᑐᐃᐧ ᒥᑭᐊᐧᐱᕽ ᐁ ᑭᑖᐸᒥᑯᒋᐠ ᐁᕒᐊᓇ ᒥᓇ ᐁ ᑭᑖᐸᒥᑯᒋᐠ ᐅᑯᓯᓯᔨᐊᐧ; ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ ᐊᓂᐦᐃ ᓬᐃᐸᐃᑕ ᐅᐦᒋ, ᐁᑯᓯ ᑭ ᐃᑐᑕᐁᐧᐊᐧᐠ.
23ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁ ᐃᑌᐧᐟ, 24ᐁᐊᐧᑯᒪ ᐁᓯ ᐸᑭᑎᓇᒫᐦᒋᐠ ᓬᐃᐸᐃᑕᐠ; ᓂᓯᑕᓇᐤ ᓂᔮᓇᓄᓵᑊ ᐁ ᐃᑕᐦᑐᐱᐳᓀᐧᒋᐠ ᒥᓇ ᐊᔨᐋᐧᐠ, ᑭᑕ ᐱᐦᑐᑫᐊᐧᐠ ᑭᑕ ᐋᑲᒪ ᐸᒥᑖᒋᐠ ᐊᑐᐢᑫᐃᐧᐣ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ; 25ᐁᑯᓯ ᓂᔮᓇᓄᒥᑕᓇᐤ ᐁ ᐃᑕᑐᐱᐳᓀᐧᒋᐠ ᐅᐦᒋ ᑭᑕ ᐳᓂ ᐋᑲᒥᑖᐊᐧᐠ ᐊᓂᒪ ᐊᑐᐢᑫᐃᐧᐣ ᐁᑯᓯ ᓇᒪᐃᐧᔭ ᐊᐊᐧᓯᒣ ᑭᑕ ᐸᒥᑖᓱᐊᐧᐠ; 26ᒫᑲ ᑭᑕ ᐃᐧᒋᐁᐊᐧᐠ ᐅᒋᐋᐧᒥᐋᐧᐊᐧ ᒫᐋᐧᒋᐃᑐᐃᐧ ᒥᑭᐋᐧᐱᕽ, ᐁ ᑭᑌᔨᑕᐦᑭᐠ ᑳ ᐃᓯ ᐸᒥᓇᒧᐃᐦᒋᐠ ᒫᑲ ᓇᒪᐃᐧᔭ ᑭᑕ ᐃᑐᑕᒪᐧᐠ ᐊᑐᐢᑫᐃᐧᐣ. ᐁᑯᓯ ᐅᒪ ᑫ ᐃᑐᑕᐊᐧᒋᐠ ᓬᐃᐸᐃᑕᐠ ᐅ ᐸᒥᓇᒧᐃᑯᐃᐧᓂᐋᐧᐤ ᐅᐦᒋ.
Currently Selected:
ᓇᒼᐸᕒᐢ 8: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
