ᓇᒼᐸᕒᐢ 35
35
1 #
ᒑᐢᔪᐊ 21:1-42
ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐊᓂᑕ ᒧᐋᑊ ᒪᐢᑯᑌᕽ ᒋᑭ ᒑᕒᑕᓂᕽ ᑭᓯᐋᐧᐠ ᒉᕒᐃᑯ, ᐁ ᐃᑌᐧᐟ, 2ᐃᑕᓱᐋᐧᓯᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᒥᔮᒋᐠ ᐊᓂᐦᐃ ᓬᐃᐸᐃᑕ ᐅᑌᓇᐊᐧ ᐃᑕ ᑭᑕ ᐊᔮᔨᐟ ᐊᓂᒪ ᐅᐦᒋ ᑎᐯᔨᒋᑲᐣ ᑳ ᑎᐱᔭᐁᐧᐃᐧᓯᒋᐠ; ᐁᑯᓯ ᒥᓇ ᐋᐧᐢᑲ ᐅᐟ ᐅᑌᓇᐃᐧᐋᐧᕽ ᑭ ᑲ ᒥᔮᐋᐧᐊᐧᐠ ᓬᐃᐸᐃᑕᐠ. 3ᐁᑯᓯ ᐅᑌᓇᐊᐧ ᑭᑕ ᐊᔮᐊᐧᐠ ᐃᑕ ᑭᑕ ᐃᐧᑭᒋᐠ ᐁᑯᓯ ᐋᐧᓴᑳᒼ ᐊᐢᑭ ᐅ ᒧᐢᑐᓱᒥᐋᐧᐊᐧ ᐅᐦᒋ, ᒥᓇ ᐅᐟ ᐊᔭᐃᐧᓂᐋᐧᐊᐧ, ᒥᓇ ᑲᐦᑭᔭᐤ ᐅ ᐱᓯᐢᑭᒥᐋᐧᐊᐧ. 4ᐁᑯᓯ ᑫ ᐃᐢᐱᒑᐠ ᐊᓂᒪ ᐊᐢᑭ ᐋᐧᐢᑳ ᐅᑌᓈᕽ ᑫ ᒥᔮᔦᑯᐠ ᓬᐃᐸᐃᑕᐠ, ᐁ ᑎᐸᐃᑳᑌᐠ ᒣᓂᐢᑭᕽ ᐅᐦᒋ ᓂᒥᑖᐤ ᐃᓯ ᑭᐦᒋᒥᑖᐦᑐᒥᑕᓇᐤ ᑯᐱᑕ ᒥᓯᐁᐧ ᐋᐧᐢᑳ. 5ᐁᑯᓯ ᑭ ᑲ ᑎᐸᐦᐊᐢᑳᑌᓈᐋᐧᐤ ᐊᐧᔭᐃᐧᑎᒪᔨᕽ ᐅᑌᓈᕽ ᓂᓵᐧᐤ ᑭᐦᒋᒥᑖᐦᑐᒥᑕᓇᐤ ᑯᐱᑕ ᐋᐧᐸᓄᑖᕽ ᐃᑌᐦᑫ, ᐁᑯᓯ ᓴᐊᐧᓄᑖᕽ ᐃᑌᐦᑫ ᓂᓵᐧᐤ ᑭᐦᒋᒥᑖᐦᑐᒥᑕᓇᐤ ᑯᐱᑕ, ᐁᑯᓯ ᓀᑳᐯᐊᓄᑖᕽ ᐃᑌᐦᑫ ᓂᓵᐧᐤ ᑭᐦᒋᒥᑖᐦᑐᒥᑕᓇᐤ ᑯᐱᑕ, ᒥᓇ ᑭᐁᐧᑎᓄᑖᕽ ᐃᑌᐦᑫ ᓂᓵᐧᐤ ᑭᐦᒋᒥᑖᐦᑐᒥᑕᓇᐤ ᑯᐱᑕ, ᐅᑌᓇᐤ ᑖᐋᐧᔨᕽ ᐁ ᐊᔮᐠ. ᐁᐊᐧᑯᒪ ᑫ ᐃᓯ ᐊᔮᒋᐠ ᐊᐢᑭ ᐊᐧᐢᑳ ᐅᐟ ᐅᑌᓇᐃᐧᐋᐧᕽ. 6ᐁᑯᓯ ᐊᓂᐦᐃ ᐅᑌᓇᐊᐧ ᑫ ᒥᔮᔦᑯᐠ ᓬᐃᐸᐃᑕᐠ, ᐁᐊᐧᑯᓂ ᐊᓂᐦᐃ ᓂᑯᑖᐧᓯᐠ ᓈᑖᒧᐢᒋᑲᓂ ᐅᑌᓇᐊᐧ, ᑫ ᒣᑭᔦᐠ ᐅᓂᐸᑖᑫᐤ ᐁᑯᑌ ᑭᑕ ᐃᑖᒧᐟ; ᐁᑯᓯ ᑕᐦᑯᐨ ᒥᓇ ᑭ ᑲ ᒥᔮᐋᐧᐊᐧᐠ ᓀᒥᑕᓇᐤ ᓂᓱ ᐊᔨᐋᐧᐠ ᐅᑌᓇᐊᐧ. 7ᑲᐦᑭᔭᐤ ᐊᓂᐦᐃ ᐅᑌᓇᐊᐧ ᑫ ᒥᔮᔦᑯᐠ ᓬᐃᐸᐃᑕᐠ ᒫᒪᐃᐧ ᓀᒥᑕᓇᐤ ᐊᔨᓈᓀᐤ ᐊᔨᐋᐧᐠ ᑭᑕ ᐃᑕᑎᓇᐧ; ᐁᐊᐧᑯᓂ ᑫ ᒥᔮᔦᑯᐠ ᓬᐃᐸᐃᑕᐠ ᑭᑭ ᐊᐢᑭ ᐋᐧᐢᑳ ᑳ ᐊᔮᐠ. 8ᐁᑯᓯ ᐃᐧᔭ ᐊᓂᐦᐃ ᐅᑌᓇᐊᐧ ᑫ ᒣᑭᔦᐠ ᐅ ᑎᐯᔨᒋᑲᓂᐊᐧᕽ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ, ᒥᐦᒉᐟ ᐁ ᐊᔮᒋᐠ ᒥᐦᒉᐟ ᑭ ᑲ ᐅᑎᓀᓈᐋᐧᐤ; ᐁᑯᓯ ᒐᑲᐋᐧᓯᐢ ᐁ ᐊᔮᒋᐠ ᒐᑲᐋᐧᓯᐢ ᑭ ᑲ ᐅᑎᓀᓈᐋᐧᐤ; ᑲᐦᑭᔭᐤ ᐊᐃᐧᔭᐠ ᐁ ᐃᐢᐱᒑᔨᐠ ᐅ ᑎᐯᔨᒋᑲᐣ ᑳ ᑎᐯᔨᐦᑕᕽ ᐁᑯᑕ ᐅᐦᒋ ᑭᑕ ᒥᔦᐤ ᐅᑌᓇᐊᐧ ᐊᓂᐦᐃ ᓬᐃᐸᐃᑕ.
9 #
ᑎᔪᑕᕒᐊᓇᒥ 19:2-4; ᒑᐢᔪᐊ 20:1-9 ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁ ᐃᑌᐧᐟ, 10ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᐅᒥᓯ ᑭ ᑲ ᐃᑖᐊᐧᐠ, ᐃᐢᐱ ᐋᓱᐊᐧᐦᐊᒣᑯ ᒑᕒᑕᐣ ᑫᓇᐣ ᐊᐢᑭᕽ, 11ᐁᑲᐧ ᑭ ᑲ ᐅᔭᑭᑌᓈᐋᐧᐤ ᐅᑌᓇᐊᐧ ᓈᑖᒧᐢᒋᑲᓂ ᐅᑌᓇᐊᐧ ᑭᑕ ᐃᑖᐸᒋᐦᑖᔦᐠ; ᐅᓂᐸᑖᑫᐤ ᐊᐃᐧᔭ ᑳ ᓂᐸᐊᐟ ᐁᑳ ᐅᐦᒋᑕᐤ ᐁ ᐃᑐᑕᕽ ᐁᑯᑌ ᑭᑕ ᐃᑖᒧᐟ. 12ᐁᑯᓯ ᐊᓂᐦᐃ ᐅᑌᓇᐊᐧ ᑭ ᑲ ᐃᑕᐢᑕᒫᑲᐃᐧᓈᐋᐧᐤ ᑭᑕ ᑭ ᑕᐸᓯᐦᐃᐦᐟ ᐅᑖᐯᐦᐅ; ᐁᑳ ᑭᑕ ᓂᐸᐃᐦᐟ ᐅᓂᐸᑖᑫᐤ, ᐹᑎᒫ ᐃᔨᑯᕽ ᑭ ᐅᑎᐢᑲᐃᐧᑳᐸᐃᐧᐢᑕᐋᐧᒋ ᑳ ᒫᒪᐁᐧᔭᑎᔨᐟ ᑭᑕ ᐅᔭᓱᐋᐧᑎᐦᐟ. 13ᐊᓂᐦᐃ ᒫᑲ ᐅᑌᓇᐊᐧ ᑫ ᒣᑭᔦᐠ ᓂᑯᑖᐧᓯᐠ ᐅᑌᓇᐊᐧ ᑭ ᑲ ᐅ ᓈᑖᒧᐢᒋᑲᓂᓈᐋᐧᐤ. 14ᑭ ᑲ ᒣᑭᓈᐋᐧᐤ ᓂᐢᑐ ᐅᑌᓇᐊᐧ ᐊᑳᒥᕽ ᒑᕒᑕᓂᕽ, ᐁᑯᓯ ᓂᐢᑐ ᐅᑌᓇᐊᐧ ᑫᓇᐣ ᐊᐢᑭᕽ; ᐁᐊᐧᑯᓂ ᓈᑖᒧᐢᒋᑲᓂ ᐅᑌᓇᐊᐧ. 15ᐊᓂᑭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᐊᓂᐦᐃ ᒫᓂᑌᐊᐧ ᒥᓇ ᐊᓂᐦᐃ ᑳ ᐃᐧᒋᐊᔮᒥᑯᒋᐠ, ᐅᐦᐃ ᓂᑯᑖᐧᓯᐠ ᐅᑌᓇᐊᐧ ᑭᑕ ᐅ ᓈᑖᒧᐢᒋᑲᓂᐊᐠ, ᑲᐦᑭᔭᐤ ᐊᐃᐧᔭᐠ ᑳ ᓂᐸᐦᐋᐟ ᐊᐃᐧᔭ ᐁᑳ ᐅᐦᒋᑕᐤ ᐁ ᐃᑐᑕᕽ ᐁᑯᑌ ᑭᑕ ᐃᑖᒧᐟ.
16ᑭᐢᐱᐣ ᒫᑲ ᐸᑲᒪᐋᐧᒋ ᐱᐋᐧᐱᐢᑯ ᐋᐸᒋᐦᒋᑲᐣ ᐅᐦᒋ, ᐁᑯᓯ ᓂᐱᔨᒋ, ᐅᓂᐸᑖᑫᐤ ᐁᐊᐧᑯ; ᐅᓂᐸᑖᑫᐤ ᑫᐦᒋᓈ ᑭᑕ ᓂᐸᐦᐋᐤ. 17ᑭᐢᐱᐣ ᒫᑲ ᑳ ᐸᑲᒪᐋᐧᑫᐧ ᐁ ᐱᒫᐧᐱᐢᑲᐋᐟ, ᐃᑕ ᑭᑕ ᑭ ᐅᐦᒋ ᓂᐱᐟ ᐊᔨᓯᔨᓂᐤ, ᐁᑯᓯ ᒫᑲ ᑖᐯᐧ ᓂᐱᔨᐊᐧ, ᐁᐊᐧᑯ ᐅᓂᐸᑖᑫᐤ; ᐊᓇ ᐅᓂᐸᑖᑫᐤ ᑫᐦᒋᓈ ᑭᑕ ᓂᐸᐦᐋᐤ. 18ᐊᐦᐳ ᑭᐢᐱᐣ ᒥᐢᑎᑯ ᐸᑲᒫᑲᐣ ᐁ ᒥᒋᒥᓇᕽ ᐁᐊᐧᑫᐧᔨᐤ ᐅᐦᒋ ᐸᑲᒪᐋᐧᒋ, ᐃᑕ ᑭᑕ ᑭ ᐅᐦᒋ ᓂᐱᐟ ᐊᔨᓯᔨᓂᐤ ᐁᑯᓯ ᒫᑲ ᓂᐱᔨᒋ, ᐁᐊᐧᑯ ᐅᓂᐸᑖᑫᐤ; ᐅᓂᐸᑖᑫᐤ ᑫᐦᒋᓈ ᑭᑕ ᓂᐸᐦᐋᐤ. 19ᐊᓇ ᑳ ᐋᐯᐅᐟ ᒥᐦᑯ ᐃᐧᔭ ᑫᐦᒋᐋᐧᐠ ᑭᑕ ᓂᐸᐁᐤ ᐅᓂᐸᑖᑫᐊᐧ; ᑭᐢᐱᐣ ᓇᑭᐢᑲᐊᐧᒋ, ᑭᑕ ᓂᐸᐁᐤ. 20ᑭᐢᐱᐣ ᒫᑲ ᑲᐧᑯᓈᒋ ᐁ ᐸᑳᐧᑖᐟ, ᐊᐦᐳ ᐱᒧᓯᓈᑖᒋ ᐁ ᐊᐢᑲᒪᐋᐧᐟ, ᐁᑯᓯ ᐁ ᓂᐱᔨᐟ; 21ᐊᐦᐳ ᐁ ᐸᑳᐧᑖᐟ ᐅᒋᐦᒋ ᐅᐦᒋ ᐸᑲᒪᐋᐧᒋ, ᐁᑯᓯ ᐁ ᓂᐱᔨᐟ; ᐊᓇ ᑳ ᐸᑲᒪᐋᐧᐟ ᑫᐦᒋᓈ ᑭᑕ ᓂᐸᐦᐋᐤ; ᐁᐊᐧᑯ ᐅᓂᐸᑖᑫᐤ; ᐊᓇ ᑳ ᐋᐯᐅᐟ ᒥᐦᑯ ᑭᑕ ᓂᐸᐁᐤ ᐅᓂᐸᑖᑫᐊᐧ ᐃᐢᐱ ᓇᑭᐢᑲᐋᐧᒋ. 22ᒫᑲ ᑭᐢᐱᐣ ᑲᐧᑯᓈᒋ ᓯᓯᑯᐨ ᐁᑳ ᐁ ᐸᑳᐧᑖᐟ, ᐊᐦᐳ ᐱᐢᑕᐋᐧᒋ ᓈᐣᑕᐤ ᑫᑲᐧᐩ ᐅᐦᒋ ᐁᑳ ᐁ ᐊᐢᑲᒪᐋᐧᐟ, 23ᐊᐦᐳ ᐊᓯᓂᔭ ᐅᐦᒋ ᐱᐢᑕᐋᐧᒋ, ᐃᑕ ᐊᔨᓯᔨᓂᐤ ᑭᑕ ᑭ ᐅᐦᒋ ᓂᐱᐟ, ᐁᑳ ᐁ ᐋᐧᐸᒫᐟ, ᐁᑯᓯ ᐁ ᐱᐢᑕᐋᐧᐟ, ᐁᓂᐱᔨᐟ ᒫᑲ, ᐁᑯᓯ ᐁᑳ ᐁ ᑭ ᐅᐦᒋ ᐸᑳᐧᑖᐟ, ᒥᓇ ᐁᑳ ᐁ ᑭ ᐅᐦᒋ ᓇᑐᓇᕽ ᓈᐣᑕᐤ ᑭᑕ ᐃᑐᑕᐋᐧᐟ; 24ᐁᑲᐧ ᑳ ᒫᒪᐁᐧᔭᑎᒋᐠ ᑫ ᐅᔭᓱᐋᐧᑖᒋᐠ ᐊᓂᐦᐃ ᑳ ᑭ ᐸᑲᒪᐦᐃᑫᔨᐟ ᒥᓇ ᐊᓇ ᑳ ᐋᐯᐅᐟ ᒥᐦᑯ ᐁ ᐃᑕᐢᑌᑭ ᐅᐦᐃ ᐅᔭᓱᐋᐧᓯᐁᐧᐃᐧᓇ. 25ᐊᓂᑭ ᒫᑲ ᑳ ᒫᒪᐁᐧᔭᑎᒋᐠ ᑭᑕ ᐸᐢᐱᐦᐁᐊᐧᐠ ᐅᓂᐸᑖᑫᐊᐧ ᐅᒋᐦᒋᔨᕽ ᐅᐦᒋ ᐊᓂᐦᐃ ᑳ ᐋᐯᐅᔨᐟ ᒥᐦᑯ, ᐁᑯᓯ ᐊᓂᑭ ᑳ ᒫᒪᐁᐧᔭᑎᒋᐠ ᑳᐃᐧ ᑭᑕ ᐸᑭᑎᓀᐊᐧᐠ ᐅᑌᓈᕽ ᑳ ᑭ ᐃᑖᒧᔨᐟ; ᐁᑯᓯ ᐁᑯᑕ ᑭᑕ ᐊᔮᐤ ᐃᐢᑯ ᑫ ᐳᓂ ᐱᒫᑎᓯᔨᐟ ᑭᐦᒋᐊᔭᒥᐦᐁᐃᐧᔨᓂᐊᐧ, ᑳ ᑭ ᑐᒥᓂᒥᐦᐟ ᑲᓈᒋ ᑐᒥᓂᑲᓂ ᐱᒥ ᐅᐦᒋ. 26ᒫᑲ ᑭᐢᐱᐣ ᐊᓇ ᐅᓂᐸᑖᑫᐤ ᓈᐣᑕᐤ ᐃᔨᑯᕽ ᐊᐧᔭᐃᐧᑎᒫᔨᕽ ᐃᑐᐦᑌᒋ ᐊᓂᒪ ᐅ ᓈᑖᒧᐢᒋᑲᓂ ᐅᑌᓇᐤ ᐃᑕ ᑳ ᑭ ᐃᑖᒧᐟ. 27ᐁᑯᓯ ᐊᓇ ᑳ ᐋᐯᐅᐟ ᒥᐦᑯ ᒥᐢᑲᐋᐧᒋ ᐊᐧᔭᐃᐧᑎᒫᔨᕽ ᓈᑖᒧᐢᒋᑲᓂ ᐅᑌᓇᐤ ᐃᑕ ᑳ ᑭ ᐃᑖᒧᐟ, ᐁᑯᓯ ᐊᓇ ᑳ ᐋᐯᐅᐟ ᒥᐦᑯ ᓂᐸᐦᐋᒋ ᐅᓂᐸᑖᑫᐊᐧ; ᓇᒪᐃᐧᔭ ᑭᑕ ᐊᑖᒣᔨᑖᑯᓯᐤ ᐅ ᒥᐦᑯᔨᐤ. 28ᒋᑫᒫ ᐅ ᑲ ᑭ ᐊᔮᐟ ᐱᐦᒋ ᓈᑖᒧᐢᒋᑲᓂ ᐅᑌᓈᕽ ᐃᑕ ᑳ ᑭ ᐃᑖᒧᐟ ᐃᐢᑯ ᑭᑕ ᐳᓂ ᐱᒫᑎᓯᔨᐟ ᑭᐦᒋᐊᔭᒥᐦᐁᐃᐧᔨᓂᐊᐧ; ᒫᑲ ᑭ ᐳᓂ ᐱᒫᑎᓯᔨᐟ ᐊᓂᐦᐃ ᑭᐦᒋᐊᔭᒥᐦᐁᐃᐧᔨᓂᐊᐧ ᐊᓇ ᐅᓂᐸᑖᑫᐤ ᑭᑕ ᑭᐁᐧᐤ ᐊᐢᑭᕽ ᐃᑕ ᑳ ᐅ ᑎᐱᔭᐁᐧᐃᐧᓯᐃᐧᓂᐟ.
29ᐁᑯᓯ ᐅᐦᐃ ᑭ ᑲ ᐅ ᑲᑫᐢᑫᐧᐃᐧᓂᓈᐋᐧᐤ ᐅᔭᓱᐋᐧᓯᐁᐧᐃᐧᓂᕽ ᐃᐢᑯ ᑫ ᐊᑎ ᐋᔮᓂᐢᑫ ᐱᒫᑎᓯᔦᐠ ᑲᐦᑭᔭᐤ ᑭᐟ ᐃᐦᑖᐃᐧᓂᐋᐧᕽ. 30#ᑎᔪᑕᕒᐊᓇᒥ 17:6; 19:15ᐊᐃᐧᔭᐠ ᓂᐸᐦᐋᒋ ᓈᐣᑕᐤ ᐊᐃᐧᔭ, ᐅᓂᐸᑖᑫᐤ ᑭᑕ ᓂᐸᐦᐋᐤ ᐁ ᐋᒋᒥᑯᐟ ᐅᑖᒋᒧᐊᐧ; ᒫᑲ ᐯᔭᐠ ᐅᑖᒋᒧ ᓇᒪᐃᐧᔭ ᑭᑕ ᑭ ᐋᒋᒣᐤ ᐊᔨᓯᔨᓂᐊᐧ ᑭᑕ ᓂᐸᐃᒥᐦᐟ. 31ᒥᓇ ᒫᑲ ᓇᒪᐃᐧᔭ ᑎᐸᐦᐃᑫᐃᐧᐣ ᑭ ᑲ ᐅᑎᓀᓈᐋᐧᐤ ᐅ ᐱᒫᑎᓯᐃᐧᐣ ᐅᐦᒋ ᐅᓂᐸᑖᑫᐤ ᑳ ᑲᐢᑭᑕᒫᓱᐟ ᓂᐱᐃᐧᐣ; ᒫᑲ ᑫᐦᒋᓈ ᑭᑕ ᓂᐸᐦᐋᐤ. 32ᒥᓇ ᓇᒪᐃᐧᔭ ᑭ ᑲ ᐅᑎᓀᓈᐋᐧᐤ ᑎᐸᐦᐃᑫᐃᐧᐣ ᐊᓇ ᐅᐦᒋ ᑳ ᐃᑖᒧᐟ ᐅ ᓈᑖᒧᐢᒋᑲᓂ ᐅᑌᓈᕽ ᒥᓇ ᑭᑕ ᐯ ᐃᑐᐦᑌᐟ ᑭᑕ ᐅᐟ ᐃᐦᑖᐃᐧᓂᐟ ᐊᐢᑭᕽ, ᐃᐢᑯ ᑭᑕ ᐳᓂ ᐱᒫᑎᓯᐟ ᐊᔭᒥᐦᐁᐃᐧᔨᓂᐤ. 33ᐁᑯᓯ ᐃᓯ ᒫᑲ ᓇᒪᐃᐧᔭ ᑭ ᑲ ᐃᐧᔨᐱᑖᓈᐋᐧᐤ ᐊᐢᑭ ᐃᑕ ᐁ ᐊᔮᔦᐠ; ᒋᑫᒫ ᒥᐦᑯ ᐃᐧᔨᐱᑖᒪᑲᐣ ᐊᐢᑭ; ᐁᑯᓯ ᓇᒪᐃᐧᔭ ᑭᑕ ᑭ ᑎᐸᐦᐃᑫᐢᑕᒪᐋᐧᒋᑳᑌᐤ ᐊᐢᑭ ᐊᓂᒪ ᐅᐦᒋ ᒥᐦᑯ ᐁᑯᑕ ᑳ ᓯᑲᐦᐃᑳᑌᐠ, ᒫᑲ ᐱᑯ ᐅ ᒥᐦᑯ ᐅᐦᒋ ᐊᓇ ᑳ ᑭ ᓯᑲᐊᕽ. 34ᐁᑯᓯ ᓇᒪᐃᐧᔭ ᑭ ᑲ ᐃᐧᔨᐱᑖᓈᐋᐧᐤ ᐊᐢᑭ ᐃᑕ ᑳ ᐅᐟ ᐃᐦᑖᐃᐧᓂᔦᐠ, ᐃᑕ ᑳ ᐊᔮᔭᐣ; ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᓂ ᐃᐧᒋᐊᔮᒫᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
Currently Selected:
ᓇᒼᐸᕒᐢ 35: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
